‘n Leser vra:

Ek hoop u kan my meer duidelikheid gee oor hierdie droom. Ek het verskeie kere al gebid hieroor en ook leraars genader.

1. Ek het gedroom dat ek in ‘n vertrek was en daar daar ‘n groen skoolbord teen die muur was. Daar het ‘n man ingekom en die het soos my oorlede pa gelyk. Hy het ‘n stukkie wit bordkryt geneem en die volgede letters op die bord geskryf….SOLHV…en toe is die man weg. Ek het wakker geskrik en onthou dit tot vandag nog.
2. Die ander droom het gegaan oor die getal van 3069.
3. Ek droom ek staan op my kniee in ‘n veld met spierwit blomme tot waar die oog kan sien, ‘n Bybel voor my en vra waaruit wil U he ek moet lees…

Daar is so baie drome !
Kan u my dalk leiding verskaf rondom dit.

ANTWOORD

Prof Jan van dr Watt atwoord:

Dankie vir jou epos oor die drome. Dit is inderdaad ‘n interessante onderwerp. Ongelukkig strek ons kundigheid nie so ver om drome uit te le nie. Jy moet miksien maar iemand naby jou wat jy goed ken en vertrou en wat Bybelse kennis het vra om jou te help. ‘n Mens wil nie sommer enigiemand vra nie. Ek wil miskien net iets in die algemeen se. Dit is gevaarlik om drome net so op sy eie te interpreteer. Drome is gewoonlik deel van die groter geheel van jou lewe waarin die Heilige Gees, wat jou lei in die waarheid volgens die Bybel, jou omstandighede, jou nugter verstand, ens. ook ‘n rol speel. Die Here speel ook gewoonlik nie ‘raai-raai’ met sy kinders nie. As hy iets belangrik vir jou wil se, sal hy dit op meer as een manier bevestig. Leef daarom maar konstant naby Hom in gebed en hou jou geestelike ore oop.

Skrywer: Prof Jan van der Watt

‘n Droom – Jan van der Watt

‘n Leser vra:

Ek het gedroom van satan wat in ‘n vorm van groot “geloofwaardige man” ‘n nuwe “gemeente” stig. Hy het met sy praatjies my man so oorgeneem en dat ek heeltyd baklei teen satan en sy “dissipels” om my kinders geen leed aan te doen nie. Hulle wou my kinders vat en ek het net heeltyd gepleit dat hul klaar my man het en asb. my kinders moet los. Ek het net heeltyd vir my kinders gesê dat dit nie saak maak hoe hul gemartel gaan word, hulle moet net in God glo en nooit oorgee om te sê dat hul satan se kinders sal word nie. Hulle het my kinders gegryp en my seun in ‘n kamer gesit en ek kon net glad nie die deur oopkry nie. Ek het my kind se bloedstollende geskreeu hoor terwyl ek die geluid van kettings hoor hoe hul hom slaan. Ek het in my droom die heeltyd probeer om my kinders te red en uit die plek te kom en is gejag deur die ander mense. Toe ek wakker word was dit asof daar ‘n aaklige teenwoordigheid om my was en het ek net heeltyd gebid en ons huis vrygespeek teen satan. Die droom pla my baie veral omdat daar tans konflik in ons kerk gemeenste is en ek in ‘n stryd sit of ons uit die gemeente moet gaan en waarna soek ek uit die kerk?

Antwoord:

Prof Jan van der Watt antwoord:

Beste Magdalena, jou droom bly maar net ‘n droom. Lees gerus die gedeeltes oor die duiwel op bybelkennis.co.za. Die Here is sterker as die duiwel en as jy in Hom glo het die duiwel nie houvas op jou nie, tensy jy dit bewustelik toelaat. Hy sal jou probeer uitvang, maar as jy naby die Here bly sal hy dit nie regkry nie. Jy hoef ook nie jou kinders teen die duiwel te beskerm nie. Jesus doen dit. Wat jy kan doen is om gereeld te bid, veral ook vir jou man en kinders.

Skrywer: Prof Jan van der Watt