|
Aborsie is moreel verkeerd
|
Aborsie is moreel geregverdig
|
- Om onskuldige mense (soos ʼn fetus) dood te maak, is verkeerd/sonde/moord.
- Die fetus is ʼn unieke persoon met ʼn unieke genetiese kode en mag dus nie doodgemaak word nie.
- Potensiële lewe mag nie doodgemaak word nie – die fetus is vanaf bevrugting ʼn potensiële lewe.
- Ek mag nie mense (soos ʼn fetus) met ʼn toekoms soortgelyk aan myne, doodmaak nie
- Jy mag nie onnodig pyn veroorsaak nie. Die fetus kan reeds op ten minste 18 weke pyn voel.
- Die toenemende verdraagsaamheid teenoor die doodmaak van mense, verminder mense se respek vir lewe.
|
- Om onskuldige mense dood te maak, is nie altyd verkeerd nie. Voorbeeld: In gevalle van ʼn Siamese tweeling offer geneeshere dikwels die een baba op sodat die ander kan oorleef.
- Die fetus is nie ʼn persoon met die reg om te lewe nie. Hierdie reg word eers by geboorte verkry
- Potensiële lewe/mense het nog geen regte nie.
- Die regte van die baba word oorbeklemtoon terwyl die regte van die swanger vrou totaal geïgnoreer word:
o Die reg om oor haar eie toekoms te besluit.
o Die reg om besluite te neem sonder enige morele of wetlike ingryping van ander.
|
Die kernverskil tussen die twee groepe is:
(a) Die status van die fetus. Is die fetus ʼn volwaardige persoon met sekere regte of is die fetus slegs ʼn potensiële persoon sonder enige regte?
(b) Die regte van die vrou teenoor die regte van die fetus. Weeg die regte van die vrou swaarder as die regte van die fetus? Kanselleer haar regte enige moontlike regte wat die fetus mag hê, uit?
;Die probleem is dat hierdie ʼn emosionele debat is en dat die twee kante nie na mekaar luister nie. Daarom is dit belangrik om te hoor wat die verskillende godsdienste oor aborsie te sê het. Dit gaan ons in die volgende artikel bespreek.
Outeur: Dr Coen Slabber
