Leer om te luister

I am more offended by Christian pastors who twist and mangle God’s Word than I am by Hollywood doing the same thing. Both are wrong but Christian pastors should know better. – Chris Rosebrough

 

Leer om te luister

Om te hoor is maklik – geen inisiatief en energie is nodig nie. Die geloof kom dus deur die prediking wat ‘n mens hoor, en die prediking wat ons hoor, is die verkondiging van Christus (Romeine 10:17). Ten spyte hiervan is luister vir baie mense ‘n probleem. Volgehoue, aktiewe luister is ‘n geloofsdaad.

 

Die sleutelvers oor luister vir die gelowige kry ons in Jakobus 1:19: Elke mens moet maar te gewillig wees om te luister, nie te gou praat nie en nie te gou kwaad word nie. Om goed te kan luister gebeur nie oornag nie – dit vereis dissipline en ‘n doelbewuste poging. Maar ons kan ons luistervermoë verbeter. Hier is ‘n paar riglyne om ons te help.

 

 

  • Goeie luistervermoë vereis geduld

Bonhoeffer sê dat wat ons moet vermy is om met ‘n halwe oor te luister, want ons aanvaar ons weet wat die ander persoon gaan sê. Eintlik wag ons net vir ‘n kans om te praat.  “Unfortunately, many of us are too preoccupied with ourselves when we listen. Instead of concentrating on what is being said, we are busy either deciding what to say in response or mentally rejecting the other person’s point of view.” (Dunn) Goeie luistervermoë vereis konsentrasie. Ons luister na die ander persoon tot hy klaar gepraat het. Geen selfoon nie; geen onderbrekings nie; luister aandagtig en geduldig.

 

  • Goeie luistervermoë is ‘n liefdesdaad

Om met ‘n halwe oor te luister wys dat ek nie die ander persoon respekteer nie – ek wil eintlik net van hom ontslae raak. Swak luistervermoë verwerp; goeie luistervermoë trek nader. “Just as love to God begins with listening to his Word, so the beginning of love for the brethren is learning to listen to them.” (Bonhoeffer) Om goed te luister is ‘n teken van ‘n nederige hart – dit plaas ander voor jouself.

 

  • Goeie luisteraars vra goeie vrae

Wie antwoord voor hy die vraag gehoor het, is dwaas en kom in die skande (Preuke 18:13). Goeie luisteraars vra indringende vrae – hulle probeer onder die oppervlak inkom. Dit kyk na nie-verbale kommunikasie.

 

  • Goeie luistervermoë is ‘n bediening

Luister is dikwels ‘n groter diens as praat. Party dae bestaan ons bediening uit luister na iemand wat seergekry het – maak oogkontak en hoor hulle pyn. Luister ontlont dikwels die emosie wat deel van die probleem is. Soms is dit al wat nodig is om die probleem op te los.

 

  • Goeie luistervermoë berei ons voor om goed te praat

Goeie luistervermoë stel ons in staat om genadewoorde te uiter.  “We should listen with the ears of God that we may speak the Word of God.” (Bonhoeffer) Luister sonder om te oordeel; moenie menings en antwoorde formuleer tot alles op die tafel is nie.

 

  • Goeie luistervermoë weerspieël ons verhouding met God

He who can no longer listen to his brother will soon be no longer listening to God either; he will be doing nothing but prattle in the presence of God too. This is the beginning of the death of the spiritual life . . . . Anyone who thinks that his time is too valuable to spend keeping quiet will eventually have no time for God and his brother, but only for himself and for his own follies (Bonhoeffer) God gebruik ons luistervermoë om ander te seën.

 

Om te luister is moeilik, maar beslis die moeite werd.

 

 



Die kruis of Nike se embleem?

When elephants fight, the grass gets trampled – ‘n Spreekwoord uit Afrika.

Die kruis of Nike se embleem?

Paul Louis Metzger sê dat hy die gevoel kry dat ons in die kerk die kruis met Nike se embleem vervang het. As ons aan die Nike simbool dink, dink ons aan “Just do it.” Het ons nie iets hiervan in die kerk ingedra nie? As iemand ‘n probleem het, maak dit reg. Het Jesus gekom om ons reg te maak of om ons te genees. Ons gaan nie iemand met ‘n kitsoplossing – just do it – genees nie.

