Die seënuitsprake van Jesus (24)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang..

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is die vredemakers, want hulle sal kinders van God genoem word.

In hierdie blog kyk ons na ‘n aantal taktieke wat vredemakers gebruik. Ons kyk na hoe dit in die praktyk lyk. Dit is taktieke wat jy kan gebruik in die najaag van vrede.

1. Stel vas waar daar ‘n problem is

Hulle het ‘n goedkoop raad vir die wonde van my volk. Hulle sê net: “Alles is reg! Alles is reg!” Maar nik is reg nie (Jeremia 6:14).  In Jeremia se tyd, soos vandag nog, is daar mense wat vir ander vertel dat alles reg is. Hulle sê wat mense graag wil hoor. Hulle vererger eintlik die problem. Om vrede te maak beteken nie dat jy konflik vermy nie. Konflik wat vermy word, is dikwels konflik wat net uitgestel word. Ons vermy dikwels die werklikheid, want ons wil vrede hê.

Om vede te maak begin met eerlikheid en moed om ‘n problem te herken en te erken. Daarsonder is enige vooruitgang onmoontlik.

2. Hanteer konflik vroeg

Om rusie te begin, is om ‘n damwal te breek; staak liewer die twis voor die vloed jou tref (Spreuke 17:14). Die begin van konflik is soos ‘n klein stroompie water. In elke verhouding wat in bitterheid eindig, is daar ‘n oomblik waar die konflik begin. Die mense wat daarby betrokke is, mag dit nie eers agterkom nie. Op daardie stadium mag dit nie belangrik lyk nie. Later sal jy besef as jy net kan teruggaan en alles weer oordoen sal jy dit anders doen. Die problem is dat jy nie kan teruggaan nie.. daaarom moet jy die konflik vroeg hanteer.

3. Beoefen beheersing, veral met jou tong

Elke mens moet maar te gewillig wees om te luister, nie te gou te praat nie en nie te gou kwaad word nie (Jakobus 1:19). In ons moderne kultuur glo ons dat ons moet sê wat ons dink en voel. Is dit werklik nodig? Wat sal gebeur as jy dit nie doen nie? Vredemakers beheers hulleself. As God nou in een oomblik sou ontlaai en alles wat ons verkeerd gedoen het of tekort geskied het op die tafel plaas, sou ons total vernietig word. Maar God doen dit nie

Laat die manier waarop God jou hanteer het jou lei in jou soeke na vrede. Beheers jou, veral met betrekking tot jou tong.

4. Berei jou voor vir ‘n lang reis

As die problem vroeg geïdentifiseer word, mag vrede vining herstel word. Waar wonde egter reeds diep is, moet jy jou vir ‘n lang reis voorberei. Soms is dit moeilik om vrede te vind. Om vrede te maak is ‘n proses. Julle wat vroeër ver van God gelewe het, het nou naby gekom deur die bloed van Christus. Christus is ons vrede (Efesiërs 2:13). Ons vervreemding van God gaan terug na Adam en Eva. God het meedoënloos vrede met ons nagejaag en vredemakers weerspieël hierdie volharding.

5. Gee ‘n tree na vrede

As jou vyand honger is,gee hom iets om te eet; as hy dors is, gee hom iets om te drink; want deur dit te doen, maak jy hom vuurrooi van skaamte (Romeine 12:20).

Om vrede te maak, mag ‘n lang reis wees, maar selfs ‘n lang reis begin met ‘n enkele tree. As Paulus hier praat van jou vyand beskryf hy ‘n situasie waar vrede ver weg is. Maar selfs jou vyand het behoeftes. Die beginsel is duidelik: as dit lyk of vrede nie binne bereik is nie, soek na een klein tree in die regte rigting. Hierdie een tree in die regte rigting mag ‘n volgende tree moontlik maak.

6. Mik na nederighied en nie na vernedering nie.

God maak vrede nie deur mag nie, maar deur liefde. Hy trek ons nader aan Hom ten spyte daarvan dat al die reg aan sy kant is. Dit vereis buitengewone nederigheid. Maar Hy het Homself verneder deur die gestalte van ‘n slaaf aan te neem en aan mense gelyk te word (Filippense 2:7).  Onpersoonlike kommunikasie lei selde tot persoonlike versoening. Toe God vrede met ons gemaak het, het Hy persoonlik in Jesus Christus na ons toe gekom. Hy kom nie met ‘n magsvertoon nie, maar Hy kies om Homself kwesbaar te maak. Dit is sy liefde wat ons aantrek.

