Spreuke: Wat is dwaasheid? (1)

Dwaasheid is die teenoorgestelde van wysheid. Om te sê iemand is ‘n dwaas, is ‘n belediging. In Spreuke is ‘n dwaas iemand wat uit voeling met die werklikheid is en die lewe vir hom en almal om hom onaangenaam maak. Ons kan nie ons liggaam op enige manier hanteer sonder gevolge nie. Ons kan nie mense behandel net soos ons wil en dan verwag om vriende en ‘n sterk familie te hê nie. Ons kan nie almal selfsugtige lewens leef en verwag dat die sosiale dimensie van die samelewing in takt moet bly nie. Dwase doen al hierdie dinge en veroorsaak daarom onmin en vernietiging.

Daar is verskillende vorme van dwaasheid. Die ergste vorm van dwaasheid is om iets anders as God die middelpunt van ons lewens te maak, dit lei altyd tot teleurstelling. Jesus beskryf die dwaas wat sy huis op sand in plaas van op rots bou (Matteus 7:24 – 26). Dwase sien nie grense ingebed in die werklikheid raak nie. Hulle gaan buite hierdie grense en wonder waarop hulle sink.

As ons om ons kyk, sien ons die bitter vrugte van dwaasheid. Ons harte ontken so dikwels die werklikheid, en dit is dwaas. Ons moet bid dat ons wyslik in die werklikheid van die lewe sal loop.

In die volgende aantal blogs gaan ons in meer besonderhede kyk na wat dwaasheid is.

Spreuke: Wat is wysheid (5)

Ons gaan voort met ons kykie na Tim en Kathy Keller se boek God’s Wisdom for Navigating life.

 Ons kyk vir oulaas na wat wysheid is. Ons kan baie kennis hê en steeds ‘n dwaas wees. ‘n Sosiale wetenskaplike mag baie weet van die empiriese faktore wat tot armoede lei. Tog, as sy ‘n arm familie probeer help, mag sy hulle toestand vererger in plaas van verbeter. Daar is kennis sonder wysheid, maar jy kan nie wysheid sonder kennis hê nie. Jy moet eers kennis van ‘n onderwerp hê voor jy dit met die dissipline , onderskeidingsvermoë en oordeelkundigheid van wysheid kan toepas. Spreuke roep diegene wat wys wil wees, op om te leer.

Om wys te wees, moet ons weet hoe die menslike natuur, menslike verhoudings, lyding en die dood werk. Ons moet ook die karakter van God verstaan. Wysheid is om denke en ondervindings saam te voeg om bekwaam te word in verband met die werklikhede van die lewe. Ons moet studeer: ware wysheid vereis ‘n diep kennis van die Skrif. Selfs Jesus het sy elke beweging gebaseer op die Skrif. Hy haal die Skrif aan om sy dood te verduidelik (Psalm 27;46 en 22:1). Hoe kan ons dan wys genoeg wees sonder om ons in die Skrif te verdiep.

Watter stappe moet ek neem om my kennis van die Bybel te verdiep? Ons spandeer te min tyd om die Skrif te lees en daaroor na te dink. Ons het geen verskoning nie. Ons maak altyd tyd vir daardie dinge waaraan ons die hoogste waarde heg. Ons moet bid dat God ons sy waarheid in sy woord sal leer

Jongmense en die kerk

Jongmense verlaat die kerk in groot getalle. David Seel (The New Copernicans) sê dat jongmense vir ons die pad vorentoe na ‘’n egter/opregter geloof kan wys.

Die kerk is in ‘’n stryd om oorlewing. Nou is nie ‘’n tyd om terug te trek nie. Wat die kerk nodig het, is ‘’n strategiese betrokkenheid by die kultuur. Ons moet luister na die geestelike verlange van ons jongmense. Dit sal ons help om by hulle intuïtiewe, holistiese manier om God te ondervind, aan te sluit.

Baie ouers is bewus van die uitdagings om hulle geloof na die volgende geslag oor te dra. Baie kinders is besig om hulle van die kerk en hulle ouers se geloof los te maak. Kerkleiers besef dat die toekoms van di kerk gaan afhang van hoe suksesvol ons gaan wees om die jongmense te bereik.

