Ontmoetings met Jesus: Die twee hartseer susters: Marta en Maria (2)
No other God have I but Thee,
Born in a manger, died on a tree.
Martin Luther
Ontmoetings met Jesus: Die twee hartseer susters: Marta en Maria (2)
[Ek maak onder andere van Timothy Keller se boek Encounters with Jesus gebruik.]
In die Johannes-evangelie lees ons van ‘n hele aantal ontmoetings wat Jesus met individue gehad het. In hulle antwoord Hy van die groot lewensvrae. Hier gaan dit oor Jesus se ontmoeting met Marta en Maria. Die vraag wat ons uit hierdie ontmoeting gaan antwoord, is: Wie of wat kan die wêreld weer regstel?
Mense sukkel om te glo dat Jesus waarlik God is. Hulle erken dat Jesus uniek was, dat Hy ‘n uitsonderlike Leermeester was, dat Hy ‘n wysheidsleraar was, ens. Maar Jesus eis van elkeen ‘n radikale reaksie. Moontlikhede is:
- Hy was ‘n bedrieër. Al Jesus se vroeë volgelinge was Jode. Die Jode se siening van God was so verhewe dat hulle nie eers sy Naam wou sê of skryf nie. Enige voorstel dat God swak vlees en bloed kon wees, sou hulle onmiddellik verwerp het. Die idees van God-mens het nooit by die Jode opgekom nie.
- Hy was verstandelik versteur. Daar was sulke mense wat beweer het dat hulle God was, maar hulle het gewoonlik net ‘n klein groepie aanhangers gehad. Jy kan nie mense oortuig dat jy God is as jy die normale menslike tekortkominge van die mense het nie – dinge soos selfsug, trots, oneerlikheid … Daar is altyd mense wat na genoeg aan so ‘n aanspraakmaker leef om deur Hom te sien.
- Hy was eg – aanbid Hom as God. Kort na sy dood was daar ‘n groep mense wat Jesus as God begin aanbid het. Hierdie groep het vinnig gegroei.
Wat ons nie kan doen, is om iewers tussenin ‘n antwoord te probeer soek nie. Elkeen van ons moet op sy aansprake reageer. Kort na sy dood het mense reeds aanvaar dat Hy Goddelik was – dit is nie iets wat eers lank na sy dood gebeur het nie. Twee dekades na sy dood skryf Paulus in Filippense 2:5 – 11:
5Julle moet Christus Jesus se voorbeeld volg. Soos Hy oor dinge gedink en gevoel het, so moet julle ook daaroor dink en voel. Laat ek verduidelik wat ek bedoel.
6Jesus staan in status op gelyke voet met God. Hy was egter nie so vol van Homself dat Hy tot elke prys aan dié status wou vasklou nie. 7Toe die tyd ryp was, het Hy die status en eer wat Hy gehad het eenkant toe geskuif. Hy het ’n mens tussen mense geword. Asof dit nie genoeg was nie, het Hy sommer ’n gewone mens geword wat op die oog af nie uitsonderlik gelyk het nie, ja, iemand van wie baie ander mense niks gedink het nie. 8As mens onder mense het Hy die pad van vernedering nog verder geloop. Dit sou Hom uiteindelik by die dood aan die kruis uitbring. Wat ’n vernedering! God het dit egter van Hom gevra en Hy het die pad van vernedering gehoorsaam enduit geloop.
910Net mooi almal sal voor die grote Christus moet buig, maak nie saak wie hulle is of waar hulle vandaan kom nie. Selfs dié wat lankal dood is, sal voor Jesus moet buig. 11Hulle almal sal met oortuiging vir mekaar sê: “Jesus Christus is die Here.” So sal almal ook besef hoe groot en belangrik God die Vader is. (Die Boodskap).
Die groot vraag: Is Jesus God of mens? Daarna gaan ons volgende keer verder kyk.
