The sun is no less bright because men do not perceive its light – Johannes Calvyn

Word deel van God se gemeenskap

Die woord koinonia word dikwels in die Nuwe Testament gebruik. Oorspronklik het dit na ‘n vergadering of ‘n vennootskap waaraan almal deelneem, verwys. Kom ons kyk van nader wat die geloofsgemeenskap van God beteken.

1. Dit is ‘n roeping

Dit is ‘n gesamentlike roeping. Dit gaan oor meer as Christelike sosiale aksies. Jesus Christus het sy kerk gebou op die Groot Opdrag – die roeping vir sy dissipels. Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het (Matteus 28:19 – 20). Die geloofsgemeenskap het ‘n gesamentlike roeping: maak dissipels. Begin lokaal en versprei dan al verder uit.

2. Aanbid saam

Laat ons dan ook na mekaar omsien deur mekaar aan te spoor tot liefde en goeie dade. Ons moenie van die samekomste van die gemeente as wegbly soos party se gewoonte is nie, maar mekaar eerder aanmoedig om daarheen te gaan (Hebreërs 10:24 – 25). Ons moet gereeld bymekaar kom en mekaar bemoedig en versterk Dit doen ons in die konteks van aanbidding.

3. Lewe saam as Christene

Broers, julle moet toesien dat daar nooit by een van julle ‘n verkeerde gesindheid van ongeloof ontstaan en hy van die lewende God afvallig word nie. Maar solank daar nog ‘n “vandag” is, moet julle mekaar elke dag aanspoor sodat niemand van julle deur die misleiding van die sonde verhard word nie (Hebreërs 3:12 – 13). Hierdie is ‘n oproep van almal wat deel van die geloofsgemeenskap is om om te sien na diegene wat nie geestelik sterk is nie. Ons moet bewus wees van die ander lede van die gemeenskap; ons moet hulle bemoedig – veral in moeilike tye of as hulle ly of terneergedruk is.

My broers, as een van julle van die waarheid afdwaal en iemand sou hom terugbring, weet dan dat hy wat ‘n sondaar van sy dwaalweg terugbring, hom uit die dood red en maak dat ‘n menigte sondes vergewe word (Jakobus 5:19 – 20).

Faith is given to those who have been elected and ordained to eternal life, but so that election precedes, and faith follows election as a sign of it. — Zwingli

Gebed

God wil graag ‘n verhouding met mense hê. In ‘n vorige blog het ons gesien dat Hy met ons praat deur sy woord. Maar God luister ook na ons. Hierdie is ‘n ongelooflike waarheid vir elke Christen. Daar is drie basiese vorms van gebed:

1. Privaat

Na Jesus die brood vermeerder het, lees ons dat Hy verder die berg opgegaan het: Hy alleen (Johannes 6:15). Net voor Jesus vir sy dissipels die Ons Vader gebed gee, sê Hy: Nee, as jy bid, gaan na jou kamer toe, maak die deur toe en bid tot jou Vader wat jy nie kan sien nie (Matteus 6:6). Private gebed moet ‘n gereelde patroon in ons lewens wees. Kry ‘n spesifieke tyd wat jou pas. Ons voel dikwels dat ons nie genoeg bid nie. Wat God van ons verwag, is om te bid en dan op te staan en ons lewens te leef bemagtig deur die Heilige Gees en afhanklik van Hom.

2. Deur die dag

Gebed gebeur ook gedurende die dag – in jou kantoor of waar jy ook al is. Nehemia staan voor die koning wat wil weet of hy hom iets wil vra. Dan lees ons: Ek het ‘n skietgebed opgestuur na die God van die hemel (2:4). Jy kan op enige plek bid. So kweek ons ‘n gesindheid van afhanklikheid aan.

3. Korporatiewe gebed

Nou bid ons saam met ander gelowiges. Soms is dit moeilik om ‘n tyd te kry wat almal se besige skedules pas. Soms voel ons dat ons woorde tekortskiet. God hoor al ons gebede – Hy stel belang in ons harte en nie ons woorde nie. As ek op my eie bid, is God altyd gereed om te luister. As ek saam met ander bid, is dit ‘n wonderlike ervaring. Dan leer ons mense op ‘n verbasende manier ken … en jy leer meer en meer van Jesus Christus by ander mense.

Gebed het veelvuldige dimensies. Hulle is nie in kompetisie met mekaar nie, maar vul mekaar aan. Gebruik die volle spektrum wat tot jou beskikking is.

