Ons word oud – Senior gelowiges ondermyn

 

Never will we find truth if we content ourselves with what is already known … Those things that have been written before us are not laws but guides. The truth is open to all, for it is not yet totally possessed – Gilbert de Tournai (13de eeu)

Ons word oud – Senior gelowiges ondermyn

J. I. Packer het onlangs ‘n kort boekie oor oud word geskryf: Finishing our Course with Joy. Ek gaan ‘n hele aantal blogs oor oud word skryf en van hierdie boek gebruik maak

As die duiwel ons versoek, is God altyd teenwoordig. Die duiwel versoek ons altyd by wat hy as ‘n swakpunt geïdentifiseer het. Maar wat is die spesifieke versoeking vir bejaardes? Ons volg die pad van die sekulêre gemeenskap. Ons identifiseer ons met die standaarde en aannames wat in die kultuur om ons heers.

Die samelewing sien aftrede as ‘n waterskeiding. Aftrede neem jou uit die wêreld van werk. Na afrede is ons ons eie base en bepaal self ons agenda.

Aftrede is ‘n uitnodiging om te ontspan, om van ons verantwoordelikhede ontslae te raak – iemand anders moet nou dit wat ons in die verlede gedoen het, doen. Nou kan ons gemaksugtig wees vir die res van ons lewens.

Baie Christene wat aftree gaan nie voort met hulle werk in die kerk nie. Hulle mag dalk nog so op die kantlyn betrokke wees. Dit word as verantwoordelike selfversorging gesien. So ondermyn die duiwel ons dissipelskap. In plaas van arbeiders in God se koninkryk word ons simpatieke toeskouers – passasiers wat die gemeente moet dra. Gemeentes kyk nie meer na bejaardes as mense met geestelike gawes en bedieningsvaardighede nie – hulle het met die ouderdom verdwyn. Al waarvoor bejaardes goed is, is uitstappies en partytjies.

Gemeentes moet  kennis neem van die liggaamlike beperkings van bejaardes, maar terselfdertyd  moet hulle voorgaan om die vermoëns van bejaardes te benut. Bejaardes moet voortgaan met hulle aanbidding en diens aan Christus, in die pastorale versorging van ander, die onderrig en leiding van jongmense wat hulle vantevore gedoen het. Alles binne die perke van wat hulle kan hanteer.

Lewenslange leer is die Christen se roeping – die waarhede waarvolgens Christene moet lewe en hoe hulle moet lewe. In gemeentes moet die waarheid van die evangelie geleer en verdedig word. Almal is ‘n leier vir iemand. Mense wat afgetree het, word nie vrygestel van leer en lei nie.



Ons word oud – Bly aan die Gang

 —Roger L’Estrange

Ons word oud – Bly aan die Gang

J. I. Packer het onlangs ‘n kort boekie oor oud word geskryf: Finishing our Course with Joy. Ek gaan ‘n hele aantal blogs oor oud word skryf en van hierdie boek gebruik maak

Wat van bejaardes wat Christene is? Dit is mense wat al vir ‘n geruime tyd gelowiges is. Hulle leer dat om met ‘n mens se ouderdom saam te leef ‘n geestelike dissipline is. Hoe lyk die profiel van hierdie bejaarde gelowiges?

– 

Ons word nie as Christene gebore nie – jy het doelbewus ‘n Christen geword. Moontlik het jy ‘n bekeringsondervinding van een of ander aard gehad. Jy het moontlik in ‘n krisis bewus geword van sy teenwoordigheid by jou. Jy vertrou Hom as jou Verlosser en gee jouself aan Hom as Here oor. Jy het berou oor sekere oortredings en onderneem om vorentoe as sy dissipel te leef. Jy lees die Bybel en bid gereeld. Nou is jy ‘n ander mens en jy is bewus van sy teenwoordigheid te alle tye.

–Van die begin af het jy besef dat jy gered is om te dien. Jy kom gou agter dat jy die hele pad teengestaan gaan word. Langs die pad het die duiwel se magte jou probeer dwarsboom. Jou Christelike lewe was ‘n lang geveg teen die wêreld, jou natuur en die duiwel. Tog het jy ‘n vol lewe gelei. Jy het geleenthede gesoek om te getuig. Jy lewe vir Christus.

–Ons weet ons word heilig deur ons vir God af te sonder . Geloof, liefde, lof en geregtigheid vloei uit ons harte deur die krag van die Heilige Gees. Jy werk hard om jou van sonde te weerhou

Met hierdie profiel in gedagte is daar ‘n spesifieke versoeking wat ons in ouer mense kry. Daarna kyk ons volgende keer.



