Geloofsvrae: ’n Tweede werk van die Gees?
Geloofsvrae: ’n Tweede werk van die Gees? – Adrio König
‘n Tweede werk van die Gees?
Daar is ‘n redelike ou tradisie in die protestantse wêreld dat daar ‘n tweede werk van die Gees is nadat ‘n persoon tot geloof gekom het.
Normaalweg kan tussen drie sieninge onderskei word: die tweede genadewerk (van die Heiligheidsbeweging), die doop met die Heilige Gees (van die Pinkster- en Charismatiese bewegings), en die vervulling met die Heilige Gees. Dié wat verkies om van die tweede genadewerk te praat, beklemtoon dat dit lei tot heiligheid, oorwinning oor sonde, die `oorwinningslewe.’ Dié wat die term `die doop met die Heilige Gees’ verkies, beklemtoon dat dit gaan om krag tot getuienis. Oor die vervulling met die Gees is daar hoofsaaklik twee standpunte: die een sien dit ook as ‘n bepaalde afgehandelde tweede ervaring, en die ander sien dit as ‘n voortgaande proses van herhaalde ervaringe.
Mense wonder dikwels oor verskeie aspekte van die Christelike geloof. Fokus op 300 Geloofsvrae deur prof Adrio König is ʼn baie nuttige naslaanwerk wat ʼn verduideliking van 300 geloofsvrae bied.
Bybelkennis gaan gereeld gedeeltes uit hierdie bron publiseer. Ons dank aan prof König en Lux Verbi.BM vir hierdie vergunning.
Skrywer: Prof Adrio König