The apostle does not say that Christ was sent to help us obtain righteousness, but to be our righteousness – Johannes Calvyn

 

Psalm 18 (4)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer, want dit is een van die langste psalms in die Bybel.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

 

Ons gaan nou sien hoe die Here verlos het (18:17 – 30)

 

Die psalmis beweeg nou na ‘n ander beeld. Die Here tree steeds van bo af op. Die Here se verlossing sowel as die aanbidder se trou, word beklemtoon.

 

¹⁷Uit die hoogte het Hy sy hand uitgesteek, my vasgegryp, my uit die watermassa opgetrek.

Die psalmis gaan voort met die Here se verlossingsoptrede. Die Here is nog in die hemel, maar Hy luister en tree op. Vandaar steek die Here sy hand uit en gryp en trek die psalmis uit die watermassa. In die Bybel is die watermassa ‘n bedreiging. Vir Israel se vyande beteken dit die dood – dink aan die Egiptenare by die Rietsee.

 

¹⁸Hy het my weggeruk van my kragtige vyand, weg van my haters, want hulle was sterker as ek.

¹⁹Op die dag van my teenspoed het hulle my ingewag, maar die Here was vir my ‘n streunpilaar.

Haters versterk die idee van vyande. Die Here is ‘n steunpilaar – soos ‘n staf waarop jy kan leun en wat jou nie in die steek sal laat nie.

 

²⁰Hy het my uitgelei na ‘n oopte, Hy het my bevry omdat Hy my goedgesind was.

Hier begin die psalmis die rede vir die Here se bevrydingsoptrede verduidelik. ‘n Negatiewe gebeurtenis  word dikwels as een van beperking gesien – ‘n tronk. Nou ondervind die psalmis ‘n oopte – vryheid, spasie. Hoekom doen die Here dit? Omdat Hy my goedgesind was. Hoekom was Hy goedgesind teenoor die psalmis?

 

 ²¹Die Here het aan my goed gedoen omdat ek doen wat reg is; Hy het my vergoed omdat my hande skoon is.

Die Here was goedgesind teenoor die psalmis, want hy het gedoen wat reg is. Hy maak dit nog duideliker: omdat my hande skoon is. Dit impliseer morele reinheid – hy het nie bloed op sy hande nie.

 

²²Want ek het  op die Here se paaie gebly en my nie skuldig gemaak voor my God nie.

Hier word weer na die psalmis se gehoorsaamheid verwys. Dit was sy bydrae om verlossing moontlik te maak. Die eerste deel verwys na konkrete gehoorsaamheid; die tweede deel  verwys na die beginsel van trou.

 

²³Ja, ek hou al sy wette voor oë en sy vaste voorskrifte wys ek nie af nie.

Ek het op die Here se paaie gebly, word nou verder verduidelik. Sy wette en voorskrifte verwys na sy paaie – dit is paaie wat die Here goedkeur. Om hulle te onderhou, moet ons hulle gedurig voor ons oë hou.

 

²⁴Ek was onberispelik voor Hom, want ek het my weerhou van sonde.

Hoe was hy getrou aan God? Hy was onberispelik voor God en hy het hom van sonde weerhou. Hy was ‘n persoon van integriteit – ten volle toegewyd. Om dit te kan sê, moet hy hom van sonde weerhou.

 

²⁵Die Here het my vergoed omdat ek doen wat reg is, omdat my hande skoon is in sy oë.

Hierdie herhaal vers 21 feitlik woordeliks.

 

²⁶Teenoor getroue volgelinge tree U getrou op; teenoor iemand wat onberispelik is, tree U onberispelik op!

²⁷Teenoor dié wat hulle rein hou, bewys U Uself rein; maar teenoor dié wat vals is, tree u berekenend op!

