Die Ons Vader-gebed

One of the most liberating experiences of my life was when I learned to pray so that my experience conformed to the words of Jesus rather than trying to make his words conform to my impoverished experience- RICHARD FOSTER.

DIE Ons Vader-gebed is ‘n geskenk en wanneer ons hierdie gebed gebruik om ons gebede te rig, vryf ons die olie van Jesus se opsomming van die groot gebod in ons harte in.

Ons leer ten minste vier dinge as hierdie gebed ons gebedslewe mentor.

1. Ons leer om God as Vader te nader.

Ons begin met: ons Vader. Om God lief te hê beteken dat ons hom in ons gebede as Vader aanspreek. Dit staan sentraal in Jesus se onderrig van God –liefde van God en vir God.

2. Ons leer wat Jesus regtig wil hê.

As ek iemand liefhet, het ek lief wat Hy ook liefhet. God se liefdesplan is dat sy Naam geheilig moet word. En dat dit ‘n konkrete werklikheid op aarde moet word. Ons word daagliks herinner om te verlang vir dit waarna God verlang. Gebuik die Ons Vader-gebed as ‘n raamwerk vir hoe ons liefde vir God in gebed uitgedruk moet word. Ons kan elke dag hierdie gebed bid en ons eie woorde aan die hake hang ons sê: Laat u Naam geheilig word en dink daaroor na. Die gebed gee struktuur, dit is solied en help om selfsugtigheid te voorkom.

3. Ons leer om aan ander te dink.

Die gebed is nie ‘n God-alleen ding nie. Di is ook nie ‘n ek-alleen ding nie. Die gebed leer ons om ook vir ander te bid. Dit beteken ons bid dat andeR voldoende voorraad (brood) sal hê asook geestelike reinheid (vergwing van oortredings) en morel stabiliteit (vergifnis) sal hê.

4. Ons leer wat almal nodig het

Ons leer laat ons begeer dat almal voorraad sal hê, vergifnis sal ontvang en dat ons versoekings gespaar sal bly. Ons het die gebed begin met God se Naam, sy koninkryk en sy wil. Ons wil hê dat God in die geskiedenis moet inbreek en alles weer sal regmaak vir almal van ons.  Dit beteken dat almal genoeg het om te eet, geestelike reinheid sal hê asook morele stabiliteit. Ons begin met wat Hy vir alle mense verlang. Deur die Ons Vader-gebed te bid, sluit ons aan by sy gebed vir hulle.

Gebed stop nie met Amen nie. Dit gaan oor in optrede. The Lord’s Prayer is not a prayer to God to do something we want done. It is more nearly God’s prayer to us to help Him do what He wants done (Frank Laubach)

Bid vir wat jou Vader wil hê, bid vir wat ander nodig het en leef Jesus se grsoot Gebod.

Die Kaddis

[kaddis is ‘n antieke israelse gebed gebruik in die sinagoge. Oorspong: qaddish = heiligmaking in Aramees]

Gebed is nie altyd maklik nie. Soms sukkel ons om te bid – ons weet nie altyd wat om te sê nie. Richard Foster sê dat gebed is the cenral avenue God uses to transform us. Maar vir ons is gebed soms eerder ‘n bron van frustrasie as bemoeding. Roetine gebede is dikwels droog en vervelig.

Gebed is in wese liefdevolle kommunikasie met God. Al wat ons nodig het is ‘n oop hart. Maar tog is daar tye wat ons sukkel om te bid. Ons troos is dat dit juis die dissipels se stryd met gebed was wat aanleiding tot die Ons Vader-gebed was.

Wat was die kaddis?

MAG SY Naam verhoog en geheilig word in die wêreld wat Hy volgens sy wil geskep het. Mag Hy sy koninkryk vestig tydens jou lewe, en gedurende die lewe van die Huis van israel, spoedig en in die naby toekoms

En sê Amen.

Hierdie gebed het duidelike ooreenkomste met die Ons-Vader-gebed. Jesus maak dit sy eie en pas dit aan. Toe sy dissipels Hom vra: Here leer ons bid, neem Hy die Kaddis en pas dit aan:

Hier sien ons drie basiese veranderinge:

1. Jesus se gebed begin met Ons Vader
2. Jesus voeg drie lyne by brood, vergifnis en versoeking.
3. In hierdie drie lyne verskuif die voorwerp van U na ons. Die Ons vader-gebed het twee dele: die U versoeke en die ons versoeke.

Daar is tog sekere voordele in ‘n liturgiese gebed:

• Dit geen vir ons ‘n raamwerk vir gebed
• Dit gee aan ons ‘n strukturele gesprek met God.
• Dit herinner Jesus se volgelinge aan sy prioriteite. Jesus besef dat sy gebed sal verhoed dat hulle verval in selfgesentreerde gebede.

