The Bible is the mouth of God –  Sinclait Ferguson

Versoeking

Hoe hanteer ons versoeking? Ons staan nie alleen teen die gety van versoeking wat teen ons aanspoel nie. Ons moet dink aan die hulpbronne wat Christus vir ons gee om versoeking te beveg.

1. Sy liefde. Ons het lief omdat God ons eerste liefgehad het (1 Johannes 4:19)
2. Sy woord. Toe Jesus deur die duiwel versoek is, het Hy die versoeking deur God se woord teengestaan. Deel van die gelowige se wapenrusting is juis die woord van God (Efesiërs 6: 17).
3. Sy voorbeeld. Hou Hom voor oë wat so ‘n vyandige optrede van die sondaars teen Hom verdra het. Dan sal julle nie geestelike moeg word en uitsak nie (Hebreërs 12:3).
4. Sy Gees. Laat julle lewe steeds deur die Gees van God beheers word, dan sal julle nooit swig voor begeertes van julle sondige natuur nie (Galasiërs 5:16).
5. Sy medelye. Die Hoëpriester wat ons het, is nie Een wat geen medelye met ons swakhede kan hê nie; Hy was immers in elke opsig net soos ons aan die versoeking onderwerp, maar Hy het nie gesondig nie (Hebreërs 4:15).
6. Sy genade. Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word (Hebreërs 4:16).
7. Sy vergifnis. Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9).

Versoeking is ‘n wesenlike probleem. Alleen kan ons nie staande bly nie, maar dink altyd aan al hierdie hulpbronne wat Jesus Christus vir ons gee.

“Science is like a compass. It can tell us where north is, but it can’t tell us if we want to go north. That’s where our morality comes in.” – Nathaniel P Hitt.

Teleurstellings

‘n Plek waar ons nie graag wil wees nie, is 1 Konings 19. Ons wil graag in 1 Konings 18 wees. In 1 Konings 18 is Elia die instrument in God se hande om sy heerlikheid te openbaar. Daar op Berg Karmel gebruik God vir Elia om die Baälpriesters te vernietig. Die probleem is dat ons onsself dikwels in Hoofstuk 19 bevind. Elia beweeg van ‘n hoogtepunt – ‘n oorwinning – na sy diepste teleurstelling. Almal van ons het al teleurstellings ondervind. Wat doen ons dan? Vra ons vir God “Hoekom?”

Tot op hierdie stadium in die Ou Testament het niemand behalwe Moses hierdie soort bediening gehad nie. Elia het na goeie en groot dinge verlang. Hy dien God met moed. Maar hy weet ook hoe dit voel as sy hoop vernietig word. Hy weet hoe dit voel om elke droom te verloor. Maar Elia kan ook van die deernis en genade van God wat hom agtervolg het getuig. Wat leer ons in 1 Konings 19?

Elia het pas op Berg Karmel God se mag gesien werk. Hy hardloop selfs voor die koning se wa. Maar toe kom daar ‘n boodskapper by hom aan. Hierdie boodskapper bring ‘n boodskap van die vrou wat die profete van die Here doodgemaak het – Isebel. Haar boodskap sê dat sy die volgende dag met hom gaan doen wat hy met haar priesters gedoen het. Wat doen Elia? Vertel hy vir haar sy moet weer dink oor wat die vorige dag gebeur het? Nee. Elia het bang geword en ter wille van sy lewe gevlug. Het Elia vergeet dat hy die enigste ware God aanbid en dien? Hy is ‘n teleurgestelde man, want sy lewe het in duie gestort. Sy droom sal nooit vervul word nie.

Wat wil Elia gehad het? Ons sien dit in vers 10: Ek het my met hart en siel gewy aan u saak, Here,Almagtige God. Die Israeliete het die verbond met U verbreek. Hulle het u altare afgebreek en u profete doodgemaak. Net ek alleen het oorgebly, en hulle soek my om my ook om die lewe te bring. Hy sê dit weer in vers 14. Elia verlang ‘n herlewing waarin die Baäls uitgegooi sal word. Dit is waarvoor hy geleef het. Elia besef dat dit nie gaan gebeur soos hy daaroor gedroom het nie.

Ook getroue kinders van God ondervind teleurstellings. Dan leer jy wat jy liefhe en wat jy glo. Jy leer waar jou tevredenheid is – waar jou skat is. Dit is wat met Elia gebeur het. Hy vlug tot binne in die woestyn,

Elia vlug, want hy het sy boodskap vergeet. Hy het skoon van God vergeet. Elia se naam beteken “My God is die Here.” Eh hy het dit vergeet. Wat wil Elia hê? Hy sit op Horeb. Eers kom daar ‘n sterk wind – maar die Here was nie in die wind nie. Toe kom daar ‘n aardbewing – maar die Here was nie in die aardbewing nie. Toe kom daar ‘n vuur – maar die Here was nie in die vuur nie. Die Here kom in ‘n windstilte. Elia kry opdrag om na die Damaskus-woestyn te gaan, moet hy vir Gasael as koning van Aram salf

Elia se boodskap aan die volk was om afstand te doen van afgodery en die een, lewende en ware God te aanbid. God weier dat Elia daardie boodskap verkondig voorfat hy dit self glo. God gaan ons nie toelaat om ‘n boodskap te verkondig wat ons nie self glo nie.

