Psalm 36 (2)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

36:2 – 5: Die goddelose persoon.

²In die hart van die goddelose het die opstand teen God die laaste woord.

Die goddelose het geen vrees vir God nie

³en praat net goed oor homself.

Hy is altyd daarop uit om kwaad te doen en om te haat.

⁴As hy praat, is dit kwaadwillig en vals; verstandig wees en goed doen bestaan nie vir hom nie.

⁵Selfs as hy gaan lê, dink hy net kwaad uit;

hy bly op ’n pad wat nie reg is nie; wat sleg is, verwerp hy nie.

Die psalmis sê die goddelose is altyd in opstand teen God. Hy het geen vrees vir Hom nie; hy praat net goed oor homself; hy is kwaadwillig en vals, vol haat en onverstandig. Goed doen bestaan nie vir hom nie. Al waaraan hy gedurig dink – selfs as hy gaan lê – is die kwaad. Hierdie beskrywing klink iewat oordrewe, maar die bedoeling is om ‘n kontras te skep met wat volg.

Wie staan onder die oordeel van God? Natuurlik alle mense, want almal is sondaars. Diegene wat teen God in opstand kom, straf hy. Diep in sy hart fluister opstand vir die goddelose mens – hy is nie meer deel van God en die verbond nie Hy dink hy is beheer van sy eie lot. Omdat hy buite die verbond staan, het hy nie meer ‘n ster om hom te lei nie. Hy besef nie die mens se vermoë om homself te verlei nie. Omdat hy buite die verbond staan, besef hy nie dat hy ‘n sondaar is nie en daarom het hy geen vrees vir God nie. Die goddelose dink dat hy al die antwoorde het.

Psalm 36 (1)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

Psalm 36 (1)

Hoe kosbaar is u trou, o God! (36:1 – 13)

36 Vir die koorleier. Van Dawid, die dienaar van die Here.

²In die hart van die goddelose het die opstand teen God die laaste woord.

Die goddelose het geen vrees vir God nie

³en praat net goed oor homself.

Hy is altyd daarop uit om kwaad te doen en om te haat.

⁴As hy praat, is dit kwaadwillig en vals; verstandig wees en goed doen bestaan nie vir hom nie.

⁵Selfs as hy gaan lê, dink hy net kwaad uit;

hy bly op ’n pad wat nie reg is nie; wat sleg is, verwerp hy nie.

⁶Here, u liefde reik tot in die hemel, u trou tot in die wolke,

⁷u geregtigheid tot op die hoogste berge, die reg wat U spreek, tot in die dieptes van die see. U sorg vir mens en dier, o Here.

⁸Hoe kosbaar is u trou, o God! U beskerm die mense wat by U skuil.

⁹In u huis geniet hulle oorvloed, U laat hulle drink uit die strome van u goedheid.

¹⁰U is die bron van die lewe, deur u lig lewe ons.

¹¹Laat u liefde bly by dié wat U erken en u trou by dié wat opreg is.

¹²Laat my nie onder die voete van eiegeregtige mense beland nie,

moenie dat goddeloses my hier wegdryf nie!

¹³Dié wat altyd onreg doen, val net daar waar hulle is;

hulle word platgeslaan en kan nie weer opstaan nie.

Tema: Die mens het ‘n keuse: hy kan hom skaar by die goddeloses of hy kan luister na die woord van God en Hom dien.

Die indruk word in 36:8 – 9 geskep dat die psalmis in die tempel wegkruip vir sy vyande. Hy bid dat hulle hom nie uit die tempel sal wegdryf en hom in hulle mag kry nie. Maar die psalmis se gebed is meer as net ‘n klag oor sy toestand of ‘n oproep om verlossing of ‘n dankwoord vir uitkoms. As die dienaar van die Here is die psalmis deur God uitverkies vir ‘n bepaalde taak. Deel van die taak is om mense te onderrig. In hierdie psalm voer hy hierdie opdrag uit. Terwyl hy by God skuil, vergelyk hy God en die goddelose met mekaar. Hy beskryf dus wie die goddeloses is en wat hulle doen en wie die Here is en wat Hy doen.

Psalm 35 sluit af met die psalmis wat homself ‘n dienaar noem. In hierdie psalm word na Dawid as die dienaar van die Here verwys. Hy is beide dienaar en lid van God se verbondsvolk. In hierdie sin moet elkeen van ons onsself as dienaars beskou.

Blog35

In order that people may be happy in their work, these three things are needed: they must be fit for it; they must not do too much of it; and they must have a sense of success in it. -John Ruskin, skrywer en sosiale hervormer (1819-1900)

Wat beteken kerk?

As ons sê kerk waarvan praat ons? Die gebou? Die kerkraad? Ons weet dat die kerk dit is wat oorbly nadat die gebou afgebrand het – die mense. Maar wees eerlik: die woord kerk is deur die kultuur gekaap. In hierdie kaping staan die kerk nie onskuldig nie.