Hoekom verander Jesus ‘n heilige gebed? Onthou Hy het die Sjema verander deur liefde vir die naaste by te voeg. Die Ons Vader gebed het ook twee dele liefde vir God en liefde vir ander.

Jesus se belydenis

Een van hulle, ‘n wetsgeleerde, het Hom met ‘n vraag probeer vastrek. “Meneer, ”vra hy, “wat is die grootste gebod in die wet” Jesus antwoord hom: “Jy moet die Here jou God liefhê met jou hele hart, en met jou hele siel en met jou hele verstand. Dit is die grootste en eerste gebod. En die tweede wat hiermee gelykstaan, is ‘ jy moet jou naaste liefhê soos jouself.’ In hierdie twee gebooie is die hele wet en die profete saamgevat. Matteus 22:35 – 40 (Matteus 22:35 – 40)

Jesus pas die Sjema van die Jode (Deuteronomium 6:4 – 9) aan deur Levitikus 19:18 by te voeg. Dit is duidelik dat geestelike vorming gaan oor die leifde vir God en vir ander. Die eerste beginsel van geestelike vorming is: hierdie persoon het God en ander lief. Geestelike vorming gaan oor verhoudings – met God en met ander. Weet ons hoe lyk ‘n persoon wat geestelik gevorm is?

Die Jood sê hardop ‘n belydenis as hy wakker word en voor hy gaan slaap. Hierdie belydenis kom uit Deuteronomium 6:4 – 9. Hierdie belydenis staan bekend as die Sjema –  dit begin so: Luister (sjema), Israel die Here is ons God, Hy is die enigste Here. Dit is die Joodse belydenis vir geestelike vorming. Jesus het daarvan gehou en dit vir sy volgelinge aangepas.

DIt sê vir ons wat belangrik vir geestelike vorming is: die Here is ons enigste God, israel is deur God uitverkies en israel moet Hom liefhê. As die Jode volgens die Sjema leef, sal hulle geseënd wees. Die belydenis van die Jode is: jy moet God liefhê deur die tora uit te leef. Waar staan Jesus in die wêreld van Judaïsme?

As goeie Jood het Jesus daagliks die Sjema opgesê. Toe die wetsgeleerde Hom vra wat die belangrikste gebod is. Vir die Jood is dit dié vraag oor geestelike vorming. Hy vra na die geestelike middelpunt van Judaïsme.

Jesus antwoord die man deur die Sjema aan te haal, maar voeg by dat jy jou naaste moet liefhê. Hiermee vorm HY die geestelike middelpunt van sy volgelinge. Vir Jesus is liefde vir God en liefde vir ander die kern. Liefde is moeilik om te definieer – dit is onvoorwaardelike agting vir ‘n persoon wat jou gedrag vorm om daardie persoon te help om te word wat God verlang. Liefde as dit reg werk is beide emosie en wil.

Hierdie amendement van Jesus is nie net ‘n subtiele verandering nie. Dit vereis moed om by die Sjema iets by te voeg. Maar hierdie toevoeging openbaar die hart van Jesus se belydenis. Ons gaan nie sommer iets by die Apostoliese geloofsbelydenis voeg nie. Dit wys vir ons dat Jesus liefde vir ander as iets wat sentraal tot geestelike vorming staan, sien.

Die Sjema word ook persoonlik om God lief te hê, beteken dat ons vir Jesus volg. Jesus sê ir die man om Hom te volg.sodoendde stel Hy liefde vir God gelyk aan ‘n persoonlike verhouding met Jesus.

Samevatiing: geestelike vorming vir Jesus, as Jood, begin by die Sjema van Judaïsme. Maat Jesus hersien die Sjema op twee maniere:

1. Om jou naaste lief te hê word bygevoeg tot die liefde vir God; en
2. Liefde vir God beteken om Jesus te volg

Is dit nie tyd dat ons begin deur daaliks Jesus se belydenis te memoriseer en daagliks te herhaal nie? Sodoende word ons herinner aan wat ons Here van ons verwag. Dit herinner my daaraan dat wat ek tydens die dag doen gevorm moet word deur my liefde vir God en vir ander.

[Uit: Scot Mc Knight; The Jesus Creed.]

Vyf gedeeltes wat gereeld buite konteks aangehaal word.

1. Jeremia 29:11 Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ‘n toekoms gee, ‘n verwagting!

Ons kry hierdie vers op kerkmure en T-hemde. Meeste mense ignoreer die konteks van hierdie teks, want dit sê wat hulle vir hulle lewens verlang. Hierdie was ‘n belofte aan Israel. Eers nadat Hy beloof het dat Hy sy volk in ballingskap vir 70 sal laat bly, maak die Here hierdie belofte. Die onmiddellike konteks gaan nie oor individue nie. Daar is tog troos in hierdie vers en ons moet nooit vergeet dat God ‘n plan vir ons het. Ons moet onthou dat God se grootheid ‘n werklikheid is al sluit dit soms 70 jaar van swaarkry en onderdrukking in.