As iemand iets verkeerd aan jou gedoen het, moet jy vra wat jy wil bereik. Is dit wraak? Dan is jy nog nie ‘n vredemaker nie. As jy wil bewys dat jy reg was, is jy nog nie gereed om vrede te maaak nie.

7. Vertrou die ongeregtighede wat jou aangedoen is aan God toe.

Dit is die wil van God dat julle deur goed te doen, ‘n einde sal maak aan die kwaad wat mense sonder begrip uit onkunde praat (1 Petrus 2:14). Dit is genade as iemand die pyn van onverdiende lyding verduur omdat Hy aan God getrou wil wees (1 Petrus 2:19). Iewers in jou lewe gaan jy hartseer wees omdat iemand jou onregverdig behandel het. As jy onregverdig ly, moet jy onthou dat Jesus ook daar was. Tog was Hy die groot Vredemaker Hy het die ongeregtighede gedoen teen Hom verduur as voorbeeld sodat ons in sy voetspore kan volg.

Hoe tree ons op as ons onregverdig behandel wor?

• Toe Hy beledig is, het Hy nie terug beledig nieI (1Petrus 2;23). Mense het vir Jesus beledig, op Hom gspoeg, maar Hy het die mense nie terug beledig nie, want Hy het gekom om vrede te maak. Vredemakers absorberr beledigings.
• Toe hy gely het, het Hy nie gedreig nie (1 Petrus 2:23). Soldate het hom geslaan. Hy kon hulle baie maklik gedeig het met oordeel. Hy doen dit nie, want Hy het gekom om vrede te maak.

Hoe het Christus dit gedoen en hoe kan gewone mense dit doen? Hy het … alles oorgelaat aan Hom wat regverdig oordeel (1 Petrus 2:23). Oorgelaat aan beteken dat jy na God kyk om die ongeregtigheid te hanteer.

Christus, die groot Vredemkaker, het vir ons ‘n voorbeeld nagelaat, sodat ons in sy voetspore kan volg.

Volgende keer gaan ons die laaste seënuitspraak hanteer.

 

 

 

 

Die seënuitsprake van Jesus (23)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang..

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is die vredemakers, want hulle sal kinders van God genoem word. Hoekom word vredemakers kinders van God genoem. Ons sê dikwels die appel val nie ver van die boom nie. Ons sê dit as ons die ooreenkomste van karakter, gewoontes of gedrsg van die ouers in die kinders sien. As jy weergebore is, sien ‘n mens sekere ooreenkomste met jou hemelse Vader weerspieël in jou lewe.

Vredemakers is kinders van God, want …

 

1. Vredemakers word kinders van god genoem, want hulle is soos hulle Vader wat vrede in Homself het.

God wat vrede gee, sal by julle almal wees (Romeine 15:33). Nooit was daar enige sweem van spanning of konflik in God nie. Die Vader, Seun en Heilige Gees is een van doel en een in liefde.

Ons Here word as Vredevors beskryf (Jesaja 9:6). Toe Jesus in die wêreld gekom het, het ‘n menigte engele Hom geprys: Eer aan God in die hoogste hemel, en vrede op aarde (Lukas 2:14). Christus het in die wêreld gekom om vrede te maak en Hy het dit gedoen deur sy bloed aan die kruis uit te stort. Die Heilige Gees is die Gees van vrede. Matteus sê vir ons toe Jesus gedoop is het die Gees van God op Hom neergedaal soos ‘n duif. Die duif is die simbool van vrede.

 

Toe Jesus na sy opstanding aan sy dissipels verskyn het, sê Hy vir hulle: Vrede vir julle! (Johannes 20:19). Hy herhaal dit in vers 21. Hy gee vrede aan sy dissipels sodat hulle deur die evangelie vrede kan bring  aan ander.

 

2. Vredemakers word kinders van God genoem, want hulle gee hulle regte op

Jesus het nie vasgeklou aan sy regte nie. Hy verlaat die hemel en kom na die wêreld om vrede te maak. Ons lewe in ‘n wêreld van regte. Voordat jy in ‘n konfliksituasie aanspraak maak op jou regte, dink net daaraan as Christus op sy regte aanspraak gemaak het, sou alle mense in die hel beland het. Jy kan nie vrede maak deur aanspraak op jou regte te maak nie.

