No matter what good truths you have to teach, no one will thank you if you do not speak kindly. —C.H. Spurgeon

Twyfel is ‘n probleem (2)

In die vorige blog het ons na die anatomie van twyfel gekyk. Nou gaan ons kyk na die antwoord op twyfel.

Nog meer belangrik as die anatomie van twyfel is die antwoord op twyfel. Die antwoord uit Matteus 11:2 – 19 is ten minste tweevoudig.

• Ons konfronteer twyfel met Bybelse openbarings

Toe Johannes se volgelinge vir Jesus gekonfronteer het, antwoord Hy: Gaan vertel vir Johannes wat julle hoor en sien. Daarna gebruik Jesus gedeeltes uit Jesaja 35:5 – 6 en 61:1 om die wonderwerke mee te beskryf wat Hy besig was om te doen wat inderdaad bewys dat Hy die Messias is. Hy vertel vir Johannes se volgelinge onder andere dat die blindes sien. In die hele Ou Testament lees ons nooit van ‘n blinde wat weer kan sien nie. In die Nuwe Testament is daar met die uitsondering van Paulus se bekering (Handelinge 9:17 – 18) geen storie waar Jesus se volgelinge iemand se sig herstel het nie. Eeue gelede het Jesaja reeds geprofeteer: Blindes sal kan sien (Jesaja 35:5).

Die gedeeltes in Jesaja waarna Jesus verwys, verwys nie net na genesing nie, maar ook die oordeel wat die Messias sou bring. Jesus se wonderwerke was ‘n teken dat God se koninkryk in die wêreld besig is om in te breek. Johannes moes vertrou dat Jesus inderdaad die finale oordeel sal bring. God kom sy beloftes na. Om twyfel te probeer beveg sonder die fondament van die waarheid van God se woord is nutteloos. God se woord is ‘n rots, nie omdat dit alles maklik maak nie, maar omdat dit jou voete uit die dryfsand hou – ten spyte van moeilike omstandighede en onvervulde verwagtings.

• Beveg twyfel met vreugdevolle onderwerping

Nadat Jesus sy groot werke aan die dissipels vertel het, sluit Hy af: En gelukkig is elkeen wat nie aan My begin twyfel nie. Om gelukkig te wees, beteken dat ons Jesus vertrou. Al is dit moeilik moet ons steeds na Jesus in geloof kyk. Die beloning is sy seën. Dit is ‘n belofte van God.

Twyfel onder gelowiges is algemeen. As ons weet wat dit veroorsaak en weet hoe om dit teen te werk, het ons al ver gevorder.

Twyfel is ‘n probleem (1)

In die vorige blog het ons gesien dat Johannes die Doper begin twyfel het. In hierdie blog gaan ons na die anatomie van twyfel kyk (Matteus 11:2 – 6).

Daar is ten minste drie dinge wat ons van twyfel in hierdie gedeelte leer:

• Twyfel kom dikwels in moeilike omstandighede

Johannes was ‘n profeet in die woestyn wat onder moeilike omstandighede God se woord verkondig het. Met moed berei hy die weg vir die Messias voor. Hy wys mense na Jesus. Nou, as gevolg van hierdie getroue verkondiging, ondervind hy skande. Honger, marteling en ‘n emosionele stryd daar waar hy in die tronk sit. Dit herinner ons aan Elia wat vir Isebel vlug en gereed was om die handdoek in te gooi (1 Konings 19). Moeilike omstandighede kan lei tot twyfel.

• Daar is verwagtings waaraan nie voldoen is nie.

Jesus was immers die Messias wat gestuur is om vir die gevangenes vrylating aan te kondig (Jesaja 61:1). Dit is duidelik dat Jesus aan baie van die verwagtings nie voldoen nie. Hierdie is die verwagtings wat baie van die Jode vir Hom gehad het. Johannes het verkondig dat die Christus sou oordeel (3:11 – 12), maar die Romeinse heerskappy was steeds in plek – en Johannes sit daarom in die tronk. Dit moes vir Johannes verwarrend gewees het. Rome is nog in beheer; sonde is oorvloedig; politieke en godsdienstige korrupsie vier steeds hoogty. Alles lyk nog soos dit al geslagte lank gelyk het. In plaas van Rome omverwerp spandeer Jesus tyd met sondaars en leer hulle van vergifnis. Hy vas nie eers nie. Is dit die Messias wat ons moet verlos, dink Johannes.

• Johannes se persepsie is beperk

Hy verstaan eenvoudig nie alles wat besig is om te gebeur nie. Daarom stuur hy sy volgelinge om navraag te doen.

