I am not unaware how difficult it is to persuade the world that God rejects and even abominates everything devised for worship by human reason. The grounds for this error are numerous. “Every one thinks highly of his own,” as the old proverb expresses it. Hence the offspring of our own brain delights us more.  — Johannes Calvyn

Om besig te wees, is nie ‘n geestelike gawe nie

Sekerlik een van die moeilikste woorde in vandag se besige wêreld is: Wag. Baie van ons gaan oorboord met besig wees. Om te besig te wees, trek ons aandag af van die dinge wat werklik belangrik is – mense. Ons weet goed dat om te besig te wees ‘n strategie van die vyand is om my aandag weg te trek van dit wat werklik kosbaar vir my is.

Wees eerlik. Ons leer meer in daardie kalm tye wanneer my hart, siel en gedagtes verenig om God se wil te soek. Een ding wat ons moet leer, is dat wag nie ‘n lelike woord is en dat besig wees nie ‘n geestelike gawe is nie. Bedaar en erken dat Ek God is (Psalm 46:11). Vir sommige mense is dit moeilik om te bedaar. Maar dit is net tydens daardie stil tye alleen met God wat ‘n mens waarlik vrede ondervind. Besigwees is die vyand van vrede; besig wees steel van ons kosbare tyd.

In die lewe vandag verwag ons onmiddellike resultate. Ons is so besig dat ons nie eers kan onthou wanneer laas ons saam met ons gesin geëet het nie. Ons moet tyd inruim om te wag en te bedaar. Maar om ou gewoontes te breek, is nie maklik nie. Maar ek kan alle dinge doen deur Christus wat vir my krag gee.

Vrede laat Ek vir julle na; my vrede gee Ek vir julle … Julle moet nie ontsteld wees nie, en julle moet nie bang wees nie (Johannes 14:27).

Hell will be full of people who thought highly of the Sermon on the Mount. You must do more than that. You must obey it and take action – John MacArthur

Uit die modderige slyk (3)

Psalm 40 leer vir ons baie van ons optrede as dinge in die lewe vir ons baie moeilik word. Ek gaan drie blogs aan hierdie psalm wy. Ek maak baie van die Ou Afrikaanse Vertaling gebruik

3. Ons kry God se verlossing nou

Wat sê hierdie psalm, geskryf meer as 3000 jaar gelede vir ons? Ons staan tog in ‘n ander geskiedkundige konteks. Ons het in werklikheid meer rede om op Hom te vertrou. Na sy opstanding sê Jesus vir die Emmausgangers dat daar selfs meer skatte in die psalms is: Jesus lê vir hulle al die  Skrifuitsprake  wat op Hom betrekking het,  uit. Jesus leer vir ons dat die Ou Testament nie net vir ons van God leer en hoe ons op Hom moet reageer nie – dit wys ook vooruit na wat Hy deur sy Seun gaan doen. Jesus is die Een wat uiteindelik God se verlossing bring.

Ons het dus meer rede om God te vertrou. Sy barmhartigheid misluk nooit nie. Sy verlossing kom deur die dood en opstanding van Jesus Christus. In die lig hiervan moet ons drie dinge doen:

• Ons moet God se verlossing in die verlede onthou en vir Jesus dank. Aan die kruis het God ons sonde hanteer en ons vir alle ewigheid verlos. Die stryd met die sonde is steeds ‘n werklikheid, maar die straf vir daardie sondes is reeds betaal – eens en vir altyd aan die kruis.
• Op grond van sy verlossing in die verlede moet ons vir sy verlossing in die hede bid. Ons kan op Hom vertrou. Maar dit is eers in die nuwe skepping wat ons vry van alle lyding sal wees. Ons weet egter ons toekoms is seker en dat ons eendag die ewigheid in sy teenwoordigheid sal geniet.
• Ons moet die Here wat ons verlos, loof. Ons het ook ‘n nuwe lied om te sing. Hierdie lied fokus op God se goedheid in Christus. Terwyl ons die lied sing, bevestig ons ons geloof in Hom en wy ons ons lewens aan hom toe en verkondig die goeie nuus aan ander.

Luister na die stem van God as Hy met ons in Psalm 40 praat. Dank Hom vir die verlossing in Jesus Christus.

