Sy krag verlaat hom (Rigters 16:13 – 22)

Delila besef dat Simson hierdie keer die waarheid gepraat het. Simson besef dat hy vir Delila die waarheid vertel het en moes besef het toe hy wakker word dat sy krag hom verlaat het.. Tog dink hy dat hy kan weer soos vantevore uitgaan en hom losruk, want hy het nie geweet dat die Here hom verlaat het nie. Simson het geleidelik sy eed as Nasareër verbreek..

Die sleutelvers is:Ek sal weer uitstap soos die vorige kere en my losruk (16:20). Ons het gesien dat al het hy gereeld God se wet verbreek , het   God  hom elke keer krag gegee. Hoekom nie nou nie? Hoekom het Simson nie geloop toe hy vir Delila die waarheid vertel het nie. Inteendeel hy raak op haar skoot aan die slaap. Hoekom? Hy het nie werklik geglo dat sy eed of hare die bron van sy krag is nie. Hy het geglo dat sy krag syne was en maak nie saak hoe hy gelewe het nie hy sou dit nie verloor het nie. Hy kon Nie sien hoe afhanklik hy van God se genade was nie. hy sien sy krag as sy reg en nie as ‘’n gawe van God se genade nie.

Die Filistyne het geglo sy krag was ‘’n wonderwerk. Daarom het hulle sy leuens oor boogsnare en vars toue geglo. Die Filistyne het geglo dat Simson iets moes doen om homself sterk te hou. Simson het gedink dat hy niks hoef te doen om sy krag te behou nie.

God se krag is anders. Dit hang af van ‘’n hartsverhouding. Daar is geen goddlike krag sonder dissipelskap nie. Jesus stuur sy dissipels uit met die krag van die Heilige Gees. Wat is daardie krag? Die wete dat Jesus belowe het: Ek is by julle al die dae tot die voleinding van die wêreld (Matteus 28:20). By julle wees dui op ‘’n verhouding. Wat belangrik was, was nie dat Simson se hare afgesny is nie, maar dat God besluit het om hom te verlaat. Die problem was dat Simson meer vir Delila omgegee het as vir God.

God se krag vloei in ‘’n toewyding van liefde en diens aan God. Dit hang steeds van God af. God kan in ons lewens werk al volg ons nie sy reëls nie, maar, soos Simson, kan ons dit nie aanvaar nie. Goddelike krag word nie van buite (volg die reëls) verkry nie. Dit word ook nie maklik verloor (as ons nie ons beloftes aan God nakom nie). Dit hang nie van ‘’n bepaalde tegniek af nie dit is wat God se eie rigter nie verstaan het nie.

Hoekom dink ons dat God ons sal seën? Soms glo ons dat hy dit in die verlede gedoen het en daarom sal Hy dit weer doen ons raak   selfvoldaan. Soms glo ons dat God ons sal seën as ons net die regte resep volg Ons bestudeer die Bybel, ons gaan kerk roe, ons bid sodat God ons kan seën ons Christelike pligte soos ons geestelike krag moet uit ‘’n verhouding met God vloei nie uit wat ons doen nie.

Wen argumente en verloor mense

Daar is baie boeke wat Christene help om hulle geloof te verdedig maar ons kan nie hierdie antwoorde leer net om argumente te wen nie. Christianity has never made converts primarily by winning arguments but rather by capturing hearts.” (Jared C. Wilson). As die kultuur die Christelike geloof teenstaan,, is ons werk as Christene om te wys hoe waar en goed en aantreklik ons geloof is. Met studie en vasberadenheid kan jy meeste argumente wen, maar is dit wat jy werklik wil hê?

Baie klassieke Christelike skrywes van Augustinus tot C. S. Lewis het altyd probeer om meer as net argumente te wen.  Hulle doel was altyd om mense na die Christelike geloof aan te trek al het hulle gewys dat hulle geloof redelik was.

