The desire for even a good thing becomes a bad thing when that desire becomes a ruling thing. —Paul Tripp

Jesus se verskynings na sy dood (1)

William Lane Craig William Lane Craig is Navorsingsprofessor in Filosofie aan die Talbot School of Theology. Ek gaan baie gebruik maak van sy boekie: Did Jesus Rise from the dead.

Het Jesus werklik aan mense na sy dood verskyn? Daar is drie groepe getuienisse in Paulus se lys van ooggetuies (1 Korintiërs 15:3 – 8)

• Petrus, die dissipels en die vyf honderd

Die evangelies vertel nie al die storie van Jesus se ontmoetings nie. Ons weet dat drie jaar na sy bekering het Paulus ongeveer twee weke by Petrus in Jerusalem vertoef. Die tweede groep wat Paulus beskryf, was die twaalf – die oorspronklike groep gekies deur Jesus sonder Judas. Hierdie ontmoetings word in Lukas 24 en Johannes 20 beskryf. Van die verskyning aan die 500 weet ons min.

Dit is betekenisvol omdat dit ‘n groot getal is, maar ons lees nêrens elders daarvan nie. Paulus moes persoonlike kennis van hulle gedra het, want hy sê dat party van hulle al dood is.  Paulus sê dat die meeste nog lewe. Daarmee sê hy: “As julle my nie glo nie, daar is hulle. Vra hulleself.”

• Jakobus en die ander apostels

Dat Jesus aan sy jonger broer Jakobus verskyn het, is verbasend, want nie een van sy broers het in Hom geglo nie. Hulle het nie geglo dat Hy die Messias of ‘n profeet was nie. Dit is dus verbasend om te lees dat kort na sy opstanding sy broers saam met ander Christene in die bovertrek was (Handelinge 1:14). Ons lees eers weer van hulle nadat die engel vir Petrus uit die tronk bevry het (Handelinge 12:17). Petrus se eerste woorde na sy bevryding uit die tronk was: Vertel dit vir Jakobus en die ander gelowiges. Later skryf Paulus dat hy met Jakobus, Sefas en Johannes – wat beskou is as die pilare van die gemeente – in Jerusalem vergader het (Galasiërs 2:9). In Handelinge 21:18 is Jakobus  die hoof van die gemeente in Jerusalem. Volgens Josefus is Jakobus tereggestel deur hom te stenig. Later het Jesus se ander broers ook geglo. Hoe verklaar ons dit? Jesus se kruisiging sou nie hierdie transformasie verklaar het nie. Maar tog was Jakobus bereid om vir sy geloof in Jesus te sterf. Is dit nie omdat Jesus na sy opstanding aan Jakobus verskyn het nie? Die volgende groep aan wie Jesus volgens Paulus verskyn het, was die ander apostels. Wie hulle presies was, weet ons nie. Miskien is dit meer as net die twaalf. Dat daar so ‘n groep was, lees ons in Handelinge 1:21 – 22.

• Saulus van Tarsus

Dit is die laaste verskyning wat Paulus vermeld. In Handelinge 9:1 – 9 lees ons dat Jesus aan Saulus op die pad na Damaskus verskyn het. Paulus verwys self hierna in sy briewe. Hierdie gebeurtenis het Paulus se hele lewe verander. Hy was ‘n Fariseër, ‘n geëerde Joodse leier. Hy het die Christelike dwaalleer gehaat; hy het alles in sy vermoë gedoen om dit uit te roei. Hy sê selfs dat hy verantwoordelik was vir die teregstelling van Christen gelowiges. Skielik los hy alles en word ‘n Christen sendeling. Nou leef hy in armoede, swaarkry en lyding. Hy word geslaan, gelaat vir dood, hy leef voortdurend in gevaar. Uiteindelik sterf hy ‘n marteldood vir sy geloof. Alles as gevolg van sy ontmoeting op die pad na Damaskus.

Paulus se getuienis sê vir ons dat verskeie individue en groepe by verskillende geleenthede Jesus na sy opstanding gesien het. Volgende keer kyk ons verder na Jesus se verskynings na sy dood.

“Above all the teaching of the Church, even above all dogma or doctrinal confession, stands Holy Scripture.” – Emil Brunner

Verduidelik die getuienis

William Lane Craig William Lane Craig is Navorsingsprofessor in Filosofie aan die Talbot School of Theology. Ek gaan baie gebruik maak van sy boekie: Did Jesus Rise from the dead.

Hoe verduidelik ons die leë graf, Jesus se verskynings na sy dood en die oorsprong van die dissipels se geloof in Jesus se opstanding. Kan ons dit op ander maniere verduidelik?