Ons word oud – Versoeking en Spanning

The work of salvation is an undertaking of three persons in which all cooperate and each performs a special task – Herman Bavinck

Ons word oud – Versoeking en Spanning

J. I. Packer het onlangs ‘n kort boekie oor oud word geskryf: Finishing our Course with Joy. Ek gaan ‘n hele aantal blogs oor oud word skryf en van hierdie boek gebruik maak

Liggame gaan agteruit en daarmee moet ons vrede maak soos ons ouer word. Namate ons ouer word, kom ons voor nuwe beperkings te staan. Ons kan nie meer dinge doen wat ons vantevore gedoen het nie. Ons energievlakke daal; ons geheue is nie meer wat dit was nie; pyne en kortasemheid word deel van ons lewens. Ons liggame sal agteruitgaan solank as wat ons leef. Oefening, geneesmiddels en ‘n gesonde dieet mag die proses vertraag, maar sal dit nie omkeer nie

 

Ons liggame word ook meer vatbaar vir infeksies, hartprobleme en kanker. Hierdie verstadiging is permanent. Nou kom ons voor twee versoekings te staan:

––Die Bybel sê dat ons almal voor versoeking uit drie bronne te staan kom: die wêreld (omstandighede om ons), die vlees (trots wat lei tot gesindhede gekenmerk deur ‘n gebrek aan liefde) en die duiwel (hy orkestreer die aanvalle van die wêreld en vlees). Ons moet hierdie versoekings herken en erken as ons op die regte manier wil verouder.

 



Ons word oud – Liggaam en siel

You can’t love Jesus and not love His Word – R. C. Sproul

Ons word oud – Liggaam en siel

J. I. Packer het onlangs ‘n kort boekie oor oud word geskryf: Finishing our Course with Joy. Ek gaan ‘n hele aantal blogs oor oud word skryf en van hierdie boek gebruik maak

Om te weet hoe ons moet leef, moet ons eerstens weet wie en wat ons is. Dit is veral belangrik vir bejaardes wat dikwels in die versoeking kom om te dink en ons te gedra asof ons nog is wat ons jare gelede was – ons aanvaar nie dat ons verander het en wat ons vandag is nie.

Vooraf is daar ‘n paar basiese dinge wat ons moet opklaar.

  • Liggaam en siel

Almal van ons leef in ‘n fisiese liggaam.

Ons vertrou op hierdie liggaam vir ons energie en die vermoë om dinge wat ons begeer te doen. Die liggaam beperk ons – daar is dinge wat ons graag sou wou doen wat ons net nie meer kan doen nie. Ons liggame dwing ons om sekere dinge te doen – eet, slaap, ens. Ons liggame kan fisiese vaardighede geleer word – sport, chirurgie, bestuur, ens. Ons brein kan ook sekere vaardighede aanleer – logika en wiskunde is voorbeelde.

Die mens bestaan uit liggaam en siel. Ons kan hulle onderskei, maar nie skei nie. Plato het reeds gesê dat ons liggame ons groei beperk – ons liggame is tronke waarin ons siele vasgevang is. Ons siel is dan wie ons werklik is en word eers vrygestel as die liggaam doodgaan. Daarna word die siel vrygelaat en ondervind dan ware geluk. So asof ons liggame ons weerhou van vreugde, kennis en ‘n vol lewe.

Christene stem nie saam nie. Hulle geloof fokus op die Seun van God se menswording en sy opstanding. Daarom kyk Christene vooruit na die opstanding van hulle liggame. Ouer Christene voel soms ook dat hulle liggame vir hulle ‘n las geword het – hulle sou die lewe soveel meer geniet het as dit nie vir hulle fisiese probleme was nie. Maar om te dink dat ‘n mens se siel vryer en gelukkiger sou wees sonder jou liggaam is ‘n ernstige fout.

  • Wat is mense en hoekom het God ons gemaak?

Die mens  is ‘n eenheid – liggaam en siel. Die mens is aanvanklik gemaak om die geordende omgewing wat God gemaak het, te bestuur. Die mens moes vreugde put om aan God die eer en die lof en diens te gee. God het altyd bedoel dat die mens se lewe op aarde tydelik sou wees en sal lei na ‘n vorm van transformasie en oorgang na ‘n ryker lewe elders.

  • Wat is ons siel?

In die Skrif verwys siel en hart na die sentrale kern van menswees – die innerlike bron van al ons gedrag en reaksies. Die lewe van die siel gaan voort selfs wanneer fisiese lewe ophou. Die persoonlike bewussyn wat ons s’n is, hou nooit op nie.

  • Wat is die doel van ons liggame?

Om ons gereed te maak om die materiële wêreld waarvan Hy ons as trustees en rentmeesters aangestel het en om ons lewens hier en nou te verryk.

–––‘n Lewe sonder ‘n liggaam sou ‘n arm lewe gewees het.