Truth, like gold, is to be obtained not by its growth, but by washing away from it all that is not gold. -Leo Tolstoy

‘n Nuwe Kategismus: Vraag 21.

Vraag:

Watter soort Verlosser het ons nodig om ons na God terug te bring?

Antwoord:

Een wat werklik mens, maar ook werklik God is.

 

Skrifgedeelte:

Vir ons is ‘n Seun gebore, aan ons is ‘n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors (Jesaja 9:5).

Kommentaar:

Christus, die enigste Seun van God, die ware Son van Geregtigheid, het op die aarde geskyn, maar nie die hemel verlaat nie. Hy bly daar vir ewig, maar het vir ‘n kort tydjie hierheen gekom; daar bepaal Hy die ewige dag, hier verduur Hy die menslike dag; daar leef Hy voortdurend sonder dat die tyd verbygaan, hier sterf Hy mettertyd … daar leef Hy sonder einde, hier bevry Hy ons lewens van die vernietiging van die dood … Daar is God met God; hier is Hy God en Mens. Daar is Hy Lig van Lig die Lig wat elke mens verlig … Die Here neem die vorm van ‘n dienaar aan sodat die mens na God kan draai … Die Woord van die Vader, deur wie alle tyd geskep is, word mens en word vir ons gebore. Hy, sonder wie se toestemming geen dag sy gang voltooi nie, het een dag vir sy menslike geboorte gehad. In die boesem van sy Vader het Hy reeds voor alle tydsiklusse  bestaan; gebore van ‘n wêreldse moeder … word die Skepper van die mens self mens sodat Hy, die Brood, honger word; sodat Hy, die fontein, dors word; sodat Hy, die Lig, slaap; sodat Hy, die Weg, moeg word van die reis; sodat Hy, die Waarheid, deur vals getuies aangekla kan word; sodat Hy, die Regter, van dié wat lewe en dié wat reeds dood is voor ‘n sterflike regter  moet verskyn; sodat Hy, Geregtigheid, deur die onregverdiges veroordeel word; sodat Hy, Dissipline, met swepe geslaan kan word; sodat Hy, die Fondament, aan ‘n kruis moet hang; Dat Moed verswak, dat Sekerheid gewond word; dat Lewe mag sterwe. Hy doen dit om hierdie en ander ongeregtighede vir ons te verduur, om ons, onwaardige skepsels, vry te maak. Hy wat as die Seun van God van ewig af bestaan het – sonder ‘n begin – word die Seun van God. Hy het dit gedoen alhoewel Hy Hom aan alle booshede onderwerp het, vir ons ontwil. Hy self het geen sonde gedoen nie. Ons, die ontvangers van so baie goed uit sy hande, het niks gedoen om dit te verdien nie.

Hierdie kommentaar is deur Augustinus  (354 – 430), die Biskop van Hippo in Noord-Afrika geskryf.  Hy was ‘n teoloog en filosoof. Beide die Katolieke en Anglikaanse Kerk beskou hom as ‘n heilige. Hy skryf oor sy bekering in sy Confessions, sy bekendste boek. Hy was ‘n produktiewe skrywer en het geskryf in Latyn.  Baie van sy werke het behoue gebly – honderde titels. Dit sluit in apologetiese werke, werke oor Christelike leerstellings en kommentare en meer as 350 preke wat behoue gebly het.

Hierdie gebed kom uit  “Sermon 191” in The Fathers of the Church: St. Augustine, Sermons on the Liturgical Seasons, vertaal deur  Sister Mary Sarah Muldowney (Catholic University of America Press, 1959), 27–29.

 

Verdere leesstof:

 “The Deity of Christ” in A Faith to Live By, deur Donald Macleod.

 

Gebed

Here Jesus, ewige Seun van God wat mens geword het, ewige Woord van God wat mens geword het, breek ons hardvogtige harte aan die voet van die kruis, maak ons harte aan die voet van die kruis nederig. Gee dat ons daar kan vertoef vir tyd en ewigheid. In U Naam ontwil. Amen.

 

Hierdie gebed is deur John Stott (1921 – 2011) ‘n Engelse Anglikaanse prediker  geskryf. Vir baie jare was hy die  rektor van die All Souls Kerk in Londen. Hy was een van die hoofskrywers van die Lausanne Covenant (1974) . Hy het baie boeke geskryf insluitend Why I Am a Christian and The Cross of Christ.

 

Hierdie gebed kom uit die preek “The Cross and Sin” oor Romeine 5, 24th July 1983. Beskikbaar by www.allsouls.org.

Copyright © 2012 by Redeemer Presbyterian Church

We encourage you to use and share this material freely—but please don’t  charge money for it, change the wording, or remove the copyright information. Ek het slegs die gedeeltes vertaal.

