The Lord is a friend who never changes. There is no fickleness about Him: those whom He loves, He loves unto the end. —J.C. Ryle

Ek is mismoedig

Baie van ons is soms mismoedig. Hoe lig jy jou weer op? Dit is moeilik. Maar ons moet baklei en daardeur kom. Hoe?

1. Vertel vir God waar jy is

Ons praat dikwels met ander mense oor ons mismoedigheid  Begin deur jou oë op God te rig en met Hom te praat. Vertel vir Hom daarvan. Doen jy dit nie sal jy net meer mismoedig word. Om nie alles voor God te lê nie, is ‘n fout.

2. Hou jou oë op Jesus

Jesus stel nie teleur nie; mense kan teleurstel. Hy is altyd met jou.

3. Vergifnis

Jy sal baie dinge ondervind en alle soorte mense teenkom. Dit sal jou uitdaag, veral as jy teleurgesteld is. Bediening is moeilik, maar om nog bitterheid en ‘n gebrek aan vergifnis saam te dra is net te veel.

4. Beweeg vorentoe

Ek sal nooit mismoedigheid oorwin deur dit te ignoreer of toe te laat dat dit my verlam nie. Jy kan nie vorentoe in jou bediening en lewe gaan as jy die hele tyd terugkyk nie. Jy moet weet dat mense wat jou in die lewe seermaak, is mense wat self seergekry het in hulle lewens. Moenie toelaat dat jou seerkry die manier waarop jy ander mense behandel beïnvloed nie.

Dit maak nie saak wie wat aan jou gedoen het nie. Wat belangrik is, is hoe jy daarop gaan reageer. Gaan vorentoe in vergifnis.

Jesus Christ knows you completely. Wny would you ever run from someone who knows everything about you and still loves you? —Colin Smith

Wat verlang jongmense van die kerk?

Die Fuller Youth Institute van die Fuller Theological Seminary het ‘n vierjarige ondersoek in 250 gemeentes van meer as 20 verskillende denominasies gedoen. Hulle het na jongmense 15 – 29 jaar oud gekyk. Hierdie ouderdomsgroep is 22% van die volwasse bevolking, maar minder as 10% van kerkgangers.

Daar was ‘n paar ligpunte, maar oor die algemeen is die landskap maar teneerdrukkend. Maar as ons kyk na die suksesverhale sien ons dat sukses beslis elders herhaal kan word. Uit die navorsing is dit duidelik dat daar agt dinge is wat nie juis ‘n verskil maak nie:

• ‘n Spesifieke denominasie
• ‘n “Kultuur-relevante” pastorale preekstyl en kleredrag
• ‘n Spesifieke plasing in die land
• Die grootte. Hulle kry geen statistiese bewys tussen groote van die gemeente en die vermoë om jongmense te trek nie
• Die ouderdom van die gemeente
• ‘n Groot begroting. Gemeentes met min hulpbronne kan jong mense op ‘n kreatiewe wyse ondersteun. Verhoudings is belangrikr as begrotings.
• Kontemporêre aanbidding. Daar is nie een regte aanbiddingstyl onder tieners nie.
• ‘n Groot moderne gebou. Sommige suksesvolle gemeentes besit nie eers hulle eie geboue nie – hulle vergader in skoolsale, ens. Hulle droom is ook nie groot kerkgeboue nie, maar gemeenskapsentra.

Daar is een tema wat dwarsdeur hierdie suksesvolle gemeentes loop: hulle wil die beste moontlike bure in hulle gemeenskap wees. Hulle is betrokke in die gemeenskap en betrek jongmense in die proses. Hierdie jongmense vra: “Wie nooi jy uit vir ete? Is daar mense aan jou tafel wat van jou verskil?” Dit is waar en wanneer lewensverandering plaasvind.

