Repentance which has no tear in its eye, and no mourning for sin in its heart, is a repentance which needs to be repented of – C.H. Spurgeon.   

Ontsag vir die Here

Die volk was vervul met ontsag vir die Here (Haggai 1:12). Wat beteken ontsag?

• ’n Gevoel van onderwerping aan die gesag van God in reaksie op sy karakter as God. Hulle word intiem bewus van wie God is – sy heiligheid sy almag, ens. Daarom buig hulle in  gehoorsaamheid en onderwerping voor Hom. Die offer wat U wil hê, o God, is verootmoediging: U sal ‘n hart vol ootmoed en berou nie gering ag nie, o God (Psalm 51:19). Buig ons nog in gehoorsaamheid voor God neer?
• ’n Gevoel van eerbied en respek vir God se mag en krag. Die idee dat God magtig is en in staat is om te verlos, is ’n sleutelelement in ons verstaan van wie God is. Ons moet weer daaraan herinner word dat God voldoende is.

Is ons nog met ontsag vir die Here vervul?

Our works are God’s masks, behind which he remains hidden, although he does all things –Martin Luther.

Die Christen se grootste reis

Jy word wakker in ‘n onbekende bed. Jy wonder waar jy is. Jy kyk om jou vir leidrade. Uit jou omgewing besef jy waar jy is. Het jy al ooit wakker geword en gewonder: Waar is ek op my geestelike reis? Jy kyk om jou en soek leidrade van jou geestelike status. Een so ‘n leidraad is 1 Johannes 3:14: Ons weet dat ons klaar  uit die dood na die lewe oorgegaan het, want ons het ons broers lief. Wie nie liefhet nie, bly in die dood.

Johannes gebruik hier die beeld van reis van een plek (die dood) na ‘n ander plek (die lewe). Kom ons kyk van nader na hierdie reis.

1. Ons tuiste = die dood

Die beginpunt van almal van ons se reis is die dood. Ons is geestelik dood. Wat beteken dit? Ons is van God geskei; ons geestelike sintuie werk nie; kommunikasie met God is onmoontlik. Geestelike dood is ons natuurlike tuiste.

2. Ons reis

Johannes sien ‘n pad uit hierdie dilemma. Dit is egter ‘n reis wat ons nie alleen kan onderneem nie Ons het Jesus Christus as reisgenoot nodig. Jesus Christus is die beproefde reisgenoot. Hy misluk nooit nie; Hy verdwaal nooit nie.

3. Ons bestemming = die lewe

Hier is ons met God versoen. Ons groei geestelik. Hoe weet ons dat ons hierdie reis suksesvol afgelê het? Ons het ons broers lief. Johannes beklemtoon dit weer in die volgende twee verse.

Hoekom moet ons ons broers liefhê?

• Ons het dieselfde Vader.
• Ons is lede van dieselfde familie en huishouding.
• Ons dra almal dieselfde beeld.
• Ons deel in die familienaam, vooregte en beloftes
• Ons gaan eendag almal saam in ons hemelse huis lewe.

Hierdie liefde is prakties. Ons moet hierdie liefde iets konkreet maak deur dit in die alledaagse lewe uit te leef. Liewe kinders, ons liefde moenie net woorde en lippetaal wees nie, maar moet met die daad bewys word, en dan in opregtheid (vers 18).

I have come to the frightening conclusion that I am the decisive element. It is my personal approach that creates the climate. It is my daily mood that makes the weather – Goethe

God se woord lei tot gehoorsaamheid

God se woord het deur die profeet Haggai na die volk gekom. Die mense het dit gehoor en gehoorsaam gereageer. In Haggai 1:12 sien ons dat die hoëpriester en goewerneur die eerste was om te reageer. Toe reageer die hele volk. Dit alles is die gevolg van een gebeurtenis: die verkondiging van God se woord. Ons sien hier twee betekenisvolle fases:

• Hulle het ter harte geneem wat die Here hulle God gesê het. God het gepraat en hulle het gereageer. Hoe het God gepraat? Deur sy profet Haggai.
• Hulle het vir Haggai gehoorsaam, want Hy het in opdrag van die Here hulle God gepraat.

Hierdie vers vertel vir ons drie belangrike werklikhede van God se woord en ons gehoorsaamheid:

• God se woord is kragtig en doeltreffend. Die woord van God is lewend en kragtig. Dit is skerper as enige swaard met twee snykante en dring deur selfs tot die skeiding van siel en gees en van gewrigte en murg. Dit beoordeel die bedoelings en gedagtes van die hart (Hebreërs 4:12). God se woord sny deur die chaos in ons harte, sê vir ons wat sy wil is en dwing ons om te gehoorsaam. Ons moet God se woord vertrou en sy woord se gesag in ons lewens erken.
• Hierdie vers herinner ons dat God se woord dikwels na ons toe kom deur ‘n leraar of ander gelowige. God se woord is kragtig, maar sy verkose manier om dit oor te dra, is dikwels deur ’n ander gelowige.
• Leierskap is belangrik. Hier sien ons dat Serubbabel seun van Sealtiël (die goewerneur) en die hoëpriester Jesua die woorde van God ter harte geneem het. Goeie leiers lei deur hulle voorbeeld van nederigheid  en gehoorsaamheid aan God se woord.

Glo ons nog hierdie werklikhede van God se woord?

Every soul which depends not on God alone is enslaved to Satan. — Johannes Calvyn

Sisteemdenke

‘n Orkes is bymekaar om te oefen. Die bekende Michael Costa was die dirigent. Die musiek bereik ‘n crescendo – al die instrumente speel. Die piccolo was stil, want die speler het sy plek op die bladmusiek tydelik verloor. Skielik maak Costa die orkes stil en vra: “Waar is die piccolo?” Vir ‘n vaardige dirigent en leier is elke deel van die sisteem belangrik – selfs dié wat nie so belangrik lyk nie.

Dit is die punt wat Paulus in 1 Korintiërs 12:12 – 29 maak. Al bestaan Christus se liggaam uit baie dele is dit steeds een liggaam. In hierdie liggaam kry ons ‘n groot diversiteit, maar elke lid is ewe belangrik.

Paulus wil verseker dat elke volgeling van God sal besef dat hy belangrik is – dat hy besef dat sy bydrae onmisbaar is. Niemand kan optree asof hy los van die liggaam staan nie. Hulle mag ook nie op mekaar jaloers wees nie. Maar nou het God die lede, elkeen van hulle afsonderlik, in die liggaam gevoeg soos Hy dit wou hê. Hy vra elkeen om getrou volgens sy unieke roeping te dien.

Leiers moet elke lid van hulle span as ‘n onmisbare deel van die sisteem sien. Leiers moet elke lid help om te ontdek wat sy rol is. Doeltreffende leiers weet dat take ten beste vervul kan word deur sisteme te organiseer en te implementer. As ons dit doen boots ons maar net vir God na – Hy het ‘n passie vir orde en harmonie gehad