The reason men do not look to the Church today is that she has destroyed her own influence by compromise.  — G Campbell Morgan

Die Spartane

Die Ateners was die slim mense; die Spartane was die krygers. Die volke het hulle vir hulle krag, moed en uithouvermoë bewonder. Wat het hulle onderskei van die ander volke? Nie hulle skerp spiese nie, maar hulle sterk skilde. Om jou skild in ‘n geveg te verloor, was die grootste misdaad wat ‘n Spartaan kon pleeg. As jy jou helm of borsplaat in die geveg sou verloor, word jy verskoon. Maar as jy jou skild verloor, verloor jy jou burgerskap. Hoekom? ‘n Kryger dra sy helm en sy spies vir sy eie beskerming, maar sy skild vir die beskerming van die hele linie.

Die krag van die gemeente kom nie uit sy programme en dienste nie, maar dit kom van God en hoe goed die lidmate saamwerk. Die kerk word van alle kante aangeval deur die wêreld. Dit is tragies in hoe baie gemeentes daar onenigheid is – dikwels oor beuselagtighede. Dit is tyd dat alle lidmate vashou aan hulle skilde en mekaar beskerm.

It is not our eye on him which is our great protection, but his eye on us. —C.H. Spurgeon

Die sirkel van veiligheid

‘n Leeu loop om die veld waar vier osse besig was om te wei. Dikwels het hy probeer om hulle aan te val. Sodra hy naby aan hulle gekom het, het hulle hulle sterte na mekaar gedraai. Maak nie saak van watter kant hy gekom het nie, het hy hom in die horings van een van hulle vasgeloop. Eendag begin die osse onder mekaar baklei en elkeen loop alleen na ‘n deel van die veld. Nou val die leeu hulle aan daar waar hulle alleen is. Gou was hulle al vier dood. (Esopus  – 6de eeu)

Die wêreld om ons is vol gevare – dinge wat ons lewens ellendig maak. Hierdie gevare is voortdurend teenwoordig. Ons het geen beheer oor hulle nie. Hulle sal ook nie sommer verdwyn nie.

Uit die eenvoudige verhaal van Esopus leer ons ‘n baie eenvoudige waarheid. Elke gelowige is kwesbaar. Alleen kan ons nie die gevare die hoof bied nie. Daarom is daar ‘n geloofsgemeenskap. Ons hoef nie alleen die gevare te trotseer nie – God en ons medegelowiges is daar om by ons te staan.

1.  

   If Only I Knew Why. What if God gives himself instead of the answer? – John Piper

    

   Die Psalms: Inleiding (7)

   Die Psalms hou verband met die geskiedenis van die volk van God, die geskiedenis van sy leiers en die geskiedenis van individue. Baie Psalms bevat algemene stellings, beloftes en uitdagings, maar hulle verwys nie na spesifieke godsdienstige gebeure nie. Baie psalms praat asof hulle onder spesifieke geskiedkundige gebeure ontstaan het, maar hulle sê nie vir ons wat daardie gebeure ws nie.

    

   Baie dele van die Bybel impliseer dat ons die geskiedkundige agtergrond moet ken om hulle verstaan. Dit geld byvoorbeeld vir die profete-boeke.

   • Die profesieë se inhoud verwys na spesifieke nasies of individue of gebeure.
   • Baie profesieë begin deur na hulle spesifieke geskiedkundige agtergrond te verwys. Toe God die profesie gegee het.

    

   Die psalms bevat nie spesifieke verwysings na die geskiedenis soos ons in die profete-boeke kry nie. Hulle staan los van hulle oorspronklike konteks. Die psalms in ontwerp vir gebruik vir lof en gebed dwarsdeur die geskiedenis van God se mense. [Ons kry wel in Psalm 60 ‘n verwysing na Edom, maar dit sê nie wat die krisis tussen Israel en Edom was nie. Psalm 137 verwys na Babilon, maar sê nie na watter stadium van die ballingskap hier verwys word nie.]

    

   Ons kan sê dat die psalms steeds vandag baie vir ons te sê het oor lofprysing en gebed.

    

    

Trust the past to God’s mercy, the present to God’s love, and the future to God’s providence – Augustinus

Sekere dinge wat jy nie vir iemand met depressie moet sê nie

Michael Patton is ‘n depressielyer. Daar is sekere dinge wat Christene vir hom sê wat hom baie ontstel. Die mense se bedoelings is nie noodwendig sleg nie. Hulle wil hê dat jy gesond moet word.

