Category: Coen Slabber se Blog

image_pdfimage_print

Coen Slabber se Blog

Die dissipline van liefhê

Cheap grace is the grace we bestow on ourselves- Dietrich Bonhoeffer

 

Die dissipline van liefhê

In Filippense 4:8 verwys Paulus na alles wat mooi is. Ek moenie net my gedagtes en denke – my verstand – orden nie, maar ook die dinge van my hart. Ek moenie net dink aan die regte dinge nie, maar ek moet die regte dinge liefhê.

 Ek sê dit nie omdat ek gebrek ly nie, want ek het geleer om my in alle omstandighede te behelp (Filippense 4:11). Dit gaan oor ’n lewe van tevredenheid – onafhanklik van my omstandighede. Dit beteken nie dat ek nie ontsteld is nie, maar ek word nie oorweldig nie.

 Die Stoïsyne sê dat min mense tevrede is, want hulle het sekere dinge te lief en is bang hulle verloor dit. Dit is dinge soos sukses, jou gesin en geld. As iets met hierdie dinge verkeerd loop, is ek verpletter.

Coen Slabber se Blog

Die dissipline van dank

We must never think of our salvation as a kind of transaction between God and us in which He contributes grace and we contribute faith – John Stott

 

Die dissipline van dank

Moet oor niks besorg wees nie, maar maak in alles julle begeertes deur gebed en smeking en met danksegging aan God bekend (Filippense 4:6).

In hierdie vers plaas Paulus besorg en danksegging teenoor mekaar. Let op wat Paulus hier sê. Hy sê nie ek moet my begeertes aan God bekend maak en as ek kry wat ek vra, bedank ek vir God nie. Hy sê ek moet God dank as ek vra – nog voor ek iets gekry het; nog voordat ek weet hoe Hy gaan reageer.

 Dit maak tog nie sin nie.

Coen Slabber se Blog

Hoekom is ek nou hier op aarde?

 

 To the question “Dont we contribute anything to our salvation?” Scripture answers, “Yes, our sin.” – Rod Rosenbladt

 

Hoekom is ek nou hier op aarde?

Mense is ontnugter met die wetenskap – dit belowe meer as wat dit kan voorsien. Die wetenskap kan sekere vrae baie beter behandel as enige ander dissipline. Dit is die wetenskap – nie teologie nie – wat vir ons gaan sê hoe oud die aarde is. Tog is dit ‘n belangrike en redelike vraag, maar die Bybel gee nie vir ons daardie inligting nie. Ons moet aanvaar dat daar baie belangrike vrae is waarop die Bybel nie vir ons antwoorde gee nie.

Coen Slabber se Blog

Ons leef in ‘n demokratiese wêreld … of nie?

 

 Vraag aan ‘n Ortodokse priester: “Father, do you believe we are saved by faith or by works. Hy antwoord: “Neither, but by the mercy of God.”

Ons leef in ‘n demokratiese wêreld … of nie?

Elke vyf jaar kies ons ons leiers. Ons leef immers in ‘n demokratiese wêreld. Dit is nie hoe dit met ons verlossing werk nie. Ons kies nie ons Verlosser(s) nie. Julle het My nie uitgekies nie, maar Ek het julle uitgekies (Johannes 15:16).

 Ons kies ons leiers op grond van hulle prestasies in die verlede; God kies ons ten spyte van ons prestasies. Die mense verdien God se ewige straf, maar uit hierdie opstandige mensdom kies God mense: U is waardig om die boek te neem en die seëls daarvan oop te maak omdat U geslag is en met u bloed mense vir God losgekoop het uit elke stam en taal en volk en nasie (Openbaring 5:9).

 God maak vir Hom ‘n nuwe volk bymekaar. Lede van hierdie volk is steeds lede van die menseras, maar word ook aangeneem as lede van God se familie. Aan die kop van die familietafel sit die Vader en Hy herinner ons aan hierdie groot waarheid: Julle, daarenteen, is ‘n uitverkore volk, ‘n koninklike priesterdom, ‘n nasie wat vir God afgesonder is, die eiendomsvolk van God, die volk wat die verlossingsdade moet verkondig van Hom wat julle uit die duisternis geroep het na sy wonderbare lig (1 Petrus 2:9).

image_pdfimage_print