Is dit altyd verkeerd om te oordeel?

Moenie oordeel nie, sodat oor julle nie geoordeel word nie (Matteus 7:1).

Vandag is dit polities onaanvaarbaar om te sê dat iemand verkeerd is in sy goedsdienstige oortuigings. Dit moet ten alle koste vermy word. “Oordeel jy nie ander mense as jy sê dat hulle verkeerd is nie? Is dit nie teen wat Matteus 7:1 sê nie?”

Vir baie mense vandag is hierdie, en nie meer Johannes 3:16 nie, hulle gunstreling vers in die Bybel. Baie mense interpreteer wat Jesus hier gesê het verkeerd. Jesus sê nie hier dat ons nooit mag oordeel nie. Is dit so? Nee. In Johannes 7:24 sê Jesus: Moenie op die oog af oordeel nie, oordeel regverdig. Soms is dit ‘n goeie ding om mense regverdig te oordeel. Wat Jesus veroordeel het, was ‘n kritiese en veroordelende gesindhied – ‘n gevoel van geestelike meerderwaardigheid.

Broers, as iemand in die een of ander sonde val, moet julle wat julle deur die Gees laat lei, so iemand in ‘n gees van sagmoedigheid reghelp.  En pas op: jy kan self ook in versoeking kom (Galasiërs 6:1). God wil hê dat ons eers onsself moet ondersoek vir die probleme wat ons so maklik in ander raaksien. Eers daarna kan ons probeer om die splinter uit ‘n ander se oog te verwyder.

As dit kom by die oordeel van ander is die sleutelelement jou gesinheid. Ons kan aan ons beginsels vashou en ander steeds met waardigheid en respek hanteer – al verskil hulle van ons. Ons kan in ‘n gees van nederigheid verduidelik waarom ons dink dat iets verkeerd is. Ons moet in liefde by die waarheid bly (Efesiërs 4:15). Dit moet ons doel wees.

Pas op vir die vals profete. Hulle kom na julle toe in skaapsklere, maar in werklikheid is hulle verskeurende wolwe. Aan hulle vrugte sal julle hulle ken (Matteus 7:15 – 16). Jesus sê hier vir ons dat ons profete volgens die vrugte wat hulle dra, moet oordeel.

As Christene moet ons met die wysheid en onderskeidingsvermoë wat God aan ons gee, oordeel. Wees baie versigtig vir ‘n kritiese, veroordelende gees.