Kill sin before it kills you –  Tim Keller

Vier beginsels in die boek Ester

Ester is ‘n boek wat baie mense tydens hulle Bybelstudie oorslaan. Maar Ron Edmondson sê dat daar vier belangrike beginsels in die boek Ester is wat ons moet leer.

1. God het ‘n spesiale plan vir jou lewe

Ester word in die koninklike paleis geplaas, nie toevallig nie, maar met ‘n spesifieke doel. ‘n Mens beplan sy pad, maar die Here bepaal hoe hy loop (Spreuke 16:9). God het nie ‘n fout gemaak toe Hy jou geplaas het waar jy vandag is nie. Ons spandeer te veel tyd om te probeer uitpluis waar God ons wil hê of deur te wens ons was iewers anders. Wat ons moet doen, is om God toe te laat om iets met ons lewe te doen net daar waar ons is terwyl ons uitsien na nog meer om te kom.

2. Soms moet jy teen die raad van ander gaan – selfs teen dit wat jy graag wil doen om God se plan te volg

Ester moet die koning nader, maar sy het nie toestemming gehad om dit te doen nie. Dit word net nie gedoen nie. Geen wonder Ester sê: As ek moet omkom, moet ek maar omkom (4:16). Soms maak God se wil vir ons sin. Dit beteken nie dat dit van jou verwag sal word om nie vir God te waag nie. Die beste dinge in die lewe vloei dikwels voort uit groot waagstukke. Net omdat dit moeilik is, beteken nie dat dit nie God se wil is nie.

3. Die tyd om God se plan te volg, is nou

Mordegai laat weet vir Ester: As jy nou swyg en daar kom van ‘n ander kant af uitkoms en redding vir die Jode, sal  jy en jou familie omkom. Wie weet, miskien is dit juis met die oog op ‘n tyd soos hierdie dat jy koningin geword het (4:14). Hierdie is ‘n vraag: Wie weet? Hulle was onseker. Hulle weet sy in ‘n koningin; hulle weet sy het die geleentheid om die koning te sien; hulle weet dat God graag sy mense wil red. Hulle weet nie presies wat Ester nou veronderstel is om te doen nie. Wie weet? Daar kom tye in ons lewens waar ons al die inligting versamel het; jy het gebid; jy het God se raad gesoek … maar jy is steeds onseker. Ester wag drie dae, maar op een of ander punt moet jy jou moed bymekaar skraap en vorentoe beweeg. Moenie bang wees om God toe te laat om die uitkoms te bepaal nie.

4. Om God volledig te vertrou bring ‘n groot beloning

In elke provinsie en in elke stad, orals waar die besluit en proklamasie van die koning bekend geword het, was daar vreugde en blydskap onder die Jode. Hulle het maaltye gehou en feesgevier. Ook het baie mense uit die ander volksgroepe Jode geword omdat hulle skrikbevange was vir die Jode (8:17). Ester het die Jode gered van vernietiging. Die beloning vir haar gehoorsaamheid was meer as wat sy ooit verwag het. Op die langtermyn is dit altyd voordelig om God te gehoorsaam. Die wêreld om ons soek antwoorde. Ons het nie al die antwoorde nie, maar ons het ‘n God wat al die antwoorde het. Wanneer laas het jy gevra: God wat wil U hê, moet ek met my lewe doen?

When you sell a man a book you don’t sell him just twelve ounces of paper and ink and glue–you sell him a whole new life. -Christopher Morley, skrywer

Ek is besig met ‘n groot werk

In Nehemia 6:1 – 9 lees ons van pogings om die bouwerk aan die muur om Jerusalem tot stilstand te bring. Die werk het gevorder; die muur is klaar herstel; die poortdeure moet nog gehang word. Sanballat en Gesem, Nehemia se vyande, gaan oor tot aksie. Hulle nooi Nehemia om hulle te ontmoet. Nehemia ken hulle en word nie mislei nie. Hy gee nie aan hulle die voordeel van die twyfel nie. Is jy realisties oor jou vyande en hulle bedoelings? Hoe reageer jy as iemand jou uitnooi na ‘n plek waar jy weet die duiwel jou wil hê? Waar jy kwesbaar is? Leer by Nehemia: Ek is besig met ’n groot werk. Ek kan nie kom nie. Hoekom moet die werk stilstaan terwyl ek dit laat lê om na julle toe te kom? Nehemia het nie tyd vir afleidings nie – daarvoor is sy taak te groot.