 

3. Vredemakers word kinders van God genoem, want hulle beweeg na die moeilikheid toe

Toe die wêreld dit vir Christus moeilik gemaak het, het Hy nie teruggedeins nie. Hy beweeg na ons toe al het Hy geweet dit sou na die kruis lei.

Om vrede te maak beteken nie dat jy konflik vermy nie. Soms maak vredemakers baie moeilikheid in die najaag van vrede. Om vrede te maak vereis moed. Vir Jesus het diet sy lewe beteken.

4. Vredemakers word kinders van God genoem, want hulle het ander lief voor hierdie nder hulle kan liefhê

Maar God bewys sy liefde vir ons juis hierin dat Christus vir ons gesterf het toe ons nog sondaars was (Romeine 5:8).

Die ooreenkoms tussen ons en die Here is maar gering. Dit geld ook vir die najaag van die seënuitsprake. Ons skiet nog ver tekort van  dit wat God van ons verwag. Ons mag groei en vooruitgang maak, maar tot aan die einde bly ons sondaars wat afhanklik van God s genade bly. Daarom moet ons kyk na die doelwitte, perke en moontlikhede van vooruitgang in die Christelike lewe.

Die doelwitte, perke en moontlikhede van vooruitgang in die Christelike lewe

Heiligmaking is ‘n reis waarop elke gelowige vordering maak, maar geen Chriten voltooi die reis in sy lewe nie. Biskop Handley Moule skryf oor die doelwit: It is nothing less than the supreme aim of the Christian Gospel that we should be holy. In meer besonderhede sê hy dat ons poog to displace … self from the inner throne and to enthrone Him; to make not the slightest compromise with the smallest sin … to love God with all the heart and our neighbour as ourselves. Hierdie is ons doelwitte, maar ons weet ook dat daar perke is oor wat ons kan bereik. Dawid was bewus van sy perke om vrede met sy eie seun te maak. Daarom sê Paulus: As dit moontlik is, sover dit van julle afhang, leef in vrede met alle mense (Romeine 12:18). Daar sal omstandighede wees waar jy nie vrede kan maak nie, maar dit moenie veroorsaak dat jy nie meer probeer vrede maak nie.

As jy die perke vergeet sal jy jouself voortdurend verkwalik vir jou gebrek aan vooruitgang. As jy vergeet van die moontlikhede, sal jy jouself aanvaar net soos jy is. Wees bewus van die perke. Jaag die moontlikhede na. Lord, make me as holy as it is possible for a pardoned sinner to be made (Robert Murray M’Cheyne).

Volgende keer gaan ons na ‘n aantal taktieke vir vredemakes kyk.

 

Die seënuitsprake van Jesus (22)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang..

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is die vredemakers, want hulle sal kinders van God genoem word.

Hierdie is die laaste seënuitspraak wat ons moet najaag. Soos ons deur die seënuitsprake gevorder het, het die uitdaging groter geword. Miskien is dit waarom vredemakers so skaars is. Die moeilikste is om ‘n vredemaker in ‘n wêreld van konflik te wees. In Psalm 55 beskryf die psalmis sy hartseer oor die verhoudings tussen God se mense. Sy hartseer is omdat die stryd en geweld nie die gevolg is van die inval van ‘n vyandige leër is nie. Nee, die oorsprong is by God se kinders en die psalmis se eie familie.

 

Konflik in die familie

Dawid het van sy seun gehou, maar hy kon nie vrede met hom maak nie. Absalom kon nie met Dawid versoen word nie. Dawid kon maar net kla oor die breuk in sy eie familie en onder God se mense. Enigeen wie se vetroue verwerp is – in ‘n huwelik of besigheidstransaksie of bediening – weet hoe Dawid moes gevoel het toe sy eie seun hom verwerp het. My vyand het skaars ‘n ooreenkoms gesluit of hy verbreek sy beloftes van trou. Sy tong is gladder as botter, maar daar is oorlog in sy hart; sy woorde is so strelend soos olie, maar hulle is swaarde wat reg is om te steek (Psalm 55:21 – 22). Dawid se reaksie praat met elke gelowige wat die pyn van ‘n verhouding wat verbreek is ondervind: Laat jou sorge aan die Here oor, Hy sal vir jou sorg. Hy sal die regverdige nie in die steek laat nie (Psalm 55:23).

