Bufferplakker teologie

Blog170c

 Heaven would be hell to me without Christ. —Thomas Goodwin

 Bufferplakker teologie

Daar is vandag allerlei nuwe woorde wat gebruik word. Een daarvan is bufferplakker teologie.

Honk if you love Jesus! God is my co-pilot! Daar is nog dosyne ander plakkers op die buffers van ons motorkarre. Bufferplakkers is die eerste keer in die 1940’s gebruik. Vandag word dit algemeen deur politici en besighede gebruik.

 Omdat buffers so klein is, moet dit net ‘n paar, eenvoudige woorde bevat anders kan dit nie gelees word nie. Min verduideliking; min besonderhede.  As jy ‘n Christen is, sal jy waarskynlik weet wat die plakker beteken; as jy ‘n ongelowige is, sal jy wonder hoe hulle by daardie gevolgtrekking uitgekom het.

 Christene beskou bufferplakkers as te kort en te oppervlakkig. Daarom word bufferplakker teologie gebruik vir enige idee wat oppervlakkig is.  Ek lees op ‘n blog die volgende definisies van bufferplakker teologie:

• Kernagtige teologiese slagspreuke op bufferplakkers wat Christene op hulle karre plak as manier om die Christendom te bevorder.
• Enige kernagtige teologiese stelling of slagspreuk wat veronderstel is om oortuigend en gedenkwaardig te wees.
• Teologie of  teologiese stellings wat by nadere ondersoek blyk om simplisties, oppervlakkig, onvoldoende en onbybels te wees

 Is hierdie “teologie” van waarde? Ek weet nie.