What high principle can be named that has not been employed for the very worst of purposes? – J. C. Ryle

God se onverwagte antwoorde

Dit verseker Ek julle: Wat julle die Vader ook al in my Naam sal bid, sal Hy vir julle gee. Tot nou toe het julle nog nie in my Naam gebid nie. Bid, en julle sal ontvang, sodat julle blydskap volkome kan wees (Johannes 16:23 – 24).

Ons vra vir God die dinge waarna ons verlang, want ons wil die volle vreugde wat Hy aanbied, ervaar. Ons vra nie vir nietighede en vleeslike dinge nie, want Jakobus sê: As julle bid, ontvang julle nie, omdat julle verkeerd bid: julle wil net julle selfsugtige begeertes bevredig (4:3). Ons bid vir groter geloof, liefde, heiligheid, wysheid, onderskeidingsvermoë, groter ervaring van God se genade, vreugde in God, ens.

Hierdie begeertes is opreg en God wil hulle graag antwoord. Maar ons ken nie onsself nie – die diepte van ons sonde, dit wat Hy van ons verwag om te kan ontvang. Ons het onwerklike verwagtings van wat God se antwoorde op ons gebede gaan wees. Daarom is ons dikwels nie voorbereid vir die antwoorde wat ons kry nie. Sy antwoorde lyk aanvanklik vir ons eerder soos probleme as antwoorde. Ons sien dikwels nie hoe God se antwoorde met ons gebede ooreenstem nie.

Maar wat kan ons dan verwag?

• As ons God vir meer en dieper liefde vir Hom vra? ‘n Antwoord wat ons van ons sondes bewus sal maak: Omdat haar sondes wat baie is, vergewe is, daarom bewys sy baie liefde. Maar hy vir wie min vergewe is, bewys min liefde (Lukas 7:47).
• As ons God vra dat ons ons naaste soos onsself sal liefhê? En wie is my naaste? (Lukas 10:29). Dan kry ons ‘n ongemaklike antwoord wat ons dikwels irriteer, want ons moet nou onverwags aandaag aan ‘n buurman gee.
• As ons vra dat God naby aan ons moet wees? Iets wat ons hart gaan breek: Die Here is naby die gebrokenes (Psalm 34:19).
• As ons vra dat God ons lewende offers sal maak? Die offer wat U wil hê, o God, is verootmoediging: U sal ‘n hart vol ootmoet en berou nie gering ag nie, o God (Psalm 51:18).
• As ons God vir ‘n dieper ondervinding van sy genade vra? Nederigheid: God weerstaan hoogmoediges, maar aan nederiges gee Hy genade (Jakobus 4:6).
• As ons vra dat Hy sy koninkryk laat kom?  Antwoorde wat ons geestelike armoede sal openbaar, want die koninkryk behoort aan hulle wat weet hoe afhanklik van God hulle is (Matteus 5:3).
• As ons vir God vra vir groter wysheid en onderskeidingsvermoë? Antwoorde wat ons bewus maak van die lyding en ongeregtighede van die wêreld, want die wat honger en dors na wat reg is, sal geseënd wees (Matteus 6:5). Maar ons sal nog iets ontvang: verwarrende antwoorde wat moeilik is om te verstaan en waardeur ons moet werk sodat ons deur ervaring geoefen is om tussen goed en kwaad te onderskei (Hebreërs 5:14).
• As ons God vra vir ‘n toename in geloof? Ons sal gereeld in situasies kom waar ons ontdek dat ons persepsies nie betroubaar is nie – ons word so gedwing om op God se beloftes te vertrou, want ons lewe deur geloof, nie deur sien nie (2 Korintiërs 5:7).
• As ons God vra om ons te help om op te hou om geld te dien? Oorvloedige geleenthede om geld weg te gee; uitgawes wat ons reserwes laat verdwyn – antwoorde wat ons dwing om geld te verag en aan God vas te hou. Julle kan nie God en Mammon dien nie (Lukas 16:13).

Natuurlik kan ons nog baie voorbeelde byvoeg. As God ons gebede begin beantwoord vind ons dikwels sy antwoorde ontstellend. Ons het die antwoorde soveel anders verwag. As die pad van vreugde soveel anders is as wat ons verwag het, en God het gesê dit sal so wees, is dit geen rede om die pad te los nie. Onthou wat die Hebreërskrywer sê: Wanneer ons getug word, lyk die tug op daardie oomblik nie na iets om oor bly te wees nie, maar om oor te huil. Later lewer dit egter vir dié wat daardeur gevorm is, ‘n goeie vrug: vrede omdat hulle gehoorsaam is aan die wil van God (12:11).

God se antwoord op ons gebede? Verwag die onverwagte. Meeste van God se grootste gawes en diepste vreugdes kom in pynlike pakkies.

Where God is not loved above all, he is not loved at all; and he is not so where men will not part with one cursed lust for his sake. Do not let your light deceive you, nor your gifts, nor your duties, nor your profession; if you live in sin, you do not love God. — John Owen

Sing en Bybellees

Meeste van ons hou daarvan om in die kerk te sing. Ons voel ‘n emosionele verbintenis met God terwyl ons sing. Maar as ons klaar gesing het, maak ons ons Bybels oop. Skielik voel ons nie meer daardie emosionele band nie. Die Bybel is ingewikkelder as ‘n paar verse van ‘n lied.  Maar wat sê Psalm 119 vir ons oor God se woord?

