Berei ek my voor vir die erediens?
We are never nearer Christ than when we find ourselves lost in a holy amazement at His unspeakable love. —John Owen
Berei ek my voor vir die erediens?
Soms besluit ons skielik ons gaan fliek of uiteet. Geen voorbereiding nie. Of ek nou voorberei of nie, bepaal nie of ek die fliek gaan geniet nie – dit is vermaak. Is dit nie hoe ons dikwels eredienste benader nie?
Hoe berei jy voor vir ‘n erediens? Is dit ‘n gejaag om al die kinders betyds skoon en aangetrek te kry? Miskien dink jy dit is nie nodig om voor te berei nie. Maar hoe ons voorberei, bepaal hoe voordelig ons tyd as geloofsgemeenskap saam, is. Daar is veral twee foute wat ons maak:
Maar hoe moet ons ons dan vir ‘n erediens voorberei?
- Berei jou voor om te ontvang
As ons in ‘n erediens sit, praat God met ons deur die Bybel wat gelees word, die sang en die prediking. As ons God sien vir wie Hy is, word ons oorweldig deur sy grootheid en heiligheid – om sy teenwoordigheid te ondervind, om sy onbeperkte liefde en genade te sien. Ons moet vir God vra om ons te help om sy openbaring met nederigheid en dankbaarheid te ontvang.
As God Homself aan ons openbaar, gebeur daar dinge – ons moet reageer. Ons aanbid Hom, want ons het weer sy grootheid, heiligheid, liefde en genade gesien Ons bely ons sondes, ons ontvang sy woord, ons neem deel aan die nagmaal ons gee ons finansiële bydrae – alles is ‘n dankbare reaksie op wie God is en wat Hy vir ons in Jesus Christus gedoen het.
Ons aanbidding hou nie op as die slotgesang gesing en die prediker amen gesê het nie. Dit gaan voort as ons met ander praat, hulle aanmoedig, vir hulle bid en vir hulle omgee. God gebruik mense om sy liggaam op te bou: Sorg dan dat alles tot opbou van die gemeente verloop (1 Korintiërs 14:26). Woon jy die erediens by met die verwagting dat God jou gaan gebruik? Jy het ‘n bydrae om te maak. Vra vir God hoe Hy jou hierdie Sondag gaan gebruik om ander op te bou. Hoe berei ek voor as ek Sondag ‘n erediens gaan bywoon? Maak jou reg om God te ontmoet en reageer met dankbare aanbidding met jou hart en lewe.
Kindness makes a person attractive. If you would win the world, melt it, do not hammer it. —Alexander MacLaren Moenie mense wat rou aanjaag nie Rick en Kay Warren se seun, Matthew, het ‘n jaar gelede selfmoord gepleeg. Sy het sterk gevoelens oor mense wat dit goed bedoel, maar wat dikwels baie onsensitiewe opmerkings maak. Ongelukkig is dit nie die uitsondering nie. Saddleback Kerk het dan ook as gasheer opgetree vir die Gathering on Mental Health and the Church. Hulle seun het sy hele lewe lank met ‘n geestesongesteldheid gesukkel. Hier is wat Kay Warren geskryf het: Wees baie versigtig wat jy vir mense wat rou, sê. Moet nooit sê: “Ruk jou reg – die lewe gaan aan,” nie. Gee hulle tyd en ruimte om te rou.Moenie mense wat rou aanjaag nie
Wen ten alle koste
“We do not regret that our religion does trouble certain people, for they ought to be troubled.” – Charles Spurgeon
Wen ten alle koste
“Om te wen is nie alles nie – dit is al wat tel” (Waarskynlik eerste gebruik deur Vince Lombardi). Vroeër was dit: “Dit maak nie saak of jy wen of verloor nie. Wat belangrik is, is hoe jy gespeel het.” Ben Witherington sê toe wen alles geword het, het etiek by die venster uitgevlieg. Dinge word toenemend erger soos sport meer professioneel word. Hierdie “wen ten alle koste” gesindheid beteken ons kan maar onbeskof, vulgêr ens wees solank as ons net wen.
Ons samelewing word in twee groepe verdeel: wenners en verloorders – nie eerbaar of skandelik of goed en slag nie, maar wenners en verloorders. Die media bevorder hierdie gesindheid. Hierdie het nie toevallig op die sportveld gebeur nie – die sportveld weerspieël die kultuur van die samelewing. Dit is ‘n siekte.
Witherington sê dan enkele dinge oor hierdie wen ten alle koste gesindheid. Die skurke in hierdie verhaal is nie net die spelers, afrigters of media nie, maar ook die ondersteuners – veral die fanatiese ondersteuners wat die vure aanblaas.
- Daar is niks verkeerd met wen per se nie. Wen as gevolg van goeie spel, gespeel binne die reëls, deur spelers wat na uitmuntendheid streef, is reg. Dit is egter nie die belangrikste ding van alles nie. Belangriker is jou gesondheid, watter soos gedissiplineerde persoon jy word deur die lesse van sport te leer, leer hoe om ‘n spanspeler te word, leer hoe om op ‘n afrigter te reageer. As jy leer hoe om hierdie lesse in jou alledaagse lewe toe te pas, het jy ver gevorder. Die mens wat jy geword het aan die einde van jou sportloopbaan is belangriker as jou wen-verloor statistieke.
- Goeie sportmanskap en etiese spel word nie meer as belangriker as wen beskou nie. Wanneer laas het jy gelees van ‘n span wat erken dat hy verneuk het? Dat hulle opkikkers gebruik het om hulle prestasies te verbeter?
- Wen is die nuwe dwelm van keuse in sport – en baie mense is daaraan verslaaf en sal feitlik enigiets doen om te wen. Is ons lewens so leeg, ons werk so vervelig, ons vreugde so min dat sonder ‘n span wat wen is ons soos ‘n skip sonder roer – ons dryf rond sonder doel of rigting.
Witherington sluit af met die vraag: Wat is verkeerd met wen ten alle koste? Sy antwoord: Almost everything.
Ek slaap goed
Yet in our busy, noisy, overstimulating mission field of the world, it is one of the church’s high callings to give the gift of silence, of greater spaciousness to make room for contemplative encounters with the means of grace, so that the Spirit may most freely do the works of salvation to form us in faith. – Jonathan Linman
Ek slaap goed
(Psalm 3:6)
Spurgeon sê dat slaap die beste geneesheer is wat hy ken. Dit het al meer pyne en moeë harte en bene genees as enige bekende geneesheer. Dit is die beste medisyne wat daar is – beter as enigiets wat jy in ‘n apteek kan kry.
As daar wel ‘n verskil is, is dit ten opsigte van die handearbeider. Of hy nou baie of min eet hy slaap vas. Hy wat fisies die hardste werk, slaap vaster as ander mense. Terwyl diegene wat in luukse leef rondrol onder hulle verekomberse, slaap die arbeider op sy harde bed – en as hy wakker word, dank hy God dat hy verfris is.
Ons weet nie hoe dankbaar ons moet wees omdat God ons snags rus gee nie. As jy al slapelose nagte gehad het, sal jy slaap waardeer. Jy sal God dank vir die groot guns wat Hy aan jou bewys het. Slaap is ‘n waardevolle gawe van God. Ongelukkig waardeer ons dit nie totdat dit van ons weggeneem word nie.