ʼn Leser vra:
Goeie Môre. Waar vind ek ‘n pragtige deel uit Spreuke van Jesus Sirag? Is dit op rekenaar beskikbaar? Wat ek soek is Hoofstuk 42:9-14. Baie vaders lê vandag ook snags wakker.
Erika vra:
Was Sara Abram se halfsuster of nie? In Genesis 20 sê hy tog dat sy sy suster is aan vaderskant. Hy sê nie hy het gejok nie, sy is so en so se dogter nie.
Jan Smith vra:
Genesis 1:1 sê In die begin het God die hemel en die aarde geskape. Geen verduideliking word gegee wie God is nie. Hy stel Homself so bekend en dit is dit. Hoofstuk 3: 1 sê: Maar die slang was listiger as al die diere van die veld wat die Here God gemaak het. En hy sê vir die vrou: Is dit so dat God gesê het: Julle mag nie eet van al die bome van die tuin nie? en tree in gesprek met die twee mense wat my laat wonder of hulle nie al voorheen ontmoet het nie? Mens sê tog “How do you do?” of was dit nie vreemd dat ʼn slang kon praat nie? Seën vir u almal vir 2010.
In Handelinge 16:6 lees ons dat die Heilige Gees Paulus verhinder het om die Woord in die provinsie Asië (wat Efese sou insluit) te verkondig. In Handelinge 18:19 – 21 lees ons dat Paulus Efese besoek het. Hierdie was waarskynlik ʼn kort besoek, want Paulus was op pad Jerusalem toe. Hierdie kort besoekie was genoeg vir Paulus om die potensiaal van die stad raak te sien. In Handelinge 19:1 lees ons dat Paulus deur die binneland gereis het en weer in Efese aangekom het. Dit was of die einde van die jaar 52 of die begin van die jaar 53. Efese was aan die oorkant van die Egeïese See as Korinte geleë. Paulus het langer in Efese as in enige ander stad gebly – amper drie jaar. Ons lees dat hy later die ouderlinge van Efese in Milete ontmoet het en vir Timoteus gestuur het om die gemeente in Efese te bedien. Volgens oorlewering het Johannes die laaste dae van sy lewe daar deurgebring.