Uitgebrand: Wat doen ek nou?

Do not consider it proof when it is written in a book, a liar who deceives with his tongue, will not hesitate to deceive with his pen. – Maimonides

 

Uitgebrand: Wat doen ek nou?

Ons het al baie oor uitbranding geskryf – veral wat dit veroorsaak en hoe ons dit kan voorkom. Die Bybel geen nie alleen vir ons die redes vir ons lewensprobleme nie, maar ook die genesing daarvoor. Elia het ook eenmaal uitbranding in die gesig gestaar. God het hom toe gehelp om vier dinge te doen wat vandag nog net so toepaslik is. Rick Warren identifiseer hierdie dinge vir ons.

  • Rus jou liggaam

Elia is besig om vir Isebel te vlug. Hy pleit selfs dat die Here sy lewe sal neem. Toe gaan hy lê en hy het daar onder die besembos aan die slaap geraak. Toe hy hom weer kom kry, skud ‘n engel aan hom en sê: “Word wakker! Eet!” Toe hy opkyk, sien hy by sy kop roosterkoek wat op warm klippe gebak is, en ‘n kruik water. Hy het geëet en gedrink en weer gaan lê. Die engel het ‘n tweede keer aan hom geskud en gesê: “Word wakker! Eet! Anders sal die pad vir jou te lank word.” Toe staan hy op en hy eet, en deur die krag van die kos kon hy veertig dae en veertig nagte lank loop tot by Horeb, die berg van die Here (1 Konings 19:5 – 8).

 

Toe Elia selfmoord oorweeg, het God hom nie uitgetrap nie – hy vererger nie sy skuldgevoelens verder nie. God se genesing was om Elia te laat slaap en om vir hom kos te gee – en weer te laat eet en slaap. ‘n Goeie nagrus kan jou gesindheid verander. Moegheid bevorder teneergedruktheid. Jy sal geestelik sterker wees as jy fisies sterker is.

 

  • Raak ontslae van jou frustrasies

Bid daaroor. Vertel vir God daarvan. Bely dit aan God. Elia kom by Horeb aan en bring die nag in ‘n grot deur. God sê vir hom: Wat maak jy hier, Elia (19:9). Toe vertel hy vir God hoe hy voel: Ek het my hart en siel gewy aan u saak, Here, Almagtige God. Hy vertel vir God presies hoe hy voel. God laat hom kla totdat sy woorde op is. God onderbreek hom nie; God kritiseer hom nie. God is nie geskok as ons kla nie; God luister. God laat ‘n geestelike skoonmaak in Elia toe.

 

  • Herfokus op God

Moenie na die probleem staar nie. Vind uit wat God in jou lewe wil doen. Maar die Here sê vir hom: “Kom uit, en gaan staan op die berg voor My, die Here, Ek wil verbygaan. Toe stuur God ‘n baie sterk wind wat die berg stukkend geruk het. Daarna stuur die Here ‘n aardbewing en daarna ‘n vuur – maar die Here was nie in die wind of die aardbewing of die vuur nie. En na die vuur was daar ‘n fluistering in die windstilte. Toe Elia dit hoor, het hy sy gesig met sy mantel toegemaak en by die bek van die grot gaan staan.

 

God praat selde met ons op ‘n dramatiese wyse. Meestal praat hy met ons in die stilte – daar waar ons net stil voor Hom is. God het net vir Elia herinner dat Hy daar langs hom is – hy moet net stil wees en luister

 

  • Wy jou lewe opnuut aan God toe

Laat God jou rigting en ‘n nuwe doel vir jou lewe gee – ‘n nuwe bediening. Maar die Here sê vir hom: “Draai in jou spore om.”  Hy sê basies vir Elia om na sy taak terug te keer. Hy gee aan hom ‘n nuwe taak. Die gouste manier om van jou teneergedruktheid ontslae te raak, is deur by die behoeftes van ander betrokke te wees. Kry ‘n plek waar jy van jouself kan gee. Moenie soos Elia weghardloop nie.

 

Dit is nie nodig dat ons uitgebrand moet bly nie. God kan jou help – neem hierdie vier stappe. Jy is nie alleen nie; God gee om vir jou – ook die mense in jou gemeente gee om vir jou. Jy kan, met God se hulp verander.

 

 



Wedergeboorte en die Heilige Gees

You run against God with the horns of your pride up in the air and thus plunge into the abyss of hell. Woe unto you, Antichrist!  – Martin Luther

 

Wedergeboorte en die Heilige Gees

In Johannes 3 lees ons van Jesus se gesprek met Nikodemus. Daar lees ons: Die wind waai waar hy wil. Jy hoor sy geluid, maar jy weet nie waar hy vandaan kom en waar hy heen gaan nie. So gebeur dit met elkeen wat uit die Gees gebore is (3:8). Vooraf het ons gelees: As iemand nie opnuut gebore word nie, kan hy die koninkryk van God nie sien nie (3:3). Niemand word ‘n kind van God gebore nie – daar is eers ‘n hartsverandering bewerk deur die Heilige Gees nodig. Die woord “wedergebore Christen” is onnodig, want niemand kan ‘n Christen wees as hy nie wedergebore word nie.

 

 

Hierdie ondervinding van die wedergeboorte is soms baie moeilik om in woorde te te beskryf. Daar is heelwat misterie verbonde aan die werking van die Heilige Gees in ons lewens.. Ons weet dat Hy werk, maar ons kan nie altyd verduidelik hoe Hy werk nie. Die werklike proses van wedergeboorte vind binne in ons plaas en is nie met ons oë waarneembaar nie.

