Psalm 37 (5)

Psalm 37 (5)

Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

37:21 – 26: Vierde vergelyking (37:12 – 26)

¹²Die goddelose soek die ondergang van die regverdige en bedreig sy lewe.

¹³Die Here lag vir die goddeloses, want Hy sien hulle dag kom.

¹⁴Die goddeloses trek die swaard en span die boog om die hulpelose en die armes

dood te maak, om dié wat die regte pad loop, te vermoor.

¹⁵Die goddeloses se swaarde sal hulle eie harte tref en hulle boë sal stukkend gebreek word.

¹⁶Die bietjie van die regverdige is beter as die rykdom van talle goddeloses,

¹⁷want die mag van die goddeloses sal verbreek word,

maar die Here sal die hulp wees van die regverdiges.

¹⁸Die Here sorg vir die lewe van die opregtes,

en wat hulle besit, sal hulle behou so lank hulle lewe.

¹⁹In tyd van nood sal hulle nie verleë staan nie,

in tyd van gebrek sal hulle genoeg hê.

²⁰Die goddeloses sal te gronde gaan, die vyande van die Here sal tot niet gaan;

soos mooi weivelde wat in vlamme opgaan, so sal hulle verdwyn.

²¹Die goddelose leen en betaal nie terug nie, die regverdige kry Hy jammer en help.

Slegte tye is tye wanneer mense moet leen. Dat hulle nie kan terugbetaal nie is die beloning vir hulle goddeloosheid, want om nie terug te betaal nie, het ernstige gevolge. Die Here is die een wat seën of verkleineer. Om die regverdiges te seën, maak mense voorspoedig. Om vervloek te word, maak mense onsuksesvol en onproduktief.

²²Dié wat deur die Here geseën word, sal die land besit;

maar dié wat deur Hom vervloek is, sal uitgeroei word.

²³Die Here bepaal die koers van die mens met wie se pad Hy tevrede is, en Hy ondersteun hom.

²⁴As so iemand val, bly hy nie lê nie, want die Here help hom op.

Die Here verseker dat mense vas kan staan – Hy ondersteun hom, want die Here is tevrede met die pad wat hy loop. Die psalmis is nie onrealisties nie – hy besef dat die regverdiges ook kan val. Maar die regverdiges val nie op so ‘n manier dat hulle nie weer kan opkom nie. Hulle word ook nie uit die land gegooi nie. Die Here neem die hand van die regverdiges wat val en lig hulle op en ondersteun hulle.

²⁵Ek was jonk en ek het oud geword, maar nooit het ek ’n regverdige verlate gesien of dat sy nageslag brood soek nie.

²⁶Hy is altyd vrygewig, hy leen uit sonder rente: met sy nageslag sal dit goed gaan.

Die psalmis het ‘n lewe van ondervinding. Die regverdiges het nie net genoeg vir hulleself nie, en daarom kan hy sekere aankondigings maak. Weereens sal die regverdige die land behou. Hulle kan dus hulle nageslag van kos voorsien. Nie alleen het hulle genoeg vir hulleself nie, maar hulle kan ook vrygewig wees en leen aan diegene wat nie het nie.

Die digter wys hoe God die regverdiges en die goddeloses beloon vir hulle uiteenlopende houdings oor geldsake. Die goddeloses leen geld, en betaal nie terug nie. Die Here se optrede teen mense wat so maak, is vernietigend: Hy vervloek hulle en roei hulle uit. Rykdom is nie die belangrikste ding in die lewe nie – dit vergaan. Fisieke geweld weeg ook nie op teen die mag van die Here nie. Die Here sorg vir sy kinders in tye van gebrek, veral as hulle nie gierig is nie, maar hulp aan ander verleen.

Die regverdiges se houding verskil geheel en al hiervan. Hulle kry arm mense jammer en help hulle deur vir hulle geld te leen sonder rente. Met sulke optrede is die Here volkome gelukkig. Daarom beloon Hy hierdie mense; Hy seën hulle; Hy lei hulle op die regte pad; Hy ondersteun hulle; Hy help hulle op as hulle val; Hy laat hulle nooit alleen nie; Hy sorg vir hulle nageslag.

