When the hosts of the enemy distress you, when your frame is fevered and your passions roused, when you say in your heart, “What shall I do?” Elisha’s words shall give you your answer, “Fear not, for they that be with us are more than they that be with them.” –– Hiëronimus

Ek is Nommer een!

Hoe dikwels hoor ons nie: “As jy iets in die lewe wil hê, moet jy daarvoor baklei!” Is dit nie hoe baie van ons dink en praat en leef nie? Ons wil meer geld en besittings en plesier hê en sal alles in ons vermoë doen om dit te kry. Ek is eerste en niemand anders maak saak nie. Die sterkes wen; die swakkes verloor.

Maar nou kom Jesus en Hy sê: Geseënd is die sagmoediges, want hulle sal die nuwe aarde ontvang (Matteus 5:5). Wat beteken sagmoedig? Ek plaas ander eerste en myself laaste en God bo almal. Dit mag beteken dat ons ‘n bietjie in hierdie sondige, tydelike wêreld verloor, maar kyk wat kry ons: hulle sal die nuwe aarde ontvang. Die wêreld sê dat as jy iets wil hê, moet jy daarvoor baklei; Jesus sê dat as jy die wêreld wil hê, moet jy dit opgee. As jy net vir hierdie wêreld leef, gaan jy uiteindelik alles verloor.

Sagmoedigheid is nie swakheid nie. Dit beteken nie dat ek ‘n sagte mens moet wees waarop almal kan trap nie. Moses was ‘n sterk en suksesvolle leier. Maar luister net hierna: Moses was ‘n uiters sagmoedige man, meer as enigiemand anders op aarde (Numeri12:3). Jesus was ook sagmoedig: Neem my juk op julle en leer van My, want Ek is sagmoedig en nederig van hart (Matteus 11:29). Tog het Hy nie ‘n oomlik gehuiwer om ‘n sweep te neem en die handelaars van die tempelterrein te verjaag nie. Sagmoedigheid is beslis nie sagtheid nie. Dit is krag wat onder beheer is en tot voordeel van ander is.

Hoe kry ek sagmoedigheid? Ek kan dit nie koop nie; ek kan nie daarvoor werk nie. Ek moet daaroor besluit. Ek moet hartseer wees oor my sonde. Hartseer lei tot sagmoedigheid.

If you can trust God to save you for eternity, you can trust him to lead you for a lifetime. —David Platt

Kan ek nog leer?

Die een kenmerk wat suksesvolle van onsuksesvolle mense skei, is hulle vermoë om nog te leer. Dit maak nie saak hoeveel talente jy het nie, maar as jy nie wil leer nie, gaan jy nooit jou volle potensiaal bereik nie.

Hoe lyk ‘n persoon wat nie wil leer nie?

• Hulle leer net die blote minimum en lees baie selde.
• Hulle vra nie vrae nie.
• Hulle aanvaar nie verantwoordelikheid vir mislukkings nie; hulle blameer altyd iemand of iets anders.
• Hulle aanvaar geen persoonlike leiding van hulle ouers of onderwysers of leraar nie.
• Hulle luister min, maar praat baie – veral oor hulleself.
• Hulle aanvaar nie kritiek of regstelling nie.
• Hulle het ‘n weerstand om uit hulle gemaksone te skuif – hulle soek altyd die maklike of bekende roete.
• Hulle leer niks wat hulle bestaande vooroordele of praktyk uitdaag nie.

Die kenmerke van mense wat graag leer is:

• Hulle is bewus van hulle tekortkominge ten opsigte van kennis en vermoëns.
• Hulle erken hulle beperkings, onvermoë en onkunde aan ander wat vir hulle kan leer.
• Hulle vra gereeld vir hulp, leiding en raad.
• Hulle leer van almal.
• Hulle luister aandagtig na ander met die begeerte om te leer.
• Hulle is bereid om uit hulle gemaksone te beweeg en foute te maak.
• Hulle gee nie om as hulle misluk nie – hulle soek hulp en probeer totdat hulle dit regkry.
• Hulle is gewillig om hulle sienings en praktyke te verander as mense hulle oortuig.

