Terug na die Ou Testament: Allerlei (5)

Terug na die Ou Testament: Allerlei (5) – Adrio König

6.5 Drome

In die Bybel is daar dikwels sprake van drome. En drome word as ‘t ware van alle kante bekyk.

 

  • In ‘n paar boeke is daar dikwels sprake van drome (Genesis, Daniél, Matteus 1 en 2), maar in die res van die Bybel baie selde of selfs glad nie.
  • Daar is selfs uitsprake wat beteken dat drome nie betroubaar is nie, en nie werklik waarde het nie (Jes 29:7-9, Job 20:8). Dit is vandag ‘n algemeen aanvaarde oortuiging, ook deur mense wat wetenskaplik na die verskynsel van drome kyk.
  • Verder is die reël dat gelowiges se drome altyd dadelik duidelik is. Hulle het nie hulp of inligting nodig om die droom te verstaan nie.
  • Voorbeelde van heidene/ongelowiges wie se drome nie duidelik is nie, en dan uitgelê moet word: Die skinker en die bakker (Gen 40), die farao (Gen 41), Nebukadneser (Dan 2).
  • Na albei kante is daar een uitsondering: Daniël se droom wat deur ‘n omstander uitgelê word (Dan 7), en die ongelowige Midianiet wat vir sy maat sy droom uitlê (Rigt 7:13ev).
  • Maar dit is wel duidelik dat daar nooit sprake is van meganismes of sisteme wat ontwikkel moes word om drome uit te lê nie.

    Dit is dus moeilik om in die lig van Bybelse gegewens te aanvaar dat die Here vandag op ‘n gereelde basis met gelowiges deur drome praat, en dat daar vandag ‘n hele sisteem van uitleg ontwikkel moet word sodat gelowiges hulle drome kan verstaan. Hiervoor sal ‘n mens openbaring nodig hê wat ná die Bybel gekom het, en daarvoor huiwer die meeste Christene.

     

    Prof Adrio König

     



Terug na die Ou Testament: Allerlei (4)

Terug na die Ou Testament: Allerlei (4) – Adrio König

6.4 Ure, dae, maande, jare, kersfees, verjaarsdae

Maar in die Nuwe Testament het ons skynbaar twee verskillende sisteme om die bepaalde uur van die dag te bereken.

  • Volgens Lukas duur die verduistering van die sesde uur tot die negende uur (23:44).
  • Maar volgens Johannes gee Pilatus Jesus die sesde uur oor om gekruisig te word (19:14).

Iewers pas iets nie. Skynbaar gebruik Johannes ‘n ander tydsberekening as Markus en Lukas. Hulle twee gebruik die tydsberekening van sonop af. Dan is Jesus teen nege uur gekruisig (die derde uur ná sonop) en van twaalf uur af was die verduistering tot drie uur toe.

Maar dan het Johannes ‘n ander berekening. Jesus kon nie deur Pilatus oorgegee gewees het drie ure nadat Hy gekruisig is nie. Dit moes lank voor die derde uur, nege uur die oggend, gewees het. Kon dit so vroeg as ses uur gewees het? Volgens Johannes is die Joodse leiers in elk geval vroeg die oggend na Pilatus toe.

Maar dan sou dit beteken dat Johannes die tyd van middernag af bereken het. Dan is Jesus ses uur die oggend oorgegee, nege uur gekruisig, twaalf uur het die duisternis gekom tot drie uur toe.

Wat nou hier belangrik is, is die feit dat die Bybel se uur-berekening van die Babiloniërs af kom, en vryelik in die Bybel gebruik is. Maar dit was dan ‘n heidense gebruik?

In die Bybel het net een dag ‘n naam gehad: Sabbat. Verder het hulle nommers vir die ander dae gebruik soos “die eerste dag” (na Sabbat), of “die tweede dag” (na Sabbat). Dis moontlik dat ons so ‘n voorbeeld van “die derde dag” het (Joh 2:1).