Psalm 37 (4)

Psalm 37 (4)

Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

37:12 – 20: Derde vergelyking.

¹²Die goddelose soek die ondergang van die regverdige en bedreig sy lewe.

¹³Die Here lag vir die goddeloses, want Hy sien hulle dag kom.

Die goddeloses en regverdiges word hier direk teenoor mekaar gestel. Die goddeloses ondervind nie alleen voorspoed nie, maar val die regverdiges aan. Hier sien ons ‘n dreigende optrede wat slegte nuus vir die slagoffer is. Die goddeloses dink dat hulle slim en magtig is, maar vir God lyk dit nie so nie – Hy lag vir hulle. Hy weet wat met die goddeloses sal gebeur. Die Here het na die toekoms gekyk. Hy kan dit doen, want Hy bepaal die toekoms. Hy lag, want Hy het bepaal dat die goddeloses sal val. Die stelling voorveronderstel dat die goddeloses sal val.

¹⁴Die goddeloses trek die swaard en span die boog om die hulpelose en die arme

dood te maak, om dié wat die regte pad loop, te vermoor.

¹⁵Die goddeloses se swaarde sal hulle eie harte tref en hulle boë sal stukkend gebreek word.

Die swaard en boog is waarskynlik metafore vir die wapens wat die goddeloses gebruik. Dit beklemtoon die dodelike gevolge van die wapens wat die goddeloses gebruik. Dit wond nie net nie, maar maak mense dood. Hierdie is natuurlik nie reg nie en mag nie bly staan nie. Die swaard waarmee die goddeloses ander wil doodmaak, sal op ‘n geheimsinnige wys omgekeer word en hulle eie harte tref en die boë sal breek. Hier word geen ingryping van God vermeld nie. Die optrede van die goddeloses word gefnuik.

¹⁶Die bietjie van die regverdige is beter as die rykdom van talle goddeloses,

¹⁷want die mag van die goddeloses sal verbreek word,

maar die Here sal die hulp wees van die regverdiges.

Hierdie herinner aan Spreuke. Hoe kan ‘n bietjie beter wees as die meer. God sal die goddeloses se mag verbreek

¹⁸Die Here sorg vir die lewe van die opregtes,

en wat hulle besit, sal hulle behou so lank hulle lewe.

¹⁹In tyd van nood sal hulle nie verleë staan nie,

in tyd van gebrek sal hulle genoeg hê.

Die Here sorg vir die opregtes en ondersteun hulle. Die mense is die opregtes. Dit hou verband met die regverdiges – mense met integriteit. Die Here sal sorg dat hulle lewe in die land nooit eindig nie. Dit word verder in vers 19 uitgespel. As die land nie genoeg produseer vir die mense om te oorleef nie, mag hulle hulle land verloor Die Here sorg dat hulle egter oorleef. Die goddelose kry geen uitkoms in tye van hongersnood nie. Die regverdiges sal nie verleë staan deurdat hulle hulle land verloor nie.

²⁰Die goddeloses sal te gronde gaan, die vyande van die Here sal tot niet gaan;

soos mooi weivelde wat in vlamme opgaan, so sal hulle verdwyn.

Die Here kies altyd vir die regverdiges kant teen die goddeloses. As die goddelose die ondergang van die regverdige soek en sy lewe bedreig, lag die Here vir die goddeloses, want Hy sien hulle dag kom. As die goddelose die hulpelose en die arme wil doodmaak, laat God hulle swaarde hulle eie harte tref – hulle boë sal stukkend gebreek word. Die Here sal altyd die regverdiges se hulp wees. Hy sorg vir hulle lewe; Hy beskerm wat hulle besit. In tye van nood en gebrek sal Hy hulle nie in die steek laat nie. Daarteenoor laat Hy die goddelose te gronde gaan; Hy laat hulle tot niet gaan; soos mooi weivelde wat in vlamme opgaan, so sal hulle verdwyn.

Psalm 37 (3)

Psalm 37 (3)

Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

37:5 – 11: Tweede vergelyking.

⁵Laat jou lewe aan die Here oor en vertrou op Hom; Hy sal sorg.