Doubting does not prove that a man has no faith, but only that his faith is small. And even when our faith is small, the Lord is ready to help us – J. C. Ryle

Ons roeping om te lei

Joe McKeever gebruik die gelykenis van die muntstukke (Matteus 25) vir sy benadering: Gebruik dit of verloor dit (Use it or lose it). Hierdie gelykenis begin deur te vertel van ‘n man wat op reis wou gaan. Hy roep sy slawe bymekaar en vertrou sy besittings aan hulle toe. Vir een gee hy vyf goue muntstukke, vir ‘n ander  twee en vir ‘n derde een een goue muntstuk – elkeen volgens sy bekwaamheid.

Waaroor gaan bediening?  Om te gebruik wat God jou gegee het vir wat God jou geroep het om te doen en waarheen Hy jou gestuur het. Dit is waaroor basiese Christelike bediening gaan en dit is beskikbaar vir elke kind van God.

• Ons gebruik wat Hy aan ons gegee het. Aan elkeen afsonderlik word ‘n werking van die Gees gegee tot voordeel van almal (1 Korintiërs 12:7).
• Ons doen wat Hy gesê het ons moet doen. Hy gee opdragte aan sy kinders. Dié wat Hy daartoe bestem het, het Hy ook geroep (Romeine 8:30). Alle gelowiges is geroep.
• Ons doen dit waar Hy ons geplaas het. Sommige gaan na Jerusalem, sommige na Samaria en ander na die eindes van die wêreld.

Baie van die ongelukkigheid by gelowiges is as gevolg van ons onwilligheid om Hom met hierdie sake te vertrou. Ons wil ander gawes hê; ons wil ‘n ander bediening hê; ons wil dit op ‘n ander plek doen. Watter sin het dit dat julle My aanspreek met ‘Here, Here!’ en nie doen wat Ek sê nie? (Lukas 6:46).

My gawes en roeping, my opdrag en my spesifieke instruksies is vir ‘n spesifieke tyd. Elkeen van ons sal dus oor homself aan God rekenskap moet gee (Romeine 14:12). Alles behoort aan God. Hy gee aan ons ‘n deel daarvan om dit te gebruik so goed as moontlik. Aan die einde van die dag gee ons aan Hom alles wat ons nie gebruik het nie, terug. Gebruik alles wat God jou gegee het so goed as moontlik.

Show me a church’s songs and I’ll show you their theology. —Gordon Fee

Die belang van woorde

Hierdie is nog ‘n artikel van Mel Lawrenz se reeks oor How to Study the Bible.

‘n Enkele woord verbind jou gedagtes onmiddellik met ‘n ander persoon se gedagtes. Dit is die krag van woorde. As ons die Bybel bestudeer, moet ons ook die betekenis van individuele woorde bestudeer. Die betekenis van die skrywer kry ons in sinne – woorde het betekenis in hulle konteks.

Kom ons kyk na Johannes 1 ‘n gedeelte vol verbasende waarhede. Daar is woorde wat ons moet verstaan soos Woord, lewe, lig, kinders van God, ens. Ons aanvaar baie van hierdie woorde se betekenis is ooglopend, maar ons moet probeer om meer van hulle te leer. Baie woorde het ‘n reeks betekenisse. Die woord vlees in die Bybel mag verwys na die fisiese liggaam of die mensdom of die beperkte menslike wese of na die sondigheid van die mens. Dieselfde geld vir die woord woord. Dit het baie betekenisse.

Hoe bestudeer ons die betekenis van woorde in die Bybel?  Ons kry woordeboeke en woordelyste opgestel deur taalkundiges. In hierdie boeke word die betekenis van woorde opgesom. Ons moet net nie glo dat die betekenis in een gedeelte noodwendig die volle betekenis van die woord in ander gedeeltes is nie. Die konteks sê vir ons wat die persoon bedoel.

Daar is ook die probleem van sinonieme. Die woord liefde in die Nuwe Testament word gebruik vir die vertaling van ten minste drie Griekse woorde: agape, philia en eros.

Kommentare kan ons ook baie help. Die kommentator het na al die woorde in die gedeelte gekyk en hy fokus op die betekenis wat op daardie gedeelte van toepassing is.

Om die betekenis van woorde in die Bybel vas te stel, vereis werk. Die basiese betekenis in meeste tekste is ooglopend. Woorde is gawes wat uiteindelik na God lei.