“What a mean and beggarly thing it is for a man only to do his work well when he is watched. Such oversight is for boys at school and mere hirelings.” –Charles Spurgeon

Voorspoedsteologie

“I believe that it is anti-Christian and unholy for any Christian to live with the object of accumulating wealth. You will say, ‘Are we not to strive all we can to get all the money we can?’ You may do so. I cannot doubt but what, in so doing, you may do service to the cause of God. But what I said was that to live with the object of accumulating wealth is anti-Christian.” (Charles Spurgeon)

Hy het dit meer as ‘n eeu gelede gesê. Vandag word hierdie boodskap egter in van die grootste kerke in die wêreld verkondig. Die kern van die boodskap is dat God wil hê dat gelowiges fisies gesond, materieel ryk en persoonlik gelukkig moet wees. Verkondigers van die voorspoedsteologie moedig hulle volgelinge aan om tot God  te bid – selfs te eis – vir materiële voorspoed.

David W. Jones en Russell Woodbridge (Health, Wealth and Happiness: Has the Prosperity Gospel Obershadowed the Godpel of Christ) het vyf leerstellings bespreek waar die verkondigers van die voorspoedsteologie verkeerd is.

1. Die verbond met Abraham

Die verbond met Abraham (Genesis 12, 15, 17, 22) is een van die teologuiese hoekstene van die voorspoedsteologie. Hulle sê dat Christene Abraham se geestelike kinders is en daarom erfgename van sy seëninge is. Dit beteken dat hulle sê dat die hoofdoel van God se verbond met Abraham was om hom materieel te seën. Om hulle aanspraak te ondersteun, gebruik hulle Galasiërs 3:14: Daardeur kan ook hulle wat nie Jode is nie, deur Christus Jesus deel kry aan die seën wat God aan Abraham toegesê het. Hulle vergeet egter die tweede deel van hierdie vers: So het ons dan deur die geloof die Gees ontvang wat God beloof het.  Paulus herinner hier die Galasiërs aan die geestelike seëning van verlossing en nie van materiële seën – rykdom – nie.

2. Jesus se versoening sluit ook “die sonde” van armoede in

Voorstanders van die voorspoedsteologie sê dat versoening beide fisiese genesing en finansiële voorspoed insluit. Hulle maak egter twee foute:

• Hulle misverstaan Jesus se lewe fundamenteel. Hulle glo dat Jesus ‘n groot huis en mooi klere gedra het. Hierdie is ‘n verwronge idee van Christus se lewe.
• Hulle interpreteer 2 Korintiërs 8:9 verkeerd: Julle ken die genade van ons Here Jesus Christus: hoewel Hy ryk was, het Hy ter wille van julle arm geword, sodat julle deur sy armoede ryk kan word. Lees ons hierdie vers in sy konteks sien ons dat Paulus vir die Korintiërs sê dat Christus so baie vir hulle deur die versoening gedoen het, dat hulle hulleself kan leegmaak van hulle rykdom in diens van die Verlosser. Net vyf verse verder sê Paulus: moet julle wat nou oorvloed het, dié help wat gebrek ly. Dan, as hulle weer oorvloed het en julle gebrek ly, kan hulle julle weer help.

3. Christene gee om materiële beloning van God te kry

Die verkondigers is oënskynlik op die daad van gee gefikseer. Ons word aangemoedig om te gee, maar die motiewe is alles behalwe filantropies. Dit gaan oor kompensasie. Daar is niemand wat ter wille van My en ter wille van die evangelie afgesien het van sy huis of broers of susters of moeder of vader of kinders of eiendom nie, of hy kry nou in hierdie tyd honderd keer soveel (Markus 10:30). In die gelykenis van die barmhartige Samaritaan leer ons dat Jesus van ons verwag om te gee sonder om iets terug te verwag.

4. Geloof is ‘n selfgenererende krag wat tot voorspoed lei

Ortodokse Christene glo geloof beteken vertroue in die persoon van Jesus Christus. Die verkondigers van die voorspoedteologie glo dat geloof ‘n geestelike krag of energie is. Hulle glo nie dat geloof iets is wat God vir ons gee nie – dit is ‘n menslike geestelike krag gerig op God. Dit is ‘n Godgegewe optrede van die menslike wil.

5. Gebed is ‘n instrument om God te dwing om voorspoed te gee

Julle kry nie omdat julle nie bid nie (Jakobus 4:2). Hulle glo dat ons vir persoonlike sukses op alle lewensterreine moet bid, maar dan moet ons glo dat ons alreeds gekry het dit waarvoor ons bid. God het dan geen keuse om ons gebede waar te maak nie. Die mense en nie God nie word nou die fokuspunt van ons gebede. Wat die verkondigers van die voorspoedsteologie vergeet is die deel wat volg op Jakobus 4:2: As julle bid, ontvang julle nie, omdat julle verkeerd bid: julle wil net julle selfsugtige begeertes bevredig. God antwoord nie selfsugtige versoeke wat nie sy Naam verheerlik nie. Ons moet baie versigtig vir selfsugtige oppervlakkige gebede wees. Ons kan nie God manipuleer om te kry wat ons wil hê nie. Dit vergeet van: “Laat u wil geskied.”

