www.bybelkennis.co.za Blog
Die Here doen wat Hy sê (Beloftes in die Bybel)
Mense sê darem maklik iets wat hulle nie bedoel nie. Hulle sê hulle sal jou bel of by jou kom kuier en dan doen hulle dit nooit nie. Daarom is daar ʼn spesiale woord wat ons gebruik as iemand regtig ernstig is en jou 100% wil oortuig dat hy of sy dit gaan doen wat gesê word. Die persoon plaas dan sy eie eer en integriteit op die spel en beklemtoon dit deur te sê: “Ek belowe jou”. As hy dan sy woord breek, sê dit iets van sy integriteit: hy is onbetroubaar en ʼn leuenaar. Ja, beloftes maak skuld.
Draai om, loop God se pad (Bekering)
ʼn Mens kan nie in twee rigtings gelyk loop nie, ook nie as dit by godsdiens kom nie. Jy loop of in die rigting van God of jy loop nie in daardie rigting nie. Moenie dink jy kan so halfhartig-halfhartig die pad van God loop nie. Die Here sê dit is ʼn seker manier om sy pad byster te raak.
Ons gee om vir mekaar, veral vir die wat swaarkry (Barmhartigheid)
Nie alle mense gee vir mekaar om nie. In die Bybelse tyd het die Grieke en Romeine nie eintlik mense gehelp wat in die nood was nie. Hulle families moes vir hulle sorg en as dit nie gebeur het nie, moes hulle maar self sien en kom klaar. Jy moes weet: niemand gaan jou probeer help nie.
Daar is nie ʼn god nie, sê party mense (Ateïsme)
Sommige mense dink daar is nie ʼn God nie.