Wat die Christelike geloof uniek maak is die evangelie van Jesus Christus. Ongelukkig word die Christelike geloof dikwels aanvaar as ‘’n boodskap oor hoe om  goeie mense te wees. Dit is nie korrek nie. Die Christelike geloof gaan oor slegte mense wat genade ontvang, Dit gaan oor Jesus wat geleef, gesterf en opgestaan het. Dit gaan oor God wat sondaars soek. Dit gaan oor die Heilige Gees wat in die harte van gebrokenes werk om verlossing as ‘’n gratis geskenk te ontvang. Die Christelike geloof is nie ‘’n godsdiens van reëls nakom nie. Dit gaan oor ‘’n wonderlike uitruil – ons sondes vir Christus se geregtigheid. God het ons sondes deur sy eie Seun gestraf en ons regverdig verklaar. Hierdie boodskap is oortuigend genoeg om sondaars na God toe te trek.

Die Christelike godsdiens is nie die soort godsdiens wat mense sou uitdink nie. Dit verskil betekenisvol van die ander godsdienste. Die boodskap van die Christendom is kragtig genoeg om geloof uit te lok. Die Christelike geloof hoef nie om elke hoek en draai verdedig te word dit as geloofwaardig te vestig nie.

Moenie voel dat jy al die antwoord het nie, die boodskap is inherent redelik. Die boodskap is uniek in sy boodskap van genade en barmhartigheid. Hierdie boodskap van genade en barmhartigheid het die vermoë om mense na Jesus te trek.

Die Bon van ware hoop

In sy groot ontferming het Hy ons die nuwe lewe geskenk deur die opstanding van Jesus Christus uit die dood (1 Petrus 1:3).

Ons hoop is nie in dié wat regeer nie of die wette wat ons aanneem  nie of die groot dinge wat ons as nasie doen nie. Hoop se oorsprong is ook nie wensdenkery nie of blinde optimisme of drome nie. Hoop is ‘n ontwykende entiteit in meeste wêreldsienings sowel as in meeste godsdienstige opsies.

As Christene het ons ‘n antwoord wat nie berus op wensdenkery nie, maar op ‘n geskiedkundige gebeurtenis. Ons het ‘n baie soliede rede om op God te vertrou dat dinge vorentoe beter sal wees. Hier dink ons spesifiek aan die opstanding van Jesus. Tydens sy aardse lewe was Jeus ‘n bron van hoop. Sy dissipels het die hoop gehad dat hulle meer betekenis en doel in hulle leens sal kry. Hy het tasbare hoop versprei as hy die gebroke harte en siek liggame van mense genees het. Hy beliggaam hoop vir ons aardse lewens en hy het ‘n hoop-gevulde bestaan in die hemel tot in ewigheid belowe aan diegene wat hom volg en vertrou.

Toe Jesus uitgedaag was om die rede vir hierdie hoop te gee antwoord Hy: Breek hierdie tempel af en in drie dae sal Ek hom oprig (Johannes 2:19). Johannes verduidelik dan: met hierdie tempel het Hy sy liggaam bedoel. Jesus voorspel hier nie net sy dood nie, maar ook sy opstanding drie dae later.

Vir Jesus se volgelinge is die Paasgebeure die basis vir hulle hoop. Of Jeus sou uit die dood opstaan en so bewys dat Hy is wie Hy gesê het Hy is en dat Hy sou doen wat Hy belowe het om te doen of hy sou as bedrieër blootgetel word wat vals hoop versprei het.

Paulus sê; En as Christus nie opgewek is nie, is julle geloof waardeloos en is julle nog gevange in julle sondes .. As ons net vir hierdie lewe ons hoop op Jesus vestig, is ons die bejammerenswaardige van alle mense (1 Korintiërs 15:17 en 19). Maar Paulus gaan verder: Maar nou, Christus is opgewek uit die dood, as eersteling uit dié wat gesterf het.

Hoekom laat God tragedies en lyding toe?