“If life were predictable it would cease to be life, and be without flavor.” –Eleanor Roosevelt

Psalm 16 (3)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

Teologiese Implikasies

Daar is baie moontlike interpretasies van hierdie psalm. Hierdie psalm word dikwels ‘n Messiaanse psalm genoem omdat daar in die Nuwe Testament staan dat dit verwys na Jesus se opstanding. Petrus en Paulus het albei uit hierdie psalm aangehaal toe hulle oor Jesus se opstanding gepraat het (Hand 2:25 – 28, 31; 13:35 – 37).

Dit is egter belangrik dat ons die belang van die psalm se oorspronklike betekenis moet raaksien. Die belofte is dat mense wat God se heerskappy en geregtigheid soek, ook ander dinge wat hulle nodig het, sal vind. Dit sluit in dinge soos kos en klere. Mense wat ander gode dien, het ander maniere om te verseker dat aan hulle behoeftes voldoen word en spot met gelowiges se vertroue in God. Maar hulle sal hulle fout later uitvind.

Die digter het volkome rus en vrede gekry. Hy gee homself oor aan die Here. Hy vra die Here om beskerming en ‘n sterk geloofsvertroue, want hy bly afhanklik van die Here. Hy is nou veilig, maar wie weet wat die toekoms inhou? Hy het homself aan die Here, die Verbondsgod, onderwerp. Ek behoort aan U beteken eintlik in die oorspronklike Hebreeus: ek bely die Here is my koning; ek is sy slaaf. Nêrens ondervind hy vreugde as juis by die Here nie. Daarom het hy openlik met elke afgod gebreek. Ons wil ook teen dreigende vyande beskerm word. Dit is egter nie genoeg nie. Ons will ook by iemand of iets beskerming vind. Ons veiligheid lê by God – ons skuilplek.

In ons moderne samelewing is Christene geneig om God se betrokkenheid by die  voorsiening van ons alledaagse behoeftes te skei van sy voorsiening van ons geestelike behoeftes.. Hoekom? Ons dink ons is in beheer van ons omgewing en aanvaar daarom die voorsiening van alledaagse behoeftes as vanselfsprekend. Psalm 16 weet dat die Here nie net die God van die toekoms is nie, maar ook van hierdie lewe. Hy voorsien nie net geestelike lewe nie, maar vir ons hele lewe in oorvloed.

Die psalm ontken dat ons die Here kan beperk tot godsdiens of ons geestelike lewe. Ons kan Hom nie losmaak van vrae oor die land en kos nie. Psalm 16 is nie tot die toekoms of godsdiens beperk nie. Die geld ook vir ons materiële lewe nou en hier.

It is obviously easier to love and serve a visible man than an invisible God, and if wê fail in the easier task, it is absurd to claim success in the harder – John Stott

Deur watter kanale werk genade

Die Christen se lewe is van die begin tot die einde ‘n lewe van genade. God openbaar sy kanale van genade aan ons in sy woord. Dit beteken ons kan toegang tot sy genade kry. Dit gaan nie oor ons krag en ons optrede nie. God voorsien die krag; God maak die optrede wat ons kan gebruik aan ons bekend. Hy sê vir ons hoe ons toegang tot hierdie krag kan kry.

Hulle het hulle heelhartig toegelê op die leer van die apostels, en die onderlinge verbondenheid, die gemeenskaplike maaltyd en die gebede (Handelinge 2:42). Ons kan die onderlinge verbondenheid en die gemeenskaplike maaltyd saamvoeg. Ons het hier drie dinge wat belangrik is:

• Die leer van die apostels – dit is God se woord wat ons in die Bybel hoor.
• Onderlinge verbondenheid – ons behoort aan die liggaam van Christus.
• Die gebede – ons praat met God.

Hierdie is die kanale van genade. Kanale is iets wat na iets lei. Wat is dan die eindpunt van hierdie drie kanale? En dit is die ewige lewe: dat hulle U ken, die enigste ware God, en Jesus Christus, wat deur U gestuur is (Johannes 17:3); Van hierdie evangelie het ek ‘n dienaar geword, ‘n voorreg wat God in sy genade aan my gegee het deur sy krag in my te laat werk. Hoewel ek die geringste van al die gelowiges is, het Hy aan my hierdie vooreg gegee om aan die heidennasies die evangelie van die onpeilbare rykdom van Christus te verkondig (Efesiërs 3:7 – 8); Die Here sal verskyn, so seker as die son opkom, Hy sal na ons toe kom soos stortreën; Hy sal ons verkwik soos lentereëns die grond verkwik (Hosea 6:3).

Die einddoel is om God te ken en te geniet. In die proses sal ons geestelik groei.