Nike simboliseer oorwinning. So kan ons trots voel as ons iemand in nood “regmaak.” Maar as ons dit nie regkry nie? Maak ons ons los van hulle en beweeg verder? Die onvermoë om hulle probleme op te los, simboliseer immers mislukking. Soms luister ons na vriende se probleme. Dit klink oorweldigend. Ons groot vrees is dat ons by hulle probleme betrek sal word. Hierdie mense voel dikwels dat die geloofsgemeenskap hulle verwerp het. Nike se “Just do it” skreeu harder as die ware kerk se “Just be it.” “Just be it,” sluit in dat ek van my eie voorkeure afstand doen .

 

Die kerk is nie Nike se hoofkantoor nie.  Die kerk is nie net daar om mense se probleme op te los nie – soms kan ons dit nie doen nie. Die kerk is daar om langs mense te staan in hulle probleme en as dit moontlik is dit reg te maak. Wat word van my as gelowige verwag? Wees die oplossing in plaas van iets anders as oplossing aan te bied. Luister na mense; spandeer tyd aan hulle; bly verbind al maak dit seer en frustreer dit ons. As ek iemand “regmaak” beteken dit nie noodwendig dat ek tyd met hom spandeer nie – ons behou ons professionele afstand en vermy die slaggate in hulle lewens.

Wat ons nodig het, is nie om mense se probleme reg te maak nie, maar om as kerk hulle pyn met hulle te deel.  “A minister is not a doctor whose primary task is to take away pain.  Rather, he deepens the pain to a level where it can be shared” (See Henri J. M. Nouwen, Watter simbool kies ons?



Hoekom antwoord God nie my gebede nie?

Life is like a landscape. You live in the midst of it, but can describe it only from the vantage point of distance. -Charles A. Lindbergh (1902-1974)

Hoekom antwoord God nie my gebede nie?

Baie van ons kan vertel van gebede wat God wonderbaarlik beantwoord het, maar daar is ook gebede wat God nie geantwoord het nie. Geen wonder mense voel dat God nie ons gebooie antwoord nie. In ons moderne samelewing laat hierdie sogenaamde onbeantwoorde gebede selfs vrae ontstaan oor God se identiteit en selfs sy bestaan. Dit is iets wat ons moet aanvaar: God werk nie altyd op die manier wat ons van Hom verwag nie. Net omdat Hy nie onmiddellik ons vrae beantwoord nie, beteken nie dat hy nie besig is om in ons lewens te werk nie.

Kom ons kyk na vier redes waarom God nie ons gebede geantwoord het nie – daar is baie meer.

 

  • Klippe en slange is nie goed vir ons nie

Watter mens onder julle sal vir sy seun ‘n klip gee as hy brood vra, of ‘n slang as hy vis vra (Matteus 7:9 – 10). So dikwels vra ons dinge wat sleg vir ons sal wees. En ons verwag dat God vir ons sal gee wat ons wil hê, wanneer ons dit wil hê en soos ons dit wil hê. Sy reaksie op ons gebede is wat die beste is. Die beste vir wie? Ons lewens is instrumente wat God gebruik om sy sending op aarde te bewerkstellig. Daarom moet ons altyd bid: Nie my wil nie, Here, maar u wil geskied. Is ek bereid om my begeertes op te offer vir dit wat God begeer?

  • Hy het ons gebede geantwoord … ons het net nie van die antwoord gehou nie

Ons wil net nie aanvaar dat God nie vir ons dit wat ons gevra het, gee nie. Soms is dit moeilik om sy antwoord te aanvaar – so moeilik dat ons dit verwerp. Maar ons gebede moet ons herinner aan ons vertroue op God en sy wysheid. Om God te vertrou is ‘n erkenning van ons beperkte perspektief. God is goed; Hy is die gewer van goeie gawes. Vertrou Hom al antwoord Hy nie ons gebede soos ons verwag het nie.

  • Ons is nie beskikbaar nie

Met al ons moderne tegnologie is ons voortdurend aan almal gekoppel … behalwe aan God. God praat met ons op verskillende maniere, maar soms wil ons net nie luister nie. Laat ons toe dat Hy ons kontak of is dit net die een uur elke Sondagoggend? Benader ons gebed gereed om te luister of praat ons net die hele tyd? Soms is ons so besig dat ons nie eers agterkom God wil met ons praat nie – ons skedules is net te vol.

