There are three stages in every great work of God: first, it is impossible, then it is difficult, then it is done. —Hudson Taylor

Waarhede aangaande uitreike

Daar is twee waarhede aangaande uitreike wat ons moet onthou anders gaan ons nie Jesus se goot opdrag om na al die nasies te gaan en die mense sy dissipels te maak, vervul nie (Matteus 28:20).

Waarheid #1: Vyandigheid

Mense is vyandig teen die evangelie. As ons met mense oor Jesus gaan praat, gaan ons seerkry. Daarom is die versoeking groot om op te hou om te getuig. Meeste Christene as hulle pas tot bekering gekom het, is entoesiasties om ander daarvan te vertel. Maar dan spot of beledig iemand jou en jy hou op om mense van jou geloof te vertel. Maar Jesus sê dit is normaal: Ek stuur julle soos skape tussen wolwe in (Matteus 10:16).

Ten spyte van hierdie vyandigheid moet ons almal getuies wees: Wees altyd gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe (1 Petrus 3:15). Dit lyk goed: ek vertel vir hulle die evangelie; hulle bekeer hulle; hulle bedank my omdat ek hulle van Christus vertel het.

Maar dit is nie waaroor 1 Petrus gaan nie. Hierdie boek gaan oor Christene wat swaarkry omdat hulle Christene is. In net die volgende vers lees ons van mense wat julle oor julle goeie lewenswandel in Christus belaster. Vers 14: Maar selfs as julle sou ly omdat julle doen wat reg is, moet julle dit as ‘n voorreg beskou.

Evangelisasie lei tot vyandigheid. Daar is geen tegniek wat ons kan gebruik om dit te vermy nie. Daarom as ons seerkry, moet ons nie verbaas wees en stop nie.

Waarheid #2: Honger

Vyandigheid is net die helfte van die storie. Daar is toenemende vyandigheid, maar ook toenemende honger. Mense begin besef dat die sekulêre manier van leef leeg is. Meer en meer mense is honger om van die evangelie te hoor. Dit was nog altyd so – Paulus het dit in Korinte uitgevind.

Korinte was ‘n groot handelstad. Dit was ook ‘n stad wat godsdienstige pluralisme bevorder het. Paulus was in ‘n plek wat nogal baie soos die wêreld van vandag was. Hoe voel hy? Bewus van my swakheid, en met groot angs en huiwering, het ek na julle toe gekom.  Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees (1 Korintiërs 2:3 – 4). Paulus kon baie maklik besluit het om nie met sy evangelisasie voort te gaan nie, maar die mense wat honger vir die boodskap.

Paulus het besef dat sy woorde nie genoeg was nie, maar deur die kragtige werking van die Gees, het sy boodskap vrugte gedra. Soos hy vir hulle die getuienis oor God verkondig het, werk die Here deur sy Gees en mense kom tot bekering al was Paulus verwerp. God werk deur Paulus om sommige wolwe in skape te verander.

As ons met ‘n ongelowige oor Jesus Christus praat, weet ons nie watter reaksie ons sal kry nie. Ons moet die vyandigheid waag om die honger te ontdek. Soms sal ons, soos Paulus, vyandigheid kry. Soms sal ons, soos Paulus, honger kry. Twee waarhede – vyandigheid en honger. Hou vas aan beide as ons mekaar wil help om dissiepels vir die Here te maak.

Right is right though all condemn, and wrong is wrong though all approve. —Charles Spurgeon

Kleingroepe in die gemeente

Kleingroepe is baie belangrik in gemeentes. Daar is ‘n groot verskeidenheid van groepe wat kan werk. Daar is egter sekere aspekte wat belangrik is as verandering van lewens een van die doelwitte van hierdie groepe is. Hier is vier belangrike fasette van kleingroepe:

1. Verbind

Kleingroepe verbind mense in verhoudings. Dit is terloops ‘n rede waarom mense kerke verlaat – die feit dat hulle nie daarin geslaag het om verhoudings te bou nie. Kleingroepe moet ‘n gemaklike omgewing skep waarin mense verhodings kan aangaan.

2. Vermeerder

As die mens groei vermeerder die selle – een sel word baie selle. Dit laat groei en verandering toe. Groei in die kerk vind net plaas as mense voortdurend groei en vermeerder. Kliengroepe moet vermeerder sodat al hoe meer mense dit kan ondervind.

3. Assimileer

Kleingroepe assimileer lede vir bediening deur diens. Soos mense saam in verhoudings groei, sal hulle geredelik saam met ander dien. Of kleingroepe saam dien en of hulle lede help om op hulle eie te dien, moet kleingroepe mense help om te dien – binne en buite die kerk.

4. Verander

Kleingroepe laat mense toe om dieper en vinniger persoonlik te verander. Met die fokus op Bybelstudie en die toepassing van God se waarhede in die lewe, help kleingroepe mense om ware lewensverandering te ondervind. Kleingroepe skep ‘n veilige omgewing om vrae te vra tussen mense wat ook sukkel. Hulle skep ook ‘n veilige omgewing waar mense met geloofsake kan worstel.