  • Daar is vier ou Kanaänitiese name wat Israel oorgeneem het: Abib (Eks 13:4), Sif (1 Kon 6:1), Etanim (1 Kon 8:2), Bul (1 Kon 6:38).
  • Ná die ballingskap het Israel ‘n aantal Babiloniese name aanvaar. Sommige van hulle kom in die Ou Testament voor, en ander nie. Nisan (Neh 2:1), Tammus (Eseg 8:14), Elul (Neh 6:15), Kislef (Neh 1:2), Adar (Esra 6:15). Die name self, en die blote feit dat die meeste van hierdie name eers in Esra en Nehemia voorkom, bevestig dat dit uit Babilon afkomstig is.

    • Moet dit by dagname en maandname en Kersfees juis anders wees?

    Dit is alles waar. Maar hierdie feite kan seker ook anders verstaan word.

    Seker omtrent alle mense weet al teen hierdie tyd dat Jesus nie op 25 Desember gebore is nie. Trouens die vroeë Christene het dit nog beter geweet as ons. Hulle het in Israel gewoon en geweet 25 Desember is die middel van die winter. Daarom sou die skaapwagters nie in die nag in die oopte by die skape gewees het nie (Luk 2:8ev).

    Wat die heidense karakter van kersfees betref, is dit ook taamlik algemeen bekend dat dit in die noordelike halfrond die fees was by die draai van die jaar, by die “geboorte” van die nuwe jaar. Hulle was wel ‘n paar dae uit. Die draai is eintlik 22 Desember.

    Wat doen die Christene toe? Hulle vier op die heidense feesdag ‘n fees vir Jesus. Hulle het dit met ander dinge ook gedoen. Hulle het telkens ‘n heidense tempel oorgeneem en as Christelike kerkgebou gebruik. Is dit nie wonderlik nie! Sê nou ons kan ‘n paar dobbelhuise oorneem en as mega-gemeentes se kerkgeboue inrig! Prys die Here. Wat onder die son kan daarmee verkeerd wees? Dis oorwinnings vir Jesus.

    Hoe moet ons hierop reageer?

    In die Bybel lees ons van Herodes se verjaarsdagviering (Matt 14:6). Natuurlik is hy en sy feeste geen goeie voorbeeld vir ons nie, maar dis tog seker duidelik dat dit nie net hy sal wees wat in die Bybel sy verjaarsdag gevier het nie. Mense het deurgaans geweet hoe oud hulle is.

  • Ure
  • . Hulle het sommige van die Kaänaniete en later ander van die Babiloniërs gekry.

    • Hoekom mag ons dit dan nie met Kersfees doen nie, en selfs Goeie Vrydag en Paassondag?

     

    Skrywer: Prof Adrio König

     



    Terug na die Ou Testament: Allerlei (3)

    Terug na die Ou Testament: Allerlei (3) – Adrio König

    6.3 En die besnydenis?

  • Die besnydenis word net soos die Sabbat en die ander gebruike “ewige” gebruike genoem. Alreeds by die instelling van die besnydenis word dit ‘n “ewige verbond” genoem (Gen 17:13 – 1953-vertaling).
  • Die Here maak byna vir Moses dood omdat hy nie sy seun besny het nie (Eks 4:24-26).
  • Toe die volk vir ‘n tyd lank tydens die woestyntog nie meer besny is nie, het die smaad van die Here op hulle gerus, die smaad wat eers weer weggeneem is toe Josua almal laat ná die intog in Kanaän besny het. (Jos 5:9).
  • Jesus is self ook besny (Luk 2:21).
  • Ons weet die Christene in Jerusalem het nog hulle seuntjies besny (Hand 21:21).

    • Waarom gebruik ek juis hierdie vreemde uitdrukking: “die evangelie van die besnydenis”? Dit is hoe die Grieks lui in Galasiërs 2:7, 8, 9. Die 1953-vertaling het dit nog só. En dit wys hoe belangrik die besnydenis nog vir die vroeë Joodse Christene was.

    Waar is die besnydenis in die Nuwe Testament vir die Jode afgeskaf?

     

    Prof Adrio König

     



    God en die hel

    God en die hel – Francois Malan

    Michell vra:

    As God Alomteenwoordig is, is Hy in die hel?

    Antwoord

    Prof. Francois Malan antwoord:

    Vergelyk ook die beeld van die boeke wat oopgemaak word in Openbaring 20:15: ‘As daar gevind is dat iemand se naam nie in die boek van die lewe geskrywe staan nie, is hy in die vuurpoel gegooi.’

     

    Skrywer:  Prof Francois Malan