Hoe word ek wys? (3)

As sondaars jou wil verlei, my seun, moenie toegee nie. Kom ons gaan lê iemand voor en vermoor hom, ons oorval sommer iemand. Al het hy ons niks gedoen nie … Moenie met hulle saamgaan nie, my seun, bly van hulle pad af (Spreuke 1:9 – 10 en 15).

Hier waarsku die ouers ‘n seun om nie ‘n gewelddadige lewe te leef nie. Meeste mense dink so ‘n waarskuwing is onnodig vir hulle gesin. In gebiede waar dwelms algemeen gebruik word, mag dit dalk nodig wees. Spreuke weet egter dat enigeen die potensiaal het om wreed te word. As iemand ‘n moord gepleeg het of ‘n bom geplant het, sê die bure dikwels: ‘Maar hy kom uit so ‘n goeie familie.”

Die Bybel aanvaar nooit dat ‘n goeie geslagsregister ‘n versekering teen die bose is nie. Dit leer ook nie dat net die armes geneig is tot geweld nie. Die rykes trap swakkes se koppe plat in die grond, en dié wat hulleself nie kan verweer nie ( Amos 2:7). Jou middel en hoër klas kinders word versoek om by ‘n maatskappy aan te sluit by ‘n firma wie se winste berus op die uitbuiting van hulle werkers of vernietiging van die omgewing of op sukses ten koste van geregtigheid en die waarheid. Moenie dink jy kan ‘n lewe van verkeerde optrede vermy omdat jy uit ‘n goeie familie kom nie.

Neem jy deel aan ‘n praktyk wat jou bevoordeel, maar iemand anders benadeel? Maar solank daar nog ‘n vandag is, moet julle mekaar elke dag aanspoor, sodat niemand van julle deur die misleiding van die sonde verhard word nie (Hebreërs 3:13).

Hoe word ek wys? (2)

Loop jy liewer die pad van die goeie mense, bly op die paaie van die regverdiges, want die opregtes sal die land bly bewoon, dié wat onberispelik leef, sal ongehinderd gelaat word, maar slegte mense sal weggevee word uit die land, bedrieërs sal uitgeroei word (Spreuke 2;20 -22).

As Spreuke van regverdiges en goddeloses praat dink ons aan sedelik en onsedelik. Die Hebreeuse woorde vir regverdig beteken meer as net dit – dit het ook ‘n sterk sosiale aspek. Bruce Waltke skryf “The righteous are willing to disadvantage themselves to advantage the community; the wicked are willing to disadvantage the community to advantage themselves.”

Die regverdige sê dat baie wat hy het aan die mense om hom behoort, want alles kom van God en Hy wil hê dat ek my buurman moet liefhê. Die goddelose sê: “Dit is my goed. Ek kan daarmee maak wat ek wil.” Om ‘n regverdige lewe te leef, beteken nie net dat jy persoonlik moreel lee nie, maar dat jy ook aan sosiale geregtigheid toegewy is. Dit wys jou na die Een wat nie gekom het om gedien te word nie, maar om te dien (Markus 10;45).

Op watter manier benadeel jy jouself, in tyd en geld, vir die beswil van die gemeenskap? Jy het jou geld verdien deur geleenthede wat almal van God af kom. Help my om te sien dat my geld, tyd en sosiale verbindings aan my gegee is vir die beswil van die gemeenskap om my. Dit is moeilik, want ons kultuur lat my dink ek is arm en skuld niemand iets nie Ag Here, moenie dat ek dit lo nie.

 Hoe word ek wys? (1)

Roep insig by, vra na gesonde begrip.  Soek dit soos jy silwer sou soek, spoor dit op soos ‘n verborge skat. Dan sal jy weet hoe om die Here te dien, sal jy ontdek wat dit is om God te ken. Dit is die Here wat die wysheid gee, uit sy mond kom die kennis en die insig (Spreuke 2:3 – 6)

In Spreuke 2 – 4 lees ons baie van hoe wysheid ontwikkel en in ons groei. Aan die begin word ons met ‘n paradoks gekonfronteer. Wysheid is iets at ons moet soek. Wysheid roep na ons: Wysheid is ‘n vrou wat langs die straat staan en roep, sy laat haar stem hoor op die stadspleine, sy roep bo die rumoer uit, by die ingange van die stadspoorte sê sy wat sy te sê het (Spreuke 1:20 – 21).Daarom moet ons roep vir insig (2;3). Ons teksvers vra vir ‘n groot poging soos om na ‘n verborge skat te soek. Maar uiteindelik is wysheid ‘n gawe van God (2;6). Hierdie idee kry ons dwarsdeur die hele Bybel.: Julle moet julle met eerbied en ontsag daarop toelê om as verloste mense te lewe, want dit is God wat julle gewillig en bekwaam maak om sy wil uit te voer (Filippense 2:12 – 13).

As die najaag van wysheid net van ons afgehang het sal ons angstig gewerk het en uitgebrand het. As God alleen los van ons gewerk het, sou ons geen inisiatief aan di dag gelê het nie. Hierdie paradoks gee aan ons genoeg insentief en genoeg versekering om lewenslank die kennis van God na te jaag.

Jaag jy wysheid na soos jy dit behoort tr doen? Is jy s geduldig soos jy behoort te wees/ God gee wysheid op sy wyse tyd.

Di Here gee aan ons die geleentheid en die begeerte om iets te doen. As ons slaag, moet ons erken dit alles kom van Hom. Maar die Here vereis ons allerbeste poging en so groei ons om meer en meer soos Jesus te wees.

Wat is dwaasheid? (9)

Met die hooghartige spotters dryf Hy die spot, maar Hy is goed vir dié wat beskeie is (Spreuke 3:34).

Die spotter grynslag gedurig. Sy talent vir snydende beledigings en skeltaal lyk nogal na intellektuele wêreldwysheid. Agter die masker van kwinkslae lê ‘n opgeblase vertroue in sy eie mening en intelligensie. Daarom word hooghartige spotters hier teenoor beskeidenheid gestel.

Spotters se invloed is veral betekenisvol by eenvoudige mense, waar hulle dikwels leiers word. In ons huidige kulturele atmosfeer is mense wat in groot aanvraag is die groot spotters en onmaskeraars.. Daar is niks erger as om op te kyk na spotters nie, want dit maak dit vir jou onmoontlik om lojaliteit en eerbied vir enigiets te ontwikkel. Hulle doen dit nie met argumente nie, maar met sugte, snydende opmerkings en wenkbroue wat opgetrek word.

Hulle finale oordeel is gepas: God dryf met hulle die spot: God weerstaan die hoogmoediges, maar aan die nederiges gee Hy genade (1 Petrus 5:5). Jesus sê: Neem my juk op julle en leer van My, want Ek is sagmoedig en nederig van hart (Matteus 11:29). Jesus is ons voorbeeld – sagmoedig en nederig.

Die wêreld sê vir ons dat die mense met baie vertroue en wat hulleself bevorder respek kry. Dit is net tydelik. Ons oes wat ons saai. Spotters word gespot Ons moet dit onthou, want ons het dit nodig.