Hierdie gemeentes skram weg van enige leierskapsmodel wat persoonlike charisma en gesentraliseerde beheer bevorder. Die betrokkenheid van senior leiers speel ‘n belangrike rol om jongmense doeltreffend betrokke te kry. Hierdie leiers gee dikwels die sleutels van leierskap oor aan jongmense. Jongmense is betrokke by besluite wat die hele gemeete raak. Hierdie jongmense is nie die toekoms van die gemeente nie – hulle is die gemeente. In plaas dat hulle net goedere en dienste wat vir hulle voorgesit word, gebruik, speel hulle ‘n belangrike rol in die gemeente.

Hierdie is ‘n Amerikaanse studie. Tog glo ek dat dit nie veel verskil van ons eie omstandighede nie.

The raging of … fools tends toward the suppression of the Christian faith, the denying of the divine word, and the blaspheming of the Divine Majesty. — Martin Luther

Mense is die sending

Hy is moeg na ‘n dag in die veld – soos elke ander dag. Hy moet harder werk, want sy broer is weg. Hy is verantwoordelik vir die familieplaas. Sy pa is nie van veel hulp nie, want hy staar die hele dag na die horison – hy dink meer aan die verlede as die huidige. Toe hy naby die huis kom hoor hy die musiek en die singery. Wie het nou tyd vir ‘n partytjie? Hy roep een van die bediendes nader en vra vir hom wat aan die gang is. Die bediende se antwoord ontstel hom: U broer het gekom, en u pa het die vetgemaakte kalf geslag omdat hy hom behoue en gesond teruggekry het.

Dit is die verhaal van die verlore seun soos ons dit in Lukas 15 kry. Hier lees ons die verhaal van ‘n verlore seun, ‘n vader wat vergewe en ‘n broer wat veroordeel. In ons gemeente kry ons ook ouer broers – mense wat meer hartseer as vreugde het as ‘n sondaar tot bekering kom en terugkeer. Hulle is die mense wat glo dat God se barmhartigheid net so ver as tot by hulle strek – niks verder nie.

Die gees van die ouer broers vorm die laer, beskerm die status quo en beskerm die binnekant eerder as die buitekant. Dit is ‘n gevaarlike kanker wat enige genade wat jy aan mense wat Christus nie ken nie, wegvreet. Die boodskap van die evangelie stop nie by die verlore seun nie. Jesus het gesê dat die evangelie nie net vir diegene met ‘n goddelose lewenstyl is nie, maar vir diegene met ‘n bose hart. Val ons nie almal in die kategorie van of die jonger of die ouer broer nie? Soms is ons sommer beide terselfdertyd. Maak nie saak wie ons is nie die Vader se genade kan ons bereik. As ons mense wil mobiliseer om vir die verlore skape om te gee, kry ons in die verhaal van die verlore seun drie lesse.

1. Ouer broers moet geleer word van genade

Die ouer broer het vergeet en daarom herinner sy vader hom: Kind, jy is altyd by my, en alles wat ek het, is ook joune. Die geboorte in die familie en die liefde van die vader gee aan hom die reg om seun genoem te word. Hy het sy posisie vergeet – daarom kom hy in opstand. Baie lidmate wat maar voortsleep, dink nie dat hulle genade vergeet het nie. As hulle nie na ‘n buitestaander uitreik nie, is dit ons taak om hulle daaraan te herinner.

2. Ouer broers moet genade ontvang

Dit is ‘n versoeking om te droom oor hoe die gemeente kan wees as ons ontslae kan raak van al die “ouer broers.”  Dit is nie wat die vader doen nie. Hy wil die ouer broers se hart verander. Die vader sluit in; hy maak plek aan die tafel vir die wat weggedwaal het en vir die wat gebly het. Mense gee net genade uit as hulle dit eers ontvang het.

3. Ouer broers moet aan die visie herinner word

Ons kan tog nie anders as om fees te vier en bly te wees nie, want hierdie broer van jou was dood, en hy lewe weer; hy was verlore, en ons het hom teruggekry. Ons is so besig om kerk “te doen” dat ons skoon vergeet van die vreugde om kerk te wees.” Jesus het ons nie geroep om vissers van komitees te wees nie.

Iewers langs die pad het baie van ons die pad byster geraak. Ons fokus so op die binnemure van die kerk dat ons skoon van die mense buite die mure vergeet het. Mense is die sending en ons moet bly wees as hulle terugkeer. Dit is wat ons moet doen. Mense beteken alle mense. Jesus het nie vir ons opsies gegee oor na watter mense ons moet uitreik nie.

