‘n Nuwe Kategismus: Vraag 32

The less we read the Word of God, the less we desire to read it, and the less we pray, the less we desire to pray. —George Muller

‘n Nuwe Kategismus: Vraag 32

Vraag:

Wat beteken versoening en heiligmaking?

Antwoord:

Versoening beteken dat ons as gevolg van Jesus Christus se dood en opstanding regverdig voor God verklaar word. Heiligmaking beteken ons geleidelike,groeiende regverdigheid moontlik gemaak deur die Heilige Gees.

Teksgedeelte

Aan die uitverkorenes van God … Soos God die Vader dit vooraf bestem het, het Hy hulle uitverkies en deur die Gees afgesonder om aan Hom gehoorsaam te wees en besprinkel te word met die bloed van Jesus Christus. Mag daar vir julle genade en vrede in oorvloed wees! (1 Petrus 1:1 – 2)

Kommentaar:

Versoening en heiligmaking is beide genadegawes. Al kan hulle nie geskei word nie is hulle tog afsonderlike optredes van God. In verskillende aspekte is daar ‘n groot verskil tussen hulle. Ons kan die onderskeiding so beskryf – versoening respekteer die mens in ‘n wetlike sin, is ‘n enkele optrede in genade en eindig in ‘n relatiewe verandering; dit is die vryheid van straf en ‘n reg op lewe. Heiligmaking sien die mens in ‘n fisiese sin, ‘n voortdurende werk van genade en eindig met ‘n werklike verandering ten opsigte van gewoontes en optrede. Versoening gaan vooraf as oorsaak; heiligmaking is die gevolg. Versoening is deur Christus as priester; heiligmaking is deur Hom as Koning en verwys na sy heerskappy. Versoening is onmiddellik en volledig; heiligmaking is progressief deur grade.

Hierdie kommentaar is deur Abraham Booth (1734 – 1806) geskryf. Hy was ‘n Engelse Baptiste leraar wat as pastor van Prescot Street Church in Whitechapel, Londen, vir 35 jaar gedien het. Hy was ook die stigter van wat vandag as Regents Park College vir die opleiding van predikante in Oxford bekend staan. Sy bekendste werk wasThe Reign of Grace(waaruit hierdie aanhaling kom).

Uit:The Reign of Grace: From its Rise to its Consummation (Glasgow: Collins, 1827), 247–248.

Verdere leesstof:

“Justification” and “Sanctification” in Concise Theology, by J. I. Packer.

Gebed:

Almagtige God, gee aan ons soos ons besig is met oorlogvoering in hierdie wêreld, en omdat dit u wil is om ons met baie stryd te toets – gee dat ons nooit bang sal wees nie, maak nie saak hoe erg die beproewings wat ons moet verduur is nie: omdat U ons met so ‘n groot eer begunstig het om ons bouers van U geestelike tempel te maak, mag elkeen van ons ons aanbied en toewy volledig aan U … sodat U voortdurend deur ons aanbid sal word en mag elkeen van ons homself volledig as ‘n geestelike offer aan U offer, sodat ons uiteindelik in u beeld vernuwe sal word. en mag deelneem van die heerlikheid wat vir ons verkry is deur die bloed van u enigste Seun. Amen.

Hierdie gebed is deur Johannes Calvyn (1509 – 1564) geskryf. Gebore in Frankryk as kind in ‘n streng Rooms-Katolieke familie was hy ‘n teoloog, administreerder en pastor. Vir die grootste deel van sy lewe het hy in Geneve gewerk en die Gereformeerde Kerk georganiseer Hy skryf The Institutes of the Christian Religion, die Geneva Catechism, sowel as baie kommentare op die Skrif.

Hierdie gebed kom uit: Calvin’s Bible Commentaries: Habakkuk, Zephaniah, and Haggai, vertaal deur John King (Forgotten Books, 1847), 251.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

‘n Nuwe Kategismus: Vraag 31

Scripture is the womb from which arises divine truth and the church – Luther

‘n Nuwe Kategismus: Vraag 31

Vraag:

Wat glo ons deur ware geloof?

Antwoord:

Alles wat vir ons in die evangelie geleer word. Die Apostoliese Geloofsbelydenis druk dit wat ons glo in hierdie woorde uit:

Ek glo in God die Vader, die Almagtige, die Skepper van die hemel en die aarde.