Nehemia se werk was nie groot omdat die wêreld so gedink het nie – Jerusalem was ‘n klein stad op die uithoeke van die Persiese Ryk. Dit is ‘n groot werk, want God se Naam was op die spel. Daardie mure gaan God se mense beskerm. Doen jy ook ’n groot werk? As jy besig is om dissipels te maak, doen jy ’n belangrike werk al dink die wêreld nie so nie.

Dit gaan nie oor wat ons doen nie, maar oor hoe ons dit doen en vir wie ons dit doen. Nehemia doen ‘n groot werk, want hy is aan God se Naam, sy beloftes en sy mense toegewy. Om mekaar lief te hê en te dien en die evangelie te verkondig is ‘n groot werk.

As jy ’n groot werk vir God doen, sal daar vyande wees wat jou aandag van jou werk sal wil aflei. Wat is besig om jou af te lei van dit waarvoor God jou geroep het? Nehemia staan vas. Hulle het dieselfde boodskap vier keer gestuur en elke keer het ek dieselfde antwoord teruggestuur. Hy gaan nie die werk verlaat nie.

Sanballat stuur toe ’n brief wat nie verseël was nie. In die brief gee Sanballat ’n alternatiewe verduideliking oor hoekom Nehemia die muur herbou. So probeer hy Nehemia intimideer en manipuleer. Hierdie gerugte lyk nogal of hulle waar kan wees. Dit was ‘n kwaadwillige siening van wat werklik gebeur. Mense versprei steeds vals aanklagte oor wat Christene besig is om te doen. Hoe reageer jy op sulke gerugte? Moet jy dit waarmee jy besig is, staak en probeer vasstel wie die gerugte versprei? Moet ons toelaat dat hulle ons van ons verantwoordelikhede wegtrek? Hoe reageer Nehemia? Niks van wat jy sê, is waar nie. Jy suig dit uit jou duim. Hy verwerp die aanklagte … en gaan voort met die werk wat God vir hom gegee het. Hy besef hulle doel was om die werk te laat staan sodat dit nie voltooi kan word nie.  Reageer ons soos Nehemia – volhard in die werk waartoe God ons geroep het? Ons is dikwels geneig om stadiger te gaan, selfs op te hou. Dit is nie hoe Nehemia op die krisis gereageer het nie.

Volharding in die waarheid laat die lig op vals aanklagte val. God se vyande probeer steeds om God se mense te ontmoedig. Ondersoek dinge versigtig, analiseer doelgerig, soek wyse raad voor jy reageer. Moenie te gou reageer nie; moenie ontmoedig word nie; moenie dit waarmee jy besig is, afskaal nie. Maar doen wat Nehemia gedoen het: Sterk tog my hande, o God! Nehemia bid.

You are never too old to dream a new dream – C. S. Lewis

Bid vir almal

Paulus praat in 1 Timoteus 2 oor openbare aanbidding. Die gemeente is omring deur mense wat niks van die verlossing van mense deur Jesus Christus weet nie. As niks verander nie, is hulle eindbestemming die ewige hel. Wat moet jy as kind van God doen? Bid. Paulus gebruik vier verskillende woorde in vers 1 wat almal met gebed te doen het: smeking, voorbidding, danksegging. In die direkte vertaling kry ons ook voorbedes. (Die KJV praat van supplications, prayers, intercessions and giving of thanks.) Wat belangrik is, is dat Paulus gebed beklemtoon.

Vir wie moet ons bid?