Na die onlangse tragedie in Las Vegas is dit ‘’n vraag wat weer algemeen gevra word. Leë Strobel het die vraag probeer antwoord. Hierdie “hoekom” vraag gaan reeds duisende jare terug. Dit is reeds deur Job en die skrywers van die psalms gevra. In ‘’n nasionale meningsopname is die volgende vraag gevra: “As jy net een vraag vir God kan via, wat sal jy vra?’ Die algemeenste antwoord was: “Hoekom is daar lyding in die wêreld?”

Jesus het dit voorsien: Dit sê Ek vir julle . sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin (Johannes 16:33). Jesus was eerlik. Strobel sê dat as jy hom vra waarom God die man toegelaat het om so baie mense dood te skiet, kan hy net antwoord: “Ek weet nie.” Ons het nie God se oë en denke om daardie vraag te antwoord nie. 1 Korintiërs 13;12 sê: Nou kyk ons nog in ‘’n dowwe spieël en sien ‘’n raaiselagtige beeld, maar eendag sal ons alles sien soos dit werklik is.  Alles wat ons nou weet is gedeeltelik en onvolledig. Maar eendag sal ons soos God tans alles volledig sien. Net soos God my nou volledig ken.

As ons oor spesifieke individuele gebeure vra en wil weet waarom dit gebeur het, sal ons nie die volledige antwoord in hierdie wêreld kry nie.Enige intellektuele reaksie tans is onvolledig. Wat ons nou nodig het, is die werklike en vertroostende teenwoordigheid van Jesus Christus in ons lewens.

A ons na die oorkoepelende saak van hoekom God lyding in ons lewens toelaat, verstaan ons nie alles nie, is daar tog sekere dinge wat ons kan verstaan.  Ons sien nie al die perifere besonderhede nie, maar daar is sekere Bybelse waarhede wat seker punte sal illustreer. As ons dit volg, sal dit ons in die regte rigting lei. Dit kan help om ons harte tevrede stel

Strobel identifiseer vyf ligpunte wat hom gehelp het.

1. God is nie die Skepper van die bose en lyding nie

Ons hoor dikwels: Hoekom het God nie ‘’n wêreld gemaak waar lyding en tragedies nie bestaan het nie? Die antwoord is eenvoudig; Hy het. Toe het God gekyk na alles wat Hy gemaak het en dit was baie goed (Genesis 1:31). Maar as God nie lyding en tragedie gemaak het nie, waar het dit vandaan gekom? God bestaan van ewigheid af as Vader, Seun en Heilige Gees in ‘’n verhouding van volmaakte liefde.. Toe God besluit het om mense te maak, wou Hy gehad het ons moet liefde ondervind om aan ons die vermoë te gee om lief te hê, moes Hy aan ons ‘’n vrye wil gegee het. Ons kan nou besluit om lief te hê of nie. Liefde behels altyd ‘’n keuse

God het aan ons ‘’n vrye wil gegee, maar die mens het dit misbruik. As ons geprogrammeer was om te sê; Ek het U lief, sou dit nie werklik liefde gewees het nie. Ons het God verwerp. Dit is hoe boosheid die wêreld ingekom het. Almal het gesondig en het nie deel aan die heerlikheid van God nie (Romeine 3:23)

So baie van die wêreld se lyding is die gevolg van ons sondige optrede of gebrek aan optrede. Dit is, is onregverdig om iemand dood te skiet en dat vir God daarvoor te blameer. We have seën the enemy and hê is us.

Wat van natuurlike rampe? Hulle is die indirekte gevolg van sonde in die wêreld. Ons weet dat di hele skepping tot nou toe sug in die pyne van verwagting (Romeine 8;22) Die skepping verlang dat dinge reggestel moet word.

Kon God dit nie voorsien het nie? Natuurlik het Hy. Maar kyk na ons. Ons kinders kan ons baie seermaak, maar ons het steeds kinders, want hulle kan vir ons baie vreugde, liefde en betekenis bring. God het geweet dat mense teen Hom in opstand sou kom, maar Hy het ook geweet dat baie mense Hom sou volg. Baie sou vir ewig by Hom in die hemel wees. Dit as vi Hom die moeite  werd al het dit die dood van sy Seun gekos.