En in Jesus Christus, sy eniggebore Seun, ons Here; wat ontvang is van die Heilige Gees, gebore is uit die maagd Maria; wat gely het onder Pontius Pilatus, gekruisig is, gesterf het en begrawe is en ter helle neergedaal het; wat op die derde dag weer opgestaan het uit die dode; wat opgevaar het na die hemel en sit aan die regterhand van God, die almagtige Vader, van waar Hy sal kom om te oordeel die wat nog lewe en die wat reeds gesterf het.

Ek glo aan die Heilige Gees.

Ek glo aan ‘n heilige, algemene, Christelike kerk, die gemeenskap van die heiliges;

Die vergewing van sondes,

Die opstanding van die vlees

En ‘n ewige lewe.

Teksgedeelte:

Maar nou voel ek my verplig om julle met my brief aan te spoor om te stry vir die geloof wat een maal oorgelewer is aan dié wat God vir Hom afgesonder het (Judas :3)

Kommentaar:

Maar wat is geloof? Nie ‘n mening nie; nie ‘n aantal woorde nie; nie ‘n aantal menings, al is hulle ook waar, wat saamgevoeg is nie. ‘n Aantal menings is net so min die Christelike geloof as wat ‘n string krale Christelike heiligheid is. Dit is nie aanvaarding van ‘n mening of ‘n aantal menings nie. ‘n Man mag met drie of drie en twintig geloofsbelydenisse saamstem; hy mag met die hele Ou en Nuwe Testament saamstem (ten minste in so verre as wat hy hulle verstaan) en tog geen Christelike geloof in hom hê nie … Christelike geloof … is ‘n goddelike oortuiging wat God in die harte van diegene wat glo, gedryf het dat Hy met hulle deur sy Seun versoen is. Om te glo (in die Christelike sin) is om in die lig van die ewigheid te loop; en om ‘n helder beeld van en vertroue in die Allerhoogste te hê wat deur sy Seun met my versoen is.

Hierdie kommentaar is deur John Wesley (1703–1791) geskryf. Hy was ‘n Engelse prediker en teoloog. Hy, saam met sy broer Charles, was die stigters van die Engelse Metodiste beweging. Hy het meestal te perd gereis en het twee tot drie maal elke dag gepreek. Hy het meer as 40 000 preke gepreek. Hy was ook ‘n skrywer van liedere.

Hierdie kommentaar kom uit “Letter to the Rev. Dr. Middleton” in The Works of the Reverend John Wesley, Volume 5 (New York: Emory & Waugh, 1831), 757.

Verdere Leesstof

“Apostles” in Concise Theology, by J. I. Packer.

Gebed:

Dit is reg om Vader, Seun en Heilige Gees te aanbid – die Drie-eenheid onverdeeld. Dit is reg om vir U te sing, te seën’ te loof, te dank , te aanbid oral waar U heers. U is God, onuitspreeklik, ondenkbaar, onsigbaar, onverstaanbaar, altyd Ek is: U en u enigste Seun en u Heilige Gees. U het ons tot bestaan gebring; en toe ons geval het, het U ons opgetel; U het niks ongedaan gelaat om ons na die hemel te bring en aan ons u koninkryk gegee het. Vir dit alles bedank ons U en U enigste Seun en U Heilige Gees vir alles wat ons weet en nie weet nie, vir die sigbare en onsigbare seëninge wat ons ontvang het. Ons sê, o Here: U is heilig, U en U enigste Seun en U Heilige Gees, groot is U heerlikheid. U het die wêreld so liefgehad dat U U enigste Seun vir ons gegee het, sodat almal wat in Hom glo nie verlore sal gaan nie, maar die ewige lewe sal hê. Ons moet onthou dat dit alles vir ons gebeur het deur die kruis, die graf, die opstanding op die derde dag, die hemelvaart, die troon aan die regterhand, die tweede en heerlike wederkoms. Vir U loof ons, vir U dank ons; vir U sing ons, Here ons God. Amen.

