It is a reading age, a preaching age, a working age, but it is not a praying age.—C.H. Spurgeon

Emosies

Meeste studies sê dat daar sewe basiese menslike emosies is: woede, angs, verrassing, vertroue, hartseer, vrees en liefde. ‘n Kombinasie van basiese emosies kan na sekondêre emosies lei. Jy kan gewoonlik die betrokke emosie raaksien deur op gesigsuitdrukkings te let.

Wat gebeur met ons emosies as alles deur ‘n lewensveranderende ontmoeting met Christus gefiltreer word? Ons haal dikwels gedeeltes soos Romeine 12:1 – 2 aan wat sê dat ons verander moet word deur ons denke te verander. Maar bekering raak nie net ons denke nie – dit het ‘n impak op elke deel van ons. Op watter manier word ons emosies verander, genees en hervorm as ons Jesus ontmoet?

• Woede – Jesus het woede geken – toe Hy die tempel gereinig het, was Hy kwaad en hartseer. As ons kyk na die oorsake van sy woede kry ons ‘n leidraad tot die verskil van Jesus. Hy was kwaad ten behoewe van ander. Die geldwisseling en koop van duur offers was ‘n betekenisvolle probleem vir baie arm mense. Woede na ‘n Jesus ontmoeting sal minder oor myself gaan en meer oor wat met ander besig is om te gebeur. Dit skuif van ‘n fokus na binne na ‘n bewustheid na buite wat ongeregtighede raaksien.
• Ons luister na Jesus se voorskrif: Moet julle dus nie oor môre bekommer nie, want môre bring sy eie bekommernisse. Elke dag bring genoeg moeilikhede van sy eie (Matteus 6:34). Moenie vir jou oor die toekoms bekommer nie. Doen vandag wat jy moet doen.
• Die dissipels kon nie voorspel wat Jesus sou doen nie. Toe die moeders hulle kindertjies na Jesus bring, aanvaar hulle dat Jesus nie deur hulle gepla wou word nie. Hulle was verkeerd. Toe 5000 mense honger was, aanvaar hulle dat Jesus hulle sou wegstuur. Verkeerd. As gelowiges weet ons dat as ons swaarmoedig oor die toekoms is, mag ‘n verrassing net om die draai wees.
• Dit is ‘n emosie wat ons dikwels weer moet aanleer as ons Jesus begin volg. Slegte voorafgaande ondervindings lei tot suspisie en skeptisisme. Deel van ons reis met Jesus is dat Hy ons van bitterheid en twyfel moet losmaak. Ons moet met volle vertroue die doel wat Hy vir ons het aanvaar.
• Dit is gewoonlik die gevolg van verlies. Jesus het gehuil (Johannes 11:35). Snaaks, want hy staan op die punt om Lasarus uit die dood op te wek. Hoekom huil Hy? Hy huil, want al die ander mense was hartseer. Hy wil nie hê dat ons alleen moet huil nie. Dit is steeds so. As Jesus se kinders huil, ontdek hulle hulle trane is met syne gemeng.
• Die wêreld lyk vir ons bedreigend. Ons is bang om alleen te wees … tot ons ontdek dat ons nooit werklik alleen is nie. As ek weet ek is nie alleen nie, skep ek moed.
• Almal soek liefde. Sonder liefde kan ons nie buite onsself uitreik en ander liefhê nie. Dan hoor ons die goeie nuus van die evangelie: Ons het lief omdat God ons eerste liefgehad het (1 Johannes 4:19).

Wat leer ons hieruit? Ons moet toelaat dat ons emosies deur God beïnvloed word. Hy het ons lief; Hy reis saam met ons.

“As I walked out the door towards my freedom, I knew that if I did not leave all the anger, hatred and bitterness behind, that I would still be in prison.” – Nelson Mandela

Psalm 27 (3)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

6:7 – 12:

Hier kry ons ‘n totale ommekeer –  van ‘n uitdrukking van vertroue na dringende gebed.

