Christ is so in love with holiness, that at the price of his blood he will buy it for us. —John Flavel

Gemeentes sonder die gebrokenes is stukkende gemeentes

Dit is maklik vir gelowiges om mekaar lief te hê, maar gelowiges moet ook nie-gelowiges liefhê. Dit wil voorkom asof gelowiges nie van nie gelowiges hou nie – ons noem hulle “verlorenes,” “kerklos” of een of ander naam. Ons wil graag van hierdie mense wegbly.

Dit is ontstellend dat soos ons geestelik groei en geestelik volwasse word ons minder tyd het vir mense wat swaarkry en seer het. Ons het die een ding wat werklik in die lewe belangrik is, gevind, maar ons skep ‘n afstand tussen ons en die mense wat ook daardie ding nodig het. Dit is waarskynlik die doelbewus nie, maar dit gebeur. Ons behoeftes word hanteer en ons beweeg aan salig onbewus van die wêreld om ons wat in duie stort.

Dit is nie wat Christus van ons verwag nie; dit is nie sy weg nie. Hy het anders geleef. Hy is juis gekritiseer omdat Hy dan te veel tyd met sondaars deurgebring het. Hy het met diegene wat uit die samelewing gedruk is, geassosieer. Hoeveel van ons sal ooit daarvan beskuldig kan word dat ons te veel tyd met sondaars spandeer het?

Jesus het die belang van geestelike volwassenheid, Bybelkennis, gebed en ‘n positiewe invloed baie goed verstaan. Maar Hy het ook besef dat hierdie dinge nie net vir sy persoonlike voordeel was nie – dit moet ook met ander wat dit nie het nie, gedeel word. Die Christelike lewe gaan nie oor die verkryging van veiligheid en gemak nie – dit gaan daaroor dat jy jou op ‘n gevaarlike plek van kwesbare deernis bevind.

Baie Christene het in ‘n Christelike familie grootgeword. Dit is ‘n werklikheid, maar daar is ‘n groter werklikheid: ons kan baie maklik vergeet dat daar ‘n wêreld daarbuite is waar baie mense seerkry. Ons ry daar verby op pad kerk toe of op pad werk toe … maar ons ry daar verby; ons raak nie betrokke nie.

Dikwels is die enigste vebintenis wat gelowiges met hierdie mense wat seerkry het buite die kerk.  Luister hoe praat Jesus oor sy bediening: Die Gees van die Here is op My omdat Hy My gesalf het om die evangelie aan die armes te verkondig. Hy het My gestuur om vrylating vir gevangenes uit te roep en herstel van gesig vir blindes, om onderdruktes in vryheid uit te stuur (Lukas 4:18). Dwarsdeur die Skrif sien ons vir Jesus wat onder die armes, weduwees, wese, ens – die gebrokenes – werk. Jesus dien met deernis.

Die Seun van die mens het immers gekom om te soek en te red wat verlore is (Lukas 19:10). Jesus het ons geroep om deel van sy sending te wees. Hy het gekom om te dien en te red. Ons moet dit ook doen. Ons moet ander in sy Naam dien en ons moet die goeie nuus van verlossing met ander mense deel.

Om dit te kan doen, moet ons met die gebroke mense om ons betrokke raak. Is jy deel van ‘n gemeente wat gebroke mense verwelkom en nie volmaakte mense nie? ‘n Gemeente sonder die gebrokenes is ‘n stukkende gemeente. Wat doen jou gemeente om te verhoed dat hy hom van die gebrokenheid om hom insuleer? Beskuldig mense jou ooit dat jy te veel tyd met sondaars spandeer?

“People need to be reminded more than they need to be instructed.”   Samuel Johnson

Het Jesus bloed gesweet in die tuin van Getsemane?

‘n Leser vra vir Lee Strobel of Jesus werklik bloed gesweet het toe Hy in die tuin van Getsemane gebid het of is dit maar net beeldspraak?

Lee Strobel antwoord: Dr Alexander Metherell is ‘n geneesheer en kundige oor Jesus se kruisiging. Hy sê daar is ‘n bekende mediese toestand wat as hematidrose bekend staan. Dit is nie algemeen nie, maar kom voor in gevalle van erge sielkundige stres. Die oorsaak is dat onder erge spanning die liggaam chemilalië vrystel wat die klein bloedvaatjies in die sweetkliere afbreek. Dit lei tot ‘n klein hoeveelheid bloeding in die sweetkliere. Sweet gemeng met bloed kom dan vry. Dit is baie klein hoeveelhede wat so vrygestel word.

Baie interessant is dat dit juis Lukas, die geneesheer, was wat hierdie verskynsel raakgesien het. Die direkte vertaling van die Interliniêre Bybel lees soos volg: Hy was in angs en het nog vuriger gebid en sy sweet het soos bloeddruppels geword wat op die grond val (Lukas 22:34).

Jesus se angs was sekerlik voldoende en kon hierdie mediese toestand veroorsaak het. Die Journal of Medicine het 76 gevalle van hematidrose ondersoek. Hulle bevinding was dat die algemene oorsake akute vrees en intense bepeinsing was.

Maar watter effek sou dit op Jesus gehad het? In gevalle van hematidrose word die vel breekbaar. Toe die soldate vir Jesus geslaan het, sou Jesus se vel baie sensitief gewees het.

