Pride leads to every other vice: it is the complete anti-God state of mind – C. S. Lewis.

Wat is my verantwoordelikheid teenoor die armes?

Volhens R. C Sproul is daar vier tipes armes:

1. Mense wat arm is omdat hulle lui en onverantwoordelik is. God se reaksie teenoor hierdie groep is dat hulle na die miere moet gaan en leer. Paulus sê: As iemand nie wil werk nie, moet hy ook nie eet nie (2 Tessalonisense 3:10). Die basiese benadering tot hierdie groep is teregwysing en ‘n oproep om te verander.
2. Ons moet baie versigtig wees om nie te veralgemeen nie. Alle mense wat arm is, is beslis nie lui nie. Daar is baie mense wat arm is al is hulle nie lui nie Hulle is arm as ‘n direkte gevolg van ‘n ramp, siekte, ‘n ongeluk, ens. Hulle is die verantwoordelikheid van die kerk en gelowiges. Ons moet bystand verleen waar moontlik. Hulle kry swaar deur geen fout van hulle eie nie.
3. Hierdie mense is arm as gevolg van uitbuiting deur diegene met mag of korrupte regerings. Hier sien ons God aandring dat geregtigheid teenoor hierdie mense moet geskied. Hy is verontwaardig teenoor die uitbuiters. Gelowiges moet advokate en verdedigers van die armes wees.
4. Hulle kies vrywillig om arm te wees – hulle offer alle wêreldse wins op as persoonlike toewyding. Hulle verdien ons ondersteuning.

Moenie sommer alle arm mense as lui beskou nie. Daar is geldige redes waarom sommige mense arm is en hulle verdien ons hulp.

I do believe we slander Christ when we think we are to draw the people by something else but the preaching of Christ crucified. ~Spurgeon

Verstaan die bedoeling van die skrywers

Ons gaan voort met Mel Lawrenz  se reeks oor hoe om die Bybel te lees.

Elke persoon wil gerespekteer word. ‘n Volwasse persoon verwag nie dat almal met hom sal saamstem of dieselfde dinge sal glo wat hy glo nie. Ons wil hê dat ander ons moet respekteer – verstaan wie ons is, wat ons waardes is en wat ons motiveer. Daar is net een manier hoe mense ons so kan respekteer – deur te luister en te weet.

‘n Ernstige benadering tot die Bybel vereis juis dit: ‘n respek vir die Bybel en die bedoeling van sy skrywers. Dit is nie iets wat ons sommer kan aanvaar nie. Baie van ons benader die Bybel soos ‘n geheime kode – ons lees ‘n stukkie en hoop dit sal ‘n vlammetjie veroorsaak. Maar wat die Skrif bied is lewensverandering. Dit hang af van die bedoeling van die skrywers.

Die waarheid van die woord van God word aan ons oorgedra deur die storie en onderrig van sy verkose spreekbuise. Of ons nou na geskiedkundige vertellings of wysheidonderrig of profesie of die evangelies of briewe kyk – die woorde is geskryf deur mense wat deur die Heilige Gees geïnspireer is. Hierdie mense wou boodskappe oor die waarheid van God oordra – direk. Duidelik.

Ons Bybelstudie na al die eeue sluit in eerbied vir die Bybel as die woorde van die lewende God wat oorgedra is deur die woorde (en die lewens, ondervindings en toewyding) van die skrywers. As ons, as voorbeeld, 1 Korintiërs lees, sien ons in die openingswoorde wie dit geskryf het, aan wie hy geskryf het en hoekom hy geskryf het. Soos jy verder lees loop jy verskillende sake raak: die huwelik, egskeiding, sedelikheid, leierskap in die kerk, geestelike gawes en sosiale verhoudings. Voortdurend vra jy vir jouself: “Wat bedoel Paulus hiermee? Hoekom skryf hy oor hierdie saak? Wat vra die gelowiges in Korinte van hom? Wat was Paulus se bedoeling – wat wou hy hê hulle moes verstaan?”

Sommige antwoorde kom maklik – ons kry dit in die teks. Ander vereis ‘n dieper studie. Ons gesindheid moet wees: Wat het hierdie skrywer bedoel toe hy hierdie besondere woorde aan hierdie besondere gehoor op hierdie besondere tyd geskryf het? Ons moet eers op die oorspronklike betekenis fokus. Dit het met die bedoeling van die skrywer te doen.