 “Prayer is a sincere, sensible, affectionate pouring out of the heart or soul to God, through Christ, in the strength and assistance of the Holy Spirit, for such things as God hath promised, or according to the Word, for the good of the church, with submission, in faith, to the will of God.” – John Bunyan, 

‘n Nuwe Kategismus: Vraag 20

Vraag:

 Wie is die Verlosser?

Antwoord:

Die enigste Verlosser is die Here Jesus Christus, die ewige Seun van God, in wie God mens geword het en dus self die straf vir die sonde gedra het. [Onderstreepte gedeelte is die antwoord vir kinders.]

 

 Teksgedeelte:

Daar is immers net een God, en daar is net een Middelaar tussen God en die mense, die mens Christus Jesus (1 Timoteus 2:5)

 Kommentaar:

Ek sien ‘n wonderlike en nuwe geheim. My ore hoor die lied van die Herder, nie ‘n sagte melodie nie, maar ‘n hemelse lied gesing uit volle bors. Die engele sing. Die aartsengele se stemme vloei saam in ‘n harmonie. Die engele sing hulle vreugdevolle lof. Die engele verheerlik Hom. Almal loof hierdie heilige fees, sien die Godheid hier op aarde en die mens in die hemel. Hy wat bo is, woon nou vir ons verlossing hier onder; en hy wat laag is, word deur God se genade opgewek … Moenie vra hoe nie: Waar God wil gee die orde van die natuur toe. Hy wou; Hy het die mag gehad; Hy het afgedaal; in gehoorsaamheid aan God het Hy alle dinge verlos …Hy was God, maar word ‘n mens, maar Hy het nie van die Godheid wat syne is, afgeskei nie. Hy word mens sonder om van sy goddelikheid te verloor; Hy word weer God uit ‘n mens. Hy is die Woord wat mens geword het, maar sy wese het nie verander nie. Hy was nog altyd daar, God se enigste Seun; hy kan nie aangeraak of waargeneem word nie. Hy was sonder liggaam, maar het nou my liggaam aangeneem – sigbaar en blootgestel aan versoekings.  Hoekom? … Die Almagtige word ‘n baba; Hy wat op die hemelse troon sit, lê in ‘n krip. Hy wat nie aangeraak kan word nie, lê daar oorgegee aan die hande van mense. Hy wat die bande van sonde verbreek het, lê daar gebind deur die bande van ‘n baba. Hy verklaar dat skande eer sal word, en totale nederigheid word die maatstaf van sy goedheid. Daarvoor het Hy my liggaam aanvaar sodat ek bevoeg vir sy Woord kan wees. Hy gee aan my sy Gees; Hy gee en ek ontvang .  Hy berei my voor vir die skat van die lewe. Hy neem my liggaam en heilig my; Hy gee my sy Gees sodat Hy my kan verlos … die krag van die dood is verbreek … die vloek is verwyder, sonde is van ons weggeneem, foute word uitgedryf en die waarheid kom terug … Hoekom? Want God is nou op aarde

 Hierdie kommentaar is deur Johannes Chrisostomus (347 – 408) geskryf. Hy was die aartsbiskop van Konstantinopel. Hy is in Antiogië gebore. Hy kry later die titel Chrisostomus wat “goue mond” beteken, want hy was so ‘n goeie prediker. Hy word deur beide die Oosters-Ortodokse en Rooms-Katolieke kerke as heilige erken. Hy is bekend vir sy Divine Liturgy of St. John Chrysostom, en sy groot aantal preke – insluitend 67 preke oor Genesis, 90 oor die Matteus-evangelie en 88 oor die Johannes-evangelie.

Hierdie kommentaar kom uit sy preek:  “Christmas Morning” in The Sunday Sermons of the Great Fathers, Volume 1 (Swedesboro, NJ: Preservation Press, 1996), 110–115.

 Verdere leesstof:

 “Covenant” in Concise Theology, deur  J. I. Packer.
“The Covenant” in A Faith to Live By, deur Donald Macleod.

 

Gebed:

Mag God gee dat ons weet dat as ons uit God gebore word, ons nie langer in sonde kan leef nie. Mag God gee dat ons weet dat sy Seun ‘n oog oor ons hou – Hy hou ons dop en beskerm ons.  Mag God gee dat ons altyd weet dat ons die versekering het dat ons aan God, ons hemelse Vader  en aan die Here Jesus Christus, sy kosbare Seun en ons Verlosser, en aan die Heilige Gees, wat Hy aan ons gegee het om Christus in ons te vorm en om ons voor te berei vir die heerlikheid wat op ons wag, behoort.