⁷Luister tog, Here na my stem wanneer ek roep,

Wees my genadig en antwoord my.

Hierdie drie pleidooie is natuurlik in gebede – veral aan die begin van ‘n gebed. Die logika is eers luister (dit kom eerste, maar is nie genoeg nie). Daarna volg roep en antwoord. Die pslamis soek ook ‘n demonstrasie van die Here se genade. Dit kom in die antwoord.

⁸My hart eggo u woorde: “Julle moet my teenwoordigheid opsoek!

U teenwoordigheid, Here, soek ek op.

Die psalmis hoor ‘n innerlike stem wat vir hom sê dat hy die Here se teenwoordigheid (letterlik = gesig) moet opsoek. Dit geld vir al die mense. Hy verklaar dan: Ek het dit gedoen en doen dit steeds.

⁹Moet u gesig tog nie vir my verberg nie, moet u dienskneg nie in woede wegwys nie.

U was my Helper, moet my nie verstoot of verlaat nie, God wat my red.

Die eerste beeld herinner aan ‘n koning wat sy onderdaan se pleidooi verwerp. Net so stuur die Here die persoon wat bid weg. In woede beklemtoon dat die Here se gesig verborge is. Die tweede beeld is waar die psalmis stilstaan en die Here hom verlaat – soos ‘n vriend wat wegloop as jy sy ondersteuning dringend nodig het.

¹⁰Selfs al verlaat my pa en my ma my, die Here sal my aanneem.

Ons verwag dat ons familie, veral ons ouers, aan ons toegewy sal wees as ons aangeval word of  as ons aangekla word dat ons iets verkeerd gedoen het. Verlating deur my ouers is ‘n beeld van total verlating.

¹¹ Here, leer my u pad, lei my op ‘n gelyk pad, omdat ek vyande het.

Om my die pad te leer, mag beteken dat die Here ver is, maar om my op die gelyk pad te lei, beteken dat Hy langs my staan. Let op dat hierdie pad die Here se pad is en dat dit gelyk is.

 ¹²Moet my nie aan my teenstanders uitlewer nie, want vals getuies het teen my opgestaan, en hulle blaas geweld aan.

Die psalmis het vyande. Hy vra vir optrede. Hulle kyk met slegte bedoelings na hom. Hy stel dit duidelik wat die Here moet doen: Hy moet hom nie aan sy teenstanders uitlewer nie. Hier sien ons ook wat die psalmis se probleem is. Hulle lewer vals getuienis en blaas geweld aan.

27:13 – 14:

Soos in vers 1 – 6 kry ons hier weer ‘n stelling van vertroue.

¹³As ek darem nie geglo het dat ek die goedheid van die Here sal beleef in die land van die lewendes nie

As gebruik die psalmis om die werklikheid van vertroue te impliseer. Hy glo in die goedheid van die Here. Dit beteken hy glo in die Here as die een wat aan hom ‘n lang lewe in plaas van ‘n vroeë dood en vryheid van vyande in plaas van onderdrukking sal gee.

¹⁴Wag op die Here! Wees sterk en hou moed, ja, wag op die Here

Die psalm eindig met drie opdragte. Wag op die Here beteken dat die psalmis na die Here kyk om op te tree. Daarom kan hy sterk wees en moed hou. Hy is nie bang nie. Hierdie opdragte kry ons ook aan Josua en sy mense toe hulle Kanaän ingetrek het. Wat duidelik is, is dat hierdie nie ‘n opdrag aan die psalmis is waarin hy alleen staan nie. Die Here se beloftes is aan die opdrag gekoppel – die beloftes wat ons vroeg in die psalm gekry het.

In die volgende blog gaan ons na die teologiese implikasie van hierdie psalm kyk.

Art is a lie that makes us realize truth – Pablo Picasso

Herlewing: Hoe gebeur dit?

Die uiteindelike Bron van herlewing is die Heilige Gees. Gewoonlik gebruik die Gees sekere instrumente om herlewing te bewerk.