 

Geroep om vrede te soek

Om vrede te maak is nie ‘n opsie vir diegene wat aan Christus behoort nie. Dit is ons roeping. Na die beste van jou vermoë moet jy bydra tot die vrede in jou familie. As die verhouding in jou familie gesond is, moet jy sorg dat dit so bly. Dieselfde geld vir die kerk. As lidmaat van die gemeente waar jy aanbid en dien, moet jy jou deel doen om die eenheid in die gemeente te bewaar, dit is nie ‘n opsie nie, maar jou roeping. Dit geld vir alle verhoudings. Dié wat beraadslaag vir vrede en voorspoed, doen dit met vreugde (Spreuke 12:20). Vredemakers stop nie met planne nie hulle werk hard en volhard in die najaag van God se roeping vir ons.

 

Vrede in jou hart is die gevolg van reinheid van jou lewe.

Die beginpunt vir enigeen wat ‘n vredemaker wil wees., is om vrede in sy eie hart en lewe te hê. Mense wat lewe met onopgeloste konflik in hulle harte, kan nie vrede bring in die lewens van ander nie. Dit lyk asof konflik hulle volg.

Pasop vir mense wat verdeeldheid veroorsaak: Pasop vir dié wat verdeeldheid veroorsaak en mense afvallig maak van die leer wat julle ontvang het. Bly weg van hulle af (Romeine 16:7).

 

Ons het al herhaaldelik beklemtoon dat die een seënuitspraak uit die voorafgaande uitspraak volg. Hierdie een volg dus op: Geseënd is dié wat rein van hart is. Jakobus stel dit so: Maar die wysheid wat van Bo kom, is allereers, sonder bybedoelings, en verder is dit vredeliewend, inskiklik, bedagsaam vol medelye, en groot vrugte, onpartydig, opreg. Hierdie wysheid bring jou in die regte verhouding met God, en jy moet dit gebruik om vrede te maak (Jakobus 3:17 – 18). Vrede in die hart vloei uit ‘n rein lewe. Jakobus ontwikkel hierdie tema as hy vra: Waar kom die stryd vandaan? Hy antwoord die vraag soos volg: Kom dit nie van julle selfsugtige begeertes wat gedurig binne in julle woed nie? (Jakobus 4:1). Veskillende begeentes wat binne in ons woed, lê aan die kern van die verdeelde of onrein mens. Vir die goddeloses is daar geen vrede nie, sê my God (Jesaja 57:21).

 

Volgende keer gaan ons kyk na waarom vredemakers seuns van God genoem word.

 

 

 

Die seënuitsprake van Jesus (21)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe, wat ons almal soek, te kan kry. Ek gaan ‘n hele paar blogs aan hierdie boek spandeer.

 

Ons kyk nou na ‘n aantal praktyke wat reinheid van hart bevorder.

 

1. Geloof

Jy vertrou Christus om jou te verander. Mag God, wat vrede gee, julle volkome aan Hom toegewyd maak en julle geheel en al, na gees, siel en liggaam, so bewaar dat julle onberispelik sal wees wanneer ons Here Jesus Christus weer kom. Hy sal dit ook doen, want Hy wat julle roep, is getrou (1 Tessalonisense 5:23 – 24).  Vooruitgang in die Christen se lewe begin as hy glo dat Christus hom kan reinig.  Wanneer jy glo dat jou versoekings te sterk is, jou mislukkings te veel is, jou wonde te diep is en jou vordering te stadig, kyk na die opgestane Verlosser wat in staat is om jou te reinig en vertrou op Hom. Hy kan jou heilig maak en Hy sal, maar Hy roep jou om aktief betrokke te wees.

 

2. Bely; Noem en staan besondere sondes teen

Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9). Bely en reiniging staan naby aan mekaar. As jy gereinig wil word, moet jy die sondes waarvan jy gereinig wil word, identifiseer en neerskryf.

 

Eerstens moet ons ons sondes aan God bely. Die Bybel praat ook van die genesing wat kom as ons ons sondes teenoor mekaar bely. Bely julle sondes teenoor mekaar en bid vir mekaar sodat julle gesond kan word (Jakobus 5:16). Kry ‘n volwasse gelowige of ‘n klein groepie Christelike vriende met wie jy eerlik kan wees, wetende dat hulle saam met jou sal bid veral as jy sukkel om ‘n hardkoppige sonde te oorwin. Christus se proses vir die najaag van reinheid is dat ons mekaar sal help – elke Christen het iets om te gee en iets om te ontvang.