In die lig van die Skrif is voorspoedsteologie fundamenteel vals, weens sy verkeerde siening van die verhouding tussen God en mens. As die voorspoedsteologie waar is, is genade oorbodig, God is irrelevant en die mens staan sentraal in die skepping. “God is reduced to a kind of ‘cosmic bellhop’ attending to the needs and desires of his creation.”  (James Goff) Dit is ‘n onvoldoende en onBybelse siening van die verhouding tussen God en mens.

“When people accept the absurd as normal, the culture is decadent.” — Jacques Barzun

Wat sê jou handdruk van jou?

Ons hoor dikwels dat mense sê dat ‘n prent beter as ‘n duisend woorde is. Waarvan mense nie altyd bewus is nie, is dat ‘n handdruk presies dieselfde doen. Die handdruk is die onuitgespreekte woord wat in feitlik elke sosiale en professionele bymekaarkom die gesprek inisieer. Hierdie manier van bekendstelling kan die gees van die omgewing maak of breek. Volgens ‘n studie in  Journal of Personality and Social Psychology moet mense aandag aan hulle handdruk gee. Mense oordeel en baseer hulle aanvanklike mening van jou op jou handdruk.

Om mee te begin moet jy eers ontdek wat jou handdruk tans van jou en jou persoonlikheid openbaar – wat is die eerste indruk wat jy maak.

1. Die pap handdruk. In ‘n artikel in Forbes word hierna as “the limp noodle” verwys. Dit word gesien as die handdruk van iemand wat innerlik swak is. Baie mense sien dit as ‘n gebrek aan vertroue.
2. Die beenvergruiser. Hierdie is die teenoorgestelde. Mense sal onmiddellik vra waarvoor jy oorkompenseer. Dit is dikwels die einde van die gesprek.
3. Die modedwaas (“The fancy fool). Dit is vandag ‘n neiding om die handdruk “hip” te maak deur kreatief te raak en nuwe dinge te probeer. Hierdie is ‘n teken van onvolwassenheid en ‘n totale gebrek aan bewustheid. Dit moet tot jou koshuismaats en familie beperk word.
4. Die draler. Jy het met ‘n goeie, ferm handdruk uitgereik, maar nou vergeet om te los. Hiermee vertel jy vir die ander persoon dat jy desperaat is. Leef volgens die twee-sekonde reël – los voor dit te laat is.
5. Die vinnige handdruk. Hoe voel jy as jy met iemand praat en hy ignoreer jou? Dit is vergelykbaar met ‘n kort handdruk. Dit is nie net onbeskof nie, maar die boodskap wat jy oordra is baie negatief: jy gee nie om nie en jy het ook nie tyd vir die persoon nie.
6. Jy kyk weg. ‘n Goeie handdruk stop nie by jou hand nie. Maak seker dat jy oogkontak maak en glimlag. As jy dit nie doen nie, sal mense jou sien as onseker, skaam en suspisieus.
7. Die regte handdruk. Onthou om

• Oogkontak te maak
• Regop te staan
• ‘n Goeie, ferm handdruk
• Volg die twee-sekonde reël
• Glimlag
• Groet die ander persoon en herhaal sy naam.

Die boodskap wat jy met hierdie groet oordra, is dat jy betroubaar, voorbereid, oortuig en gedrewe is. Met hierdie handdruk maak jy ‘n gunstige eerste indruk.

Faith and thought belong together, and believing is impossible without thinking (John Stott)

Wat is die evangelie?

Die belangrikste wat ek aan julle oorgelewer het en wat ek ook ontvang het, is dit: Christus het vir ons sondes gesterf, volgens die Skrifte; Hy is begrawe en op die derde dag opgewek , volgens die Skrifte (1 Korintiërs 15:3 – 4).

• Die belangrikste

Die evangelie is nie iets waaraan God agterna gedink het nie; dit is nie iets wat ons af en toe kan insluit nie. Dit is die belangrikste – die hart van ons bediening Dit is die belangrikste, want dit is deur die evangelie wat God werk om mense uit die dood na die lewe te neem.

• Christus

Christus is die Messiaanse beskrywing van Jesus. Dit sluit dus al die beloftes van die Ou Testament in. Die Messias – Gesalde – is God wat mens geword het om ons plaasvervanger te wees.

• Dit verduidelik wie Jesus is

Ons kan tog nie in Jesus glo as ons nie weet wie Hy is nie. Verstaan ons werklik wie Jesus is? Sommige glo dat hy ‘n groot profeet of leermeester of geneser is. Min mense, selfs gelowiges, glo dat Jesus God is – Hy is die Seun van God. Jesus is God die Seun wat mens geword het. In die begin was die Woord daar, en die Woord was by God, en die Woord was self God … Die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid (Johannes 1:1, 14).