1. Ruk jouself reg

Mense glo dat om depressief te wees ‘n wilsbesluit is. As jy die regte besluit neem, kan jy reg kom. Depressie is gewoonlik ‘n toestand van die brein – jy kan jou nie sommer regruk nie. Mense met depressie sou hulle tog regruk as dit so maklik was. Hulle wil nie depressief wees nie – dit is ‘n marteling.

2. Dink positief

‘n Persoon met depressie kan nie positief dink nie – dit is hoekom hulle depressief is. Hulle wil nie negatief dink nie – hulle kan net nie anders dink nie.

3. Bely jou sondes

Daar is sonde in die lewe van iemand met depressie. Hulle moet hulle sonde hanteer. Maar:

• Almal sondig, maar nie almal is depressief nie. As ons beweer dat ons nie sonde het nie, bedrieg ons onsself en is die waarheid nie in ons nie (1 Johannes 1:8). Die depressiewe persoon mag dink dat om ontslae van al sy sonde te raak die antwoord is. Sodra hulle besef dat dit nie moontlik is nie, vererger die depressie.
• Hulle kan nie die verlede verander nie. Hulle kan nie eenvoudig terugdraai en hulle keuses verander nie.
• Hulle weet reeds dat hulle sondaars is. Moenie dat hulle op die verdediging gaan nie, want dan doen jy meer kwaad as goed.

4. Kry onmiddellik medisyne

Medisyne is dikwels die antwoord en is ‘n gawe van God. Baie mense gebruik nie medisyne nie as gevolg van die stigma daaraan verbonde. Soms word die medisyne te maklik voorgeskryf. Ons sou nie al die psalms gehad het as hierdie soort medisyne destyds beskikbaar was nie. Vir sommige is ‘n korttermyn kursus voldoene; ander moet lewenslank medisyne gebruik. Dawid en Martin Luther was waarskynlik persone met depressie. Soms wil God hê dat ons deur die donkerte gaan. Daarom moenie te gou medisyne kry nie.

5. Ek was al deur erger dinge

Mense bedoel dit goed, maar dit is nie iets wat jy vir ‘n persoon met depressie moet sê nie. Jy mag erger dinge ondervind het en daardeur gekom het, maar vir die persoon met depressie help dit niks nie.

• As jy eers depressief is, is die depressie erger as enigiets waardeur jy gegaan het.
• Lyding is relatief. Daar sal altyd mense wees wat slegter af is as wat jy is. Dit is nie die probleem nie. Dit is hoe jy die lyding waarneem en internaliseer teenoor hoe jy vantevore was wat die probleem is.

Depressie is ‘n relatiewe ding. Om vir mense te sê dat jy al erger dinge ondervind het, is onwys en onverantwoordelik. Dit kan net die persoon se depressie vererger.

6. God sal jou nie meer gee as wat jy kan hanteer nie

Nêrens sê die Bybel dit nie. Ons lees wel dat geen versoeking meer sal wees as wat ‘n mens kan weerstaan nie (1 Korintiërs 10:13).

7. Depressie is sonde – Christene het vreugde in hulle lewens

 Is dit waar? Geseënd is dié wat treur, want hulle sal vertroos word (Matteus 5:4). Is depressie sonde? Ek is oortuig dit is nie die geval nie.

Dit is die dinge wat ons nie moet doen nie. Maar wat kan ons doen as ‘n geliefde van jou depressie het. Dit is nie jou werk om die depressie op te los nie. Jy kan die persoon beter laat voel. God kan jou gebruik om die persoon met depressie weer heel te maak. Maar dit is nie jy wat dit doen nie, maar die Heilige Gees. Baie van wat ons sê vererger die depressie. Job se vriende het sewe dae in stilte by hom gesit (Job 2:13). Hulle moes die hele tyd stil gebly het. Sit by iemand met depressie – stil met jou arm om sy skouers. As jy praat moet dit natuurlik en nie-veroordelend wees. Jou doel is om daar te wees wanneer hulle jou nodig het.

  “Silences make the real conversations between friends. Not the saying but the never needing to say is what counts.” —Margaret Runbeck