Efese, o Efese

Morality may damn as well as vice. A vessel may be sunk with gold as well as with dung. —Thomas Watson

Efese, o Efese

Paulus het die gemeente in Efese gestig. Ten spyte van teenstand en erge verdrukking het die gemeente gegroei. Hulle het volhard; hulle het die evangelie versprei; hulle het die vals profete vinnig uitgedaag. Maar in die boodskap aan Efese in Openbaring 2:1 – 7 waarsku Johannes die gemeente.

Dit was skaars 30 jaar na Paulus die gemeente gestig het. Nadat Christus hulle geprys het vir hulle diens vir die evangelie sê Hy: Maar Ek het dit teen julle … Dit moes die gemeente ontstel het. Die Here waarsku hulle dat hulle hulle eerste liefde verlaat het. Wat hulle nou doen, doen hulle vir die verkeerde redes. Die Here sê: Bekeer julle en doen weer wat julle aan die begin gedoen het –  hulle moet hulle leifde vir Hom en die vreugde van hulle verlossing onthou. Diens is geen plaasvervanger vir intieme verhoudings nie, maar ons trap steeds in hierdie strik.

Dit wat ons doen, beteken niks tensy hulle voortspruit uit ‘n lewenskragtige persoonlike verhouding met God nie. Ons werk kan nie doeltreffend en vrugbaar wees tensy Hy daarin is nie.

Daar is baie verkeerde redes om in God se koninkryk te werk. God wil hê dat alle gelowiges met selfsugtige ambisies na hulle eerste liefde sal terugkeer. So word harte en denke vernuwe en diens aan die Here word meer doeltreffend.