  • Stilte is goud werd

God is die meester van tydsberekening. Ons sien gereeld in die Bybel dat God nie haastig is nie. Vir 400 jaar is die Israeliete slawe in Egipte voordat God vir Moses roep. Ons verwag dat God onmiddellik ons gebede moet beantwoord. Soms is die lesse wat ons leer terwyl ons wag, beter as dit waarvoor ons gevra het. As ons glo dat God in beheer is, moet ons ook sy tydsberekening vertrou.

As God stil is, bid vir sy vrede; bid dat sy wil gedoen sal word; bid dat Hy vir ons die nodige geloof sal gee om in vertroue op Hom te wag.



Wat is die groot probleem?

John Wesley sê: “God knows nothing of solitary religion.  No man ever went to heaven alone.” 

Wat is die groot probleem?

Die ware strydpunt tussen gelowiges in die nabye toekoms sal nie homoseksualiteit of kerkeenheid wees nie, maar die Bybel. Hoe sien ons God se Woord? Dit gaan nie net oor verskillende interpretasies of ons verstaan van die onfeilbaarheid van die Skrif nie. Dit gaan basies oor hoe ons die Woord van God benader – selfs voor ons by die interpretasie kom.

  • Konsensus is koning

Een benadering is om te sê dat gelowiges se verstaan van die Bybel deur die waardes van die kerk bepaal moet word. Die gesag is nie die Bybel nie, maar wat die kerk as geheel sê. Maar waar kom hierdie benadering vandaan? Dit word deur konsensus binne die kerk gevorm – wat dink die kerk kollektief. Wat dus geld, is wat die kerk dink belangrik is. Maar hoe weet ons wat belangrik is? Dit kom deur die leiding van die Gees. Klink mooi, maar hoe kan ons die Gees volg as ons die teks wat hy verlig, verontagsaam? Hoe kan ons die Gees hoor as die Woord stilgemaak word? Sommige gelowiges glo dit is reg, want ons verskil met sekere dinge in sy Woord!

 

  • Ons volg die verkeerde Gees

As dit wat belangrik is deur die kerk se gevoelens, los van God se Woord, bepaal word, is die enigste wettige motivering vir die konsensus druk uit die samelewing. Nou word God se Woord in hierdie konsensus ingedruk en daardie dele waarmee ons nie saamstem nie word net eenvoudig weggesny. En as ons standpunt moet inneem en daar is geen konsensus nie, is die enigste uitweg om aanspraak op neutraliteit te maak – ons wen tyd deur op die kantlyn te staan.

 

Hierdie is beslis nie die benadering waartoe Christus ons as sy dissipels oproep nie: Leer hulle om alles te onderhou wat Ek julle beveel het (Matteus 28:20). Die populêre konsensus speel hier geen rol nie. Ons kan nie kalm bly en hoop almal hou van ons nie.

 

  • Nederig in hoop

Daar is ‘n beter manier. Dit is nie nuut nie: Laat die Skrif self sê. Natuurlik moet die Bybel geïnterpreteer word – en dit is belangrik. Daar sal oor sekere dele verskille wees. Maar nederigheid beteken nie dat ons ons hande in die lig opgooi en sê elke ou se siening is wettig nie. Nederigheid beteken nie dat ons vir mekaar kyk en uitleg met menswaardigheid verwar nie.

 

Nederigheid gaan oor hoe ons die Bybel benader. Ons gaan na die Bybel in vertroue op God en nie op onsself nie – selfs voor ons nog die bladsye oopmaak. Ons kom met gretige ore en bid dat God ons gedagtes sal suiwer. Ons rede moet verdwyn en ons moet onsself aan die Heilige Gees onderwerp.

 

Die nederige hart maak plek vir God se woord al is dit ongewild en bid:

Maak my u wil bekend, Here, leer my u paaie.

Laat u waarheid my lei en onderrig my daarin,

 Want U is God, my redder.

In U stel ek elke dag my verwagting. (Psalm 25:4 – 5).