1 Korintiërs 13:4 – 7: Die liefde is geduldig, die liefde is vriendelik,; dit is nie afgunstig nie,  is nie grootpraterig nie,  is nie verwaand nie. Dit handel nie onwelvoeglik nie, soek nie sy eie belang nie, is nie liggeraak nie. Hou nie boek van die kwaad nie. Dit verbly hom nie oor onreg nie, maar verheug hom oor die waarheid, dit bedek alles. Glo alles, hoop alles, verdra alles.

Die begeerte om hierdie gedeelte te gebruik om trou, liefde en toewyding in die huwelik uit te druk, is groot, Die probleem is dat Paulus hier nie na romantiese liefde verwys nie. Ons moet Hoofstuk 12 en die groter storie van die gemeente in Korinte in ag neem voordat ons by hierdie verse kom. Paulus skryf in Hoofstuk 12 oor die misbruik van die geestelike gawes. Hulle moet in eenheid saamwerk. Geen mens is waardeloos nie.

Teen die tyd dat ons by Hoofstuk 13 kom is Paulus gereed om ‘n prentjie te skilder van liefde in ‘n gemeenskap van eenheid. Daarom begin hierdie hoofstuk met hierdie woorde: Nou wys ek julle wat die allerbeste is. Dit gaan hier oor ‘n wêreld veel wyer as ‘n huweliksverhouding

Romeine 13:1: Elke mens moet hom onderwerp aan die owerhede wat oor hom gestel is. Daar is immers geen gesag wat nie van God kom nie, en die owerhede wat daar is, is daar deur die beskikking van God.

Hierdie vers is ‘n hindernis vir elkeen wat oor die huidige regering ontsteld is. Daarom is ons bereid om hierdie teks te ignoreer of om verskonings te maak oor waaroor hierdie teks nie op ons van toepassing is nie. “We focus mostly on the exceptions—when should we not submit to a government—like Hitler and the Nazis.” (Haddon W. Robinson).  Onthou Paulus het hierdie aan die gelowiges in Rome geskryf. Op daardie stadium was Nero die keiser.

Paulus sê verder: Ek dring daarop aan dat daar in die eerste plek met smeking, voorbidding en danksegging gebid moet word vir alle mense, vir dié wat regeer en vir almal wat gesag uitoefen.” (1 Timoteus 2:1 – 2).Gelowiges moet ‘n voorbeeld stel deur respek en eer te betoon, en om dan binne die sisteem te werk vir konstruktiewe verandering en vrede; bid vir die regering. Moenie die sisteem omvêrwerp nie – dit is nie Bybels nie en is vir niemand goed nie.

Matteus 7:1:Moenie oordeel nie sodat oor julle nie geoordeel word nie.

Ons moet die teologie van genade binne die groter raamwerk van Goddelike geregtigheid verstaan Johannes se stellings oor God se liefde het implikasies vir die gedrag van gelowiges. Die fokus is diegene wat God se kinders deur Jesus Christus is. Dit is nie ‘n absolute verbod teen die evaluering van ander mense nie, maar ‘n waarskuwing dat ons dieselfde standaard in die beoordeling van ander moet gebruik as wat ons vir onsself gebruik.

“

Inteendeel Paulus  sê dat ons moet oordeel: Per slot van rekening is dit nie vir my om oor mense buite die gemeente te oordeel nie. God sal oor hulle oordeel. Maar julle moet oor julle eie mense oordeel. Verwyder die slegte mense onder julle uit 1 Korintiërs 5:12 – 13). Ons moet genoeg omgee vir ons mede-gelowiges om in liefde die waarheid te praat en hulle te help om geestelik te groei

3 Johannes 2: Liewe Gaius, ek hoop dat jy gesond is en dat dit in alle opsigte so goed gaan met jou gaan as wat dit geestelik met jou gaan

Hierdie vers word dikwels gebruik as teks om te wys dat God ons op ‘n spesifieke manier gaan seën ën  gewoonlik is dit materieel/finansieel. Christene verstaan nie meer die plek van lyding in ons geloof nie. Ons het van sukses ‘n afgod gemaak: “Ek is ‘n Christen en daarom is ek geregtig op sukses.”  Die Christelike lewe is vol oorwinnings en sukses, maar nie noodwendig gemeet aan ons eng idees van sukses nie. God se beloftes is geestelike beloftes en nie beloftes van onmiddellike voldoening nie. God seën ons op baie maniere, maar Hy het nie belowe dat nou ons beste lewe sal wees nie.

Meeste mense wat verse verkeerd aanpak is gewoonlik nie ver van koers af nie. ‘n Leraar se werk is soos ‘n vuurtoring – hulle moet dien as modelle vir gesonde Bybelse interpretasie. Maxwell sien elke vers as ‘n kamer. Ons moet nooit die ander kamers en die hele huis en die omgewing ignoreer nie.

<