God is truth itself, the sovereign and first truth – Tomas van Acquino

Kenmerke van gemeentes wat jongmense bereik

Almal praat daarvan dat ons die volgende geslag moet bereik. Wat maak ‘n gemeente doeltreffend om hierdie geslag te bereik? Volgens Carey Nieuwhof verskil hierdie gemeentes van mekaar, maar hulle het tog vyf kenmerke in gemeen. Dit is nie die model nie – suksesvolle gemeentes het verskillende modelle. Dit was nie die denominasie nie – party was konserwatief (tradisioneel) en ander meer kontemporêr. Dit was nie die fasiliteit nie – party het nie eers ‘n permanente tuiste gehad nie.

Kom ons kyk na hierdie vyf kenmerke

1. Passie eerder as sofistikasie

As jy genoeg konferensies bywoon, glo jy jy het nog R500000 nodig vir ligte en ‘n nuwe klankstelsel. Maar hierdie gemeentes het nie noodwendig die beste ligte, verhoog of opvoerings gehad nie. Wat hulle wel almal in gemeen het, is passie. Vir die nuwe geslag is passie dié belangrikste. Leiers wat egtheid uitstraal en wat enigiets sal doen om mense met die evangelie te bereik, trek jongmense.

2. Jesus oor God

Die gemeentes gevul met jongmense praat eerder oor Jesus as oor God. Natuurlik is God Jesus en Jesus is God. God kan ongelukkig baie verskillende dinge in ons post-Christendom kultuur beteken. Jesus is meer spesifiek. Gemeentes wat oor Jesus en die Heilige Gees praat het ‘n groter impak op jongmense as gemeentes wat oor God praat.

3. Vooruitgang eerder as fasiliteite

Jy het nie ‘n fasiliteit wat miljoene kos en sitplek vir duisende het, nodig nie. Baie van hierdie gemeentes wat jongmense bereik het klein permanente fasiliteite. Hulle gesindheid is een van geen verskonings nie. Voor hulle groot fasiliteite oprig, plant hulle eerder ‘n ander gemeente.

4. Risiko oor sekerheid

Alle gemeentes wat jongmense bereik, waag. Hulle bots dikwels met hulle denominasies. Hulle plant kerke op plekke waar niemand anders sou waag om dit te doen nie. Al wat hulle wil sien, is dat die koninkryk vooruitgaan. Die jongmense het geen probleem met hierdie onsekerheid nie. As jy vir sekerheid wag, wag jy te lank.

5. Roeping oor geld

Volg roeping geld of volg geld jou roeping? Die gemeentes wat jongmense suksesvol bereik, glo dat as jy die roeping goed doen, die geld sal volg. As jy met die roeping lei, val al die ander dinge in plek: geld, mense en die hulpbronne wat jy nodig het. Baie gemeentes wag totdat hulle die geld het voordat hulle hulle roeping najaag. Jaag jou roeping na en die geld kom.

The great heroes of faith listed in Hebrews 11 had their weak points … Yet God worked his purpose specifically through them, to make it all the more clear that it is His work and not ours – Johannes Devries

Drie waarhede wat Christene moet onthou

Dwarsdeur die Skrif lees ons dat God se mense moet onthou. In Deuteronomium sê God die volk moet onthou wat pas gebeur het. Vir 400 jaar lank was hulle slawe en nou val manna uit die hemel om hulle te voed. Hulle sou dit tog nie vergeet nie. Tog vergeet hulle dit. Istrael se geskiedenis word deur geestelike geheueverlies gekenmerk. Dieselfde gebeur met ons.

1. D. Greear sê daar is veral drie waarhede wat Christene geneig is om te vergeet.

1. Onthou die slawerny van sonde

Maar sorg dat jy nie dan die Here vergeet wat jou uit Egipte, uit die plek van slawerny bevry het nie (Deuteronomium 6:12)

Baie van ons vergeet van ons sonde voor ons tot bekering gekom het. Onthou jy hoe was die lewe sonder God? Dit was slawebande, spanning en leegheid. Daar was geen genesing daar nie. Wil jy regtig daarheen teruggaan. Onthou: die huis van sonde is altyd ‘n huis van slawerny. Moenie daarheen teruggaan nie.

2. Onthou dat jy verlos is

Maar sorg dat jy nie dan die Here vergeet wat jou uit Egipte, uit die plek van slawerny bevry het nie (Deuteronomium 6:12)

Jy moet ook onthou dat God jou bevry het. Vir baie van ons is dit moeilik om te aanvaar dat die wolk van veroordeling weg is. Ons vind dit moeilik om te glo dat God ons liefhet. Ons verwag voortdurend die oordeel oor ons vorige sondes. Maar God het hulle vergeet – die oue is verby en die nuwe het gekom. As ons in Christus is, is ons ‘n nuwe mens; ons is aangeneem in ‘n nuwe familie; ons het ‘n nuwe Vader. Ons is nou sy kinders. Leef soos sy kinders.

