And this is one of the most crucial definitions for the whole of Christianity; that the opposite of sin is not virtue but faith – Søren Kierkegaard,
Tyd vir verandering

‘n Nuwe jaar vol nuwe geleenthede. Baie van ons het sekere voornemens vir 2015 gemaak – baie van hulle het ons al vergeet. Die lewe gaan oor prioriteite en perspektief – ‘n lewe van betekenis en nie doeltreffendheid nie.

 Kom nou, julle wat sê: “Vandag of môre sal ons na dié en dié stad toe gaan en ‘n jaar lank daar bly; ons sal sake doen en geld maak.” Julle wat nie eers weet hoe julle lewe môre sal wees nie! Julle is maar ‘n damp wat ‘n oomblik verskyn en sommer weer verdwyn (Jakobus 4:13 – 14). God wil hê dat ons betekenisvolle dinge moet doen, want ons mag dalk nie môre daarvoor tyd hê nie. Wat moet ons doen?

1. Soek vir Jesus geleenthede.

Maak soos Maria: Maria wat aan die voete van die Here gaan sit en na sy woorde geluister het (Lukas 10:39). Marta, daarenteen was vasgevang in die besigwees strik. Jesus sê: Maar net een ding is nodig. Maria het die beste deel gekies, en dit sal nie van haar weggeneem word nie (10:42). Om met Jesus te wees, verander ons perspektief op die lewe, maar dan moet ons hierdie geleenthede raaksien en daarop reageer. Maak elke dag tyd vir Jesus.

2. Soek geleenthede om ander lief te hê

Ons is so besig met ons te-doen lysie dat ons glad nie die geleenthede om ander lief te hê, raaksien nie. Wat was die betekenisvolste oomblikke in jou lewe? Was hulle beplan? Miskien ‘n paar, maar die oomblikke van ware betekenis is wanneer ons gaan stilstaan het en aandag aan ‘n verhouding gegee het. Wees altyd beskikbaar vir geliefdes in ‘n krisis.

3. Kyk vir wat onsigbaar is

Ons oog is nie op die sigbare dinge gerig nie, maar op die onsigbare; want die sigbare dinge is tydelik, maar die onsigbare ewig (2 Korintiërs 4:18). Wat beteken dit? Wees bewus van God se ewige plan en pas jou tydelike planne aan. Al maak die mense hoeveel planne, wat die Here besluit, staan vas (Spreuke 19:21). Maak tyd vir verandering in jou visie en kyk om ewigheidsdoelwitte te bereik.

4. Skep ryk verhoudings

Ons is so besig om geld te verdien in plaas daarvan dat ons in verhoudings belê. Verhoudings is ewig. Verhoudings vereis kommunikasie en vereis tyd om te luister. People don’t care how much you know, until they know how much you care.

Pas jou dagboek aan en doen wat werklik belangrik is – die dinge wat jou lewe sal vorm.

The truth is a trap: you cannot get it without it getting you; you cannot get the truth by capturing it, only by its capturing you – Søren Kierkegaard

Hoe moet ons op lyding reageer?

Wat baie interessant is, is dat ons nooit lees dat Job tot God bid en Hom vra om hom te verlos nie. Dit beteken nie dat so ‘n reaksie misplaas is nie, maar as die boek strategieë aanbied, is hierdie besondere strategie, gebed, afwesig. Nêrens in die Bybel lees ons van ‘n standaard opeenvolging van lyding – gebed – genesing nie. Selfs in die Ons Vader gebed is daar geen gebed vir die verligting van lyding nie – net dat ons nie versoek sal word nie en dat ons die koninkryk van God sal soek.

Ons gebede moet fokus op hoe ons op lyding reageer – Here leer ons om meer te vertrou, meer afhanklik van U, geduldiger met ander, meer bewus van my swakhede, voller van genade en nie bitterheid te wees nie. Ons moet ons lyding gebruik om nader aan God te kom. Moenie na die verlede kyk om redes vir jou lyding te soek nie – dit beteken nie dat jy nooit redes sal kry nie. Soms ly ons as gevolg van slegte keuses. Ons moenie aanvaar dat omdat ons ly ons iets moes gedoen het om dit te verdien nie.

Mense wat ly vra dikwels: Waarom ek? Eintlik moet ons hierdie vraag vra as ons glad nie ly nie of as ons lyding opgelos word. As ons dan nie verduidelings vir ons lyding kan verwag nie, wat moet ons dan verwag? Ons moet verwag dat God ons tydens ons lyding sal onderhou en ons selfs deur ons lyding mag versterk. Ons prys en eer God deur in geloof op Hom te vertrou. Ons kry ‘n doel in lyding as ons toelaat dat ons lyding ons in afhanklikheid nader aan Hom trek. Ons eer en dien God deur ander wat ly, te help.