It is difficult to express how ingenious almost all men are in counterfeiting a love which they do not really possess (Calvyn).

Hoe oorwin ek Satan se versoekings?

Geen generaal sal die oorlog ingaan sonder ‘n plan nie. Hy ken sy sterk- en swakpunte, sy taktiek en veral sy vyand. As hy dit nie doen nie, sal selfs sy beste bedoelings nie keer dat hy vernietig word nie. As ons teen versoekings veg, glo ons dat goeie bedoelings voldoende is. Maar as Satan kom, val ons gou weer terug in ons ou sondige gewoontes. Ons is verbaas oor hoe min weerstand ons gebied het.

Solank as wat ons leef, sal ons met versoekings te doen kry. En ons gaan struikel. Ons moenie ons hande in die lug gooi en oorgee nie. As ons iets van Satan se taktiek weet, kan ons met vertroue optree as hy toeslaan.

1. Satan sit vraagtekens in jou lewe waar God punte geplaas het

Toe Satan vir Jesus versoek het, begin hy met: As U die Seun van God is … (Matteus 4:3). Net ‘n paar verse voor dit is Jesus gedoop en God verklaar uit die hemel: Dit is my geliefde Seun. Oor Hom verheug Ek My (Matteus 3:17). Satan begin selde met leuens – hy begin met gevaarlike vrae. Hy neem wat God verklaar het en laat ons daaraan twyfel. Hy plaas vraagtekens in jou lewe waar God punte geplaas het.

Dikwels gaan hy verder en bevraagteken nie net God se waarheid nie, maar ontken dit. Satan vra vir Eva: Het God waarlik gesê julle mag van geen boom in die tuin eet nie (Genesis 3). Hy oortuig hulle dat God nie hulle beste belange op die hart dra nie. Die laaste ding wat Satan wil hê, is dat ons oor God se woord moet dink. Sy vrae is nie om ‘n gesprek te open nie, maar om ons aandag af te trek.

2. Ons oorwin Satan se versoekings deur die beloftes van God aan ons in die evangelie te ken

As Satan se belangrikste aanvalstrategie is om ons aandag van God se woord af te trek, is die primêre manier om Satan se versoekings te oorwin deur ons in God se woord te verdiep. Is dit waar? Baie mense glo as hulle na Jesus se versoeking kyk, is die manier om Satan te oorwin deur meer van God se woord te weet as wat hy weet. Daar is net een probleem hiermee: Satan ken meer Bybelverse as wat ons ken. Hy oefen al eeue lank.

Daar is iets spesifiek oor God se woord  wat elke vers wat Hy aanhaal rugsteun. Selfs Satan kan dit nie erken nie – sy identiteit is in sy Vader geleë. Hy is seker in die wete wie Hy voor God is. Satan het probeer om Jesus te oortuig om God se plan en sy teenwoordigheid te bevraagteken. As Jesus kon twyfel aan God se goedheid, sal die res in plek val.

Dit is ons belangrikste versoeking: om ons identiteit in iets anders as God se verklaring van wie Jesus Christus is, te plaas. Ons baklei nie teen Satan deur iets wat ons doen nie, maar deur iets wat Jesus Christus gedoen het. Hy het Satan se leuens oorwin toe ons nie kon nie. Ons oorwin die Satan deur te vertrou op die werk wat Christus afgehandel het en toe te laat dat die Gees versoekings oorwin deur ons.

Satan wil hê dat ons ons identiteit moet bou op hoe ons leef. Hy wil ons aandag aftrek van die evangelie dat Christus Homself as plaasvervanger vir ons aangebied het. Hy het reeds alles gedoen wat nodig is vir ons verlossing. Ons meet God se deernis deur die kruis; ons meet God se krag deur die opstanding. Dan kan ons vol vertroue soos Martin Luther sê:

“The prince of darkness grim, we tremble not for him!

One little word [the word of the gospel!] shall fell him.”