In 1 Korintiërs wou Paulus ernstige probleme in ‘n Christelike gemeenskap geleë in ‘n onsedelike kultuur regstel. Jeremia waarsku sy mense om tot geloof en toewyding tot God terug te keer. Handelinge is die werk van Lukas  om ordelik te vertel wat met die bediening van Jesus gebeur het na sy lewe wat in die evangelie beskryf is. Die psalms is modelle vir aanbidding en gebed. Spreuke is ‘n doelgerigte stel riglyne  vir ‘n lewe van wysheid.

Dit is ‘n voorreg om hierdie woord te bestudeer. Dit vereis egter werk en ‘n oor wat noukeurig luister. Maar dit is wat respek vereis. As ons uitvind wat dit beteken het toe dit geskrywe is, kan ons aanbeweeg en vra wat dit in terme van tydlose beginsels beteken. Eers dat kan ons vra wat dit vir ons lewens vandag beteken. Dit sal jy nooit kry deur die Skrif oppervlakkig te lees nie.

 “Doubt is not always a sign that a man is wrong; it may be a sign that he is thinking.” – Oswald Chambers

God het van oordeel gepraat (5)

God het sy heerlikheid aan Jesaja geopenbaar.  Hy het op ‘n baie hoë troon gesit, en die onderste van sy kleed het die tempel gevul … Die serafs het mekaar telkens toegeroep: “ Heilig, heilig, heilig is die Here die Almagtige! Die hele aarde is vol van sy magtige teenwoordigheid (6:1, 3). God is heilig ver bo alles wat verkeerd en vals is in hierdie wêreld. Toe Jesaja God se heiligheid sien, roep hy uit: Dit is klaar met my! Ek is verlore! Elke woord oor my lippe is onrein, en ek woon onder ‘n volk van wie elke woord onrein is. En nou het ek die Koning gesien, die Here die Almagtige (6:5). Maar Jesaja het besef dat God hom gered het deur sy oortredinge   te vergewe, jou sonde te versoen (6:7).

Almal van ons bereik nie God se standaard vir heiligheid nie. Daar is nie een wat regverdig is nie, selfs nie een nie (Romeine 3:10). Almal wat die wêreldse dinge bo God liefhet maak hulleself vyande van God. As iemand die wêreld liefhet, is die Vader se liefde nie in hom nie (1 Johannes 2:15).

In Matteus 7:13 – 14 beskryf Jesus twee paaie. Hoe dwaas om te dink dat ons nie saam met baie mense op die breë pad kan loop nie. Hoe dwaas om te dink as ons op die breë pad loop ons dalk gelukkig sal wees om deur die nou poort in te gaan. Nee, ons moet ernstig na God se pad soek. Span al julle kragte in om by die smal deur in te gaan. Baie, verseker Ek julle, sal probeer om in te gaan, maar sal dit nie regkry nie (Lukas 13:24). In Handelinge 17 lees ons van die mense van Berea: Hulle het met groot belangstelling na die woord geluister en elke dag die Skrif ondersoek om te sien of dit is soos Paulus sê (17:11).

Soos die mense van Berea moet ons ernstig God se pad soek. Dit is verskriklik om in die hande van die lewende God te val (Hebreërs 10:31). God is volkome rein, eerlik en heilig. Hy kan nie leuens verdra nie God se geregtigheid kan nie opstand teen Hom ongestraf laat bly nie. God het gewaarsku dat daar ‘n finale en volle oordeel sal wees. Dit is nie ‘n leë dreigement nie – ons moet dit ernstig opneem.

The devil visits idle men with his temptations. God visits industrious men with his favors. —Matthew Henry

Satan jag diegene wat swaar kry

Wees nugter, wees wakker! Julle vyand, die duiwel,  loop rond soos ‘n brullende leeu, op soek na iemand om te verslind (1 Petrus 5:8). Hierdie vyand van die mens, soos die bergleeu,  jag veral dié wat swak is of seer gekry het. Die duiwel spandeer baie tyd by dié wat ly. Petrus weet wat dit is as die duiwel op jou onder moeilike omstandighede toesak. Nie minder as drie maal verloën hy vir Jesus nie (Lukas 22:54 – 62). Petrus wat op ‘n stadium so sterk en vol vertroue was, word die prooi van die duiwel. Voor Jesus aan die kruis gespyker is, het Hy vir Petrus gebid: Maar Ek het vir jou gebid dat jou geloof jou nie begewe nie. As jy weer tot inkeer kom, moet jy jou broers versterk (Lukas 22:32). Hierdie selfde Paulus wat voor ‘n diensmeisie inmekaar gekrimp het, is later vir sy geloof gekruisig. Voordat hy gesterwe het, skryf hy ‘n brief aan Christene wat ly en swaarkry (1 Petrus).