Hierdie verse maak dieselfde punt, maar op ‘n nuwe manier. Die aanbidder sê dat hy ‘n getroue volgeling is. Hy maak dit nou duidelik. Hy word deur toeyding, integriteit en reinheid gekenmerk. Die psalmis se teenstanders, daarenteen, is vals. Hulle loop nie op God se paaie nie.

 

²⁸Ja,dit is U wat ‘n magtelose volk verlos en trotse oë verneder;

Hier kry ons ‘n verwysing na ‘n volk. Die res van die psalm verwys na ‘n persoon, waarskynlik die koning. Die koning veg vir sy mense en daarom was sy verlossing hulle s’n. Sy magteloosheid was ook hulle magteloosheid. Hulle verlossing  en magteloosheid staan teenoor die vernedering van trotse oë – arrogansie.

 

²⁹dit is U wat my lig laat skyn, Here. My God verlig my donkerte.

Die Here bring lig waar daar duisternis was.  Die uitwissing van ‘n persoon se lig is ‘n beeld van die dood. God hou hulle dus aan die lewe; Hy bring hulle terug van doodsgevaar.

 

³⁰Met U hardloop ek oor ‘n verdedigingswal, met my God spring ek oor ‘n stadsmuur.

Hoe het die Here die koning se lewe gered? Deur die leier se positiewe en aggeressiewe optrede  teenoor sy vyande.

 

In die volgende blog gaan ons kyk na die omgekeerde situasie.

 

 

 

Do what the Lord bids you, where he bids you, as he bids you, as long as he bids you, and do it at once. —C.H. Spurgeon

 

Sela. Wat beteken dit?

Die Hebreeuse woord vir sela kom 71 keer in die psalms voor. Dit word ook drie maal in die psalm van Habakkuk gebruik. Dit herinner ons daaraan dat die psalms poësie is dikwels begelei deur musiekinstrumente.

 

Die psalms is kosbaar vir gelowiges. Dit leer ons hoe om te bid, hoe om ons emosies te hanteer, hoe om onsself teenoor God uit te druk. Maar wat beteken die woordjie sela?

• ‘n Pouse of musikale tussenspel of selfs harder.
• Dit beteken vir altyd … Die implikasie is dat die koor op hierdie stadium in die psalm gesing moet word.
• Punte waar die gemeente neergebuk of neergekniel het of selfs uitgestrek op die grond gelê het.

 

Ons is nie heeltemal seker oor wat die korrekte antwoord is nie, maar die algemene mening is dat dit na ‘n musikale pouse verwys. Dit herinner ons daaraan dat baie psalms oorspronklik gesing is – met musikale begeleiding.

 

 

Of summer and [the church attendance slump] my aunt always used to say, “It’s just nice to have a break sometimes.” To which my mother would respond, “Aren’t you glad God doesn’t feel the same way about you?” – Eric Vanden Eykel

 

Lyding en heiligmaking

Daar is min dinge wat Christene meer verwar as lyding.  Ons hoor dikwels die vraag: “Hoekom gebeur slegte dinge met goeie mense?” Lyding vir ‘n gelowige is nooit sonder ‘n doel nie. Die probleem is dat baie van ons nog nooit die Bybelse perspektief van lyding geleer het nie.

 

Daar is storie na storie oor lyding in die Bybel, maar selde weet ons hoekom die mense gely het. Oor hierdie onderwerp skryf Paulus:

Ons verheug ons ook in die swaarkry, want ons weet: swaarkry kweek volharding, en volharding kweek egtheid van geloof, en egtheid van geloof kweek hoop; en die hoop beskaam nie, want God het sy liefde in ons harte uitgestort deur die Heilige Gees wat Hy aan ons gegee het (Romeine 5:3 – 5).

Om ons in swaarkry te verheug, moet ons ons aandag op die kennis van wat die Gees is ons produseer deur lyding, fokus.

1. Lyding kweek volharding

Volharding in die Bybel beteken vashou aan ‘n spesifieke optrede ten spyte van probleme. Soos ons deur beproewing gaan, ontwikkel ons meer volharding om nuwe en groter uitdagings die hoof te bied.