Spruit ons twyfel nie dikwels uit dieselfde faktore nie? Dit is dikwels te midde van uitdagende omstandighede waar geloof moeilik is. Dit gebeur veral as ons getrou saam met die Here geloop het en Hom gedien en aanbid het. Dan volg ‘n tragedie en ons begin wonder waar God is. Ons verstaan nie waarom sekere dinge gebeur nie, veral as ons beproewings ons vermoë om Hom te dien, belemmer. Ons weet dat God goed is, maar ons verstaan nie waarop hierdie swaarkry nie wil klaarkry nie.

Twyfel is dikwels die gevolg van sonde in ons lewens of in die lewens van diegene om ons. Selfs as dit nie as gevolg van ons sonde is nie, moet ons altyd onthou dat ons persepsie beperk is. Johannes het geen idee gehad hoe die verhaal van Jesus gaan verloop nie. God was besig met ‘n nuwe en anderse tipe koninkryk. Dit was meer as net ‘n verandering van ‘n politieke regime; God bring verlossing vir die hele wêreld. Johannes is verward. Was die Messias nie veronderstel om seën en oordeel in die nabye toekoms te bring nie? Wanneer sou sy koninkryk kom?

Soos Johannes is ons perspektief ook beperk. As omstandighede moeilik is en as daar nie aan ons verwagtings voldoen word nie en vrae kom na vore, moet ons altyd onthou ons perspektief is beperk. Ons moet vertrou dat God weet wat Hy doen.

Maar wat is die antwoord as ons twyfel? Daarna kyk ons in die volgende blog.

A sermon is not over when the minister says ‘Amen.’ Rather that is when the true sermon begins. —Joel Beeke

Ontwikkel jou Bybelse woordeskat

Hierdie is deel van Mel Lawrenz se reeks  oor hoe om die Bybel te lees.

Individuele woorde is boustene, maar ons ontdek nie die ryk betekenis en waarhede van God se woord deur na individuele woorde te kyk nie. Ons kry die betekenis in stellings – sinne of ‘n groep sinne – wat die skrywers maak. Ook hierdie idees kan net verstaan word deur na hulle in die breër konteks van die boek waarin hulle ingebed is, te kyk.

Nogtans moet ons woorde bestudeer om by die hele betekenis uit te kom. Daarvoor moet ons vertroue in ons vertalings hê (behalwe as jy ‘n student van Grieks en Hebreeus is). Letterlike vertalings gee aan ons die woordkeuse van die skrywer, maar dit is moeilik om te lees, want  dit vloei nie soos die taal waaraan ons gewoond is nie.

As ons ‘n gedeelte bestudeer, is daar sekere sleutelwoorde wat belangrik is vir ons verstaan van die teks. Hoe kan ons die betekenis van hierdie woorde verstaan?

1. Kyk na verskillende vertalings.
2. Gebruik ‘n konkordandie.
3. Soek die woord op in ‘n Bybel woordeboek of ensiklopedie.
4. ‘n Gedetailleerde kommentaar sal die betekenis van die woord verduidelik.

As lewenslange studente van die Bybel sal ons Bybelse woordeskat voortdurend groei. Ons doen dit om God beter te leer ken en om sy weë en wil beter aan ander te verduidelik. Mag ons nooit die woorde ken, maar nie die betekenis nie.

Watching church on tv and calling it worship is like watching a cooking show and calling it eating – Jim West

Twyfel en ongeloof

Twyfel jy ooit aan wat die Bybel van God sê? Twyfel jy aan die evangelie? Is dit wat ons as Christene glo, waar? As jy met twyfel in jou lewe gestry het, moet jy nie moed verloor nie, want jy is nie alleen nie. Doubt is natural within faith. It comes because of human weakness and frailty – Alister McGrath. Ons moet dit van ongeloof onderskei. Ongeloof is ‘n besluit om jou lewe te leef asof daar geen God is nie. Dit is ‘n doelbewuste besluit om Jesus en alles wat Hy verteenwoordig te verwerp. Twyfel ontstaan in die konteks van geloof. Dit is ‘n verlange om seker te wees van die dinge waarop ons vertrou.

As die Nuwe Testament oor twyfel praat, fokus dit hoofsaaklik op gelowiges. Jy moet iets glo voor jy daaraan kan twyfel. Twyfel is daarom ‘n unieke probleem van gelowiges. Selfs vir diegene wat baie getrou voorkom, is geloof soms swaar veral as die laste van die lewe swaar is. Die goeie nuus is dat selfs in ons twyfel sal die God van wie ons seker wil wees ons ontmoet net daar waar ons is. Hy wil ons van sy trou verseker.

Doubting does not prove that a man has no faith, but only that his faith is small. And even when our faith is small, the Lord is ready to help us – J. C. Ryle

Johannes die Doper, die grootste profeet wat ooit geleef het, het met twyfel gestry. Die profeet wat Jesus as die grootste man ooit gebore beskryf het, het oor die identiteit van Jesus getwyfel (Matteus 11). Jesus nooi ons uit om in Hom te rus wanneer geloof moeilik en die las swaar is.