Ons lees weer van Elia in 2 Konings 2. Al lyk dit soms of God hard met sy dienaars werk, kan ons seker wees dat sy voorsiening liefdevol is. Hy sal jou met deernis en in genade volg sodat jy vreugde kan ondervind. So gebeur dit ook met Elia: hy word in die hemel opgeneem.

Dit is die God wat ons dien. Hy sal jou nie as dienaar gebruik en dan vir jou alleen laat met jou teleurstellings nie.

I believe the greatest gift I can conceive of having from anyone is to be seen, heard, understood, and touched by them. The greatest gift I can give is to see, hear, understand, and touch another person. -Virginia Satir, psigoterapeut

Ek voel skuldig

Skuld is nie net ‘n gevoel of ‘n sielkundige toestand nie, alhoewel dit een kan wees en word. Maar dit is ‘n wetlike status. As die regter of jurie sê Skuldig, verwys hy nie na die gevoelens van die beskuldigde nie. Hy spreek ‘n oordeel uit. Hy sê die beskuldigde is geoordeel en dat hy die oortreding gepleeg het. Hy is skuldig en sal dienooreenkomstig behandel word – maak nie saak wat hy “voel” nie.

Of mense skuldig voel of nie, is nie eintlik ter sprake nie. My gevoelens beïnvloed nie my skuld nie. In die evangelie verwys dit na my persoonlike status voor ‘n heilige God. Die evangelie hanteer ons objektiewe skuld. Dit is dan wanneer ons ons werklike status voor God besef. Op daardie stadium begin God ons gevoelens verander.

Die stories van hoe mense tot bekering kom verskil baie. Daar is een aspek wat ons altyd kry. Miskien het hulle aanvanklik geen skuldgevoelens gehad nie; hulle mag hulleself geregverdig het; hulle mag veilig gevoel het. Maar niemand kan hom teen God se ingrype verdedig nie. God skep dikwels ‘n gevoel van ongemak by mense. Nou word hulle bewus van hulle sonde en dan volg ‘n dieper gevoel: ek staan skuldig voor God. Dit is meer as net gevoelens.

Deur die Gees begin ons in Christus glo. Ons sien dat Hy die straf vir ons sondes gedra het; ons skuld is verwyder; ons is vergewe. Ons is nou vry van die skuld van sonde. Ons kan nou in die teenwoordigheid van God begin leef. Geen terapeut of psigiater kan jou van skuld verlos nie. Hy mag jou help om jou gevoelens oor vals skuld te verlig. Medisyne mag verligting bring, maar nie genees nie. Skuld is nie ‘n mediese toestand nie – dit is ‘n geestelike werklikheid.

Die boodskap van die evangelie is: God kan jou vergewe en Hy is gewillig om dit te doen. Maar eers moet jy by die plek kom waar jy sê: “Ek is skuldig.” Voordat ons nie ons sonde en skuld erken nie, sal ons nooit besef dat ons vergewe kan word nie. Die bande van skuld word verbreek. Dan besef ons dat die kern van die evangelie is dat God ons skuld op Hom in sy Seun Jesus Christus geneem het.

With intentional love, time, and commitment, your family can thrive in a joy and strength you didn’t know was possible – Bill Hybels

Sy oorwinning is verseker; ons grootste hoop

Hoe kan ons God dank as ons in die moeilikheid is, as ons lewens moeilik is? Wees in alle omstandighede dankbaar, want dit is wat God in Christus Jesus van julle verwag (1 Tessalonisense 5:18). Hoe kan ons dit doen as jou dokter vir jou sê dat jy kanker het? Hoe kan jy dankbaar wees as jy jou werk verloor? Hierdie is moeilike – selfs tragiese – dinge.

Die enigste manier om ons hoop lewend te hou, is deur elke dag in die lig van God se ewige plan en doel te leef. Daarom is dit so belangrik om die Bybel te lees en te ken. As ek weet wat God vir die toekoms beplan het, gee dit vir my hoop vir vandag.

Die Ou en Nuwe Testamente is vol beloftes van Christus se wederkoms. Die doel van Bybelse profesie is nie om ons nuuskierigheid tevrede te stel nie. Nee, God praat met sy mense oor die toekoms sodat ons sy ewige einddoel kan sien. As ek God se plan vir die toekoms, wat besig is om te ontvou, sien, bemagtig dit my om met hoop te lewe.