Julle moet bly wees wanneer allerlei beproewings oor julle kom, want, soos julle weet, as julle geloof die toets weerstaan het, stel dit julle in staat om te volhard. En die volharding moet end-uit volgehou word sodat julle tot volle geestelike rypheid kan kom, sonder enige tekortkoming (Jakobus 1:2 – 4).

 

2. Volharding kweek karakter

Soos God volharding en die vermoë om swaarkry te verwerk in ons kweek, bring Hy ons karakter na vore. Karakter is die beeld van Christus wat in ons teenwoordig is wat duideliker in ons word. Midde in die lyding gee God genade aan ons om dit te verduur. Dit bring die onsuiwerhede in ons lewens na vore en verwyder dit. Petrus verwys na hierdie konsep:

Verheug julle hieroor, selfs al is dit nodig dat julle ‘n kort tydjie bedroef gemaak word deur allerhande beproewings sodat die egtheid van julle geloof  getoets kan word. Julle geloof is baie kosbaarder as goud, goud wat vergaan. Selfs die suiwerheid van goud word met vuur getoets, en die egtheid van julle geloof moet ook getoets word, sodat dit lof en heerlikheid en eer waardig mag wees by die wederkoms van Jesus Christus (1 Petrus 1:6 – 7).

 

3. Karakter kweek hoop

Karakter kweek hoop in lyding. Hoop is die vreugdevolle verwagting van wat God belowe het.

Mag God, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees! (Romeine 15:13).

 

As dissipels van Jesus moet ons moeilike tye gebruik om te word dit wat ons in Christus is. Totdat die aardse vaas gebreek is, is die skatte daarin onsigbaar. Soos ons gebrokenheid gesien word, word Jesus gesien. Soos ons swaarkry ondervind, sal elke toets van die lewende God ons verander in suiwer goud tot sy heerlikheid.

 

 

 

 

 

I’m not afraid of failure. I’m afraid of succeeding at things that don’t matter.” William Carey

Groei sterker Sorg daarenteen dat julle steeds toeneem in die genade en kennis van ons Here en Verlosser, Jesus Christus (2 Petrus 3:18). Billy Graham vertel van die ingenieus wat baie jare lede ‘n swaaibrug oor ‘n diep kloof moes oprig. Die grootste probleem was om die swaar staalkabels van die een kant van die kloof na die ander te kry. Dit was in die dae voor helikopters. Die rivier onder in die kloof was vol rotse – dit was te gevaarlik om die kabels per boot van die een kant na die ander te neem. Die oplossing: een van die ingenieurs neem ‘n vlieër en vlieg dit oor die kloof. Aan die ander kant word die vlieër doelbewus grond toe gebring. Daar was nou die dun tou van die vlieër tussen die twee kante. ‘n Swaarder tou word aan die tou van die vlieërs gebind en oor die kloof getrek. Hierdie proses word ‘n paar maal herhaal elke keer met sterker toue. Uiteindelik was dit moontlik om die staalkabels oor te trek. Geestelike groei is soos die bou van hierdie brug. Soos die skakel oor die kloof sterker geword het, wil God hê dat ons geloof sterker en sterker groei.  As julle maar geloof het so groot soos ‘n mosterdsaadjie, sal julle vir hierdie berg sê: ‘Gaan staan daar anderkant!’ en hy sal gaan.  Niks sal vir julle onmoontlik wees nie (Matteus 17:20). As jou geloof se wortels nie in die Bybel is nie, sal dit verwelk. Net ‘n sterk geloof sal jou teen versoeking en twyfel beskerm.   Wil jy hê dat jou geloof moet groei? Dan moet die Bybel jou denke versadig. Geloof kom deur die hoor van die boodskap wat ons in God se woord kry. Geloof gebeur nie sommer net nie – dit groei as dit in die vrugbare grond van God se Bybel geplant is.