Die hoorder moet verstaan wie Jesus is: Hy is God die Seun wat mens geword het. dit is deel van God se liefde wat ons aan ander moet oordra.

• Sonde

Christus het vir ons sondes gesterf, volgens die Skrifte. Iemand wat nie besef dat hy ‘n sondaar is nie, sien geen nodigheid vir ‘n Verlosser nie.  Daar is nie een wat regverdig is nie, selfs nie een nie (Romeine 3:10); Almal het gesondig, en het nie deel aan die heerlikheid van God nie (Romeine 3:23). Almal het ‘n verlosser nodig.

• Gesterf vir ons sondes

Baie mense weet dat Christus vir hulle sondes gesterf het, maar hulle het geen idee wat dit beteken nie. Ons moet verduidelik dat dit straf van God vir ons sondes is. God moet sonde straf. Daar is drie soorte dood: fisies, geestelik en ewig.

• Hy is begrawe en op die derde dag opgewek

Die opstanding is noodsaaklik, want dit is die bewys dat Christus die sonde en dood oorwin het.

When discipline leaves a church, Christ goes with it – John L. Dagg.

Brief aan die kerk deur Billy Graham

In die e-boek Mission of God lees ek hierdie brief van Billy Graham aan die kerk.

As Jesus dan na die wêreld gekom het om ons van ons sondes te red en die ewige lewe te gee, hoekom het Hy ons nie sommer hemel toe geneem die oomblik toe ons Jesus Christus as ons Verlosser aangeneem het nie? Die rede is eenvoudig: God laat ons hier, want ons het ‘n roeping om te voltooi. Ons is nie hier per ongeluk nie; ons is hier, want God het ons hier geplaas en Hy het ‘n doel daarmee. In sy laaste byeenkoms met sy dissipels bid Jesus vir hulle: Ek bid nie dat U hulle uit die wêreld moet wegneem nie, maar dat U hulle van die Bose moet bewaar … Soos U My na die wêreld toe gestuur het, het Ek hulle ook na die wêreld toe gestuur (Johannes 17:15, 18).

Maar wat is hierdie roeping? Wat wil God hê dat sy mense moet doen? Dit sal ons net verstaan as ons die Bybel verstaan. As ons nie die Bybel ken nie, sal ons nooit die diepte van die mens se sonde en die tragedie daarvan begryp nie. As gevolg van ons opstand teen God is ons afgesny van ons Skepper. Ons is nou onderworpe aan oordeel en die dood. Daar is nie een wat regverdig is nie, selfs nie een nie, daar is nie een wat verstandig is nie, daar is nie een wat na die wil van God vra nie. Almal het afgedwaal, almal het ontaard (Romeine 3:10 – 12a).

Maar as dit nie vir die Bybel was nie, sou ons ook nooit die diepte van God se liefde verstaan het nie. Die bewys hiervan is die Bybel se boodskap van die kruis. Aan die kruis sien ons God se liefde geopenbaar in al sy volheid en diepte. Aan die kruis het Jesus die straf wat ons verdien het op Homself geneem. Hierin is God se liefde vir ons geopenbaar: sy enigste Seun het Hy na die wêreld toe gestuur sodat ons deur Hom die lewe kan hê (1 Johannes 4:9). Deur sy opstanding bewys Jesus sonder enige twyfel dat Hy inderdaad die Verlosser is. Een dag sal Hy weer kom en die bose finaal oorwin en sy heerskappy oor die hele skepping bevestig.

Hierdie is die boodskap wat God vir ons gegee het. Ons moet dit verstaan; ons moet ons lewens daaraan onderwerp; ons moet dit op elke moontlike manier deel. God het nie bedoel dat sy kerk net nog ‘n sosiale klub moet wees nie – ‘n gemeenskap wat net oor sy eie oorlewing of mag bekommerd is nie. Ons is geroep om sy hande en voete en stem en uitgestrekte arms te wees. Ons moet die goeie nuus van die verlossende liefde van God in Jesus Christus die hele wêreld indra. Dit was Jesus se finale opdrag aan sy dissipels (Matteus 28:18 – 20). Hierdie opdrag is nog nooit teruggertrek nie.

Daarom moet evangelisasie ons prioriteit bly en daarom dissipelskap ons doel wees. Ons is onder opdrag van God en die enigste logiese reaksie hierop is gehoorsaamheid. Ons kan tog nie onaangeraak bly in ‘n wêreld wat gebuk gaan onder oorloë en ongeregtigheid – hongersnood en siekte – nie

Laat die boodskap van hoop en vryheid van sonde ons verander in die persone wat God wil hê dat ons moet wees. Dan kan ons as ons die dag voor Hom staan nie skaam wees nie. Mag ons hoor dat Hy sê: Mooi so! Jy is ‘n goeie en getroue slaaf (Matteus 25:23).