• Die samesweringshipotese

Hiervolgend het die dissipels Jesus se lyk gesteel en toe vir die mense oor sy verskynings gejok. Hierdie verduideliking kry ons reeds in Matteus. As dit so was, hoekom het die dissipels ‘n storie opgemaak oor vroue wat die leë graf ontdek het – vroue is mos nie betroubare getuies nie. Hoekom is daar geen getuienis van die opstanding self nie?

Wat van al die Ou Testamentiese profesieë wat vervul is? Maar ook Jesus se verskynings. Sou Hy nie met ‘n verheerlikte liggaam verskyn het nie. Dit verduidelik nie die dissipels se geloof in Jesus Christus nie.

• Oënskynlike dood hipotese

Jesus was nie dood toe Hy van kruis afgehaal is nie, maar net bewusteloos. Hy herleef weer in die graf en op een of ander manier ontsnap Hy en oortuig sy dissipels dat Hy uit die dood opgestaan het. Jesus het op een of ander manier sy kruisiging oorleef. Hoe kan ‘n man binne ‘n verseëlde graf die groot klip voor die opening verwyder? Hoe verduidelik jy Jesus se verskynings, want ‘n half dood man sou tog mediese sorg nodig gehad het. Dit is baie onwaarskynlik, want die Romeinse offisiere teenwoordig by die kruis sou beslis seker gemaak het dat hy dood was. Om seker te maak, het hulle ‘n spies in sy sy ingedruk. Die omvang van sy marteling was van so ‘n aard dat oorlewing onmoontlik was.

• Die misplaasde liggaam hipotese

Hiervolgens sou Josef van Arimatea Jesus se lyk net tydelik in die graf geplaas het omdat dit so laat was. Later sou hy dan die lyk na ‘n algemene begraafplaas verskuif het – ‘n begraafplaas gereserveer vir misdadigers. Hiervan was die dissipels nie bewus nie. Hierdie hipotese sê niks van Jesus se nadoodse verskynings en die oorsprong van die dissipels se geloof nie. Hoekom sou Josef nie die dissipels ingelig het oor wat hy gedoen het nie? Hoekom het hy nie die dissipels se aanspraak dat Jesus uit die dood opgestaan het, weerlê nie? Die begraafplaas  vir misdadigers was minder as 800m van waar Jesus gekruisig is. Hoekom het Josef nie sommer Jesus se lyk direk daarheen geneem nie? Nou ontreinig hy sy familiegraf met die lyk van ‘n misdadiger.

• Die hallusinasie hipotese

Hiervolgens sou Jesus se nadoodse verskynings blote hallusinasies gewees het. Dit verduidelik nie die leë graf of die dissipels se geloof in Jesus se opstanding nie. Die diversiteit en omvang van Jesus se verskynings oortref enigiets wat ons in die sielkunde handboeke kry. Jesus het nie net een maal op een plek aan een persoon verskyn nie.

• Die opstandingshipotese

Kan hierdie hipotese die gebeure verklaar? Dit kan al drie fasette ter sprake verduidelik. Hierdie hipotese kan natuurlik net geloofwaardig wees as ons aanvaar dat God bestaan. Hierdie is die enigste hipotese wat staande bly as ons ons vooroordele teenoor wonderwerke laat vaar.

Drie feite – die leë graf, Jesus se verskynings aan mense na sy dood en die oorsprong van die Christelike geloof – wys almal na dieselfde gevolgtrekking: God het vir Jesus uit die dood opgewek.

“In point of fact, it is impossible to say of the God whom the Biblical revelation shows us, that He is the author of Evil. But Calvin tries in vain to eliminate this conclusion from his doctrine of predestination. Here, too, his argument simply ends in saying: ‘You must not draw this conclusion!’—an exhortation which cannot be obeyed by anyone who thinks.” – Emil Brunner

Die oorsprong van die Christelike geloof

William Lane Craig William Lane Craig is Navorsingsprofessor in Filosofie aan die Talbot School of Theology. Ek gaan baie gebruik maak van sy boekie: Did Jesus Rise from the dead.

Hoekom het die Christelike geloof ontstaan? Dit was die vroeë dissipels se geloof dat Jesus uit die dood opgestaan het. Die Jode het geen begrip gehad van ‘n Messias wat nie Israel se vyande sou oorwin nie, maar as ‘n misdadiger aan die kruis sou hang nie. Messias vir hulle was ‘n persoon wat die respek van Jode en Romeine sou afdwing en die troon van Dawid weer in Jerusalem sou vestig. Maar die dissipels was oortuig dat Jesus die beloofde Messias was – ‘n Messias wat nie geheers het nie, wat verneder is en deur sy vyande doodgemaak is.