Hierdie kommentaar is deur Johannes Chrissostomus (347 – 408) geskryf. Hy was die aartsbiskop van Konstantinopel. Hy is in Antiogië gebore. Hy kry later die titel Chrisostomus wat “goue mond” beteken, want hy was so ‘n goeie prediker. Hy word deur beide die Oosters-Ortodokse en Rooms-Katolieke kerke as heilige erken. Hy is bekend vir sy Divine Liturgy of St. John Chrysostom, en sy groot aantal preke – insluitend 67 preke oor Genesis, 90 oor die Matteus-evangelie en 88 oor die Johannes-evangelie.

Hierdie gebed kom uit The Divine Liturgy of St. John Chrysostom Archbishop of Constantinople (London: Joseph Masters, 1866), 61–63.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

‘n Nuwe Kategismus: Vraag 30

The only honest feedback a boss gets is from his calender. (We are what we do) – Tom Peters

‘n Nuwe Kategismus: Vraag 30

Vraag:

Wat is geloof in Jesus Christus?

Antwoord:

Geloof is Jesus Christus is om die waarheid van alles wat God in sy Woord geopenbaar het, te erken, om op Hom te vertrou en om op Hom alleen te vertrou vir ons verlossing soos Hy in die evangelie belowe het.

Skrifgedeelte:

Nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê (Galasiërs 2:20).

Kommentaar:

Die beste en duidelikste definisie van geloof wat vryspreek, en streng volgens die Skrif is, waaraan ek kan dink, is dit: Geloof is die siel se volkome omhelsing van die openbaring van Jesus Christus as ons Verlosser … Dit word geloof genoem, want geloof is die eerste daad van die siel om enige verhaal of openbaring te aanvaar. Aanvaarding, as ons van ‘n openbaring praat, is eerder geloof as liefde of keuse … Ons kan die definisie in hierdie woorde uitdruk: geloof is die siel wat volledig vasklou en berus in die openbaring van Jesus Christus as ons Verlosser. Of: geloof is ons siel wat die waarheid van God wat Jesus Christus as ons Verlosser openbaar, aanvaar en daarop vertrou. Dit is die hele siel wat hierdie waarheid aanvaar. Dit is die volkome oorgawe van die denke en hart aan die openbaring en om daaraan vas te hou in geloof en liefde.

Hy sterf as gevolg van ‘n inenting teen pokke kort nadat hy die president van die College of New Jersey (later Princeton Universiteit) geword het.

The Works of Jonathan Edwards, Volume 2 (London: Ball, 1839), 580.

Verdere leesstof:

“What is Faith?” in A Faith to Live By, by Donald Macleod.
“Knowledge” in Concise Theology, by J. I. Packer.

Gebed:

Laat ons saam met die dissipels bid: “Vader vermeerder ons geloof,” en met die arme man in die evangelie: “Here, ek glo; help my in my ongeloof.”

Hierdie gebed is deur Richard Sibbes (1577 – 1635), ‘n Engelse Puriteinse teoloog, geskrywe. In die vroeë 17de eeu staan hy in Londen bekend as the Heavenly Doctor Sibbes. Hy was die leraar by Gray’ Inn in Londen en Hoof van Catherine Hall in Cambridge. Sy bekendste werk was The Bruised Reed and Smoking Flax.

Hierdie gebed kom uit sy preek “Fountain Opened: or The Mystery of Godliness Revealed” in The Works of the Reverend Richard Sibbes, Volume 1 (Aberdeen: Chalmers & Co., 1809), 213.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

‘n Nuwe Kategismus: Vraag 29

Far and away the best prize that life offers is the chance to work hard at work worth doing – Theodore Roosevelt

‘n Nuwe Kategismus: Vraag 29

Vraag:

Hoe word ons gered?

Antwoord:

Slegs deur geloof in Jesus Christus en sy plaasvervangende versoeningsdood aan die kruis.

Al is ons dus skuldig dat ons ongehoorsaam aan God was en al is ons steeds tot die verkeerde geneig, nogtans, sonder enige meriete van ons kant, maar suiwer uit genade, dra God aan ons die volkome geregtigheid van Christus oor as ons ons bekeer en in Hom glo. [Onderstreepte gedeelte is die antwoord vir kinders.]

Skrifgedeelte

Julle is inderdaad uit genade gered, deur geloof. Hierdie redding kom nie uit julleself nie; dit is ‘n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie (Efesiërs 2:8 – 9).

