“The idea that you can trust Christ and not intend to obey him is an illusion…. In fact, you can no more trust Jesus and not intend to obey him than you could trust your doctor or your auto mechanic and not intend to follow their advice. If you do not intend to follow their advice, you simply do not trust them.” – Dallas Willard

Psalm 24 (2)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

25:3 – 6: Wie is die gelowige wat God in sy heiligdom mag ontmoet?

Skielik verander alles. Nou word ‘n vraag gevra oor die kwalifikasies van iemand wat in die teenwoordigheid van die Here mag kom en ‘n vraag mag vra. Vers 1 – 2 het bevestig dat die Here oppermagtig oor die wêreld is.  Die vraag oor wie in die teenwoordigheid van hierdie God mag  gaan, is ‘n ernstige vraag. Hierdie gedeelte bestaan uit ‘n vraag (vers 3), ‘n antwoord (vers 4 – 5) en ‘n verdere reaksie deur die vraagstellers (vers 6).

³Wie mag teen die berg van die Here opgaan en wie mag in sy heiligdom staan?

Die berg is ‘n verwysing na die plek van aanbidding. Maar die vraagstellers om nie net gekom om te aanbid nie, maar ook om ‘n vraag te vra.

⁴Dié mens met skoon hande en ‘n rein hart wat nie na nietigheid hunker en nie sweer by wat vals is nie

Dit gaan hier oor ‘n gesindheid teenoor God en ook teenoor ander mense. Skoon hande en nie sweer by wat vals is nie, verwys na verhoudings met ander mense. ‘n Rein hart en nie na nietigheid hunker nie, verwys na gesindhede teenoor God. Skoon hande is hande wat nie met bloed bevlek is nie. Mense wat voor die Here verskyn se verhoudings moet eerbaar wees. ‘n Verkeerde innerlike gesindheid is ook ‘n bedreiging vir ander mense. Vals ede is ‘n manier om mense van hulle inkomste en selfs hulle lewens te beroof.

⁵Sal seën ontvang van die Here en geregtigheid van die God wat red –

Hier kry ons ‘n dubbele belofte. Diegene wat nie deur bedrog  mislei is nie, sal seën ontvang van die Here. Seën verwys kenmerkend na God se betrokkenheid in die dinge van die alledaagse lewe. Redding verwys weer na God se betrokkenheid by die periodieke krisisse in ons lewens. Hierdie vers herinner ons dat die Here ons Verlosser is. Hierdie feit ondersteun die belofte van seën.

⁶Dit is die geslag wat na Hom soek, hulle wat u teenwoordigheid opsoek, dit is Jakob. Sela.

Die reaksie op die kwalifikasie sê vir ons dat mense wat God se teenwoordigheid opsoek sy seën sal ontvang. Hierdie geslag wat na Hom soek, is die nageslag van Jakob. Hulle het toegang tot God se teenwoordigheid en soek dit gereeld.

 “Does it take great and awkward effort even to acknowledge the presence of the needy person, to speak to her, or to take her hand or help her with managing her few possessions? Are we frightened of the homeless though the circumstances in which we encounter them are perfectly safe? Do we shrink from being seen near them or dealing with them? Is his smell and dirtiness alone enough to repel us? Or, if he is not in this extreme condition, does the fact that he is without work or an apartment or an automobile make us treat him as if he were ‘different’ or wholly other? Then we have not truly beheld our own lost and ruined condition, and because of this we cannot heartily love our brother and sister.” – Dallas Willard

Wat is in ‘n naam?

In baie samelewings is die keuse van name vandag arbitrêr en lukraak. Ons vernoem ons kinders na ons voorouers of na iemand wat ons bewonder het. Meestal heg ons nie veel betekenis aan name nie – “ek het van daardie een gehou!” Ons name sê nie juis vir ander mense wie ons is nie. Soms identifiseer name ‘n persoon se familie of sy plek van oorsprong: Jesus van Nasaret en Franciskus van Asissi.

In die Bybel beteken name wel iets. God se name speel ‘n sleutelrol in ons verstaan van Hom. Sy verskillende name en titels gee vir ons ‘n prentjie van God, maar nie alles van Hom nie. Dit help ons beslis om Hom beter te ken, Hom te waardeer en hoe om op Hom te reageer.

Daar is drie basiese beginsels wat ons help.

• God se name openbaar God se persoon – sy karakter. Dit onderskei Hom van alle ander persone. El en Elohim verheerlik Hom as almagtige; Jahwe verwys na die tydlose “Ek is.” So kan ons nog baie ander voorbeelde noem. Soms word God se name met sy aktiwiteite verbind – Regter, Rots, Herder, Verlosser, Vader, ens. Saam bied sy name vir ons ‘n wonderlike portret van God. Interessant is dat die Name Here, Verlosser en Heilige in die Ou Testament vir God gebruik word. In die Nuwe Testament word dit ook vir Jesus gebruik.
• God se name verteenwoordig sy teenwoordigheid. Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! (Psalm 8:2). Ons loof U, o God, ons loof U; U is by ons, u magtige dade moet bekend gemaak word (Psalm 75:2). God se name en titels verteenwoordig sy nabyheid.
• God se name is heilig. Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie (Eksodus 20:7). Godlastering vandag is algemeen. Dit is ‘n belediging van God en ‘n oortreding van die derde gebod. Ook in die Ons Vader-gebed lees ons: Laat u Naam geheilig word (Matteus 6:9). Die opdrag van die derde gebod geld steeds vir ons vandag.