⁶Hy sal jou onskuld laat deurbreek soos die son,

jou reg soos die helder lig van die middag.

⁷Daarom moet jy in stilte op die Here vertrou en jou nie ontstel oor die voorspoedige lewe van ’n skelm nie.

⁸Moenie kwaad word nie, laat staan die woede,

moet jou nie ontstel nie: dit bring net ellende.

⁹Die skelms sal uitgeroei word, maar dié wat hulle vertroue in die Here stel, sal in besit bly van die land.

¹⁰Nog ’n rukkie en daar sal geen goddelose meer wees nie;

’n mens sal hom soek waar hy was, maar hy sal nie daar wees nie.

¹¹Dié wat nou verdruk word, sal die land besit en hulle verlustig in hulle welvaart.

Hierdie vergelyking begin met positiewe raad: Laat jou lewe aan die Here oor en vertrou op Hom. Hoekom: Hy sal sorg; Hy sal veg vir die reg van die gelowige; Hy sal die gelowige die land laat bly behou; Hy sal die gelowige welvaart laat beleef. Die gelowige moet liewer in stilte op die Here vertrou. Die gelowige moet hom nie oor skelms ontstel nie: die skelms sal uitgeroei word en die goddeloses sal verdwyn. David Livingstone het vs 5 elke dag vir homself herhaal.

Lesers moet hulle lewe/bestemming/toekoms aan die Here oorlaat. Hierdie beklemtoon vertroue net met ander woorde: Hy sal sorg. Die Here se optrede is teen skelms en skurke en ten gunste van gelowiges. Wat sal die Here doen?⁶Hy sal jou onskuld laat deurbreek soos die son, jou reg soos die helder lig van die middag. Die Here se trou sal nie net soos lig wees nie, maar so helder soos die lig van die middag.

Die lesers moet stil voor die Here wees. Dit is ook ‘n uitdrukking van vertroue. Om stil te wees verwys na ‘n gewilligheid om jou aan die Here te onderwerp en nie in te tree en sake self op te los nie. Dit beteken dat jy moet wag. Stil wees en wag is die teenoorgestelde van ontsteld wees (vers 1). Dit is ‘n versoeking om ontsteld te wees oor die voorspoedige lewe van die skelm.

In vers 8 kry ons weer ‘n oproep om nie ontsteld te wees nie – dit bring net ellende. Jaloesie mag beteken dat jy by die skelms aansluit of dat jy self wraak neem inplaas daarvan om die wraak aan die Here oor te laat deur stil te wees en te wag. Skelms sal van die land afgeskei word. Hulle verloor dus die vermoë om aan die lewe te bly en verloor hulle rusplek. Die skelms doen tans goed en kan die land van ander oorneem. Hierdie situasie sal egter omgekeer word.

Nog ‘n rukkie herhaal die belofte van vers 2 dat die voorspoed van die skelms nie lank sal duur nie. Vers 12 stel ons aan die verdruktes bekend. Hulle word teenoor die goddeloses gestel. Die implikasie is dat hulle mense van God is. As die goddeloses van hulle land verwyder word, sal die verdruktes die land oorneem.

Psalm 37 (2)

Psalm 37 (2)

Tema: Twee lewenshoudings is moontlik: dié van die gelowiges en dié van die goddeloses, maar God beslis.

Psalm 37 is ‘n wysheidspsalm. Die psalmdigter kontrasteer twee lewenshoudings. Dit is ‘n alfabetiese psalm. Dit stem ooreen met die psalm se tema dat daar ‘n orde in die wêreld is.Die ou man in vers 25 kom ooreen met die leermeesters in Spreuke wat die jonger mense onderrig.. Die Psaalm kan goed by Spreuke inpas:

Die oproep met rredes (vers 1 – 2).
‘n belofte oor gevolge (vers 3 – 4)
Die bestemming van die regversiges en gelowiges (vers21 – 22).
X is beter as Y (vers 16).
Die beroep op ondervinding (verse 25 en35 – 36).