Hoekom sou Jesus gewillig die lyding in Getsemane, die geseling en die kruisiging  verduur het?  Liefde.

Maar God bewys sy liefde vir ons juis hierin dat Christus vir ons gesterf het toe ons nog sondaars was (Romeine 5:8).

Don’t allow the Internet to become your congregation. YouTube is a horrible place to go to church. —Albert Mohler

Ek is geïrriteerd

‘n Sagte antwoord laat woede bedaar; ‘n krenkende woord laat woede ontvlam (Spreuke 15:1).

As ek geïrriteerd is plaas ek ‘n las op ander, want my skerp woorde maak dat hulle kwaad word. Ons probeer altyd ander mense blameer – dit is hulle wat my irriteer. Paulus sê die liefde word nie geïrriteerd nie (1 Korintiërs 13:5 – Interliniêre Bybel).

Geïrriteerdheid se oorsaak is gewoonlik selfsugtigheid – dit is gewoonlik omdat ons iets wat ons wil hê nie kan kry nie. Wat ons begeer is dikwels nie verkeerd of sondig nie, maar ons selfsugtige reaksie beteken dat ek God nie vertrou nie.Vertrou altyd op Hom (Psalm 62:9). Dit is ook dikwels omdat ek iemand anders nie waardeer, liefhet of dien nie. Liefde is nie geïrriteerd nie.

Alles goed en wel, maar wat kan ek doen om minder geïrriteerd te wees?

• Stop en bely dat jy verkeerd is. Vra vir jouself: “Wat begeer ek wat ek nie kan kry nie?”
• Vertrou beloftes soos 2 Korintiërs 9:8 (En God is by magte om aan julle alles in oorvloed te skenk, sodat julle in alle opsigte altyd van alles genoeg kan hê), Filippense 4:19 (En my God sal in elke behoefte van julle ryklik voorsien), ens. Hulle sal jou help om die versoeking van geïrriteerdheid te oorwin.
• Moet dan nie toelaat dat die sonde nog langer oor julle heerskappy voer en julle die begeertes van julle sterflike aardse bestaan laat gehoorsaam nie (Romeine 6:12). As ons besef dat liefde nie geïrriteerd word nie, sal ons emosies mettertyd aan sy opdragte gehoorsaam wees. As julle my liefhet, sal julle my opdragte uitvoer (Johannes 14:15).
• Dink voor jy iets doen of sê. Dit kan jou help om die versoeking van geïrriteerdheid teen te staan. Vra jouself af: “Wanneer is ek geïrriteerd?” Vra ander om jou te help om hierdie vraag te antwoord. Plaas dan sisteme en gewoontes in plek wat hierdie struikelblokke sal verwyder.

Dit gaan nie maklik wees nie. Om gewoontes te verander is harde werk. Werk daaraan.

The role of a pastor is not to grow a big church. The pastor’s role is to grow mature disciples who make disciples. — Rick Howerton

Moet mense volgelinge van Jesus Christus wees?

‘n Leser vra vir Lee Strobel: Is dit nie ‘n bietjie meerderwaardig om te sê dat jy ‘n volgeling van Jesus moet wees as jy in die hemel wil kom nie?

Lee Strobel antwoord: Dit kan sekerlik so klink. Ongelukkig is sommige Christene baie arrogant in die manier waarop hulle hulle geloof uitleef en aan ander kommunikeer. Die egte Christelike geloof is alles behalwe arrogant en eksklusief.  Kom ons verbeel ons daar is twee klubs. Om lid te word van die eerste klub moet jy ‘n lang lys streng reëls nakom – jy moet jou lidmaatskap verdien. Jy moes iets in die lewe bereik het; jy moet ‘n lang lys vereistes nakom voordat jy ‘n lid kan word. Ten spyte van al hulle pogings is daar baie mense wat dit nie maak nie – hulle word uitgesluit. Dit is hoe ander godsdienssisteme is.

Die tweede klub se deure staan wyd oop. Hulle nooi almal in – ryk en arm, swart en wit, maak nie saak waar jy woon nie. Hulle wil jou graag insluit by hulle klub. Toegang word nie deur jou kwalifikasies of pogings bepaal nie – jy moet net die uitnodiging aanneem. Jesus het reeds vir jou lidmaatskap betaal. Jy moet besluit, maar die klub sal jou nooit wegwys as jy in nederigheid en opregtheid toegang soek nie. Dit is hoe die Christendom is.

Watter klub is arrogant? Christene is nie arrogant nie, hulle is gasvry. Hulle verbeel hulle nie hulle is beter as ander nie – nee, hulle erken hulle eie swakhede en nooi ander wat swak voel om by hulle aan te sluit om te kry wat hulle deur Christus gekry het.

T. Niles som opregte Christenskap goed op as hy sê ons is een bedelaar wat vir ‘n ander bedelaar vertel waar hy kos kan kry.

 Die Gees en die bruid sê: “Kom!” En elkeen wat dit hoor, moet sê: “Kom!” En elkeen wat dors het, moet kom; elkeen wat die water van die lewe wil hê, moet dit kom kry, verniet! (Openbaring 22:17).