2. Lyding is nie goed nie, maar God kan dit gebruik om its goed te bereik.

Ons weet dat God alles ten goede laat meewerk vir dié wat Hom liefhet, die wat volgens sy besluit geroep is (Romeine 8:28). Hierdie vers sê nie dat God die bose en lyding veroorsaak nie. Die vers sê ook nie dat ons nou onmiddellik sal sien watter goed sal voortspruit nie. Onthou  Hy maak ook nie die belofte aan almal nie., maar net diegene wat Hom volg. Ons kry ‘’n goeie voorbeeld in die verhaal van Josef. Hy gaan deur lyding – sy broers het hom as slaaf verkoop; hy word in die tronk gegooi nadat hy vals beskuldig is. Na 12 jaar word hy in ‘’n gesagsposisie geplaas waar hy die lewens van sy familie en ander kon red.

God kan my lyding gebruik om my na Hom toe te trek, om ander vir Hom te beïnvloed. Hy kan dit op baie maniere doen, maar dan moet ons Hom vertrou en volg.

3. Die dag kom wanneer alle lyding gaan ophou en God alle boosheid gaan oordeel.

Die storie van hierdie wêreld is nog nie oor nie. Die dag sal kom wanneer siekte en pyn uitgewis sal word en mense sal dan aanspreeklik gehou word vir die boosheid wat hulle gepleeg het. Wat hou God dan terug dat HY dit nie sommer nou doen nie. Dalk ons. Hy vertraag alles in afwagting dat party van ons nog Hom sal volg. Die Here stel nie die vervulling van sy belofte uit nie, al dink party mense so. Nee, Hy is geduldig met julle omdat Hy nie wil hê dat iemand verlore moet gaan nie. Hy wil hê dat almal hulle moet bekeer (2 Petrus 3;9).

4. Ons lyding is niks in vergelyking met wat God vir sy volgelinge beplan het nie.

Ons moenie pyn en lyding minimaliseer nie, maar ons moet ook ‘’n langtermyn perspektief hê. Paulus het erg gely in sy lewe. Hy skryf:  ons swaarkry in hierdie lewe is maar gering en gaan verby, maar dit loop vir ons uit op ‘’n heerlikheid wat alles verreweg oortref en wat ewig bly (2 Korintiërs 4:17). Hy skryf ook: Ek is daarvan oortuig dat die lyding wat ons nou moet verduur, nie opweeg teen die heerlikheid wwat God vir ons in die toekoms sal laat aanbreek nie (Romeine 8:18)

Ons moenie die werklikheid van pyn en lyding ontken nie Dit is moeilik,

5. Ons besluit self of ons bitter wil wees of ons na God gaan draai vir vrede en moed.

Ons almal het voorbeelde gesien waar dieselfde lyding die een persoon bitter maak – Hy verwerp vir God en word hard en kwaad – terwyl ‘’n ander persoon na God toe draai en meer liefdevol en teer word – hy reik met deernis uit na ander wat swaarkry.. Nie ons almal trek voordeel uit lyding nie, maar dit hang van ons af – van ons vrye wil.

God se antwoord vir lyding is nie ‘’n verduideliking nie, maar sy Seun wat mens geword het. Lyding is ‘’n persoonlike probleem en vereis ‘’n persoonlike reaksie. God is nie afgeleë en ongeïnteresseerd nie. Hy het na ons wêreld gekom en persoonlik ons pyn verduur Hy het hartseer geken. Hy is verraai Hy is verwerp.

As lyding kom soos dit sa kom,l as jy stry met pyn , soos jy sal en as jy kies om na sy arms te kom, sal jy vrede kry om die huidige te hanteer, jy sal moed kry om jou toekoms te hanteer en jy sal die belofte van die ewige lewe kry.

Hierdie brief skrywe ek vir julle, sodat julle kan weet dat julle die ewige lewe het, julle wat in die Seun van God glo (1 Johannes 5:13)