3. Onthou die genade van die God wat jou verlos het

In Deuteronomium 6:20 – 24 antisipeer Moses ‘n gesprek tussen ‘n vader en seun. Die seun wil weet of hulle dit alles moet gehoorsaam. Luister na Moses se antwoord: Wanneer jou seun jou in die toekoms vra: Wat beteken die verordeninge en voorskrifte en bepalings wat die Here ons God vir ons gegee het? Dan die antwoord: Ons was in Egipte die farao se slawe, en die Here het ons daar deur sy magtige dade bevry. Hoekom gehoorsaam ons God se opdragte. Omdat God wat hierdie opdragte aan ons gegee het ons so lief gehad het dat Hy sy eie Seun vir ons aan die kruis laat sterf het.

Hoe kan ek God vertrou as ek nie verstaan wat Hy doen nie? Deur weer aan Jesus se offer aan die kruis te dink. Hy het vir ons gesterf toe ons nog sondaars was. Hy sal ons beslis nie verlaat noudat ons sy kinders is nie.

Never value ability over character. Character eventually catches up. —Ed Stetzer

Hoe plant jy kerke?

Brett Andrews het in die 90’s New Life Christian Church geplant en sedertdien het hierdie kerk nog 80 ander kerke geplant. Hy erken dat hyself geen benul gehad het oor hoe om te werk te gaan nie. Die rede vir hulle sukses beskryf hulle as die vermoë om oop hande te hê.

Brett Andrews gee die volgende raad:

1. Dit gaan nie oor jou nie

Dit gaan nie oor my nie; dit gaan daaroor dat jy God soek en gehoorsaam is aan sy roeping en sending.

2. Lewe met oop hande

Jy ontvang geen seën van God as jou hande toe is en jy in vrees lewe nie. Dit herinner ons aan die Gelykenis van die Muntstukke (Matteus 25). Die slaaf wat net een muntstuk ontvang het, begrawe dit. Toe sy eienaar terugkom het hy allermins ‘n skrobbering verwag. Hy was bang: ek ken u en weet dat u ‘n harde man is. Die eienaar reageer: Jy is ‘n slegte en ‘n lui slaaf! Doen ons nie dieselfde nie? Ons dink ons ken God, maar ons vertrou Hom nie, want ons ken Hom nie werklik nie. Ons hou aan ons goed vas asof dit ons s’n is om aan vas te hou. Ons begrawe dit. Maak jou hande oop en stel dit wat God jou gegee het, vry.

3. ‘n Voorkeur vir optrede

Ons moet ‘n voorkeur of liiefde vir optrede hê. Dit is die teenoorgestelde van jou muntstuk begrawe. Dit is een ding om te dink aan wat God wil hê dat jy moet doen, maar dit is iets anders om in gehoorsaamheid op te tree – vandag. Ons woon konferensies by, ons lees boeke – dit is maklik. Dit is iets anders om met moed op te tree en as ek misluk iets daaruit te leer en God toe te laat om my vorentoe te beweeg. Kyk weer na die gelykenis van die muntstukke. Wat sê die einaar vir hulle? Wat moet hulle doen? Hy sê niks nie; hy gee net die muntstukke vir hulle. Hy verwag dat hulle kreatief moet wees; hy verwag dat hulle iets met die muntstukke sal doen.

Dit is belangrik om met oop hande te lewe, want dit is die kern van wat van ‘n gestuurde kerk verwag word. Dit is belangrik vir ‘n kerkplanter, maar ook vir elke gelowige – jy kan nie jou kruis optel en Hom elke dag volg as jou hande toe is nie. Dit is net as ons oop en kwesbaar is dat ons ‘n impak kan maak.

Psalm 20 (2)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

20:7 – 10: Help ons in ons nood.

⁷Nou weet ek dat die Here sy gesalfde verlos; Hy sal hom antwoord uit sy heilige hemel met kragtige verlossingsdade van sy regterhand.

Die ek waarna hier verwys word, is die stem van die koning. Hy verwys na homself as die Here se gesalfde. Hier sien ons dat God reeds besig is om op te tree volgens wat Hy beloof het. Die koning herhaal die belofte: Hy sal hom antwoord …  God is reeds besig om die belofte te antwoord.

⁸Party beroem hulle op strydwaens, ander weer op perde, maar ons, ons beroem ons op die Naam van die Here ons God.

Hier word nou weer na ons verwys – dit is die mense of hulle verteenwoordiger. Hier sien ons weer die tema van vertroue – party vertrou op strydwaens en perde. Maar die koning en die mense beroem hulle net op die Naam van die Here. Net die Here kan sy gebed verhoor. Terwyl die vyand vertrou op hulle militêre mag, vertrou sy kinders op die Naam van die Here ons God. Die kontras tussen hulle en ons is groot. Dié wat op hulle eie mag staatmaak struikel en val, maar ons sal regop en vas bly staan.

⁹Húlle sak inmekaar en val, maar ons, ons staan op en hou mekaar staande.

Hier word gebeure wat nog moet kom as werklikhede beskryf.

¹⁰Here, verlos tog die koning, antwoord ons op die dag wanneer ons om hulp roep!

Die dag wanneer ons om hulp roep, vervang nou die dag van nood – dit is nie meer ‘n dag van nood nie.

In die volgende blog gaan ons na die teologiese implikasies can hierdie psalm kyk.