Dit is duuidelik dat mense wat bereid is om te leer nederig moet wees.

Hy laat aan hulpeloses reg geskied en Hy leer hulle sy pad (Psalm 25:9).

“There is nothing dreary or doubtful about (the life). It is meant to be continually joyful…We are called to a settled happiness in the Lord whose joy is our strength.” ~ Amy Carmichael

Hoe moet ek haat?

In ‘n vorige blog het ons na heilige haat verwys: Julle het die Here lief, haat dan wat sleg is (Psalm 97:10). Hoe kan jy op ‘n Christelike wyse haat?

1. Haat Bybels. Persoonlike voorkeure en vooroordele mag geen rol speel nie. Ons moet ook net haat wat die Bybel sê ons moet haat. Ons haat die bose in die algemeen, maar die Bybel identifiseer ook sekere spesifieke sondes. U bevele gee my insig, daarom haat ek elke verkeerde pad (Psalm 119:104); Om die Here te dien, is om te haat wat verkeerd is. Daarom haat ek hoogmoed en hovaardigheid, ‘n verkeerde lewe en slinkse woorde (Spreuke 8:13); Die regverdige haat leuens; die goddelose maak hom gehaat en veragtelik (Spreuke 13:5); ens.
2. Haat proporsioneel. Ons kan nie dieselfde graad van haat vir alle oortredings hê nie. Jou haat moet die erns van die sonde weerspieël
3. Haat toepaslik. Dit gaan altyd met gebed en God se woord gepaard.
4. Haat onpersoonlik. Probeer die sonde van die persoon skei. Dit is nie maklik nie. Jesus Christus het elkeen van ons persoonlik lief, maar haat die sonde wat ons doen.
5. Haat in liefde. Omdat ek die persoon se sonde haat, is daar geen verskoning om onbeskof te wees nie. Moenie kwaad met kwaad vergeld nie. Wees goedgesind teenoor alle mense. As dit moontlik is, sover dit van julle afhang, leef in vrede met alle mense (Romeine 12:17 – 18). Luister na hulle siening; moenie hulle beledig nie; soek geleenthede om praktiese dade van liefde te bewys.
6. Haat evangelisties. Ons moet wys dat ons ‘n persoon se sonde veroordeel, maar dit moet nie die eindpunt wees nie. Die eindpunt is om vir hulle Jesus Christus se volle en vrye vergifnis te wys. Ons wil hulle nie verkeerd bewys nie, maar op die regte pad help.

“Jesus first, others next, and yourself last spells J-O-Y.” ~ Linda Byler

Ek is ten gunste van haat!

Vandag kan ons feitlik enigiets doen mits ons net nie haat nie. Nou sê die psalmis vir ons: Julle het die Here lief, haat dan wat sleg is (Psalm 97:10). Die psalmis verwys hier na ‘n heilige haat. Dit is ‘n haat wat alles wat God se eer aantas, verag. Maar Jesus Christus het tog alle mense lief. Korrek, maar Hy het beslis die sonde gehaat. U het die reg lief en haat die onreg (Hebreërs 1:9)

God het ‘n heilige haat vir dubbele standaarde. Daarom het sy Seun ‘n sweep geneem en die handelaars uit die tempel verjaag. Dit was ‘n haat vir slawerny wat Wilberforce gemobiliseer het. Dit is haat vir  alkoholisme, dwelmverslawing, handel in kinders, ens wat ons moet motiveer.

Haat het ‘n morele doel. Daarsonder is dit nie heilige haat nie. Moraliteit vereis liefde vir wat reg is en haat dit wat verkeerd is.

Die vraag is nie of morele haat reg is of nie. Die vraag is: Wat is moreel? Hoe moet ons besluit wat verkeerd is. Die alternatiewe is duidelik: dit is die waardes van Jesus Christus teenoor die waardes van die wêreld.