Die baie genres van die Skrif

by · Published · Updated

image_pdfimage_print

 

“…although the realm of politics is important, it is a poor place to discover the significance of one’s life.” — Stanley Hauerwas

 

Die baie genres van die Skrif

Hierdie is nog een van Mel Lawrenz se artikels oor hoe om die Bybel te lees.

As ek my pos kry, kan ek sien watter is advertensies of rekeninge of persoonlike briewe. Hierdie sortering help my om die waarde van die verskillende posstukke te bepaal.  Net so bestaan die Bybel uit baie verskillende genres Die belangrikste is:

  1. Vertellings/Verhale

Dit is boeke wat ‘n storie vertel. Hier dink ons aan boeke soos Eksodus, Rut en Handelinge.  Dit vertel vir ons wat gebeur het. Daar is dikwels geestelike lesse wat ons uit gebeurtenisse kan leer. Soms is dit net die geskiedenis van God se mense.

 

  1. Poësie

Dit sluit byvoorbeeld die psalms en dele van ander boeke in. Dit gebruik dikwels beelde. Idees word dikwels herhaal. Poësie kommunikeer idees en dikwels ook emosies. Dit beskryf die lewe in al sy volheid.

 

  1. Wysheid

Spreuke, Job, Prediker is veramelings van wyshede wat ons morele en etiese lewens moet vorm. Hulle dek baie praktiese onderwerpe. Jakobus in die Nuwe Testament stem tot ‘n mate met Spreuke ooreen.

 

  1. Profete

Daar is vier groot profete – Jesaja, Jeremia, Esegiël en Daniël. Dan is daar 12 kleiner profete – van Hosea tot by Maleagi. Dit is God se woord aan sy verbondsvolk. Hy waarsku en bemoedig hulle. Dit is meestal uitsprake. Ons kry geestelike lesse uit hulle oor die ingesteldheid van God (teleurgesteld, verontwaardig, hartseer, ens) en die toestand van die mense wat aangespreek word (bang, ongehoorsaam, arrogant, ens). Ons moet die profesieë lees as God se uitdaging aan die oorspronklike gehoor. Dan moet ons dit op ons dag toepas.

 

  1. Evangelies

Matteus, Markus, Lukas en Johannes. Hierdie boeke is meer as verhale of biografieë. Hulle is geskryf deur gelowiges en gee ooggetuie verslae van die lewe en onderrig van Jesus. Dit is geloofsdokumente wat ‘n wêreldveranderende gebeurtenis beskryf.

 

  1. Briewe

Die briewe van die Nuwe Testament was spesifieke kommunikasies aan spesifieke persone of gemeentes. So hanteer 1 Korintiërs probleme – die gemeente het ‘n aantal vrae aan Paulus gestel. Die briewe aan Timoteus is geskrywe om ‘n jong kerkleier  te bemoedig. Ons moet altyd probeer uitvind wat die omstandighede was wat tot hulle skrywe aanleiding gegee het.

 

  1. Apokalips

Openbaring en dele van Daniël is openbarings. Hulle verkondig dringende boodskappe aan hulle oorspronklike gehore – veral waarskuwing en vertroosting. Hulle gebruik baie simboliese taal.

 

As ons die Bybel bestudeer, bepaal ons die genre waarmee ons te doen het. Dit help ons om die betekenis te verstaan. Doen ons dit nie, sal ons dele verkeerd verstaan en die waarheid van God se woord verkeerd toepas. God se woord is diep – genoeg om lewenslank te bestudeer.

 

 

image_pdfimage_print