Verlos ons van die Bose

In ‘n wêreld waar elkeen op sy regte aanspraak maak, klink die idee van nederigheid baie oud-modies en dwaas. Kan nederigheid werklik die antwoord wees op die gebed: “Verlos ons van die Bose.” Hoe kan God van ons verwag om ons regte prys te gee en nederig op te tree as daar boosheid oral om ons is?

Liefde vereis dat ons die armes en hulpeloses moet verdedig. Nederigheid is die Christen se reaksie in moeilike dae, want dit veroorsaak dat ons in God se arms val.

 “Humility is probably the least sought-after virtue in America. Mostly, it is despised,” (Eugene Peterson).Tog beteken nederigheid dat ons verstaan waarvandaan ons kom en waarheen ons met ons lewe moet gaan. Dink aan die oorsprong van die mens in Genesis – stof.  God het stof gebruik om die mens te maak

Hoekom is nederigheid so belangrik in ons verhouding met die wêreld en met mekaar?

Nederigheid is dié optrede van iemand wat gesond is – geestelik en verstandelik

Kalmte en rus is iets wat ons in hierdie wêreld nie kan beheer nie. Ons wil graag die bose in hierdie wêreld beheer, maar in ons eie krag kan ons dit nie doen nie, want die Bose is in elkeen van ons. Daarom is nederigheid noodsaaklik. Dit is die gesindheid van geloof – ons glo in iets groter as onsself. Nederigheid is ‘n oortuiging.  “Prayer is the action that builds a bridge across the chasm of self-.assertion to a life of humility.” (Peterson).

Om gebed en deug te verwerp is in wese ongeloof. Dit is dié optrede van ateïsme – die hart wat nie tyd het om in gebed in God te rus nie. Dit is die dwaas wat glo dat hy die lewe kan beheer. Gebed is ‘n geloofsdaad – dit laat God toe om God te wees en ons probeer nie langer om alles te beheer nie. Gebed is die beginpunt waar ons ons aan God onderwerp  om sy wil in ons te vorm Gebed volg nederigheid, maar dit vorm ook nederigheid in ons.  Miskien is daar so baie boosheid om ons en in ons harte en gedagtes as Christene, want ons het vergeet hoe om te bid.

Christelike deug is nie wat ons dikwels dink nie

Christelike deug is nie om te wys hoe meerderwaardig ons teenoor ander is nie of hoe indrukwekkend ons lewens in ‘n wêreld vol boosheid, is nie. Christelike nederigheid is om ons behoefte aan ons Skepper, maar ook ons Verlosser, te erken. As ons in nederige geloof bid, open ons ons lewens vir God en los ons ons pogings tot selfbeheer.. Ons lewe nou met liefde vir ander mense.

As ons ons nederig gebede vergeet, vergeet ons dat ons mense met behoeftes is. Voor Jesus sy dissipels die Ons Vader gebed leer, sê Hy: So moet julle dan bid. (Matteus 69 – 13).

Wat is dwaasheid? (8)

Die onkundiges se dwaling kos hulle die dood, die dwase word vernietig deur hulle selfversekerdheid, maar wie na my luister sal veilig wees en hoef geen ramp te vrees nie (Spreuke 132 – 33).

‘n Teken van ‘n dwaas is om wys te wees in sy eie oë. Dit lei tot selfversekerdheid – ‘n dodelike geestelike toestand. Daar is geen groter dwaasheid as om te dink jy het die lewe onder beheer nie as dit nie beheerbaar is nie. Die klassieke voorbeeld is Jesus se gelykenis van die ryk dwaas (aLukas 12:19 – 20). Maak nie saak watter soort lewe jy vir jouself uitgewerk het nie, sterftes, siektes en finansiële rampe kan met almal gebeur. Geen hoeveelheid rykdom, sukses, mag en beplanning kan jou immuun teen hulle maak nie.

Dwase leef in ‘n droom van selfbeskikking. Hulle glo dat hulle alles uitgesorteer het en hierdie selfversekerdheid lei na ‘n ramp. Die teenoorgestelde van selfversekerdheid – angs – is nie die antwoord nie. Ons kan ons selfversekerdheid verloor en steeds sonder vrees leef, as ons onthou dat ons ‘n almagtige, oppermagtige Here van die heelal as ons Vader het. Hy het sy eie Seun nie gespaar nie, maar Hom oorgelewer om ons almal te red. Sal Hy on dan nie al die ander dinge saam met Hom uit genade skenk nie (Romeine 832).

As dinge goed met jou gaan, word jy selfversekerd. As dinge nie goed met jou gaan nie, word jy angstig. Hoe kan jy beide voorkom? As jy onthou dat God in beheer is en jy jou daarin berus sal jy nie langer dwaas wees nie.

Wat is dwaasheid (7)

Julle het my raad alles in die wind geslaan, julle wou julle nie laat teregwys nie. Daarom sal Ek lag as die ongeluk julle tref, ek sal met julle spot as die angs julle oorval (Spreuke 1;25 – 260.

