Fauna en flora in die Bybel (13) – Jan van der Watt

Kwartel: Ons lees dat die Israeliete kwartels in die woestyn gevang het. Kwartels migreer noord in die somer en suid in die winter. Hulle vlieg gewoonlik laag oor die grond, wat hulle natuurlik goeie teikens maak om te vang (Eksodus 16:13; Numeri 11:31-32; Psalm 105:40).

Mossies: Daar was waarskynlik baie mossies, want in Matteus 10:29 word daar gepraat oor mossies wat so goedkoop is. Die klein voëltjies is geëet. Waarskynlik was wat ons met “mossie” in die Bybel vertaal nie die mossies wat ons ken nie. Dit het waarskynlik na enige klein voëltjie verwys (Matteus 10: 29-31).

Nagvalke: Levitikus 11:16; Deuteronomium 14:15.

Ooievaar: Levitikus 11:19; Deuteronomium 14:18.

Patrys: Hierdie voëls asook hulle eiers was as lekkerny gesien in Israel (1 Samuel 26:20).

Pelikane: Levitikus 11:18; Deuteronomium 14:17; Psalm 102:7.

Rawe: Sien kraai.

Reier: Die reiers was nie permanente inwoners van Israel nie.  Hulle migreer gedurende die winter en vlieg dan oor die gebied van Israel ( Levitikus 11:19; Deuteronomium 14:18).

Roofvoëls: Genesis 15:11; Levitikus 11:16; Deuteronomium 14: 13, 15.

Seemeeu: Levitikus 11:16; Deuteronomium 14:15.

Swane: Levitikus 11:18; Deuteronomium 14:17.

Swartaasvoëls: Deuteronomium 14:13.

Tortelduif: Genesis 15:9; Levitikus 1:14; Lukas 2:24.

Uile: Hulle word gewoonlik in die Bybel geteken as die inwoners van verlate ruïnes ( Levitikus 11: 17; Deuteronomium 14:16; Jesaja 34:11, 15; Psalm 102:7).

Valk: Levitikus 11:14; Deuteronomium 14:13; Job 39:29.

Visarend: Levitikus 11:13; Deuteronomium 14:12.

Visvanger: Levitikus 11:17; Deuteronomium 14:17.

Volstruis: In Job 39:16-21 word die volstruis gebruik om die wonder van God te beskryf.  God werk nie altyd soos mense dink Hy moet nie. Hy verras dikwels; kyk na die volstruis. Dit is die grootste voël, maar dit kan nie vlieg nie. Voëls moet mos kan vlieg. Tog, as dit moet hardloop, hardloop dit vir ‘n perd weg. Hoe verrassend is die skepping nie (Levitikus 11:16; Deuteronomium 14: 15; Jesaja 34:13; Klaagliedere 4:3).

Skrywer: Prof Jan van der Watt

Fauna en flora in die Bybel (12) – Jan van der Watt

Daar was ‘n ryk voëllewe in die Bybelse tyd; daarvan vertel die Bybel ook.

Aasvoël: Levitikus 11:14; Job 39:30-33; Jesaja 34:15.

Arend: Sekere soorte aasvoëls en arende is dikwels nie onderskei nie, bloot omdat hulle baie dieselfde gelyk het as hulle vlieg. In Jesaja en ook in van die psalms lees ons van die krag van die arend. Die arend was gerespekteer; dit was deel van die skild van die Romeine. Deur die geskiedenis is die Johannesevangelie ook met ‘n arend verbind omdat daar geglo is dat die arend in die son in kan kyk, soos Johannes in die misterie van God kon inkyk (Eksodus 19: 4; Levitikus 11:13; Deuteronomium 14:12; Jesaja 40:31; Esegiël 1: 10; Daniël 7:4; Openbaring 4:7; 12:14).

Duif: Duiwe was volop en is aangehou as kos (Genesis 8:8-12; Levitikus 1:14; 2 Konings 6:25; Jesaja 38: 14; Matteus 3:16; 10:16; Lukas 2:24; Johannes 2:16).

Fisant: Jeremia 17:11.

Flaminke: Levitikus 11:18; Deuteronomium 14:16.

Hoep-hoep: Levitikus 11:19; Deuteronomium 14:18.

Hoender: Matteus 23:37; 26:34.

Ibisse: Levitikus 11:17; Deuteronomium 14:16.

Lammervanger: Levitikus 11:13; Deuteronomium 14:12.

Kraai: Kraaie en rawe is dikwels saam gegroepeer. Rawe is groot vleisetende voëls; geen wonder dat hulle Elia kos kom gee het toe hy honger in die woestyn was nie ( Genesis 8: 7; Levitikus 11:15; Deuteronomium 14:14; 1 Konings 17:4; Job 39: 3; Jesaja 34:11).