 

3. Luister: verdiep jouself in die Woord van God

God was die mense met die Woord. Die Skrif is noodsaaklik vir jou najaag van reinheid. Daarom bid Jesus vir sy dissipels: Laat hulle aan U toegewyd wees deur die waarheid. U woord is die waarheid (Johannes 17:17). Die psalmis vra hoe ‘n jongmens sy lewe skoon kan hou, en antwoord dan: Deur hom te hou aan u woord (PSALM 119:9). Mense wie se lewens betekenisvol verander is, is soos sponse. Hulle absorbeer die woord van God. Hulle bêre die Skrif in hulle harte en dit het ‘n reinigende effek op hulle lewens. Wanneer u woord vir mense oopgaan, bring dit lig (Psalm 119;130) die woord van God het ‘n reinigende effek op jou lewe. Jy moenie net lees nie, jy moet ook nadink, toepas, glo, bely en verheug jou in sy woord.

 

4. Aanbid: die praktyk om na die heerlikheid van God te staar

Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is (2 Korintiërs 3:18)

Paulus beskryf hier ‘n persoon wat verander is en Hy sê dit gebeur as ons die heerlikheid van die Here aanskou. Hy beskryf hier ‘n proses van verandering wat in die lewens van Christene gebeur as hulle aanbid. Aanbidding is meer as die bywoning van ‘n erediens op Sondae. Dit is om die grootheid en heerlikheid van God te aanskou. Kyk na die belofte in hierdie seënuitspraak: Hulle sal God sien.

 

Jesaja was ‘n profeet wat al jare die Here gedien het. Toe sien hy die Here in ‘n visioen Hy sien God se heerlikheid en word bewus waar hy in reinheid moes groei: Elke woord oor my lippe is onrein en ek woon onder ‘n volk van wie elke woord onrein is (Jesaja6:5).

 

5. Vra: bid vir reinheid

Was my dat ek witter as sneeu kan wees (Psalm 51:9). Psalm 51 is ‘n wonderlike gebed vir reinheid. Die psalmis voel asof sy skuld aan hom vasklou. Die sonde het die blydskap uit sy lewe geneem en daarom bid hy: Laat my weer blydskap en vreugde belewe. U het my verbrysel; laat my weer jubel (51:10). Gebed gee jou ‘n wonderlike toegang tot God op enige tyd en onder alle omstandighede. Die Psalmis word nie wanhopig nie, maar bring sy skuld na die Here en bid vir reiniging. Die psalmis bid verder: Skep vir my ‘n rein hart, o God, vernuwe my gees en maak my standvastig (51:12).

6. Volharding: Staan op as jy geval het

Moet jou nie oor my verlekker nie, my vyand. Al het ek tot ‘n val gekom, ek sal weer opstaan, al sit ek in die donker, die Here is my lig (Miga 7:8).

Niemand maak ononderbroke vooruitgang op die pad na reinheid nie. Ons  struikel en val. Die mense wat in die Christelike lewe vooruitgang maak, is die mense wat opstaan na hulle geval het.. Die stryd vir reinheid is ‘n lang een. Dit is ‘n maraton eerder as ‘n naelloop. Die mag van sonde word bietjie vir bietjie afgebreek.

As jy baie geseënd is, kom sonde terug na jou, want jy raak gerus. Moet net nooit tou opgooi nie.

7. Antisipeer: Weet wie jy is en verheug jou in wat jy sal wees

Geliefdes, ons is nou reeds kinders van God . Dit is nog nie geopenbaar wat ons sal wees nie, maar ons weet dat, wanneer Jesus kom, ons soos Hy sal wees. Ons sal Hom sien soos Hy werklik is (1 Johannes 3:2).

Christus sê vir jou wie jy is. Vergewe en versoen met die Vader, ‘n kind van God. Die liefde van die Vader is oor jou uitgestort. Jy is in die familie van God aangeneem. As jy dink aan wat jy sal wees, sal jou help as jy val. Jy moet dus nie ontmoedig word as jy val nie. Dit is nie die einde nie.

Reinheid is iets wat jy kry soos jy in die Christelike lewe groei. Dit is nie iets agter jou wat jy verloor het nie. Dit is iets voor jou wat jy moet najaag en bekom.