 

Hierdie gebed is deur David Martyn Lloyd-Jones (1899–1981), ‘n Walliese geneesheer en Protestante predikant geskryf. Hy word veral onthou  vir sy prediking en onderrig aan die Westminster kapel in Londen waar hy vir 30 jaar gewerk het. Hy het maande, soms selfs jare geneem om ‘n hoofstuk in die Bybel vers vir vers uit te lê Sy bekendste publikasie is sy kommentaar oor die Romeine-brief – 14 volumes.

Hierdie gebed kom uit Life in Christ: Studies in 1 John (Wheaton: Crossway, 2002), 690.

 

Copyright © 2012 by Redeemer Presbyterian Church

We encourage you to use and share this material freely—but please don’t  charge money for it, change the wording, or remove the copyright information. Ek het slegs die gedeeltes vertaal.

 “Prayer is a venting of our desires to God…” – Richard Sibbes, 

 

‘n Nuwe Kategismus: Vraag 19

Vraag:

Is daar enige manier om vry te kom van die straf en weer God se guns te wen?

 

Antwoord:

Ja, om aan sy geregtigheid  te voldoen, het God self uit genade, ons met Homself versoen en ons van sonde en die straf vir die sonde verlos deur ‘n Verlosser.

 

 

 

Teksgedeelte:

Dit was die wil van die Here om hom te verbrysel, om hom die pyn te laat ly. As hy sy lewe as skuldoffer gee, sal hy ‘n nageslag hê en nog lank lewe, deur hom sal die wil van die Here sy doel bereik. Na sy bitter lyding sal hy weer die lig sien en hy sal die Here ken. My dienaar, die regverdige, sal baie mense regverdig maak; hy sal die straf vir hulle sonde dra (Jesaja 53:10 – 11)

 

Kommentaar:

Is daar enigiets wat Christene op aarde en in die hemel kan vind wat waardig is om die voorwerp van hulle liefde en bewondering te wees, hulle opregte begeertes, hulle hoop en vreugde en hulle ywer, as daardie dinge wat vir ons in die evangelie van Jesus Christus voorgehou word. Daar word die dinge wat werd is om ons te beïnvloed, genoem – so aangebied dat hulle ons moet beïnvloed. Die heerlikheid en skoonheid van God, is waardig om ons voorwerp van bewondering en liefde te wees, en skyn in al sy heerlikheid in die evangelie. God skyn in die gesig van ‘n mensgeworde, oneindig liefdevolle, sagte Verlosser vol deernis wat gesterf het. Al die deugde van die Lam van God – sy nederigheid, sy geduld, sy sagtheid, sy onderwerping, sy gehoorsaamheid, liefde en deernis –  is duidelik vir ons om te sien op ‘n wyse wat ons in liefde dwing om te reageer.

 

Hierdie kommentaar is deur Jonathan Edwards (1703–1758) geskryf. Hy was ‘n koloniale Amerikaanse prediker en filosoof. In 1726 word hy die pastor van ‘n gemeente in Northampton, Massachusetts. Hy is veral bekend vir sy beroemde preek:  “Sinners in the Hands of an Angry God” sowel as vir die baie boeke wat hy geskryf het – insluitend The End For Which God Created the World en A Treatise Concerning Religious Affections. Hy sterf as gevolg van ‘n inenting teen pokke kort nadat hy die president van die College of New Jersey (later Princeton Universiteit) geword het.

Hierdie kommentaar kom uit: A Treatise Concerning Religious Affections (Philadelphia: James Crissy, 1821), 48–49.

 

Verdere leesstof:

 “Obedience” in Concise Theology, deur J. I. Packer.

 

Gebed:

O Here, dat U so geduldig is en so vol verdraagsaamheid om my nie onmiddellik na die hel te stuur nie. Maar, o Here, dat U selfs verder gaan en my sondes uitwis. Here, wat sal ek sê dit is? Dit is die vrye genade van God. Dit is so groot dat ek dit nie verstaan nie.

 

Hierdie gebed  is deur John Owen (1616–1683), ‘n Engelse Puriteinse teoloog, geskryf.  Hy gaan na Oxford Universiteit toe hy slegs 12 jaar oud was; hy kry sy M.A. graad toe hy slegs 19 jaar oud was. Later word hy as Vise-Kanselier van Oxford aangestel Hy preek in die Parlement die dag na Koning Charles I se teregstelling. Hy vervul die taak sonder om na die gebeurtenis te verwys.Hy het baie boeke geskryf insluitend geskiedkundige verhandelings en verskeie boeke oor die Heilige Gees.

Hierdie gebed kom uit sy preek: “A Vision of Unchangeable Free Mercy” in The Works of John Owen, geredigeer deur Thomas Russell, Volume 15 (London: Richard Baynes, 1826), 37.

 

Copyright © 2012 by Redeemer Presbyterian Church

We encourage you to use and share this material freely—but please don’t  charge money for it, change the wording, or remove the copyright information. Ek het slegs die gedeeltes vertaal.