Jongmense is nie alleen betekenisvol nie, maar hulle is ook betekenisvol ten opsigte van kultuur en godsdiens. Die kinders van ouers wat gereeld eredienste bywoon, is ‘’n spesiale groep. David Kinnaman beskryf hulle as nomades – hul het ‘’n mengsel van positiewe en negatiewe gevoelens .oor hulle geloof. Meeste van hulle is ontnugter deur geloof, maar het nog nie alle bande met die kek en hulle geloof verbreek nie. Tipies het hulle nooit die vryheid gehad om hulle verwarring en frustrasie hardop uit te druk nie. Instellings wat ware geloof en korrekte denke aanvaar, is nie veilige plekke om jou twyfel uit te spreek nie. Die kerk is nie ‘’n veilige plek om van verwarring te praat nie.

Baie tieners met onafhanklike denke hou hulle twyfel en verwarring terug totdat hulle universiteit toe gaan. In hierdie intellektuele, emosionele en geestelike toestande is dit nie verbasend dat 60% hulle hul geloof verlaat nie. Ons het toestande geskep waar hierdie jongmense geestelik gefrustreerd en uiteindelik haweloos is. As ons maar net wil luister en verstaan. As on maar net betrokke wil raak en hulle denkraamwerk wil verstaan; as ons sal respekteer waar hulle is in hulle verwarring en op hulle geestelike reis;  as ons net bereid sal wees om saam met hulle te loop; is ateïsme nie onvermydelik nie.

Ons moet ‘’n manier kry om verhoudings aan te knoop met diegene wat voel dat hulle vlugtelinge in die kerkbanke is. Ons moet hulle sovêr kry om verby hulle godsdienstige verdedigingsmeganismes te kom. Ons moet hulle so vêr kry om eerlik ‘’n geestelike pad te ondersoek, wat hulle na Jesus sal lei.

Wat die kerk tans doen werk nie. Jongmense verlaat steeds die kerk. Die antwoord sal kom in die ondervinding om saam op ‘’n pelgrimstog  betrokke te wees – mededeelnemers aan ‘’n geestelike ontdekkingstog waartydens ons van mekaar leer. Dit is belangrik dat ouers aan geloof as ‘’n pelgrimstog en nie as ‘’n ligskakelaar moet dink nie.

Belangrik is om jongmense uit hierdie gevoel waarin hulle vasgevang is te kry. Hulle is vasgevang, want ons respekteer nie hulle siening nie of ons dikteer eng teologiese ruimtes om in te leef. Natuurlik is daar risiko’s aan verbonde aan ‘’n oop pelgrimstog, maar dit is die enigste manier om ‘’n ware ’n egte verhouding met Jesus te vind.

Spreuke: Wat is wysheid (4)

Ons kyk vandag na nog ‘n kenmerk van Bybelse wysheid, naamlik oordeelkundigheid. Ons gebruik weer Tim en Kathy Keller se boek (God’s Wisdom for Navigating Life). Dit beteken om strategies te beplan en te leef. Om wys te wees, is om probleme te antisipeer sonder om vas te val in die gevaar van ‘n oormatige vertroue of die verlamming van oorversigtigheid. Onderskeidingsvermoë is ‘n vorm van insig in harte; oordeelkundigheid is om te weet watter soort gedrag tot watter resultate sal lei. [‘n Verstandige mens sien onheil kom en vermy dit; onervare mense loop oop oë daarin en boet daarvoor (22:3)]

WyshEid in ‘n seker sin is om suksesvol te wees. Ons moet egter nie wêreldse gekunsteldheid met Bybelse wysheid verwar nie. Ons lees dat Eva besef het dat die boom se vrugte goed is om te eet, mooi om na te kyk en begeerlik omdat dit kennis kan gee (Genesis 3:6). Die uiteindelike wysheid sien ons in Jesus. Sy sukses was absoluut, maar dit was nie die soort wat die wêreld se gekunsteldes van destyds as sukses sou herken nie.

Daar was ‘n tyd dat ons die onderskeidingsvermoë gehad het om te weet wat om te doen, maar nie die oordeelkundigheid gehad het om te weet hoe om dit te doen nie.

Ons moet die Here bid dat getrouheid vir ons belangriker sal wees as sukses. Slegs dan sal ek vry wees van die trots en vrees wat ware sukses verhoed