Vra vir iemand buite die kerk wat kerk is, kan jy ‘n antwoord kry soos die volgende: “Die kerk is ‘n plek wat goeie dinge doen – hulle gee kos vir die behoeftiges. Hulle is soos ‘n nie-winsgewende organisasie, Die lede van die kerk het hulle eie klub en elke Sondag gaan hulle na hulle klubhuis.” [Jy kan natuurlik ‘n erger reaksie as dit kry!] Hierdie is ‘n probleem. Die kerk is nie gestig as ‘n agentskap om nood te verlig nie. Die kerk is gestig om ‘n organisasie te wees wat dissipels maak.

Bill Tenny-Brittian sê die grootse probleem vandag is dat die woord kerk deur die lidmate gekaap is om min of meer dieselfde te beteken. Die kerk bestaan om “goed te doen” en lyding in die gemeenskap te verlig. Baie lidmate hanteer die kerk as ‘n klub. Maar ‘n klub hanteer sy lede anders as die Bybelse siening van ‘n kerk.

In ‘n klub …

• Is lede belangrik – die klub bestaan vir sy lede.
• Die meerderheid heers.
• Daar word na lede omgesien sodat hulle gemaklik is en hulle voorkeure geniet aandag.
• Lede is geregtig.

Dit pas nie in by die Bybelse model van ‘n kerk nie.

In ‘n kerk …

• Diegene wat nie lede is nie is dié belangrikste – die kerk bestaan vir die kerkloses.
• Wat goed is vir die sending heers.
• Lede sien af van hulle persoonlike gemak en voorkeure ten gunste van diegene “wat nog nie daar is nie.”
• Lede het verantwoordelikhede.

Die kerk se rede vir bestaan is om dissipels te maak. Daarom moet hulle hulle getuienis deel – hulle moet persoonlik aan ander vertel wat Jesus in hulle lewe en die lewe van ander gedoen het.

Die kerk moet weer die Bybelse model van wat dit beteken om kerk te wees, navolg. Dan sal die kerk weer sy invloed in die kultuur kan uitoefen – en nie andersom soos dit nou is nie.

Digitale detoksifisering

Onmiddellik dink ons aan kinders, maar ‘’n onlangse opname het interessante bevindings opgelewer

• Meer as ‘’n derde van 2 000 tieners het hulle ouers gevra om op te hou om hulle toestelle te kontroleer.
• 14% van tieners sê hulle ouers is tydens maaltye besig met hulle toestelle.
• 82% van tieners glo maaltye moet toestel-vry wees.
• 22% sê die gebruik van mobiele toestelle veroorsaak dat hulle familie nie meer mekaar se geselskap kan geniet nie.
• #6% sê dat hulle hul ouers gevra het om hulle fone neer te sit. 46% van ouers het die versoek geïgnoreer en 44% van die ouers was ontsteld.
• Net 10% van ouers glo dat hulle gebruik van mobiele toestelle ‘’n bekommernis vir hulle kinders was. Tog glo 43% dat hulle te veel tyd op hulle toestelle spandeer. Ouers sê dat hulle oor naweke tussen 3 – 5 uur aanlyn was.

Mobile toestelle is vandag ‘’n integrale deel van ons lewe by die skool, die werk en ontspanning. Kinders is bewus van baie van die risiko’s geassosieer met die te veel/in oordaad/in oormaat/oordadig/oormatig gebruik van hierdie toestelle, maar hulle verwag dat die volwassenes in hulle lewens duidelike grense moet neerlê vir die gebruik van hierdie toestelle en dat hulle rolmodelle moet wees. [Lees gerus Tony Reinke se nuwe boek: Twelve ways your phone is changing you.]

In ‘’n artikel van BBC sê ‘’n terapeut in Houston dat mense wat hulp soek vir verslawing aan digitale toestelle amper 50% van sy pasiënte is. Die sielkundige impak van Facebook en ander digitale platforms is dikwels baie moeiliker om te behandel as ander verslawings. Hoekom? Daar is geen stigma verbonde aan hierdie tipe verslawing nie.

Hoe meer jy Facebook gebruik, hoe slegter voel jy. Blootstelling aan die versigtig geredigeerde beelde van ander se lewens lei dikwels tot ‘’n negatiewe selfvergelyking en die blote hoeveelheid van sosiale media interaksie mag die tyd vir betekenisvolle lewensondervindings beperk. Wat egter baie duidelik is, is dat sosiale interaksie aanlyn is geen plaasvervanger vir ware interaksie nie.

Andy Crouch (The Tech Wise Family. Everyday steps for putting Technology in its Proper Place) vra die vraag: rig ek my lewe so in dat dit wysheid ontwikkel? Hy noem ses kerk geestelike dissiplines: afsondering, stilte, vas sowel as gesprekke, feesvier en gemeenskap met ander gelowiges. Nie een van hierdie ses het iets met tegnologie te doen nie, behalwe dat tegnologie hulle belemmer.