Uit sy ondervinding het Petrus geleer dat Satan graag jag maak op mense wat swaarkry. Hy het ook geleer dat God ons in staat stel om terug te veg – selfs in tye van swaarkry. En omdat julle glo, word ook julle deur die krag van God veilig bewaar vir die saligheid wat reeds gereed is om aan die einde van die tyd geopenbaar te word (1 Petrus 1:5).

Watter waarhede kan ons by Petrus leer?

1. Al my lyding sal eendag tot ‘n einde kom

Wees daarom verstandelik wakker en nugter, en vestig julle hoop volkome op die genade wat julle deel sal word by die wederkoms van Jesus Christus (1 Petrus 1:13). Dit is veral tydens die pynvolle oomblikke in ons lewens dat ons God bevraagteken. Satan sê “God gee nie om dat jy pyn verduur nie. God kan in ieder geval niks aan jou pyn doen nie. Hierdie pyn gaan nooit ophou nie.” Maar Petrus sê: Onderwerp julle daarom in nederigheid aan die kragtige hand van God, sodat Hy julle kan verhoog op die tyd wat Hy bestem het (5:6). Hy sê ook dat ons huidige beproewings net ‘n kort tydjie sal duur (1:6). God sal jou uit hierdie moeilike omstandighede trek in sy veilige teenwoordigheid – vir ewig. Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan (Openbaring 21:4).

2. God beskerm nie net vir jou nie – Hy versorg jou

Werp al julle bekommernisse op Hom, want Hy sorg vir julle (5:7). Nederigheid beteken dat ek nie vir God as ‘n onbekwame en onsimpatieke Meester sien nie. Ons kom na Hom selfs as ons ly, want ons weet Hy is ‘n deernisvolle Vader. God wat alles gemaak het, het alles tot sy beskikking. As ek glo dat Hy vir ons soos ‘n Vader versorg, sal ons nie vir Hom of sy wil weerstaan nie – al kry ons swaar.

3. Ons lyding in hierdie lewe herinner ons dat ons in ‘n oorlog betrokke is

Wees nugter, wees wakker! Julle vyand, die duiwel,  loop rond soos ‘n brullende leeu, op soek na iemand om te verslind (1 Petrus 5:8). Alles wat ons in die versoeking mag stel om aan God en sy goedheid te twyfel, is bedoel om ons na Hom te lei. Dit sal ons oortuig dat Hy in ‘n massiewe geestelike oorlog betrokke is vir ons lewens. ‘n Kragtige, kreatiewe vyand wil jou doodmaak. As ons swaarkry is God besig om ons uit ons selftevredenheid te skud en wakker te maak vir die dieper werklikhede van die lewe wat baie belangriker as ons omstandighede is.

4. Al voel jy alleen in jou lyding, jy is nooit alleen nie

Jy is in ‘n oorlog betrokke, maar jy is nooit alleen nie. Werp al julle bekommernisse op Hom, want Hy sorg vir julle (5:7). Ons moet saam met ‘n skare gelowiges teen Satan se aanslae veg. Wat is die strategie van die Christelike gemeenskap wat onder Satan se aanslae deurloop? Dra mekaar se laste, en gee op dié manier uitvoering aan die wet van Christus (Galasiërs 6:2).

5. God gaan nie alleen ons lyding wegvat nie, maar sal elke wond genees en alles weer herstel

Ons band met die Here gee my die vertroue dat julle net so sal dink soos ek. Maar die man wat vir julle in verwarring bring, wie hy ook al mag wees, God sal hom straf (5:10). Die psalmis stel dit so: Daarom is ek bly en juig ek en voel ek veilig. U gee my nie oor aan die dood nie. U laat u troue dienaar nie in die graf kom nie. U leer my hoe om te lewe. By U is daar oorvloedige blydskap. Uit u hand kom net wat mooi is (Psalm 16:9 – 11).