Kleingroepe met hierdie vier eienskappe verbind mense in ware verhoudings in ‘n omgewing waarin die Bybel gelees, bespreek, gewaardeer en uitgeoefen word. Dit is die plek waar mense in hulle geloof meer volwasse word. Hulle word ook bemoedig om meer gereeld die Bybel te lees

The Christian community as a community of love is not infinitely inclusive; those who reject Jesus are not and cannot be part of it – Richard Hays

Hoe ontwikkel ek gewoontes?

Veral sielkundiges het baie werk op hierdie gebied gedoen.

1. Stel ‘n doelwit

Dit is baie makliker om ‘n gewoonte te vorm as ons ‘n spesifieke doelwit het. As ons doelwit byvoorbeeld is om die Bybel in een jaar deur te lees, mag dit lei tot ‘n gewoonte van Bybel lees selfs na die jaar verby is.

2. Ontwikkel ‘n stap vir stap plan

Om jou doelwit te bereik, moet jy dit in kleiner stappe verdeel. Hierdie stappe moet spesifiek en realisties wees. As jy die Bybel in een jaar wil deurlees, moet jy bereken hoeveel hoofstukke jy elke dag moet lees.

3. Werk aan een gewoonte

Moenie te veel op een slag in jou lewe verander nie. Probeer jy te veel doen, gaan jy sekerlik misluk. As jy op een gewoonte fokus, is die moontlikheid van sukses beter.

4. Assosieer ‘n plek en tyd met die aktiwiteit

As jy ‘n gewoonte wil aanleer, moet jy jou aktiwiteite op ‘n spesifieke tyd en plek doen – elke dag. So sal jy elke dag jou Bybel om sewe uur in jou studeerkamer lees.

5. Maak dit ‘n prioriteit

Daardie tyd en plek is gereserveer en mag vir niks anders gebruik word nie – ook nie vir e-posse of Facebook nie.

6. Vroeë fokus verbeter die kanse op sukses

In die vroeë fase van ‘n gewoonte aanleer, moet jy nie sommer ‘n dag oorslaan nie.

7. Identifiseer potensiële hindernisse

Jy moet moontlike hindernisse antisipeer voordat hulle nog gebeur. Ontwikkel planne om hierdie hindernisse te vermy.

8. Wees gereed vir terugslae

Sommige gewoontes kan binne agtien dae aangeleer word. Ander vereis soveel as 250 dae. Daar is min gewoontes wat moeiliker is om te ontwikkel as juis gebed. Jy gaan teleurstellings en terugslae ondervind. Jy kan na die Here gaan vir vergifnis en jy kan weer voor begin.

9. Ken jouself

Sommige mense is van nature meer gedissiplineerd as ander. As jy nie die georganiseerde tipe is nie, kan dit moeiliker wees om ‘n gewoonte aan te leer.

10. Wees geduldig

Hoe lank? Die ontwikkeling van gewoontes gebeur nie oornag nie. Jy gaan die Heilige Gees nodig hê om jou te help om ‘n gewoonte aan te leer en om jou dan te help keer dat dit nie net ‘n formaliteit word nie.

There is a danger that grace can become a topic we discuss rather than a power we experience. —Heath Lambert

‘n Goeie gewete is ‘n gewete om te geniet.

Ons kyk nou na die vierde en laaste kenmerk van ‘n gewete wat die wêreld kan verander.

‘n Goeie gewete is ‘n groot vriend. Dit help ons in voor- en in teenspoed. In Handelinge 24 besef Paulus dat die doodstraf ‘n sterk moontlikheid is. Hy verkondig die opstanding en die finale oordeel van alle mense. In hierdie konteks verklaar hy sy skoon gewete, Sy oë is gerig op die laaste hof waarin hy sal staan. Dit is sy hoop; dit is waarna hy uitsien. Hy kan met vreugde daarna uitsien, want hy weet hy het ‘n skoon gewete.

Watter vreugde om so ‘n gewete te hê – ‘n gewete wat na die opstanding en finale oordeel met hoop kan uitsien. Een van die Puriteine het gesê dat ‘n skoon gewete die sagste kussing is. Abraham Lincoln was president net na die burgeroorlog in Amerika. Die land was verdeeld. Hy het besef dat hy foute sou maak, maar hy was vasbeslote om nooit sy integriteit te verloor nie. Daarom kon hy sê dat as hy sy termyn voltooi het hy alle vriende mag verloor het, maar dat hy nog een vriend oor sal hê – and that friend shall be down inside of me.

In sy the Holy War skryf John Bunyan van die gewete en noem hom “Mr Recorder.” Hy skryf onder andere: Because being punished by men can be better than being tormented by conscience. Om te leef met ‘n gewete wat ons aankla, is erg genoeg, maar om te sterf met ‘n gewete wat jou aankla, is nog erger.

‘n Goeie gewete kon Martin Luther laat vas staan al was die hele kerk teen hom. Mag God ons seën met ‘n soortgelyke sterk en skoon gewete wat nie net ons innerlike wêreld sal verander nie, maar ook die wêreld waarin ons leef.