Dit is duidelik dat ons baie van God kan leer deur net na sy Name te kyk. Dit is nie sommer lukraak gekies nie – dit beteken iets.

It is easy to bring a man to the river of regret, but you cannot make him drink the water of repentance. —C.H. Spurgeon

Aristoteles en verandering

Aristoteles het die verskillende maniere waarop verandering plaasvind, ondersoek. Hy sê dat die woord “oorsaak” te vaag is – ons moet meer spesifiek wees. Hy gebruik ‘n beeldhouwerk as voorbeeld. ‘n Beeldhouwerk begin as ‘n klip. Dit het geen vorm nie. Hoe word hierdie steen in ‘n pragtige beeld verander? Aristoteles noem dan verskillende oorsake:

• Die materiële oorsaak. Dit wat die beeldhouer gebruik om sy werk te skep – die klip.
• Die formele oorsaak. Dit idee wat die kunstenaar het voordat hy sy beeld skep. Hy het ‘n skets of selfs net ‘n idee in sy kop. Hy volg daardie bloudruk om sy beeld te maak.
• Die doeltreffende oorsaak. Die is die een wie se werk die verandering teweegbring. In ons geval is dit die beeldhouer.
• Die finale oorsaak. Dit mag in hierdie geval wees om die keiser se paleis of tuin te versier.
• Die instrumentele oorsaak. Dit is die instrumente wat die beeldhouer gebruik om die klip in ‘n standbeeld te verander – beitels en ‘n hamer. Die instrumente is die middele waarmee verandering teweeggebring word.

Rome het gesê dat die instrumentele oorsaak vir geregtigheid/vryspraak die sakramente is – die doop en boetedoening. Die Hervormers, daarenteen, sê dat die instrumentele oorsaak vir ons geregtigheid nie die sakramente is nie, maar geloof. Geloof is die enigste instrument wat ons aan Christus verbind deur wie ons geregtigheid ontvang.

 “Abandonment to God is the fruitful way to experience good under God. It means relinquishing ‘our way.’ It means not being angry or resentful when things do not go our way. It means that in God’s hands we are content for him to take charge of outcomes. And in that posture we make way for him to occupy our lives with us, and achieve what is best for us and for others far beyond anything we can even imagine.” – Dallas Willard

Die struktuur van die gemeente

Struktuur is nie die oorsaak van groei nie, maar die struktuur kan bepaal hoe vinnig en hoe groot jy sal groei. Daar is geen duidelike organisatoriese struktuur in die Nuwe Testament nie. God gee aan ons breë beginsels en nie eng reëls nie. Daar is geen volmaakte struktuur nie.

Ons kry twee algemene beginsels:

• God wil hê dat ons die gemeente moet organiseer rondom die doel waarvoor Hy die kerk geskep het.
• God wil hê dat ons die gemeente om die gawes wat Hy aan lidmate gegee het, moet organiseer.

Wat is die voordele om die gemeente te struktureer volgens die gawes van die lidmate?

• Dit folkus die gemeente op bediening en nie op instandhouding nie. As ons organisasie oorbeklemtoon, kan ‘n gemeente sy fokus op bediening verloor. Jy moet bediening maksimaal uitbou en instandhouding tot die minimum beperk. Rick Warren sê dat as gemeentes helfte van hulle vergaderings stop, sal die gemeente meer doeltreffend wees. As jy groot vrugte wil hê, moet jy jou bome snoei. Dieselfde geld vir bediening: as jy groot resultate wil hê, moet jy fokus.
• Dit gebruik talent beter. Bevry mense om te doen dit waaarmee hulle goed is. Hoe meer suksesvol mense is, hoe meer ongeduldig word hulle met betekenislose vergaderings. Komitees bespreek wat hulle wil hê ander mense moet doen; bedienings doen dit.
• Dit bou moraal. Hoekom? Bediening is meer vervullend as instandhouding.
• Dit laat toe vir spontane groei. As mense sien dat daar iewers ‘n tekortkoming in die gemeente is, openbaar hulle dikwels daarmee hulle gawe. Moenie dit as kritiek sien nie; besef dat hulle net hulle passie openbaar.
• Dit bevorder groei. Die struktuur sal so kreatief wees as wat jy dit toelaat om te wees. As jy mense toelaat om uit te brei, het jy ‘n kreatiewe gemeente. As jy burokrasie het, gaan die kreatiewe mense jou gemeente verlaat. Hulle gaan na ‘n plek waar hulle toegelaat sal word om te ontwikkel.
• Die verseker meer doeltreffende besluitneming. Gemeentes mors dikwels baie tyd op kleinlike dinge. In kleiner gemeentes berus die besluit dikwels op die gewildheid van die spreker. Negatiewe persone het dikwels baie mag in klein gemeentes. Die negatiefste persoon word toegelaat om ‘n idee dood te maak.

‘n Eenvoudige struktuur is meer stabiel. Hoe ingewikkelder ‘n struktuur is, hoe makliker breek dit. Hoe vereenvoudig jy die struktuur van jou gemeente?

• Verminder die aantal vergaderings.
• Verminder die aantal items waaroor jy stem.
• Laat bedienings toe om hulle eie besluite te neem.
• Laat jou begroting jou prioriteite bepaal. Hoe jy jou geld en energie spandeer, bepaal wat in die gemeente belangrik is.