Oorwin versoeking (4)
It is your duty to believe and to teach what the Bible teaches, not what you want it to teach. —R.C. Sproul
Oorwin versoeking (4)
Ons het reeds na twee bronne van versoeking gekyk: ons natuur en die duiwel. Vandag kyk ons na die laaste bron.
- Die wêreld
Die woord wêreld word op verskillende maniere in die Bybel gebruik:
- Die fisiese wêreld wat God gemaak het.
- Die wêreld van die mens: God het die wêreld so liefgehad dat Hy sy enigste Seun gegee het, sodat dié wat in Hom glo nie verlore sal gaan nie (Johannes 3:16).
- Julle moenie aan hierdie sondige wêreld gelyk word nie, maar laat God julle verander deur julle denke te vernuwe. Dan sal julle ook kan onderskei wat die wil van God is, wat vir Hom goed en aanneemlik en volmaak is (Romeine 12:2). Dit beteken die wêreld kan ook beteken ‘n plek wie se sienings en waardes teenstrydig met dié van God is.
Die wêreld is ‘n manier van lewe wat die wil van God teenstaan. Die wêreld versoek ons deur keuses voor ons te lê asof wêreld se opsies beter is as God se wil vir ons lewens. Ons wil nie aan God die heerlikheid gee wat Hom toekom nie.
Geen versoeking wat meer is as wat ‘n mens kan weerstaan, het julle oorval nie. God is getrou. Hy sal nie toelaat dat julle bo julle kragte versoek word nie; as die versoeking kom, sal Hy ook die uitkoms gee, sodat julle dit kan weerstaan (1 Korintiërs 10:13).
Ons kan versoeking weerstaan, maar nie in ons eie krag nie. Bid daarom dat die Here ons die nodige krag sal gee om die versoeking te weerstaan.