Nêrens in die antieke Joodse tekste word van so ‘n Messias gepraat nie. Vir hulle moes Jesus se kruisdood hulle hoop vernietig het.

Hoekom het die Jesus beweging voortgegaan? Die dissipels het opreg geglo dat God Jesus uit die dood opgewek het. Die opstanding keer die katastrofe van die kruisdood om. Daarom sê Petrus tydens sy toespraak op pinksterdag: God het hierdie Jesus wat julle gekruisig het, Here en Christus gemaak (Handelinge 2:36). Reg van die begin af was Jesus se opstanding universeel in die kerk aanvaar.

Daar is verskille in die weergawes van die opstanding tussen die evangelies. Die historiese feit van Jesus se opstanding berus nie op hierdie besonderhede nie. Oor die basiese feite stem die vier evangelies saam. Kleiner afwykings in die opstandingsverhale beïnvloed nie die saak nie.

Is Jesus se opstanding die beste verduideliking vir al hierdie gebeure – die leë graf, Jesus se verskynings na sy dood en die ontstaan van die Christelike kerk?

“Love is not a ‘quality’ of God, but is His Nature – Emil Brunner

Jesus se verskynings na sy dood (2)

William Lane Craig William Lane Craig is Navorsingsprofessor in Filosofie aan die Talbot School of Theology. Ek gaan baie gebruik maak van sy boekie: Did Jesus Rise from the dead.

Ook in die evangelies kry ons veelvuldige, onafhanklike verslae van verskynings van Jesus na sy dood. Dit sluit in van dieselfde mense in Paulus se lys. Dit is duidelik dat van hierdie verskynings, indien nie almal nie, histories korrek is, omdat hulle deur verskeie bronne bevestig word. Hierdie verskynings vind plaas in Jerusalem, dan in Galilea en dan weer in Jerusalem.

Paulus sê die verskynings was fisies. Hy verkondig nie net die onsterflikheid van die siel nie, maar ook die opstanding van die liggaam.

In 1 Korintiërs 15:42 – 44 stel Paulus vier kontraste tussen die huidige aardse liggaam en ons toekomstige opstandingsliggaam. Die aardse liggaam is sterflik, gering, swak en natuurlik. Die opstandingsliggaam is onverganklik, heerlik, kragtig en geestelik.

Wat bedoel Paulus as hy van ‘n natuurlike en geestelike liggaam praat? Natuurlik verwys na gedomineer deur of wat verband hou met die menslike natuur. As hy sê ons opstandingsliggaam is geestelik bedoel hy gedomineer deur of georiënteer na die Gees. Ons kry dit ook in 1 Korintiërs 2:14 – 15.  ‘n Geestelike persoon verwys nie na ‘n onsigbare persoon nie – dit is ‘n persoon georiënteer teenoor die Gees. Die huidige, aardse liggaam sal bevry word van die sondige menslike natuur en sal ten volle bemagtig en gerig word deur God se Gees. Die opstanding, volgens Paulus, verwys na ‘n fisiese opstanding.

Daar is dus ‘n verskil tussen ‘n visioen van Jesus en ‘n opstandingsverskyning van Jesus. Die opstandingsverskynings van Jesus het gou opgehou, maar mense het steeds visioene van Christus gesien. Wat is die verskil? ‘n Visioen was net in die denke van die persoon wat dit gesien het; ‘n opstandingsverskyning vind in die eksterne wêreld plaas. In Handelinge 7 lees ons van Stefanus se visioen van Jesus. Hy sien ‘n visioen, maar nie van ‘n mens wat fisies teenwoordig was nie, want niemand anders sien dit nie. Die opstandingsverskynings was nie innerlike, subjektiewe ondervindings nie – hulle is deur almal wat daar was gesien.

Paulus het tydens sy lewe visioene van Jesus gehad, maar sy ontmoeting met Jesus op die pad na Damaskus was nie ‘n visioen nie, want dit betrek dinge in die eksterne wêreld soos lig en ‘n stem. Paulus se medereisigers het dit tot ‘n wisselende mate ondervind.

Die evangelies se verskyningsverhale  was ook fisies en liggaamlik. Dit is belangrik, want baie Jode en al die heidene het nie in ‘n liggaamlike opstandig geglo nie. Om die fisiese, liggaamlike opstanding van Jesus te ontken, is nie histories nie, maar filosofies – baie kritici kan net nie wonderwerke aanvaar nie.

Volgende keer bespreek ons die derde bewys van Jesus Christus se opstanding: die oorsprong van die Christelike geloof.