1. Buitengewone gebed

Dit beteken volgehoue gebed gesentreer op God se koninkryk. Wat belangrik is, is nie die aantal mense wat bid nie, maar die aard van die gebed. C. John Miller onderskei tussen gebede vir instandhouding en buitengewone gebede Byeenkomste vir gebede vir instandhouding is gewoonlik kort, meganies en fokus op die fisiese behoeftes van die kerk. Buitengewone gebede het drie basiese kenmerke:

• ‘n Versoek vir genade om my sonde te bely en nederig te wees.
• ‘n Deernis en ywer vir die groei van die kerk en die bereiking van die verlorenes.
• ‘n Verlange om God te ken, sy gesig en sy heerlikheid te sien.

In Handelinge 4 word die dissipels deur die godsdiensowerhede gedreig. Na die tyd vra hulle nie vir beskerming van hulleself of hulle families nie, maar: Wat ons betref, dit is onmoontlik om nie te praat oor wat ons gesien en gehoor het nie.

2. Herontdekking van die evangelie

Ons kan die leerstellings van ons gemeente akkuraat beskryf, maar ons is blind vir hulle implikasies en krag. Ons moet weer die evangelie ontdek en tuisbring in lidmate se harte. Hoe kan ons weer die evangelie tuis bring sodat mense die implikasies en krag daarvan kan sien? Daar is verskeie maniere:

• Dit is die plek van inligting en onderrig waaraan die meeste mense blootgestel word.
• Die opleiding van leiers wat die evangelie aan ander verkondig. Hulle moet dan groepies vorm waarin hulle mense in die waarhede van die Bybel lei.
• Bring ‘n element van ondervinding in die kleingroepe. Mense vertel van hoe God hierdie week ‘n werklikheid in hulle lewens was.
• Gesprekke – individue wat informeel met ander gesels.
• Maak seker dat kerkleiers weet hoe om die evangelie in pastorale berading te gebruik.

3. Innovering van die evangelie

In herlewings sien ons gewoonlik een of ander innoverende metode om die evangelie te verkondig. Historici sê dat die Hervorming bemagtig is deur die gebruik van belangrike tegnologiese innovering – die drukpers. C. S. Lewis in The Chronicles of Narna sê dat dinge nie twee keer op dieslefde manier gebeur nie. Hou jou oë oop.

Blog220a

You are infinitely more likely to play in the NBA this year than you are to be transformed to Christlikeness in your own strength – Vern Hyndman

Prediking vir die hernuwing van die evangelie

Daar is veral vyf kenmerke van prediking vir evangelievernuwing.

1. Preek om tussen godsdiens en die evangelie te onderskei

Hierdie prediking sal die kernprobleem van afgodery hanteer deur luisteraars te help om onder die vlak van gedrag na die motivering van die hart te kyk.

2. Verkondig beide die heiligheid en liefde van God om die rykheid van genade oor te dra

Ons moenie net God se heiligheid, geregtigheid en oordeel beklemtoon nie, maar ook sy barmhartigheid en liefde.

3. Preek nie net om die waarheid duidelik te maak nie, maar ‘n werklikheid

Prediking moenie net vir mense vertel wat om te doen nie; dit moet God op so ‘n manier voorstel dat dit die hart en verbeelding vasvang. Meeste mense begryp baie Christelike leerstellings intellektueel, maar dit is nie ‘n werklikheid in hulle harte nie. Daarom beïnvloed dit nie hulle gedrag nie.

4. Preek Christus uit elke teks

Jesus moet dié boodskap wees wat jy verkondig. As jy nie mense op Jesus rig nie, dink die mense dat die preek oor hulle gaan – wat hulle moet doen.

5. Preek terselfdertyd vir Christene en nie-Christene

Moenie net met jou gemeente praat oor geestelike groei nie – dan aanvaar jy almal in die gehoor is Christene. Evangeliseer soos jy onderrig en onderrig soos jy evangeliseer.