Ontmoetings met Jesus: Die twee hartseer susters: Marta en Maria (1) [Ek maak onder andere van Timothy Keller se boek Encounters with Jesus gebruik.] In die Johannes-evangelie lees ons van ‘n hele aantal ontmoetings wat Jesus met individue gehad het. In hulle antwoord Hy van die groot lewensvrae. Hier gaan dit oor Jesus se ontmoeting met Marta en Maria. Die vraag wat ons uit hierdie ontmoeting gaan antwoord, is: Wie of wat kan die wêreld weer regstel? Niemand beweer dat alles in die wêreld reg is en dat daar niks met die mense verkeerd is nie. Die groot vraag is: Wie of wat kan die wêreld weer regstel? Christene glo dat die antwoord Jesus Christus is. In Johannes 11 lees ons van Jesus se ontmoeting met die twee susters net na Lasarus – vir wie Jesus baie lief gehad het – dood is. Lasarus is baie siek. Die susters stuur iemand na Jesus met die boodskap dat Lasarus siek is. Toe Jesus uiteindelik by hulle aankom was Lasarus al dood en begrawe. Almal is in rou. Marta is die eerste suster wat vir Jesus sien kom. Sy sê vir Jesus: Here, as U hier was, sou my broer nie gesterwe het nie. Marta gaan later vir Maria roep en lig haar in dat Jesus daar is. Maria gaan na Jesus en sê vir Hom: Here, as U hier was sou my broer nie gesterwe het nie. Ons het hier twee susters in dieselfde omstandighede wat presies dieselfde woorde vir Jesus sê, maar Jesus reageer verskillend. Met Marta argumenteer Jesus. Sy sê Hy het te laat daar aangekom, maar Jesus sê vir haar dat dit vir Hom nooit te laat is nie: Ek is die opstanding en die lewe. Wie in My glo sal lewe al sterwe hy ook. Jesus hanteer Marta se wanhoop, wys haar tereg oor haar twyfel en gee vir haar hoop. Sy benadering tot Maria verskil radikaal. Toe Hy sien dat Maria huil het sy gemoed vol geskiet en Hy was aangedaan. Hy vra net: Waar het julle hom begrawe? Hoekom behandel Jesus die twee susters verskillend? Omdat Hy verhoudings verstaan. Hy weet jy kan nie alle mense eenders hanteer nie. Dit sê vir ons iets van sy karakter. Hierdie ontmoeting wys vir ons dat Jesus waarlik mens, maar ook waarlik God is. Vir Marta sê Jesus dat net God lewe kan gee en lewe kan neem. Hy sê nie vir Marta dat Hy Lasarus gaan opwek nie; Hy sê: Ek is die opstanding en die lewe. In Lukas 10:18 sê Jesus dat Hy die Satan soos ‘n weerligstraal uit die hemel sien val het – Hy het Satan se prehistoriese val gesien. Dit beteken Hy was van altyd af daar – Hy is God. Baie mense sukkel hiermee. Hoe kan Jesus God wees as Hy hier op aarde as mens rondgestap het? Daarna kyk ons volgende keer.Ontmoetings met Jesus: Die twee hartseer susters: Marta en Maria (1)
Ontmoetings met Jesus: Die lid van die binnekring en die uitgeworpene (5)
Ontmoetings met Jesus: Die lid van die binnekring en die uitgeworpene (5)
[Ek maak onder andere van Timothy Keller se boek Encounters with Jesus gebruik.]
In die Johannes-evangelie lees ons van ‘n hele aantal ontmoetings wat Jesus met individue gehad het. In hulle antwoord Hy van die groot lewensvrae. Hier gaan dit oor Jesus se ontmoetings met Nikodemus en die Samaritaanse vrou. Die vraag wat ons uit hierdie twee ontmoetings gaan antwoord, is: Wat is verkeerd met die wêreld soos dit tans is?