Daar is geen ontwikkeling van denke in die psalm nie, maar ‘n reeks waarnemings wat illustreer dat die here na die gelowiges omsien terwyl die goddeloses sterf. Psam 37 hervat die tema van Psalm 1.

Die digter trek vyf vergelykings tussen die regverdige en die goddelose se botsende lewenshoudings. Sy doel met hierdie vergelykings is om die gelowige te oorreed om die regverdige se lewenshouding te kies en die goddelose se houding te verwerp. Die gelowige sien soms dat dit goed gaan met die goddelose terwyl hy swaarkry. Dit ontstel hom.

37:1 – 4: Eerste vergelyking.

Van Dawid.

Tysens die monargie was dit die koning se verantwoordelikheid om toe te sien dat Israel die samelewing was at hier beskryf word.

Moet jou nie ontstel oor skelms en jou kwel oor skurke nie,

²want soos gras vergaan hulle gou en soos groenigheid verdwyn hulle sommer.

Hiedie oprop om jou nie te ontstel nie word in verse 7 en 8 herhaal. Ontstel verwys dikwels na kwaad wees die voorwerp van hierdie kwaad wees is skelms en skurke hoekom moet hulle nie ontsteld wees nie. Hierdie skels en skurke leef nie lank nie. Die skelms is soos gras. ‘n Kenmerk van gras is dat dit gou verdroog en vergaan. Hierdie is vir die lesers ‘n bekende feit.

³Vertrou liewer op die Here en doen wat goed is, woon en werk rustig voort.

⁴Vind jou vreugde in die Here, en Hy sal jou gee wat jou hart begeer.

In plaas van behep te wees met negatiewe gevoelens teenoor die skelms en skurke, moedig hulle mense aan om op die Here te vertrou. Die Here is die voorwerp van hulle vreugde Mense moenie te entoesiasties wees oor materiële voorsiening nie. Mense wat op die Here vertrou vind hulle vreugde in Hom. Mense moet nou hulle vreugde in die Here vind nie later as hulle sy seëninge ondervind het nie. Die geneesmiddel vir negatiewe gevoelens wat die gevolg van kyk na ander is, is om na die Here te kyk en laat toe dat toepaslike gevoelens ontwikkel. Hulle word uitgenooi om hulle diepste verlange na die Here te bring sodat dit vervul kan word.

Hierdie kort vergelyking begin met ‘n stukkie negatiewe raad: die gelowige moet hom nie kwel oor skelms en skurke se voorspoed nie. Letterlik staan hier dat die gelowige nie warm moet raak nie. Dit is nie die moeite werd nie, want soos gras vergaan hulle – hulle verdwyn sommer. In plaas daarvan moet die gelowige liewer op die Here vertrou en doen wat goed is. Hy moet net rustig woon en werk. As hy sy vreugde in die Here vind, sal Hy aan die gelowige gee wat sy hart begeer. Teenoor die verganklikheid van die goddelose staan die gelowige se sekerheid en vertroue op die Here, wat aan die mens gee wat hy nodig het. Die raad is dat die gelowiges maar stilweg moet voortgaan met hulle lewens. Israel se geloof gaan oor:

Vertrou op die Here;
Doen goed;
Geniet die Here; en dan sal God gee wat jy die meeste begeer
Fokus op die Here en jousself en nie op hulle nie.

Dit gaan oor ‘n hiuding van openheid en vrygewigheid teenoor een van misleiding en vyandigheid. As jy die Here vertrou en goed doen ssl jy in die land woon. Ajay kan net eet as jy ‘n land het en die familie wat sy deel van die land besit.

Vind jou vreugde in die Here is belangrik:

Die Here is jou bron van vreugde. Ons moenie te entoesiasties oor materiëlee voorspoed wees nie. Die psalmis sê dat mense wat op die Here vertrou waarlik vreugde sal ondervind as gevolg van sy voorsiening Mense moet nou hulle vreugde in die Here vind en nie later as hulle eers sy seëninge ondervind het nie.
Die geneesmiddel vir negatiewe gevoelens wat die gevolg is van na ander mense kyk kan oorwin word deur na die Here te kyk.
Mense word uitgenooi om hulle diepste verlangens na die Here te bring sodat hulle vervul kan word.