 

Nikodemus, ‘n Fariseër en lid van die Joodse Raad, stel duidelik belang in Jesus, maar hy is nog nie ‘n dissipel van Jesus Christus nie. Ons sien dit uit sy onvermoë om te begryp waaroor Jesus praat (3:4). Jesus moes die hele proses van wedergeboorte aan hom verduidelik het. Dit is dan dat Jesus hom op die geheimsinnige werking van die Gees wys – dit is soos die wind wat waai. [Die Hebreeuse woord vir wind kan ook met Gees vertaal word. Wetende dat die Gees se werk, soos dié van die wind, onsigbaar is, is dit sinvol dat die Bybelskrywers dieselfde woord vir beide gebruik.]

Ons kan die wind voel en sy gevolge sien – takke wat waai – maar ons kan nie die wind self sien nie. Net so kan ons nie die Heilige Gees sien nie, maar sy werking is sigbaar in die vrugte wat Hy produseer. Ons weet ons is weergebore as ons bewyse van sy werking in ons harte sien.



Gebruike en Gewoontes in die Bybel: Kleredrag(2)

Gebruike en Gewoontes in die Bybel: Kleredrag(2) – Hennie Stander

Die gordel:

Die onderkleed.is om die persoon se middellyf met ‘n gordel vasgemaak wat vanvertaling met “.beursie“ vertaal word, beteken eintlik gordel). Hierdie gordel was baie handig en ‘n mens kon ook wapens of ander werktuie daarin steek (1 Samuel 25:13).

hierdie uitdrukking het later ‘n idioom geword met die betekenis van “jouself in gereedheid te bring”. Petrus, byvoorbeeld, vermaan die Christene om heldere en nugtere denke aan die dag te lê wanneer by hulle aanraai om “die lendene van hul verstand te omgord” (1 Petrus, 1:13). Ook die vrouens het die pant van hul onderkleed opgelig wanneer hulle iets van een plek na ‘n ander daarin wou dra.

Die bokleed (of mantel)

‘n Mantel het bestaan uitis en bo-oor die onderkleed gedra is. So ‘n mantel kon een van twee soorte wees. In gebiede waar daar behoefte was aan warm bedekking, is ‘n omhangsel van dik wolstof gemaak. Dit was by die skouers. vasgewerk met splete aan die kant vir die arms. Die ander vorm van ’n .mantel het byna soos ‘n japon gelyk en het wye moue gehad. Mantels van systof gemaak was as baie kosbaar beskou en die rykes het dit gedra wanneer hulle in die openbaar verskyn het.

Die soom van die mantel kon ongetooid of ook geborduurd wees. Die ongetooide soom was die algemene gebruik. Dit was waarskynlik hierdie soom van Jesus se kleed wat die vrou wat aan bloedvloeiing gely het, aangeraak het (Matteus 9:20).

 

‘n Leersandaal uit die eerste eeu n.C. gevind in die Masada vesting.

 


In navolging van Numeri 15:38-41 het die Fariseërs se mantels some gehad met tossels wat aan die vier hoeke vasgemaak is. Hulle het dikwels ook die soom en die tossels baie prominent en opvallend gemaak om daardeur die aandag op hul piëteit te vestig. Dit was dan juis ook hierdie grootdoenerigheid van hulle waarteen Jesus horn uitgespreek het (Matteus 23:5).

 

Hierdie mantel is ook as kombers gebruik. Snags het die mense hulle daarin toegewikkel en vir baie mense was hierdie kleed die enigste vorm van beskerming wat hulle gehad het. Gevolglik, in gevalle waar so ‘n mantel verpand is, was die houer daarvan verplig om dit aan die eienaar terug te gee voor sononder sodat laasgenoemde daarin kon slaap (Eksodus 22:26-27). Om hierdie selfde rede sou ‘n Joodse hof nooit op iemand se mantel beslag lê nie.

 

Skoeisel

Die armes het dikwels kaalvoet geloop, maar ander weer het eenvoudige sandale gedra. Die sool daarvan is van beesvel gemaak om by die vorm van die voet te pas. Dit is aan die voet vasgemaak deur ‘n lang riem wat deur die sool gegaan het, tussen die groottoon en die toon langsaan deur, en dit is dan om die enkel vasgebind (vgl Lukas 3:16). Soms het die riem die lussies verbind wat rondom die sool aangebring is en dan het dit heen en weer oor die boog van die voet gestrek.

 

Skrywer:  Prof Hennie Stander

 



Gasvryheid in die vroeë kerk

Be obedient even when you do not know where obedience may lead you. —Sinclair Ferguson

 

Gasvryheid in die vroeë kerk

Gasvryheid is die proses waardeur ‘n buitestaander se status van vreemdeling na gas verander word. Dit is nie iets wat ons vir familie en vriende doen nie, maar vir vreemdelinge. In die wêreld van die Bybel het sekere reëls gegeld. Gaste moes nie:

  • Hulle gasheer beledig deur enige vorm van vyandigheid of wedywering nie.
  • Die rol van die gasheer oorneem nie – deur byvoorbeeld vir jou tuis te maak sonder dat jy genooi is, deur bevele vir die afhankliks van die gasheer te gee.
  • Dit wat aangebied word (byvoorbeeld kos) te weier nie.

Gashere moes nie:

  • Hulle gaste beledig of ‘n vertoning maak van hulle gasvryheid nie.
  • Nalaat om hulle gaste se eer te beskerm nie.
  • Die behoeftes van die gaste ignoreer nie.

Destyds was aanbevelingsbriewe belangrik. Dit het die gas minder van ‘n vreemdeling gemaak. Om hierdie aanbevelingsbriewe te ignoreer, was ‘n belediging vir die persoon wat die brief geskryf het.

 

Is gasvryheid nog vir ons belangrik?