Bonhoeffer sê vir ons dat behalwe geloof en vertroue verlang God van ons nederigheid: nederigheid in ons vermoë om te onderskei hoe die heelal werk en nederigheid in ons vermoë om God en sy optrede volledig te verstaan.

Never cease loving a person, and never give up hope for him, for even the prodigal son who had fallen most low, could still be saved; the bitterest enemy and also he who was your friend could again be your friend; love that has grown cold can kindle – soren Kierkegaard

Wie sal bly wees?

 “Take warning this day, that you never will be happy till you are converted. You might as well expect to feel the sun shine on your face when you turn your back to it, as to feel happy when you turn your back on God and on Christ.” J C Ryle

In sy bergrede belowe Jesus ‘n paar maal blydskap, maar Hy belowe dit nie aan almal nie. Hy identifiseer die kenmerke van diegene wat bly sal wees.

• Hulle vind nie blydskap in hulleself nie. Hulle weet hoe afhanklik van God hulle is – “ek is niks nie.”
• Hulle vind nie blydskap in hulle sondes nie – hulle treur daaroor.
• Hulle vind nie blydskap in hulle prestasies nie – hulle is nederig en nie trots nie.
• Hulle vind nie blydskap in hulle sonde en die begeerte daarna nie – hulle dors na geregtigheid.
• Hulle vind nie blydskap om op hulle regte te staan nie – hulle is barmhartig.
• Hulle vind nie blydskap in blote uitwendige bekering nie – hulle soek reiniging van hulle harte.
• Hulle vind nie blydskap in die onderdrukking van ander nie – hulle vind blydskap deur in vrede met ander te lewe.
• Hulle vind nie blydskap in gewildheid nie – hulle kry hulle blydskap deur God te dien al beteken dit persoonlike pyn en verlies.

Daar is geen blydskap daarin om selfgesentreerd te wees nie. Daar is slegs blydskap te vinde as ons van onsself  na die Verlosser in genade en die krag van die Heilige Gees draai.

Gelukkig is die volk met wie dit so gaan. Dit gaan goed met die volk wie se God die Here is (Psalm 144:15)

What precisely is profound in Christianity is that Christ is both our atoner and our judge, not that one is our atoner and another our judge, for then we would nevertheless come to be judged, but that the atoner and the judge are the same ― Søren Kierkegaard

Ek lees nie net die Bybel vir myself nie

Ek lees die Bybel nie net vir myself nie, maar ook vir die mense om my. Die doel van Christelike volwassenheid is nie net dat ek beter sal lewe nie, maar dat ek meer soos Jesus Christus sal liefhê. Ons lees die Bybel nie net om te lees nie, maar om te loop.

1. Hoe werk hierdie loop/wandel?

Wandel is Paulus se gunsteling beeld vir die Christelike lewe. Om te wandel beteken om te beweeg, om aktief te wees, om op ‘n spesifieke pad te wees. Paulus het verskillende paaie in gedagte:

• Die opstandingspad: Ons is dus met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ‘n nuwe lewe kan wandel (Romeine 4:6 – OAV).
• Die pad van geloof: Want ons wandel deur geloof en nie deur aanskouing nie (2 Korintiërs 5:7 – OAV).
• Die pad van die Gees: Wandel deur die Gees, dan sal julle nooit die begeerlikheid van die vlees volbring nie (Galasiërs 5:16 – OAV).
• Wandel in liefde; wandel soos kinders van die lig; wandel as wyse (Efesiërs 5:2, 8, 15 – OAV).

Al die Bybelkennis in die wêreld beteken niks as ons nie getuig van waaroor die Bybel gaan nie. Wandel vir die heerlikheid van God is die doel, maar die deel wat die lees en wandel verbind is geloof. Dit is wat Paulus in 2 Korintiërs 5:7 bedoel.

2. Die hart in die wandel

Om te lees en dan te wandel lei tot pragmatisme. Maar hy wat twyfel as hy eet, is veroordeel omdat dit nie uit die geloof is nie; en alles wat nie uit die geloof is nie, is sonde (Romeine 14:23 – OAV). Daar is ‘n manier – een van die hart – wat ons optrede moet vergesel. God verlang dit eerste en daarna ‘n lewe wat daarmee ooreenstem. Hoe meer ons die heerlikheid van God in die Bybel sien, hoe meer word ons harte deur sy majesteit oorweldig – en hoe meer sal ons lewe op sy karakter geskoei wees. Oppervlakkige gehoorsaamheid is onvoldoende.

Want vir my is die lewe Christus en die sterwe wins (Filippense 1:21 – OAV).

Die eerste plek waar die Bybel ons wil bring, is by Hom. Dan, verenig met Jesus Christus, met oë wyd oop kyk ons na die wêreld voor ons, na die mense in ons lewens … en ons wandel.