There is no such thing as a great man of God, only weak, pitiful, faithless men of a great and merciful God. —Paul Washer

Dawid se wapenrusting

En Dawid het Saul se swaard bo-oor sy uitrusting vasgegord. Maar hy kon nie loop nie, want hy was dit nie gewoond nie. Dawid sê toe vir Saul: “Ek kan nie hiermee loop nie, want ek is dit nie gewoond nie.” En Dawid het dit uitgetrek (1 Samuel 17:390.

Dawid, die jong skaapwagter, hoor die uitdaging van die Filistyne om iemand te stuur om teen Goliat te veg. Niemand behalwe Dawid bied aan om teen die reus te veg nie. Koning Saul bied sy wapenrusting vir Dawid aan. Dawid trek hierdie swaar toerusting aan, maar besluit gou dat hy nie met hierdie swaar wapenrusting sou kon veg nie.

God rus elkeen van ons op ‘n unieke manier wat by ons sterkpunte en vermoëns pas, toe. Dawid is as skaapwagter opgelei om ander wapens te gebruik – ‘n slingervel. Dawid besef baie gou dat hy nie doeltreffend met Saul se wapenrusting sou kon veg nie.

Wat is die gawes en talente wat God vir jou gegee het? Het jy al ooit probeer om iets te doen met wapens waarmee jy nie toegerus is nie? God laat elkeen van ons sekere vaardighede wat uniek aan ons is, ontwikkel. God verwag nie van ons om iemand anders se wapens te gebruik nie.

Hierdie is nie die hele storie nie. Hierdie talente moet saam met geloof gebruik word – talente alleen is nie genoeg nie. Dit is net as ons talente en geloof saamvoeg dat God se mag in ons vrygestel word

Meng vandag jou unieke gawes met geloof en jy sal verbaas wees oor wat God deur jou kan vermag.

The purpose of the home is to be a place of refuge, grace, and productivity—not a platform for me to prove what a great homemaker I am. — Courtney Reissig

Die konteks van apologetiek

Kom ons kyk nader na 1 Petrus 3:15 – 16. In verse 10 – 12 haal Petrus Psalm 34:13 – 17 aan. As iemand die lewe liefhet en ‘n lang lewe begeer om die goeie te geniet, moet hy sy tong weerhou van kwaadpraat en sy lippe van leuens. Hy bly weg van die kwaad af en doen wat goed is, soek vrede en jaag dit na! Die Here sorg vir die opregtes en luister na hulle hulpgeroep, maar Hy tree op teen dié wat kwaad doen. Hy gaan verder in verse 13 en 14: Wie sal julle kwaad aandoen as julle julle beywer vir wat goed is? Maar selfs as julle sou ly omdat julle doen wat reg is, moet julle dit as ‘n voorreg beskou. Moenie vir mense bang wees of julle laat afskrik nie.

Hier moet ons die konteks van apologiek verstaan. Hier het ons ‘n situasie waar mense wat hulle beywer vir wat goed is, ly. Waar het ons dit vantevore gehoor? In Jesus se seënuitsprake. Geseënd is dié wat vevolg word omdat hulle doen wat reg is, want aan hulle behoort die koninkryk van die hemel (Matteus 5:10). Hoe is dit moontlik? Om vervolg te word vir wat reg is, beteken dat ons die werklikheid van die koninkryk van die hemel in ons lewens ondervind.

As jy gelukkig is en nie bekommerd oor die bedreiging is nie, is dit omdat jy aan die Here God ‘n spesiale plek in jou hart gegee het. Nou is jy gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe … met beskeidenheid en met eerbied vir God. Dit is nie die einde van die opdragte nie. Petrus gaan verder: Sorg dat julle gewete skoon bly, sodat dié wat julle oor julle goeie lewenswandel in Christus belaster, daarvoor skaam kan kry dat hulle kwaad van julle gepraat het.

Die konteks van hierdie gedeelte is een waar mense ly … en hulle is gelukkig. Hulle is nie bang nie; hulle is nie bekommerd nie. Die mense om hulle sien dat hulle vol hoop en vreugde is. Hierdie is nie ‘n verbygaande sensasie van plesier nie, maar ‘n voortdurende en oorheersende sin van welstand.

Die ekwivalent vandag sou wees as mense na Christus se volgelinge kyk en hulle slegte omstandighede sien en sê” “Jy is besig om aan kanker te sterf; jy doen goed, maar mense behandel jou sleg …  en tog is jy vol hoop.” Hierdie mense huil nie en loop rond en vra waarom dit nou juis met hulle gebeur nie – soos baie mense, ook Christene – doen. My broers, julle moet bly wees as allerlei beproewings oor julle kom (Jakobus 1:2). Die probleem is dat ons soos meeste ongelowiges optree. Ons praat hier van ‘n lewe waarvan Jesus gesê het: En elkeen wat lewe en in My glo, sal in alle ewigheid nooit sterwe nie. Glo jy dit? (Johannes 11:26).