• Vir alle mense. Dit gaan hier vir alle soorte mense – jy kan tog nie vir elke mens in die wêreld bid nie. In Efese beteken dit dat die gemeente vir die Jode en die heidene moet bid. Ons mag nie ons gebede tot ’n klein groepie beperk nie. Gebed is nie ‘n nasionalistiese of rassistiese of selektiewe praktyk nie.
• Vir dié wat regeer en almal wat gesag uitoefen.  Paulus noem hulle spesifiek. Ons moet onthou dat Nero op daardie stadium die keiser was. Tog vra Paulus dat die gemeente vir hierdie heidense regeerders moet bid. Bid vir die regeerder onder wie jy swaarkry; bid vir die regeerder met wie jy verskil; bid vir die regeerder van wie jy nie hou nie. Dit is God se wil. Ons kan nie net na die nuus kyk en gefrustreerd met ons leiers word nie – bid vir hulle.

Waarvoor moet ons bid? Bid vir die leiers sodat ons ’n rustige en stil lewe kan lei in volkome toewyding aan God en in alle eerbaarheid. Een doel van Paulus se gebed is vrede te midde van vervolging. Ons bid vir vrede sodat die kerk kan groei en die evangelie vryelik verkondig kan word. Natuurlik kan die kerk te midde van vervolging groei, maar as daar vrede is, kan Christene en gemeentes vryelik die roeping van Christus uitleef – hulle kan so lewe dat almal dit kan sien. Ons moet ook vir ons broers en susters bid wat in lande leef waar Christene vervolg word. Bid dat deure sal oopgaan vir die vreedsame verkondiging van die evangelie.

Maar daar is ook ’n tweede doel met ons gebede. Ons bid dat heersers, leiers en selfs vervolgers gered word en tot kennis van die waarheid kom. Chrisostomus het gesê dat dit baie moeilik is om iemand te haat as jy vir hom bid.

Paulus sê dus vir die kerk: die eerste en belangrikste ding wat julle moet doen, is om te bid. Die gevolgtrekking is dat die vooruitgang van die evangelie in die wêreld afhanklik is van die gebede van God se kinders. Verlossing is God se werk – selfs ons gebede is die gevolg van sy werk in ons. Tog gebruik God die gebede van sy kinders om sy wil te bereik. Ons is omring deur mense wat Hom nie ken nie. Ons is op ‘n lewensreddende sending – bid vir hulle. Sien hulle raak.

The Bible does not present an art of prayer; it presents the God of prayer. —Edmund Clowney

Die absolute waarheid

Ons leef in ’n kultuur wat enigiets wat daarop aanspraak maak om die absolute waarheid te wees, verwerp. Jy kan leef soos jy wil en jy kan glo wat jy wil solank as jy net nie dit wat jy glo op ander probeer afdruk nie. Dit is dan ’n onverskoonbare sonde. Dit geld veral vir dit wat godsdienstiges glo. Daarom is Christene ongemaklik om die evangelie met ander te deel. Die Christelike boodskap is absoluut. Hy bring die verlossing en niemand anders nie. Daar is geen ander naam op die aarde aan die mense gegee waardeur God wil dat ons verlos moet word nie (Handelinge 4:12).

Ons boodskap is eksklusief, maar ons getuienis mag nooit eksklusief wees nie – Jesus se groot opdrag is immers om na al die nasies te gaan en die mense sy dissipels te maak (Matteus 28:19). Niemand mag oorgeslaan word nie. Die absolute en eksklusiewe aansprake van die evangelie moet universeel bekend gemaak word. Die kerk mag nooit die groot geestelike nood rondom hom ignoreer nie; die kerk mag nie net op homself fokus nie en mag ook nie net ‘n sekere segment van die bevolking teiken nie. Ons hart moet in lyn met God se hart kom. God wil hê dat alle mense gered word en tot kennis van die waarheid kom (1 Timoteus 2:4).

Ons mag nie die boodskap van Jesus Christus afwater nie, want dit is die absolute waarheid.