• ‘n Uitnodiging en bevel

Dit gaan goed met dié wat sy verordeninge gehoorsaam, dié wat met hulle hele hart sy wil doen (119:2).

Ons moet reg dink oor God se woord en diep daaroor voel in hulle harte. Daar is nie ‘n verdeling tussen intellek en emosies nie – beide ons denke en emosies moet op God se woord reageer. Elke keer as ons die woorde van die Bybel hoor, is dit God wat met ons praat. Sy woord vereis ons aandag, gehoorsaamheid en liefde. In al 176 verse van Psalm 119 is daar ‘n onbreekbare band tussen ken en voel.

• Dink reg

U bepalings is regverdig; as ek hulle ter harte nee, sal ek U loof met ‘n opregte hart (119:7)

U voorskrifte is vir my ‘n lied in my lewe hier op aarde (119:54)

Ek smag na u redding, ek vertrou op u woord (119:81).

Ons moet reg oor die woord van God dink – dit is God se woorde. As ons reg dink oor sy woord kry ons die diepte van emosie wat ons in hierdie drie verse sien. Die psalmis het sy verlossing en hoop  op God se woord gevestig en dit lei tot ‘n verlange, hoop, sang en lofprysing. Sy woord is die eerste en laaste woord. Om op God se woord te reageer moet ons dit ken – ons moet reg oor sy woord dink.

• Voel diep

Ek kwyn weg van verlange na u bepalings (119:20)

U verordeninge is my vreugde, hulle is my raadgewers (119:24)

Ons moet diep oor God se woord voel. God se woord moet deur ons emosies werk sodat ons dit wat ons oor God daarin leer, diep liefhet. Daar is ‘n groot verskil om van God te weet en om Hom te ken. As jy weer God se woord hoor, luister. Laat God se woorde jou hart warm maak.

Mag ons mense wees wat reg dink en diep voel oor God se woord.

Did Jesus say to Lazarus that if he did his best he would give him a lift so that together they would get him out of his grave? – C. Van Til

Geloof en werk: Kan dit geïntegreer word?

Hoe weet ek God wil hê ek moet daardie werk aanvaar? Hoe praat ek met my medewerkers oor Jesus? So kan ons aangaan. Doen gemeentes genoeg om hulle lidmate vir die lewe buite die kerkmure toe te rus? Die probleem is dat daar baie probleme is hiermee. Wat is die belangrikste  hindernisse wat kerkleiers ondervind?

• Beperkte opleiding. Leraars en kerkleiers wil dikwels lidmate help, maar hulle is nie daarvoor opgelei nie – hulle is onseker oor wat hulle moet doen.
• Die gemeente verwag die leraar moet dit doen – hy word immers betaal om die bediening te doen! Lidmate is daar om die produk te verbruik.
• Leiers is onder druk om die instelling aan die gang te hou.  Vertroue in godsdiensinstellings is besig om af te neem. Leiers sukkel om mense by bediening betrokke te kry – veral mense om die leiding te neem. Maar as programme begin fokus om mense in die gemeente te hou in plaas daarvan dat hulle mense toerus om in die gemeenskap uit te gaan, verloor hulle hulle doeltreffendheid en kredietwaardigheid.
• Die Sondag-Maandag skeiding. Mense verlaat die kerk, want wat daar gebeur “het geen relevansie vir my lewe nie.” Daar is sterk teenstand teen enige poging om die “geestelike” en die “heilige” wêrelde saam te voeg. William Diehl (The Monday Connection) sê:
• Bestaande definisies van bediening is dikwels verwarrend. Die probleem is dat ons dikwels die definiesie van bediening verskraal tot “kerk werk” alleen – dit is werk wat binne die kerkmure gedoen word. Aktiwiteite buite die kerkmure word as bediening beskou slegs as dit evangelisasie is.
• Probleme om doeltreffendheid te meet. Hoe weet ons ons het mense doeltreffend vir werk buite die kerk toegerus? In vandag se lewe is dit ongelukkig so dat alles gemeet moet word anders word dit nie as betekenisvol beskou nie.
• Teologiese begronding. Die teologiese vrae wat dikwels gevra word, is: Wat is die aard en doel van die kerk?  Hoe pas mense en gemeentes in God se sending?  Wat is bediening?  Wat verlang God vir die wêreld? Ons moet duidelikheid oor hierdie vrae kry.

We know how hypocrites loudly call on God whenever they desire relief from their distresses, and yet shut up their hearts by wicked obstinacy. — John Calvin

Luther en rykdom

In sy lesings oor Genesis sê Luther onder andere:

Ek is nou 60 jaar oud. Ek het baie voorbeelde soortgelyk aan dié van Laban, wie se rykdom skielik verdwyn het, gesien. Ek kan die voorbeelde van sekere mense, selfs in die klein dorpie van Mansfield,  my tuisland, noem. En in ander stede –in Leipzig, Freiberg en baie ander plekke waar daar myne is. Daar is baie goeie voorbeelde van mense wat geplunder het en groot rykdom bymekaar gemaak het. Maar nou bly daar nie eers ‘n enkele sent van hulle oorvloedige rykdom oor nie. Hulle is soos Haggai sê: Julle is soos ‘n dagloner wat sy loon in ‘n stukkende beursie steek (1:6). Hoekom het dit gebeur? Wat julle nog huis toe gebring het, het Ek laat verdwyn. God laat rykdom versprei.