As ‘n ramp die dwase tref, lag Wysheid. Is dit nie wreed nie? Wysheid hier is ‘n verteenwoordigende figuur; die lag is nie omdat die hart koud is nie, maar dit is ‘n manier om die onsinnigheid om dwaasheid te kies, oor te dra. ‘n Heelal sonder God gee aan ons net die bewuste sekerheid van die dood sonder hoop. Hierdie chroniese gebrek aan sekerheid noem Albert Camus die ‘Absurde.” Hy sien die lewe as een lang swart komedie van ongeneeslike en onveranderlike soeke na dinge wat die lewe net nie kan voorsien nie.

Camus het geglo dat daar geen God is nie; Spreuke weet dat daar ‘n God is., maar stem saam dat die lewe sonder God leeg is, want die dinge van die wêreld kan nie die diepste begeertes van ons harte vervul nie. Jy kan nooit uit romanse, geld of sukses die vervulling kry wat net ‘n verhouding met God kan bring nie. ‘n Lewe sonder God is inderdaad absurd en onsinnig. Vir die regverdige lê daar vreugde voor; die goddelose het geen toekoms nie (Spreuke 10:28).

Ondervind jy frustrasie – selfs ‘n gevoel van sinneloosheid? Is daar iets in hierdie wêreld wat jou nie bevredig het nie? Wat kan jy daaraan doen? In ouer boeke en flieks het die goeie die slegte aan die einde oorwin. Vandag word die lewe as donker en dubbelsinnig sonder enige gelukkig einde uitgebeeld. Beide beelde is simplisties en dwaas. Ons lewensverhaal bevat skoonheid en dubbelsinnigheid en eindig in die ewigheid.

Gebore uit die maagd Maria

Saam met die bekende teoloog en filosoof Anselmus van Kantelberg vra ons ook: Cur deus homo – waarom die God- Mens? DIe antwoord kry ons in 1 Timoteus 2;5: Daar is mos net een God en daar is net een mens wat ons kan help om by God uit te kom en dit is Christus Jesus. Die doel agter God se menswording is om die werk van God se Middelaar te vervul.

Daar is baie middelaars in die Bybel, maar net een Middelaar (gespel met ‘’n hoofletter M.  ‘’n middelaar is ‘’n agent wat tussen twee partye wat van mekaar vervreemd is, staan – twee partye wat versoening nodig het.

Jesus Christus is die Middelaar tussen God ’n die gevalle mensdom. Hy is inderdaad die God-Mens. In Johannes lees ons: Die Woord was by God en die Woord was God … Jesus het toe as mens aarde toe gekom. ‘’n Mens kan sê Hy het onder ons kom huis opsit. Ons het gesien hoe belangrik en wonderlik Hy is. Hy was soos ‘’n fontein van die goeie dinge wat God vir ons so onverdiend wil gee. By Hom kon ons ontdek wat regtig waar en eg is (Joahnnes 1 en 14

As Christus ons volmaakte Middelaar is, was sy menswording nie ‘n eenheid tussen god en ’n engel nie. Die versoening wat nodig was, was tussen god en die mens. In sy rol as Middelaar aanvaar Jesus die amp van die tweede Adam – of die laaste Adam. In sy brief aan die Romeine stel Paulus die eerste Adam tenoor die tweede Adam. Hy gaan dan verder: As slegs een persoon se sonde in staat was om miljoene mense in die dood te dompel, dink net wat God kan regkry deur een Man, Jesus Christus. Omdat God so baie vir ons omgee, het Hy hierdie Man na ons toe gestuur om ons vry te kom maak. Jesus Christus is die sigbare bewys van God se ongelooflike goedheid (Romeine 5;15). Hier sien ons die teenstelling tussen die ramp wat oor die mensdom gekom het as gevolg van die ongehoorsaamheid van die oorspronklike Adam en die heerlikheid wat na gelowiges kom as gevolg van Christus se gehoorsaamheid. Paulus gaan vêrder: Een man se ongehoorsaamheid aan God het ons status in ‘’n oogwink tot dié van sondaars verlaag. Maar ‘’n ander Man se gehoorsaamheid aan God verander ons status in ‘’n oogwink tot dié van vrygespreektes (Romeine 5:19). Adan tree op as middelaar, maar hy misluk in sy taak. Sy mislukking word reggestel dur die volmaakte sukses van Jesus Christus. In die Skrif staan daar dat die eerste mens, Adam, ‘’n lewende mens geword het. Maar die laaste Adam, dit is Christus, is die Gees at mense geestelik lewendig maak.  Ons word dus eers met ons gewone aardse liggame gebore. Die geestelike liggaam kry ons eers later … aanvanklik was ons almal aards soos Adam, maar in die toekoms sal ons lyk soos Christus wat uit die hemel gekom het (1 Korintiërs 15: 45 – 49)

Ons sien duidelik die doel van Christus se menswording. Die Woord het mens geword om ons versoening te bewerk deur die rol van die volmaakte Middelaar tussen God en die mens te speel. Die nuwe Adam is ons verteenwoordiger wat die eise van God se wet vir ons bevredig en verkry so vir ons die seëninge wat God beloof het aan sy skepsels as hulle die wet onderhou. Soos Adam het ons nie daarin geslaag om die wet te onderhou nie, maar die nuwe Adam, ons Middelaar het die wet volkome vir ons onderhou. So wen Hy vir ons die kroon van verlossing. Dit is die fondament vir die vreugde van Jesus se menswording.