Category: Laat sy Liefde jou Lei ( Boek )
Laat sy Liefde jou Lei: Om anders te voel – Milanie Vosloo
Om anders te voel
Ek wil sing van u liefdevolle goedheid en u regverdigheid … Ek wil probeer leef soos U wil hê. Psalm 101:1a en 2a
Soms het ons rede om in sak en as te sit en kla. Ander kere is ons geneig om met ’n groot gesnyde wit brood onder die arm ons lot te bekla teenoor almal wat wil luister (en selfs dié wat regtig nie lus is om te luister nie!). Dis die kere wanneer ons soos klein babatjies oor alles huil. Die geringste wind, hongerte, ongemak of nattigheidjie laat ons dadelik maak ons dadelik ê-erig!
Laat sy Liefde jou Lei: Hoe hardloop jy jou wedloop? – Milanie Vosloo
Hoe hardloop jy jou wedloop?
“ … Om My te volg is nie altyd maklik nie.” Markus 8:34B
Die lewe is nie ’n oefenlopie nie. Ons is nie net hier vir een van vele oefensessies voordat ons eendag aan die finaal gaan deelneem nie. Ons is rééds besig met ons finale wedloop van die lewe. En die manier hoe ons hier hardloop gaan bepaal watter kroon ons eendag ontvang.
Laat sy Liefde jou Lei: Om iets hier te los – Milanie Vosloo
Om iets hier te los
Indien jy vandag te sterwe sou kom, wat sou jy nalaat? Vergeet vir ’n oomblik van die besittings wat jy in jou testament bemaak het. Watter hartsdinge los jy hier agter? Waarvoor sal ander jou as méns onthou? Sou hulle aan jou dink as iemand wat ’n verskil in hul lewens gemaak het? Iemand wat deur die uitleef van die liefde van God, hul lewens verander het?
Laat sy Liefde jou Lei: Om te verdwyn – Milanie Vosloo
“ …Hy moet al hoe minder in die kalklig staan terwyl ek stadigaan van die toneel moet verdwyn. So moet en sal dit wees.” Johannes 3:30
Johannes die Doper was ’n onbaatsugtige mens. Vir hom het dit net om een Mens gegaan: dié Christus op wie se koms hy die wêreld moes voorberei. Hy was as’t ware die onsigbare pasaangeër vir Jesus wat, toe sy werk klaar was, ongemerk van die toneel af verdwyn het.