As ons aan Jesus verbind is, is daar iets verskillend aan ons. Mense sal begin vra hoekom dit so is. Dit is die konteks van apologetiek.

In terms of Christian theology, the gospel is the glue between doctrine, experience, mission, and practice – Michael Bird

 ‘n Model om twyfel te hanteer

In Johannes 20 lees ons hoe Jesus ‘n twyfelaar – Tomas – benader. Johannes begin deur vir Tomas te beskryf:

Tomas, wat ook Didimus genoem is, een van die twaalf, was nie by die dissipels toe Jesus gekom het nie. Die ander dissipels sê toe vir hom: “Ons het die Here gesien!” Maar hy sê vir hulle: “As ek nie die merke van die spykers in sy hande sien en my vinger in die merke van die spykers steek en my hand in sy sy steek nie, sal ek nooit glo nie” (20:24 – 25). Sjoe. Tomas wil nie net sien nie, hy wil vat ook. Hy wil absoluut seker maak hy hallusineer nie. Dit is ‘n eerlike benadering. God waardeer ons eerlike vrae, want dit gee aan Hom iets solied om mee te werk.

Jesus laat Tomas braai met sy vraag vir agt dae. Dit is goed vir jou om ‘n bietjie te braai met jou vrae, mits dit binne perke is. Teen die tyd wat jy die antwoord kry, is jy gereed daarvoor. Jesus los vir Tomas om te werk aan sy probleem – ag dae lank. Ag dae later verskyn Jesus weer aan sy dissipels. Hierdie keer is Tomas by. Jesus gaan staan tussen hulle: ”Vrede vir julle!” Daarna sê Hy vir Tomas: “ Bring jou vinger hier en kyk na my hande; en bring jou hand en steek  hom in my sy; en moenie langer ongelowig wees nie, maar wees gelowig.”  Jesus was bereid om Tomas by te staan om deur sy twyfel te werk. Dit is ‘n kenmerk van die Here in verhouding met sy mense. Luister wat sê Hy volgende vir Tomas: “Glo jy nou omdat jy My sien? Gelukkig is dié wat nie gesien het nie en tog glo.” Let daarop dat Jesus nie maar net vir Tomas laat ly het nie – Hy gee aan Tomas die bewyse  wat hy nodig gehad het. Dit is tipies van Jesus se benadering tot twyfel. Hy reageer op mense wat eerlik twyfel op die manier wat Hy weet die beste is om van twyfel na kennis te beweeg.

Baie gelowiges het groot geword met die idee dat hulle nie vrae mag vra oor wat hulle in die kerk hoor nie en dat twyfel ‘n slegte ding is. Hulle sien nie die groot waarde in twyfel raak nie – dit stimuleer jou om aan te hou dink en vrae te vra. Sien net wat Jesus alles reggekry het deur bloot net vrae te vra. Ons moet hierdie proses aan die gang hou in gesprekke met ander, om na goeie sprekers te luister, om boeke te lees, ens. Hierdie mag tydrowend wees en daarom moet ons dit in ‘n gemeenskap doen waar ons deel wat ons besig is om te leer. Maar dan moet ons gemeenskap oop wees. Mense, veral jongmense,  moet aangemoedig word om hulle twyfel te erken en daaroor te praat. Om oor jou twyfel te praat is goed.

The gospel is where God meets us and where we introduce the world to God – Michael Bird

Wat is die waarheid?

Die siening van ons hededaagse kultuur is dat daar geen absolute waarheid of werklikheid is nie. Wat ons “feite” noem is die produk van mense. Kennis is daarom die “beste professionele praktyk” soos tans gedefinieer. What is reality anyway? Nohtin’ but a collective hunch (Lily Tomlin). Morele beginsels word beskou as die vooroordele van sekere groepe waarvan nie een beter is as enige ander nie.

Dit tradisionele siening van die waarheid was nog altyd dat die waarheid, kennis en die werklikheid nie sake is wat jy of jou groep uitdink nie. Die waarheid besluit oor wat in werklikheid daar is, maak nie saak hoe jy of ander dit sien nie. Hou by die waarheid, moet daar nie van afstand doen nie; hou by wysheid, by selfbeheersing, by insig (Spreuke 23:23). Die waarheid is kosbaar en die waarheid en die bose kan nie saam bestaan nie.

Die waarheid is so belangrik dat Jesus Christus na die wêreld gekom het om van die waarheid te getuig. Daar word na die gemeente verwys: die gemeente is die draer en beskermer van die waarheid (1 Timoteus 3: 15). Die waarheid is kosbaar vir die mens se lewe in al sy dimensies, want dit alleen maak dat ons die werklikheid kan insien. Die waarheid is nie alles nie, maar daarsonder loop alles skeef. As ons aan die Christelike evangelie en wat ons as Christene doen, dink, moet ons hulle in die kategorie van die waarheid verstaan. As ons die evangelie nie in hierdie lig sien nie, verstaan ons dit nie. Jesus se woorde is die beste inligting oor die onderwerpe van wesenlike belang vir mense. Dit is die enigste soliede fondament vir ons idees.