Skrywer: Prof Jan van der Watt

Fauna en flora in die Bybel (11) – Jan van der Watt

Takbok: Deuteronomium 12:15, 22; 14:5; 1 Konings 4:23.

Vark: Deuteronomium 14:8; Matteus 7:6; 8:32; Markus 5:11-16; Lukas 15:15-16.

Vee (beeste): 1 Samuel 6:7.

Vis: Eksodus 7:18; Numeri 11:5; Jona 1:17; Matteus 14: 17; 17:27; Lukas 11:11; 24:42; Johannes 21:9.

Vlermuis: Levitikus 11:19; Deuteronomium 14:18; Jesaja 2:20.

Wildehonde: Jesaja 34:14.

Wildsbokke: Die wildsbokke was in die Bybel die simbool vir vlugvoetigheid en spoed. Hulle was egter een van die hoofbronne van vleis in daardie tyd (Deuteronomium 14:5; Job 39: 4-7).

Wildedonkie: Job 39:8-11; Jesaja 32:14.

Wolf: Wolwe was gevreesde diere in die ou tyd. Hulle was bekend dat hulle enige klein diere met wreedheid aangeval het. Daarom lees ons in Johannes 10:12 dat die wolf selfs die herder van die skape kon doodmaak. As jy nie baie lief vir jou skape was nie, het jy liewer weggehardloop as daar ‘n wolf aankom (Jesaja 11:6; Matteus 7:15; 10:16).

Skrywer: Prof Jan van der Watt

Fauna en flora in die Bybel (10) – Jan van der Watt

Ons gaan voort met die diere van die Bybel.

Hartbees: Deuteronomium 14:5.

Hiëna: Jesaja 13:22; 34:14.

Hond: Honde was nie so positief beoordeel soos ons dit vandag doen nie. Hulle is gewoonlik by ashope gesien waar hulle na kos gesoek het. Tog was daar van die konings wat sekere soorte honde aangehou het (1 Konings 21:23-24; Prediker 9:4; Matteus 15:26-27; 7: 6; Lukas 16:21; 2 Petrus 2:22).

Jakkals: Rigters 15:4; Jesaja 13:22; 34:13; Klaagliedere 4:3; Nehemia 4:3; Matteus 8:20; Lukas 13:32.

Kameel: Die kameel was die koning van die woestyn omdat dit met min kos en water kon klaarkom. Die kameel kon ook sowat 180 kilogram én sy baas deur die dik sand dra. Die Israeliete het nie kameelvleis geëet nie (Genesis 24:10; Levitikus 11:4; Deuteronomium 14:6; 1 Konings 10:2; Matteus 3:4; 19:24; 23:24).

Klipbok: Deuteronomium 14:5.

Klipspringer: Job 39:4.

Koeie: 1 Samuel 6:12.

Krokodil: Job 40:20; Esegiël 29:3.

Leeu: Hoewel ons baie van leeus in die Bybel lees, het hulle nie so algemeen voorgekom nie. Hulle het veral in die begroeide valleie gebly. Hulle was gerespekteer en die toonbeeld van krag ( Genesis 49:9; 1 Samuel 17:34; Rigters 14:8; 1 Konings 13:24; Job 39:1; Prediker 9:4; Jesaja 11:7; 38:13; 65:25; Esegiël 1:10; 32:2; Daniël 6:8; Joël 1:6; 1 Petrus 5:8; Openbaring 4:7; 13:2).

Luiperd: Jesaja 11:6; Jeremia 13:23; Daniël 7:6; Openbaring 13: 2.

Molle: Levitikus 11:29.

Muil: 2 Samuel 18:9; 1 Konings 1:38.

Muise: Levitikus 11:29; Jesaja 66:17.

Rotte: Jesaja 2:20.

Olifant: Esegiël 27:15.

Os: 1 Samuel 11:7; 2 Samuel 6:6; 1 Konings 19:20-21; Lukas 14:19.

Perd: Ryk mense het perde gery. Perde was veral in oorlog gebruik (Genesis 47:17; 1 Konings 4:26; 2 Konings 2:11; Job 39:22-28; Openbaring 6:2-8; 19:14).

Ribbok: Deuteronomium 14:5; 1 Konings 4:23.

Seekoei; Job 40:10.

Skaap: Skape was veeldoelige diere. Hulle vleis, velle en wol is alles tot die maksimum gebruik (Genesis 32:14; Eksodus 12:5; Deuteronomium 14:4; 2 Samuel 12:1-4; Lukas 15:4; Matteus 10:16; Johannes 10: 7).

Springbok: Deuteronomium 14:5.

Skrywer: Prof Jan van der Watt