Wat het ons uit hierdie twee ontmoetings geleer? Nikodemus en die Samaritaanse vrou is sondaars en het genade nodig – so ook almal van ons. Jesus sê almal van ons het lewende water nodig en moet weer gebore word. Waar begin jy? Berou oor jou sonde, jy moet jou behoefte aan genade erken; jy moet God vertrou. Jy moet bekeer word.
Dit is nie genoeg om ‘n goeie lewe te lei nie. Jesus moet die middelpunt van ons lewens word. Al is ek ‘n goeie mens, maar ek laat nie toe dat God God kan wees – ook in my lewe – nie, is ek net so skuldig soos Nikodemus en die Samaritaanse vrou.
Wat is die oplossing? Hou op om na allerhande “verlossers” te soek – hulle is slegs pseudo-verlossers. As ek geld/besittings/ my werk … as my verlosser beskou en dit misluk, het ek geen hoop meer nie. Hoekom? Want net Jesus Christus is my ware Verlosser.
Die volgende ontmoeting waarna ons gaan kyk is Jesus se ontmoeting met die twee hartseer susters: Marta en Maria.
Ontmoetings met Jesus: Die lid van die binnekring en die uitgeworpene (4)
Compassion, in which all ethics must take root, can only attain its full breadth and depth if it embraces all living creatures and does not limit itself to mankind. -Albert Schweitzer, filosoof, geneesheer, musikus en Nobel pryswenner (1875-1965)
Ontmoetings met Jesus: Die lid van die binnekring en die uitgeworpene (4)
[Ek maak onder andere van Timothy Keller se boek Encounters with Jesus gebruik.]
In die Johannes-evangelie lees ons van ‘n hele aantal ontmoetings wat Jesus met individue gehad het. In hulle antwoord Hy van die groot lewensvrae. Hier gaan dit oor Jesus se ontmoetings met Nikodemus en die Samaritaanse vrou. Die vraag wat ons uit hierdie twee ontmoetings gaan antwoord, is: Wat is verkeerd met die wêreld soos dit tans is?
Nikodemus is ‘n belangrike man: hy is godsdienstig, hy is ‘n Fariseër en hy is ‘n leier – ‘n lid van die Joodse Raad. Hy is amper die direk teenoorgestelde van die Samaritaanse vrou. Teenoor die vrou begin Jesus stadig. Hy konfronteer haar nie sommer onmiddellik met haar geestelike behoefte nie. Met Nikodemus is Jesus meer direk.
Hy spreek Jesus eerbiedig aan as RABBI. Hy sê dat hy baie goeie dinge van Jesus gehoor het. Maar Jesus konfronteer hom onmiddellik: As iemand nie opnuut gebore word nie, kan hy die koninkryk van God nie sien nie. Nikodemus is verbaas. Hy aanbid God immers volgens die streng Joodse tradisie; hy is suksesvol, gedissiplineerd, godsdienstig. Jesus hanteer sy selftevredenheid. Jesus sê: “Kyk jy het niks met jou geboorte te doen gehad nie. So is dit met hierdie nuwe geboorte wat jy nodig het. Verlossing is deur genade en jy speel geen rol daarin nie.” Almal is in dieselfde posisie; almal doen sonde; almal is verlore; almal moet voor begin.
Hoe kan Jesus so iets sê? Want Hy werk op ‘n dieper verstaan van sonde as mense. Die vrou – meeste mense sal verstaan as Jesus haar as ‘n sondaar sien – maar Nikodemus? Hoe kan Jesus sê dat hy eintlik niks gedoen het om sy plek in die hemel te verdien nie? Die probleem is dat ons onsself in God se plek stel en ons eie verlosser word. Om myself in God se plek te stel, is die Bybelse definisie van sonde. Nou tree ons op asof ons goeie lewe en prestasies vereis dat God ons seën en ons gebede beantwoord soos jy dit wil hê. Ons sê dat ons God vertrou, maar wil darem ons eie bydrae ook lewer vir ons verlossing.
Volgende keer gaan ons Jesus se ontmoetings met Nikodemus en die Samaritaanse vrou saamvat.