Kommentaar

Omdat ons deur God vrygekoop is, het ons nou vrede met God … Oordeel besluit nou ten gunste van die sondaar, nie teen hom nie. Die geheue kyk terug na die sondes van die verlede met hartseer, maar sonder vrees vir die straf wat kom; Christus het die skuld van sy mense volledig betaal, en het die goddelike kwitansie ontvang; tensy God so onregverdig kan wees en dubbele betaling vir een skuld eis, sal geen siel vir wie Jesus as plaasvervanger gesterf het ooit in die hel gegooi word nie. Dit is een van die beginsels van ons verligte aard om te glo dat God regverdig is – ons voel dit moet so wees. Die feit dat God regverdig is, maak ons bang, maar is dit nie wonderlik dat hierdie selfde geloof dat God regverdig is later die pilaar van ons vertroue en vrede word nie.

God is regverdig. Ek as sondaar sonder ‘n plaasvervanger moet gestraf word, maar Jesus staan in my plek en word gestraf vir my. As God regverdig is, kan ek as sondaar wat in Christus staan nooit gestraf word nie. God moet sy wese verander voor een siel vir wie Jesus ‘n plaasvervanger was, gestraf kan word. Jesus het die plek van die gelowige ingeneem – Hy het ten volle betaal vir dit wat mense as gevolg van hulle sonde moes gely het. Nou kan die gelowige uitroep: “Wie kan enige aanklag lê teen dié wat God verkies het?” Nie God nie, want Hy het vrygekoop; nie Christus nie, want Hy het gesterf en opgestaan. My hoop lewe, nie omdat ek nie ‘n sondaar is nie, maar omdat ek ‘n sondaar is vir wie Christus gesterf het. My vertroue is nie omdat ek heilig is nie, ek is onheilig, maar Hy het my vrygekoop. My geloof berus nie op wat ek is of sal wees of weet nie, maar in wat Christus is, in wat Hy gedoen het en wat Hy nou besig is om vir my te doen Op die leeu van geregtigheid ry die mooi dame van hoop soos ‘n koningin.

Hierdie kommentaar is deur Charles Haddon Spurgeon (1834 – 1892), ‘n Engelse Baptiste prediker geskryf. Spurgeon word die pastor van New Park Street Church (later die Metropolitan Tabernacle) toe hy slegs 20 jaar oud was. Hy preek dikwels vir meer as 10 000 mense sonder enige klankversterking. Hy skryf baie en sy gedrukte werke is baie. Toe hy sterf het hy amper 3 600 preke gelewer. Hy het 49 volumes kommentare, liedere en dagstukke geskryf.

Hierdie kommentaar kom uit Morning & Evening, Daily Reading by C.H. Spurgeon (Scotland: Christian Focus Publications, 1994).

Verdere leesstof

“Mediation” en “Sacrifice” in Concise Theology, deur J. I. Packer.

Gebed

Almagtige. Ek staan onder die doodsvonnis en moet sterf, maar U is regverdig … Maar is daar niks in u geopenbaarde karakter wat ‘n skepsel en skuldige boosdoener laat kyk vir genade en hoop en aanvaarding nie? Is U nie ‘n deernisvolle Verlosser sowel as ‘n regverdige God nie? Is Jesus nie U enigste Seun nie? Het U Hom nie gestuur as versoening deur geloof in sy bloed nie? Na Hom, my enigste toevlug van God se toorn, sal ek vlug … Ek kan nie op u genade aanspraak maak nie. Maar as U dit goedgedink het om die grootste sondaar te verlos; as U dit goedgedink het om oneindige genade aan iemand te gee wat oneindige ellende verdien, hoeveel groter sal die heerlikheid van U deernis wees … onbeperkte genade sal die heerlikheid hê.

Hierdie gebed is deur Abraham Booth (1734–1806), ‘n Engelse Baptiste prediker, geskryf. Hy was die leraar van Prescot Street Church in Whitechapel, London vir 35 jaar. Hy is ook die stigter van wat nou Regents Park College vir die opleiding van leraars in Oxford is. Hy is veral bekend vir sy werk The Reign of Grace.

Hierdie gebed kom uit “The Reign of Grace” in Works of Abraham Booth: Late Pastor of the Baptist Church, Volume 1 (London: Button, 1813), 87–88.

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.